လံာ်ယံးရမံယၤ 22:17 - Sgaw Karen Common Bible

¹⁷ မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်ယံးရမံယၤ 22:17 Iomraidhean Croise

လံာ်စီၤပၤအခီၣ်ထံးတဘ့ၣ် 21:19

တဲဘၣ်အီၤလၢယၤ, ယွၤစံးဘၣ်အီၤ, ဖဲနမၤသံကွံာ်ပှၤတဂၤဝံၤ အလီၢ်ခံန့ၣ်, မ့ၢ်နကဟံးန့ၢ်ကွံာ်အတၢ်စုလီၢ်ခီၣ်ခိၣ်စ့ၢ်ကီးဧါ. တဲဘၣ်အီၤလၢအအံၤမ့ၢ်တၢ်လၢယစံးန့ၣ်တက့ၢ်. ဖဲတၢ်လီၢ်တတီၤဃီလၢထွံၣ်တဖၣ်လ့ၣ်ကွံာ်စီၤနၤဘိးအသွံၣ်န့ၣ် အဝဲသ့ၣ်ကလ့ၣ်ထီၣ်ကွံာ်နသွံၣ်စ့ၢ်ကီးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 23:37

ပိာ်ထွဲထီၣ်အပၢ်လၢပျၢၤတဖၣ်အဒိအတဲာ်အခံန့ၣ်, စီၤယဟိၤယါကံၣ်မၤတ့ၢ်တၢ်ဒဲးဘးထီဒါယွၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:8

ကယဲၢ်တၢ်လၢစီၤယဟိယါကံၣ်မၤတ့ၢ်ဝဲ, ဃုာ်ဒီးအဝဲ အတၢ်မၤလၢအလီၤသးဘၣ်အၢတဖၣ်ဒီးတၢ်အၢတၢ်သီလၢအဝဲမၤတ့ၢ်ဝဲ န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးဒီးကီၢ်ယူဒၤ အစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ. အဝဲအဖိခွါစီၤယဟိယါခံၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤယိၤဘး 31:7

ယခီၣ်ခါမ့ၢ်ဃၣ်ကွံာ်အသးလၢကျဲအတီဒီးယသးမ့ၢ်ကတၢ ထွဲယမဲာ်ချံအတၢ်ထံၣ်ဒီးယစုမ့ၢ်ဘၣ်အၢလၢတၢ်ဒဲးဘးန့ၣ်ဒီး,

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

တၢ်ကတိၤဒိ. 24:2

အဝဲသ့ၣ်ခဲလၢာ်ဆိကမိၣ်ဒၣ်ထဲကဒုးအိၣ်ထီၣ်တၢ်ကီတၢ်ခဲလီၤ. ဖဲအဝဲသ့ၣ်ကတိၤတၢ်တဘျီလၢ်လၢ်န့ၣ်, ပှၤတဂၤဂၤကဘၣ်ဒိဘၣ်ထံး ဝဲန့ၣ်လီၤ.

လံာ်ယၡါယၤ 56:11

အဝဲသ့ၣ်လီၤဂာ်ဒီးထွံၣ်တဖၣ်လၢသးကွံတၢ်အီၣ်ဒီးအီၣ်တၢ် တလၢအီၣ်နီတစုဘၣ်န့ၣ်လီၤ. ခိၣ်နၢ်တဖၣ်အံၤအတၢ်သ့ၣ်ညါ နၢ်ပၢၢ်တအိၣ်ဘၣ်. အဝဲသ့ၣ်ကိးဂၤဒဲးမၤတၢ်ဒ်တၢ်သးအိၣ် ဒၣ်ဝဲအသိးဒီးဃုအဘျုးဒၣ်ဝဲန့ၣ်လီၤ.

