လံာ်ယံးရမံယၤ 22:10 - Sgaw Karen Common Bible

¹⁰ ကီၢ်ယူဒၤအပှၤဂီၢ်မုၢ်သ့ၣ်ဧၢ, ဟီၣ်တၢ်ယၢၤတၢ်လၢစီၤပၤ စီၤယိၤၡံယၤအဂီၢ်တဂ့ၤ. သူၣ်အုးသးအုးလၢအဝဲအတၢ်သံအဃိန့ၣ်တဂ့ၤ. မ့မ့ၢ်တခီ, ဟီၣ်နးနးကလဲာ်လၢအဝဲအဖိခွါ စီၤယဟိအါဃးအဃိန့ၣ်တက့ၢ်. အဝဲသ့ၣ်က့ၤစိာ်ကွံာ်အီၤလံ. တဟဲက့ၤနီတဘျီလၢၤဘၣ်ဒီးတထံၣ်ဘၣ်လၢၤထံကီၢ်လၢအဝဲ အိၣ်ဖျဲၣ်ထီၣ်ဝဲန့ၣ်နီတစုလၢၤဘၣ်.

လံာ်ယံးရမံယၤ 22:10 Iomraidhean Croise

လံာ်စီၤပၤခံဘ့ၣ်တဘ့ၣ် 22:20

ဒီးတၢ်စံၣ်ညီၣ်လၢယကဒုးလီၤဘၣ်အီၤလၢဝ့ၢ်ယရူၤၡလ့ၣ်အ လိၤန့ၣ်, တချုးလၢနသံဝံၤဒံးဘၣ်န့ၣ်, တလီၤဘၣ်ဝဲဘၣ်. ယကပျဲနသံနဲမုာ်မုာ်န့ၣ်လီၤ.” ပှၤတဖၣ်န့ၣ်က့ၤကဒါက့ၤဆူစီၤပၤယိၤၡံယၤအအိၣ်, အိၣ်ဃုာ်ဒီးတၢ်ကစီၣ်အံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:29

ဖဲစီၤယိၤၡံယၤမ့ၢ်စီၤပၤအခါန့ၣ်, ကီၢ်အဲၤကူပတူးအစီၤပၤ နကိၤဆှၢဃီၤသုးမုၢ်တဖုဆူထံကျိဖရၤသးလၢကမၤစၢၤကီၢ်အၤ ၡူၢ်အစီၤပၤအဂီၢ်န့ၣ်လီၤ. စီၤယိၤၡံယၤဂုာ်ကျဲးစၢးတြီပှၤအဲၤကူပတူးဖိအသုးမုၢ်ဖဲ ဝ့ၢ်မကံးဒိၤဒီးဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:4

စီၤပၤနကိၤဒုးကဲထီၣ်စီၤယဟိအါဃးအဒီပုၢ်ဝဲၢ်ခွါစီၤအ့ လယါကံၣ်လၢကီၢ်ယူဒၤအစီၤပၤ, ဒီးလဲလိာ်ကွံာ်ဝဲအမံၤဆူစီၤယဟိ ယါကံၣ်န့ၣ်လီၤ. စီၤယဟိအါဃးဘၣ်တၢ်က့ၤကိးအီၤဆူ ကီၢ်အဲၤကူပတူးလၢစီၤပၤနကိၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:2

ယသူၣ်က့ၣ်သးကါဘၣ်ပှၤတဖၣ်လၢအသံဒီးက့ၤတ့ၢ်လံန့ၣ်လီၤ. တၢ်မၤအသးလၢအဝဲသ့ၣ်အဂီၢ်ဂ့ၤဒိၣ်န့ၢ်ဒံးပှၤလၢအအိၣ်မူဒံး တဖၣ်တက့ၢ်လီၤ.

လံာ်ယၡါယၤ 57:1

ပှၤအဂ့ၤတဖၣ်သံဝဲ, ဒီးပှၤတသ့ၣ်ညါနၢ်ပၢၢ်ဒီးပာ်သူၣ်ပာ်သး လၢအဂ့ၢ်နီတဂၤဒၣ်လဲာ်ဘၣ်. ဘၣ်ဆၣ်ဖဲအဝဲသ့ၣ်သံဝဲန့ၣ်, တၢ်တတၢးတနါမၤဘၣ်ဒိဘၣ်ထံးအဝဲသ့ၣ်တသ့နီတမံၤဘၣ်.

