လံာ်ယံးရမံယၤ 22:12 - Sgaw Karen Common Bible

¹² အဝဲဒၣ်ကသံလၢထံကီၢ်လၢပှၤလဲၤစိာ်ကွံာ်အီၤအပူၤ, ဒီးအဝဲဒၣ်တထံၣ်ဘၣ်ကဒီးထံကီၢ်အံၤနီတစုလၢၤဘၣ်.”

လံာ်ယံးရမံယၤ 22:12 Iomraidhean Croise

လံာ်စီၤပၤခံဘ့ၣ်တဘ့ၣ် 23:29

ဖဲစီၤယိၤၡံယၤမ့ၢ်စီၤပၤအခါန့ၣ်, ကီၢ်အဲၤကူပတူးအစီၤပၤ နကိၤဆှၢဃီၤသုးမုၢ်တဖုဆူထံကျိဖရၤသးလၢကမၤစၢၤကီၢ်အၤ ၡူၢ်အစီၤပၤအဂီၢ်န့ၣ်လီၤ. စီၤယိၤၡံယၤဂုာ်ကျဲးစၢးတြီပှၤအဲၤကူပတူးဖိအသုးမုၢ်ဖဲ ဝ့ၢ်မကံးဒိၤဒီးဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:34

စီၤပၤနကိးဒုးကဲထီၣ်စီၤယိၤၡံယၤအဖိခွါစီၤအ့ၤလယါကံၣ် လၢကီၢ်ယူဒၤအစီၤပၤဒ်ပှၤထီၣ်က့ၤစီၤယိၤၡံယၤအလီၢ်အသိး, ဒီးလဲလိာ်ကွံာ်ဝဲအမံၤဆူစီၤယဟိၤယါကံၣ်န့ၣ်လီၤ. စီၤယဟိအါဃးဘၣ်တၢ်က့ၤကိးအီၤဆူကီၢ်အဲၤကူပတူးလၢစီၤ ပၤနကိၤဒီးသံဝဲဖဲန့ၣ်လီၤ.

လံာ်ယံးရမံယၤ 22:18

လၢတၢ်န့ၣ်အဃိ, ယွၤကတိၤတၢ်ဘၣ်ဃးစီၤယိၤၡံယၤအဖိခွါ, ကီၢ်ယူဒၤအစီၤပၤစီၤယဟိၤယါကံၣ်အဂ့ၢ်ဒီးစံးဝဲ, “ပှၤတသူၣ်အုးသးအုးလၢအဝဲ အတၢ်သံအဃိဒီးစံး, တၢ်နးဒိၣ်မးလဲၣ် ယတံၤသကိးဧၢ, တၢ်နးဒိၣ်မးလဲၣ်, နီတဂၤဘၣ်. ပှၤတဟီၣ်တယၢၤလၢအဃိဒီးကိးထီၣ်, ယကစၢ်ဧၢ, ယစီၤပၤဧၢ, နီတဂၤဘၣ်.

လံာ်ယံးရမံယၤ 22:27

သုကဆၢထံၣ်ဘၣ်က့ၤကဒီးထံကီၢ်အံၤတဘျီ, ဘၣ်ဆၣ်ဒီးသု တဟဲက့ၤဘၣ်နီတစုလၢၤဘၣ်.”

လံာ်ယံးရမံယၤ 42:18

ယွၤ, အံၣ်စရ့လး အကစၢ်ယွၤစံးဝဲ, ‘ဒ်ယတၢ်သးဒိၣ်ဒီး သးကဲၤထီၣ် တဖၣ်ဘၣ်တၢ်လူလီၤဂၢ်လီၤအီၤလၢဝ့ၢ်ယရူၤၡလ့ၣ်အပှၤဂီၢ်မုၢ် အဖီခိၣ်အသိးန့ၣ်, သုမ့ၢ်လဲၤဆူ ကီၢ်အဲၤကူပတူးဒီး ယတၢ်သးကဲၤ ထီၣ်ကဘၣ်တၢ်လူလီၤဂၢ်လီၤအီၤလၢ သုဖီခိၣ်န့ၣ်လီၤ. ပှၤကွၢ်သုဒီး သုကလီၤပျံၤလီၤဖုးဒိၣ်မးလီၤ. ပှၤဂီၢ်မုၢ်ကမၤ သုကလိာ်ကလာ်ဒီး သုမံၤန့ၣ် ဒ်တၢ်ဘၣ်ဆိၣ်အၢတမံၤ အသိးန့ၣ်လီၤ. သုတထံၣ်ဘၣ်က့ၤကဒီးတၢ်လီၢ်အံၤ နီတစုလၢၤဘၣ်.’ ”

လံာ်တၢ်ဘူၣ်ထီၣ်ဘါထီၣ် 26:38

သုကသံလၢသုဒုၣ်သုဒါအကီၢ်ပူၤ ဒီးသုကဘၣ်တၢ်ခူၣ်လီၤကွံာ်သုလၢသုဒုၣ်သုဒါအကီၢ်ပူၤန့ၣ်လီၤ.