လံာ်ယံးရမံယၤ 17:11

ပှၤတဂၤလၢအမၤန့ၢ်စ့လၢတၢ်တတီတလိၤအပူၤန့ၣ်, လီၤဂာ်ဒ်ထိၣ်တဘ့ၣ်လၢအဟုဒံၣ်တဖၣ်လၢ အဝဲတဒံၣ်လီၤဝဲဘၣ်အသိးန့ၣ်လီၤ. လၢတၢ်အိၣ်မူအသးအနံၣ်အလါအဂ့ၤကတၢၢ်အကတီၢ်န့ၣ်, အတၢ်ထူးတၢ်တီၤတဖၣ်ကလီၤမၢ်န့ၢ်အီၤဒီးလၢအကတၢၢ်န့ၣ် အဝဲတမ့ၢ်တၢ်နီတမံၤလၢၤဘၣ်, ဒီးမ့ၢ်ဒၣ်ပှၤဟးဂီၤဖိတဂၤန့ၣ်လီၤ.

လံာ်ယံးရမံယၤ 19:4

ယကမၤတၢ်အံၤမ့ၢ်လၢပှၤဂီၢ်မုၢ်လဲၤသဒၣ်ယၤဒီးမၤဘၣ်အၢဘၣ်သီ တ့ၢ်တၢ်လီၢ်အံၤခီဖျိအလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဖဲအံၤ ဆူကစၢ်အဂၤတဖၣ်အအိၣ်, ကစၢ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤမ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤ, တသ့ၣ်ညါတ့ၢ်ဝဲလၢအဂ့ၢ်နီ တမံၤဘၣ်အဃိန့ၣ်လီၤ. အဝဲသ့ၣ်မၤပှဲၤတၢ်လီၢ်အံၤဒီးပှၤလၢ အတၢ်ကမၣ်တအိၣ်တဖၣ်အသွံၣ်,

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 6:13

ပှၤကိးဂၤဒဲးဆံးမ့ၢ်ဂ့ၤ, ဒိၣ်မ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်လီၤ.

လံာ်ယံးရမံယၤ 6:6

ယွၤသ့တၢ်လၢာ်ဟ့ၣ်လီၤတ့ၢ်အကလုၢ်လၢစီၤပၤတဖၣ်အံၤကကူာ် လီၤသ့ၣ်တဖၣ်ဒီးမၤထီၣ်စိဟီၣ်ခိၣ်တဖၣ်လၢတၢ်ဝီၤတရံးဒုး ဝ့ၢ်ယရူၤရှလ့ၣ်အဂီၢ်န့ၣ်လီၤ. အဝဲစံးတ့ၢ်ဝဲ, “ယကစံၣ်ညီၣ်ဝ့ၢ်အံၤ မ့ၢ်လၢဝ့ၢ်အံၤပှဲၤဝဲဒီးတၢ်မၤအၢမၤနးအဃိလီၤ.

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 19:6

ဖဲအဒိၣ်တုာ်လံန့ၣ်, အဝဲဟးဝ့ၤဝီၤစီၤဖီၣ်အီၣ်တၢ်ဒီးခ့ယုၢ် အဂၤတဖၣ်န့ၣ်လီၤ. အဝဲစ့ၢ်ကီးမၤလိန့ၢ်ကဘၣ်ဖီၣ်န့ၢ်တၢ်မံၤလာ်ဒ်လဲၣ်ဒီးကဲထီၣ် ပှၤတဂၤလၢအအီၣ်ပှၤကညီန့ၣ်လီၤ.

လံာ်ယဃ့းစက့လး 19:7

အဝဲမၤဟးဂီၤကွံာ်တိာ်ဧိၤတာ်ဧိၤတဖၣ်, အဝဲမၤဟးဂီၤဝ့ၢ် တဖၣ်န့ၣ်လီၤ. ပှၤဂီၢ်မုၢ်လၢကီၢ်ပူၤတဖၣ်ပျံၤတၢ်ဖုးတၢ်တဘျီ လၢ်လၢ်ဖဲအဝဲကညီၤထီၣ်တၢ်န့ၣ်လီၤ.

