လံာ်ယံးရမံယၤ 22:2 - Sgaw Karen Common Bible

² ဒီးဖဲန့ၣ်မၢယတဲဘၣ်စီၤပၤ, အပဒိၣ်ပပှၢ်တဖၣ်, ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢကဒိကနၣ်တၢ်လၢယွၤစံးတ့ၢ်ဝဲန့ၣ်လီၤ.

လံာ်ယံးရမံယၤ 22:2 Iomraidhean Croise

လံာ်စီၤပၤအခီၣ်ထံးတဘ့ၣ် 22:19

စီၤမံၤကါယၤစံးအါထီၣ်ကဒီးဝဲ, “ခဲအံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်တ့ၢ်ယွၤဆ့ၣ်နီၤဝဲလၢအလီၢ်ပစိာ်အဖီခိၣ်လၢမူခိၣ်, အိၣ်ဒီးကယဲၢ်ကလူးခဲလၢာ်ဆၢထၢၣ်လၢအကပၤလီၤ.

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်ယၡါယၤ 28:14

ခဲအံၤ, သုဝဲလၢအပာ်ထီၣ်ထီအသးဒီးပၢတၢ်ဖဲအံၤလၢဝ့ၢ် ယရူၤၡလ့ၣ်အပှၤဂီၢ်မုၢ်အဖီခိၣ်သ့ၣ်ဧၢ, ဒိကနၣ်တၢ်လၢယွၤစံး ဝဲန့ၣ်တက့ၢ်.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယံးရမံယၤ 19:3

ယွၤတဲဘၣ်ယၤလၢယကစံး, “ကီၢ်ယူဒၤအစီၤပၤတဖၣ်ဒီး ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးကတိၤအီၤန့ၣ်တက့ၢ်. ယကဒုးလီၤဘၣ်တၢ်တတၢးတနါဒ်န့ၣ်အသိးလၢတၢ်လီၢ်အံၤအလိၤ, ဒ်သိးပှၤကိးဂၤဒဲးလၢအနၢ်ဟူဘၣ်တၢ်ဂ့ၢ်အံၤအသးကလီၤ ကတုၤဝဲန့ၣ်လီၤ.

လံာ်ယံးရမံယၤ 22:1

ယွၤတဲဘၣ်ယၤလၢယကလဲၤဆူစီၤဒၤဝံးအစၢၤအသွဲၣ်, ကီၢ်ယူဒၤအစီၤပၤ, အနူၢ်အစီၤန့ၣ်လီၤ.

လံာ်ယံးရမံယၤ 22:4

သုမ့ၢ်မၤဒ်ယမၤလိာ်တ့ၢ်သုနီၢ်နီၢ်ဒီး, စီၤဒၤဝံးအစၢၤ အသွဲၣ်တဖၣ်ကမ့ၢ်ဒံးဒၣ်စီၤပၤတဖၣ်ဆူညါပှီၢ်ပှီၢ်န့ၣ်လီၤ. ဒီးအဝဲသ့ၣ်, ဃုာ်ဒီးအပဒိၣ်ပပှၢ်တဖၣ်ဒီးအပှၤဂီၢ် မုၢ်တဖၣ်ကနုာ်က့ၤဟးထီၣ်ဒံးဒၣ်လၢနူၢ်ဧိၤစီၤဧိၤအံၤအတြဲၤ တဖၣ်လၢလ့ၣ်ကဟၣ်တဖၣ်အပူၤဒီးလၢကသ့ၣ်တဖၣ်အဖီခိၣ်န့ၣ်လီၤ.

လံာ်ယံးရမံယၤ 29:20

ကယဲၢ်သုဝဲလၢ ယဆှၢဃီၤအီၤဆူ တၢ်စိာ်မၢကဲကုၢ် အလီၢ်လၢ ကီၢ်ဘၤဘူၤလိၣ်အပူၤသ့ၣ်ဧၢ, ဒိကနၣ်တၢ်လၢယၤ, ယွၤ, စံးဝဲန့ၣ်တက့ၢ်.’

လံာ်ယံးရမံယၤ 34:2

ယွၤ, အံၣ်စရ့လးအကစၢ်ယွၤ, တဲဘၣ်တ့ၢ်ယၤ လၢ ယကလဲၤဒီးစံးဘၣ်ကီၢ်ယူဒၤအစီၤပၤ စီၤ စံးဒကံယၤဒ်အံၤ, “ယၤ, ယွၤအံၤ, ယကဟ့ၣ်လီၤကွံာ် ဝ့ၢ်အံၤဆူကီၢ်ဘၤဘူၤလိၣ်အစီၤပၤအစုပူၤ, ဒီးအဝဲဒၣ် ကဒွဲၣ်အူကွံာ်အီၤလီၤ.

လံာ်ယံးရမံယၤ 36:30

လၢတၢ်န့ၣ်အဃိအခဲအံၤ, ယၤ, ယွၤအံၤ, စံးဘၣ်နၤ, စီၤပၤယဟိၤယါကံၣ်, လၢနစၢၤနသွဲၣ်တအိၣ်လၢၤဘၣ်နီတဂၤ လၢကပၢဘၣ်စီၤဒၤဝံးအဘီအမုၢ်န့ၣ် နီတစုဘၣ်. နစိၣ်ကဘၣ်တၢ်ကွံာ်လီၤကွံာ်အီၤလၢ တၢ်လီၢ်ဖဲလၢ တၢ်ကိၢ်ကဘၣ်အီၤလၢ မုၢ်ဆါခီဒီး ပစီၤပၤထံလီၤသကၤကဘၣ်အီၤလၢ မုၢ်နၤခီန့ၣ်လီၤ.

လံာ်ယံးရမံယၤ 7:2

အဝဲတဲဘၣ်ယၤလၢယကဆၢထၢၣ်ဖဲန့ၣ်ဒီးဘိးဘၣ်သ့ၣ်ညါ တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤအဲၣ်ဒိးစံး ဘၣ်တ့ၢ်အဝဲသ့ၣ်, န့ၣ်လီၤ.

လံာ်ယဃ့းစက့လး 34:7

ခဲကနံၣ်အံၤ, သုဝဲပှၤကွၢ်သိတဖၣ်ဧၢ, ဒိကနၣ်တၢ်လၢယၤ, ယွၤကတဲသုန့ၣ်တက့ၢ်.

လံာ်ဧၤမိၣ် 7:16

ဒီးခဲကနံၣ်အံၤကနၣ်ယွၤအကလုၢ်တက့ၢ်. နတဲယၤလၢယကဘၣ်ဆိကတီၢ်တၢ်ကတိၤလၢဝံအကျိာ်ထီဒါ အံၣ်စရ့လး, ဒီးဆိကတီၢ်တၢ်စံၣ်တဲၤတဲလီၤထီဒါစီၤအံၤစဲး အပှၤဟံၣ်ဖိလီၤ.

လံာ်လူၤကၣ် 1:32

အဝဲဒၣ်ကမ့ၢ်ပှၤအဒိၣ်ကစၢ်ယွၤတဂၤဒီးကဘၣ်တၢ်ကိးအီၤလၢ ယွၤလၢအမ့ၢ်တၢ်ထီကတၢၢ်တဂၤအဖိခွါလီၤ. ယွၤကစၢ်ယွၤကဒုးကဲအီၤလၢစီၤပၤဒ်ပှၤလၢအဝဲဒၣ်ဟဲလီၤစၢၤ ဝဲလၢအီၤ, စီၤဒၤဝံးတဂၤအသိး