လံာ်ယံးရမံယၤ 22:18 - Sgaw Karen Common Bible

¹⁸ လၢတၢ်န့ၣ်အဃိ, ယွၤကတိၤတၢ်ဘၣ်ဃးစီၤယိၤၡံယၤအဖိခွါ, ကီၢ်ယူဒၤအစီၤပၤစီၤယဟိၤယါကံၣ်အဂ့ၢ်ဒီးစံးဝဲ, “ပှၤတသူၣ်အုးသးအုးလၢအဝဲ အတၢ်သံအဃိဒီးစံး, တၢ်နးဒိၣ်မးလဲၣ် ယတံၤသကိးဧၢ, တၢ်နးဒိၣ်မးလဲၣ်, နီတဂၤဘၣ်. ပှၤတဟီၣ်တယၢၤလၢအဃိဒီးကိးထီၣ်, ယကစၢ်ဧၢ, ယစီၤပၤဧၢ, နီတဂၤဘၣ်.

လံာ်ယံးရမံယၤ 22:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:26

ယသူၣ်အုးသးအုးလၢနဃိ, ယဒီပုၢ်ဝဲၢ်စီၤယိနၤသၣ်ဧၢ, နလီၤအဲၣ်လၢယဂီၢ်ဒိၣ်မးလဲၣ်. နတၢ်အဲၣ်လၢယဂီၢ်လီၤလးနးလဲၣ်. ဂ့ၤန့ၢ်ဒိၣ်န့ၢ်ဒံးပိာ်မုၣ်တဖၣ်အတၢ်အဲၣ်တက့ၢ်လီၤ.

လံာ်စီၤပၤအခီၣ်ထံးတဘ့ၣ် 13:30

အဝဲခူၣ်လီၤကွံာ်တၢ်စိၣ်န့ၣ်လၢအဒူၣ်ဖိထၢဖိအတၢ်သွၣ်ခိၣ် အပူၤဒီးအဝဲဒီးအဖိခွါတဖၣ်ဘၣ်မိၢ်ဘၣ်မးလၢအဃိဒီးစံးဝဲ, “ဒီပုၢ်ဝဲၢ်ခွါဧၢ, ယဒီပုၢ်ဝဲၢ်ခွါဧၢ,” န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:36

စီၤယဟိယါကံၣ်အသးအိၣ်ခံဆံယဲၢ်နံၣ်ဖဲအဝဲကဲထီၣ်ကီၢ်ယူဒၤ အစီၤပၤအဆၢကတီၢ်ဒီးအဝဲပၢတၢ်လၢဝ့ၢ်ယရူၤရှလ့ၣ်အပူၤတဆံ တနံၣ်န့ၣ်လီၤ. အဝဲအမိၢ်မ့ၢ်ဝဲနီၢ်စဘူဒၤ, စီၤပဒါယၤလၢဝ့ၢ်ရူမၤအဖိမုၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:6

ကစၢ်မုၣ်အၡ့ရၤအတၢ်ပနီၣ်လၢအအိၣ်လၢယွၤအတၢ်လုၢ်ဟံၣ်အပူၤန့ၣ်, အဝဲသုးကွံာ်ဝဲဒီးစိာ်ထီၣ်ဝဲဆူဝ့ၢ်အချၢဆူကံဒြိၣ်အတၢ်တြီၤပူၤ, ဒွဲၣ်အူထီၣ်ကွံာ်ဝဲ, တိၢ်လီၤကမူၣ်ဝဲတုၤအကဲထီၣ်ချါဖၣ်ဆါ ဒီးဖှံလီၤဝဲလၢကမျၢၢ်အတၢ်သွၣ်ခိၣ်အဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 24:6

စီၤယဟိၤယါကံၣ်သံဝဲ, ဒီးအဖိခွါစီၤယဟိၤယါခံၣ်ကဲထီၣ်စီၤ ပၤလၢအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:15

စီၤယိၤၡံယၤအိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤယိဃၤ နၤ, စီၤယဟိယါကံၣ်, စီၤစံးဒကံယၤဒီးစီၤယဟိအါဃးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:25

ဝံယံးရမံယၤကွဲးထုးထီၣ်ထါသးသယုၢ်တၢ်တယုၢ်လၢစီၤပၤယိၤ ၡံယၤအဂီၢ်န့ၣ်လီၤ. တၢ်န့ၣ်ကဲထီၣ်တၢ်လုၢ်တၢ်လၢ်တမံၤလၢကီၢ်အံၣ်စရ့လးအပူၤ, လၢပှၤသးဝံၣ်တၢ်ဖိပိာ်ခွါတဖၣ်ဒီးပိာ်မုၣ်တဖၣ်အဂီၢ်လၢကသူ ထါသးဝံၣ်အံၤဖဲအဝဲသ့ၣ်ဟီၣ်တၢ်ယၢၤတၢ်လၢအဝဲအဂီၢ်န့ၣ်လီၤ. တၢ်သးဝံၣ်အံၤဘၣ်တၢ်ထံၣ်န့ၢ်အီၤလၢလံာ်သးသယုၢ်တၢ်တဖၣ်အတၢ်ပာ် ဖှိၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:5

စီၤယဟိယါကံၣ်အသးအိၣ်ခံဆံယဲၢ်နံၣ်ဖဲအဝဲကဲထီၣ်ကီၢ်ယူဒၤ အစီၤပၤ, ဒီးအဝဲပၢတ့ၢ်တၢ်ဖဲဝ့ၢ်ယရူၤရှလ့ၣ်တဆံတနံၣ်န့ၣ်လီၤ. အဝဲမၤတၢ်ဒဲးဘးထီဒါယွၤအကစၢ်ယွၤန့ၣ်လီၤ.