လံာ်ယဃ့းစက့လး 19:9

အဝဲသ့ၣ်ဒၢနုာ်အီၤဆူကပိၤတဖျၢၣ်အပူၤဒီးက့ၤစိာ်အီၤဆူ ကီၢ်ဘၤဘူၤလိၣ်အစီၤပၤအအိၣ်န့ၣ်လီၤ. အဝဲသ့ၣ်ပာ်အီၤလၢပှၤ ခိးတၢ်ဖိအစုပူၤမ့ၢ်ဒ်သိးအဝဲအတၢ်ကညီၤထီၣ်သုတဘၣ်တၢ်နၢ် ဟူကဒီးလၢကီၢ်အံၣ်စရ့လးအတၢ်လူၢ်တဖၣ်အဒီခိၣ်နီ တစုလၢၤတဂ့ၤန့ၣ်လီၤ.

လံာ်ယဃ့းစက့လး 22:6

ကယဲၢ်ကီၢ်အံၣ်စရ့လးအခိၣ်အနၢ်ခဲလၢာ်နာ်န့ၢ်လီၤအဂံၢ်အဘါဒၣ် ဝဲဒီးမၤသံတၢ်န့ၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်မံကၤ 3:10

သုသူၣ်ထီၣ်ကစၢ်ယွၤအဝ့ၢ်ယရူၤၡလ့ၣ်လၢတၢ်မၤသံမၤဝီ ဒီးတၢ်စံၣ်ညီၣ်လီအခီၣ်ထံးအဖီခိၣ်လီၤ.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

ရိမ့ၤ 1:29

အဝဲသ့ၣ်လၢပှဲၤဝဲဒီးတၢ်လၢအအၢအသီအကလုာ် ကလုာ်, တၢ်အၢတၢ်သီ, တၢ်သူၣ်လီသးကွံဒီးတၢ်လုၢ်အၢလၢ်သီ တဖၣ်န့ၣ်လီၤ. အဝဲသ့ၣ်လၢပှဲၤဝဲဒီးတၢ်သူၣ်က့ၣ်သးကါ, တၢ်မၤသံပှၤကညီ, တၢ်အ့ၣ်လိာ်ဆိးက့, တၢ်လီတၢ်ဝ့ၤဒီးတၢ်ဆၢအၢဆၢသီတဖၣ်န့ၣ်လီၤ.

1 ကရံၣ်သူး 6:10

မ့တမ့ၢ်ဟုၣ်တၢ်, မ့တမ့ၢ်သးကွံတလၢတၢ်, မ့တမ့ၢ်အီသံးအီဂာ်, မ့တမ့ၢ်ကတိၤသီၣ်ဝံသဲကလၤတၢ်လၢပှၤဂၤ အဂ့ၢ်, မ့တမ့ၢ်တမျိးတမျာ်တဖၣ်, ပှၤသ့ၣ်တဖၣ်အံၤတဒိးန့ၢ်ယွၤအဘီအမုၢ်နီတဂၤဘၣ်.

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

လံာ်စီၤယိၤၡူ 7:21

တၢ်လၢပဂုာ်န့ၢ်အကျါ, ယထံၣ်ဘၣ်ဆ့ကၤဘၤဘူၤလိၣ်လၢအဃံလၤတဘ့ၣ်, ဒီးစ့ညၣ်လီၤတယၢၢ်အဘးခံကယၤ, ဒီးထူတဘိလၢအ လီၤတယၢၢ်အဘးယဲၢ်ဆံဒီးယသးလီဘၣ်အီၤဒိၣ်မးတုၤဒၣ်လဲာ်ယဟံး န့ၢ်ဘၣ်အီၤန့ၣ်လီၤ. နကထံၣ်ဘၣ်တၢ်သ့ၣ်တဖၣ်အံၤလၢအဘၣ်တၢ်ခူၣ်လီၤဃာ်အီၤလၢဟီၣ်ခိၣ် လာ်လၢယဒဲပူၤဒီးစ့န့ၣ်အိၣ်ဝဲလၢအဖီလာ်ကတၢၢ်လီၤ.”

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 8:3

ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.