လံာ်ယံးရမံယၤ 22:11 - Sgaw Karen Common Bible

¹¹ ယွၤစံးတၢ်ဘၣ်ဃးဒီးစီၤယိၤၡံယၤအဖိခွါစီၤယဟိအါဃးလၢ အထီၣ်က့ၤအပၢ်အလီၢ်ဒ်ကီၢ်ယူဒၤအစီၤပၤအသိးအဂ့ၢ်ဒ်အံၤ, “အဝဲဟးထီၣ်လၢတၢ်လီၢ်ဖဲအံၤဒီးတဟဲက့ၤကဒါက့ၤနီတစုလၢၤဘၣ်.

လံာ်ယံးရမံယၤ 22:11 Iomraidhean Croise

လံာ်စီၤပၤခံဘ့ၣ်တဘ့ၣ် 23:29

ဖဲစီၤယိၤၡံယၤမ့ၢ်စီၤပၤအခါန့ၣ်, ကီၢ်အဲၤကူပတူးအစီၤပၤ နကိၤဆှၢဃီၤသုးမုၢ်တဖုဆူထံကျိဖရၤသးလၢကမၤစၢၤကီၢ်အၤ ၡူၢ်အစီၤပၤအဂီၢ်န့ၣ်လီၤ. စီၤယိၤၡံယၤဂုာ်ကျဲးစၢးတြီပှၤအဲၤကူပတူးဖိအသုးမုၢ်ဖဲ ဝ့ၢ်မကံးဒိၤဒီးဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:30

အဝဲသုးခိၣ်သုးနၢ်တဖၣ်ပာ်ထီၣ်အစိၣ်လၢလ့ၣ်ကဟ့ၣ်ပူၤဒီးဟဲ က့ၤစိာ်က့ၤအီၤဆူဝ့ၢ်ယရူၤရှလ့ၣ်ဖဲအဝဲဘၣ်တၢ်ခူၣ်လီၤကွံာ် အီၤလၢစီၤပၤအတၢ်သွၣ်ခိၣ်အပူၤန့ၣ်လီၤ. ကီၢ်ယူဒၤအပှၤဂီၢ်မုၢ်ဃုထၢထီၣ်စီၤယိၤၡံယၤအဖိခွါစီၤ ယဟိအါဃးဒီးဖှူအီၤဒ်စီၤပၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:31

စီၤယဟိအါဃးအသးအိၣ်ဝဲခံဆံသၢနံၣ်ဖဲအဝဲကဲထီၣ်ကီၢ်ယူ ဒၤအစီၤပၤဒီးအဝဲပၢတၢ်လၢဝ့ၢ်ယရူၤရှလ့ၣ်အပူၤသၢလါန့ၣ် လီၤ. အဝဲအမိၢ်မ့ၢ်ဝဲနီၢ်ဃမူတလး, စီၤယံးရမံယၤလၢဝ့ၢ်လံးဘနၤ အဖိမုၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:34

စီၤပၤနကိးဒုးကဲထီၣ်စီၤယိၤၡံယၤအဖိခွါစီၤအ့ၤလယါကံၣ် လၢကီၢ်ယူဒၤအစီၤပၤဒ်ပှၤထီၣ်က့ၤစီၤယိၤၡံယၤအလီၢ်အသိး, ဒီးလဲလိာ်ကွံာ်ဝဲအမံၤဆူစီၤယဟိၤယါကံၣ်န့ၣ်လီၤ. စီၤယဟိအါဃးဘၣ်တၢ်က့ၤကိးအီၤဆူကီၢ်အဲၤကူပတူးလၢစီၤ ပၤနကိၤဒီးသံဝဲဖဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:15

စီၤယိၤၡံယၤအိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤယိဃၤ နၤ, စီၤယဟိယါကံၣ်, စီၤစံးဒကံယၤဒီးစီၤယဟိအါဃးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:12

ကလံၤစိးအဘီမုၢ်အပှၤတူၢ်ဒိၣ်ကီၤဒိၣ်လွံၢ်ဂၤလၢအမ့ၢ်, စီၤယိဃၤနၣ်အဖိခွါစီၤဧစၤရယၤ, စီၤမၤၡံးလ့မိးအဖိခွါ စီၤဘရ့ကံယၤ, စီၤၡၤလူၣ်အဖိခွါစီၤယဃံးစကံယၤဒီးစီၤဃၤဒလဲအဖိခွါ စီၤဧမါစၤသ့ၣ်တဖၣ်စ့ၢ်ကီး, ထီဒါတၢ်ဖံးတၢ်မၤတဖၣ်လၢသုးမုၢ်မၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:22

တုၤစီၤပၤဟ့ၣ်လီၤအကလုၢ်န့ၣ်, စီၤဃံးလကံယၤဒီးပှၤအဂၤတဖၣ် လဲၤဝဲဒ်သိးကသံကွၢ်သံဒိးတၢ်လၢပှၤပိာ်မုၣ်တဂၤလၢအမံၤမ့ၢ် ဝဲနီၢ်ဃူလဒါအအိၣ်န့ၣ်လီၤ. အဝဲမ့ၢ်ဝံမုၣ်တဂၤလၢအအိၣ်ဆိးဝဲလၢဝ့ၢ်ယရူၤၡလ့ၣ်အတၢ်လီၢ် အသီတတီၤန့ၣ်လီၤ (အဝဲအဝၤစီၤၡၣ်လူၣ်လၢအမ့ၢ်စီၤတံးကဝၤအဖိခွါဒီး စီၤယၤစရၤအလံၤခွါန့ၣ်မ့ၢ်ပှၤပၢၤယွၤအတၢ်လုၢ်ဟံၣ် အဆ့ကၤဖးထီတဖၣ်န့ၣ်လီၤ.) အဝဲသ့ၣ်ပာ်ဖျါန့ၢ်အီၤတၢ်လၢအမၤတ့ၢ်အသး,

လံာ်ယံးရမံယၤ 22:27

သုကဆၢထံၣ်ဘၣ်က့ၤကဒီးထံကီၢ်အံၤတဘျီ, ဘၣ်ဆၣ်ဒီးသု တဟဲက့ၤဘၣ်နီတစုလၢၤဘၣ်.”

လံာ်စဖါနယၤ 1:1

အအံၤမ့ၢ်တၢ်ကစီၣ်လၢယွၤဟ့ၣ်လီၤတ့ၢ်စီၤစဖါနယၤဖဲစီၤအၤမိၣ် အဖိခွါ, ကီၢ်ယူဒၤအစီၤပၤစီၤပၤယိၤၡံယၤပၢတၢ်အကတီၢ်န့ၣ်လီၤ. (စီၤစဖါနယၤမ့ၢ်ပှၤလီၤစၢၤလၢစီၤပၤဃံးစကံယၤ, စီၤအမၤရယၤ, စီၤကဒါလယၤဒီးစီၤကူၤၡံန့ၣ်လီၤ.)