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်ယံးရမံယၤ 16:6

ပှၤထူးပှၤတီၤဒီးပှၤဖှီၣ်ဖိယာ်ဖိကသံလၢထံကီၢ်အံၤအပူၤ, ဘၣ်ဆၣ် ပှၤတခူၣ်လီၤအဝဲသ့ၣ်မ့ၢ်ဂ့ၤ, ဟီၣ်တၢ်ယၢၤတၢ်လၢအဝဲသ့ၣ်အဂီၢ် မ့ၢ်ဂ့ၤနီတဂၤဘၣ်. ပှၤတဂဲာ်လီၤအသးမ့ၢ်ဂ့ၤ, လူၤအခိၣ်လၢတၢ်ဒုးနဲၣ်အတၢ်သးအုးအဃိမ့ၢ်ဂ့ၤနီတဂၤဘၣ်.

လံာ်ယံးရမံယၤ 21:11

ယွၤတဲဘၣ်ယၤလၢယကဟ့ၣ်တၢ်ကစီၣ်အံၤ ဆူကီၢ်ယူဒၤအစီၤပၤအပှၤဟံၣ်ဖိလၢအဟဲလီၤစၢၤလီၤသွဲၣ်လၢ စီၤဒၤဝံးအအိၣ်န့ၣ်လီၤ.

လံာ်ယံးရမံယၤ 22:10

ကီၢ်ယူဒၤအပှၤဂီၢ်မုၢ်သ့ၣ်ဧၢ, ဟီၣ်တၢ်ယၢၤတၢ်လၢစီၤပၤ စီၤယိၤၡံယၤအဂီၢ်တဂ့ၤ. သူၣ်အုးသးအုးလၢအဝဲအတၢ်သံအဃိန့ၣ်တဂ့ၤ. မ့မ့ၢ်တခီ, ဟီၣ်နးနးကလဲာ်လၢအဝဲအဖိခွါ စီၤယဟိအါဃးအဃိန့ၣ်တက့ၢ်. အဝဲသ့ၣ်က့ၤစိာ်ကွံာ်အီၤလံ. တဟဲက့ၤနီတဘျီလၢၤဘၣ်ဒီးတထံၣ်ဘၣ်လၢၤထံကီၢ်လၢအဝဲ အိၣ်ဖျဲၣ်ထီၣ်ဝဲန့ၣ်နီတစုလၢၤဘၣ်.

လံာ်ယံးရမံယၤ 22:12

အဝဲဒၣ်ကသံလၢထံကီၢ်လၢပှၤလဲၤစိာ်ကွံာ်အီၤအပူၤ, ဒီးအဝဲဒၣ်တထံၣ်ဘၣ်ကဒီးထံကီၢ်အံၤနီတစုလၢၤဘၣ်.”

လံာ်ယံးရမံယၤ 34:5

နကသံဘၣ် မုာ်မုာ်ခုၣ်ခုၣ်ဒီး ဒ်ပှၤဂီၢ်မုၢ်ဆိၣ်ကဲၤ တၢ်နၢမူဖဲ အဝဲသ့ၣ် ခူၣ်လီၤကွံာ်ပၢ်ဖးဒိၣ်လၢပျၢၤ တဖၣ်ပှၤတဖၣ်လၢ အမ့ၢ်တ့ၢ်စီၤပၤ တဖၣ်လၢနမဲာ် ညါအသိးန့ၣ်, အဝဲသ့ၣ်ကဆိၣ်ကဲၤတၢ်နၢမူလၢ နဂီၢ် လၢကျဲဒ်န့ၣ်အသိးစ့ၢ်ကီးလီၤ. အဝဲသ့ၣ်ကဟီၣ်တၢ်ယၢၤ တၢ်လၢနဃိဒီး စံးဝဲလၢ ပစီၤပၤအံၤသံလံ, န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 36:30

လၢတၢ်န့ၣ်အဃိအခဲအံၤ, ယၤ, ယွၤအံၤ, စံးဘၣ်နၤ, စီၤပၤယဟိၤယါကံၣ်, လၢနစၢၤနသွဲၣ်တအိၣ်လၢၤဘၣ်နီတဂၤ လၢကပၢဘၣ်စီၤဒၤဝံးအဘီအမုၢ်န့ၣ် နီတစုဘၣ်. နစိၣ်ကဘၣ်တၢ်ကွံာ်လီၤကွံာ်အီၤလၢ တၢ်လီၢ်ဖဲလၢ တၢ်ကိၢ်ကဘၣ်အီၤလၢ မုၢ်ဆါခီဒီး ပစီၤပၤထံလီၤသကၤကဘၣ်အီၤလၢ မုၢ်နၤခီန့ၣ်လီၤ.