လံာ်ယံးရမံယၤ 16:7

ပှၤတအီၣ်ဃုာ်တၢ်မ့ၢ်ဂ့ၤ, အီဃုာ်တၢ်မ့ၢ်ဂ့ၤနီတဂၤဒီးပှၤတဂၤ ဂၤလၢတၢ်မၤမုာ်ထီၣ်က့ၤအဂီၢ်ဖဲပှၤလၢအအဲၣ်ဝဲတဂၤသံန့ၣ်ဘၣ်. လၢပှၤတဂၤလၢအပၢ်သံအဃိမ့ၢ်ဂ့ၤ, အမိၢ်သံအဃိမ့ၢ်ဂ့ၤအဂီၢ်ဒၣ် လဲာ်, ပှၤတဒုးနဲၣ်အတၢ်သူၣ်ဘၣ်ဒိသးဘၣ်ထံးနီတဂၤဘၣ်.

လံာ်ယံးရမံယၤ 22:11

ယွၤစံးတၢ်ဘၣ်ဃးဒီးစီၤယိၤၡံယၤအဖိခွါစီၤယဟိအါဃးလၢ အထီၣ်က့ၤအပၢ်အလီၢ်ဒ်ကီၢ်ယူဒၤအစီၤပၤအသိးအဂ့ၢ်ဒ်အံၤ, “အဝဲဟးထီၣ်လၢတၢ်လီၢ်ဖဲအံၤဒီးတဟဲက့ၤကဒါက့ၤနီတစုလၢၤဘၣ်.

လံာ်ယံးရမံယၤ 22:18

လၢတၢ်န့ၣ်အဃိ, ယွၤကတိၤတၢ်ဘၣ်ဃးစီၤယိၤၡံယၤအဖိခွါ, ကီၢ်ယူဒၤအစီၤပၤစီၤယဟိၤယါကံၣ်အဂ့ၢ်ဒီးစံးဝဲ, “ပှၤတသူၣ်အုးသးအုးလၢအဝဲ အတၢ်သံအဃိဒီးစံး, တၢ်နးဒိၣ်မးလဲၣ် ယတံၤသကိးဧၢ, တၢ်နးဒိၣ်မးလဲၣ်, နီတဂၤဘၣ်. ပှၤတဟီၣ်တယၢၤလၢအဃိဒီးကိးထီၣ်, ယကစၢ်ဧၢ, ယစီၤပၤဧၢ, နီတဂၤဘၣ်.

လံာ်ယံးရမံယၤ 22:27

သုကဆၢထံၣ်ဘၣ်က့ၤကဒီးထံကီၢ်အံၤတဘျီ, ဘၣ်ဆၣ်ဒီးသု တဟဲက့ၤဘၣ်နီတစုလၢၤဘၣ်.”

လံာ်ယံးရမံယၤ 25:27

အန့ၣ်ဝံၤဒီး, ယွၤစံးဘၣ်ယၤ, “တဲဘၣ်ပှၤဂီၢ်မုၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယမၤလိာ်အဝဲသ့ၣ် လၢကအီဝဲတုၤ အဝဲသ့ၣ်မူၤဒီးဘှီးဝဲ, တုၤလၢအလီၤဃံၤဒီး ဆၢထၢၣ်က့ၤတန့ၢ်လၢၤဘၣ်, လၢတၢ်ဒုးလၢ ယဆှၢလီၤထီဒါအဝဲသ့ၣ်အဃိန့ၣ်လီၤ.

လံာ်ယံးရမံယၤ 28:4

စီၤယဟိၤယါကံၣ် အဖိခွါ ကီၢ်ယူဒၤအစီၤပၤစီၤယဟိၤယါခံၣ်, ဃုာ်ဒီးကီၢ်ယူဒၤအပှၤဂီၢ်မုၢ်ခဲလၢာ်လၢ အဘၣ်တၢ်စိာ်မၢကဲကုၢ်အီၤဆူ ကီၢ်ဘၤဘူၤလိၣ်အပူၤန့ၣ် ယကဟဲက့ၤစိာ်ကဒါက့ၤစ့ၢ် ကီးအီၤန့ၣ်လီၤ. သပှၢ်ကတၢၢ်, ယကမၤဟးဂီၤကွံာ်ကီၢ်ဘၤဘူၤလိၣ် အစီၤပၤအစိကမီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 42:18

ယွၤ, အံၣ်စရ့လး အကစၢ်ယွၤစံးဝဲ, ‘ဒ်ယတၢ်သးဒိၣ်ဒီး သးကဲၤထီၣ် တဖၣ်ဘၣ်တၢ်လူလီၤဂၢ်လီၤအီၤလၢဝ့ၢ်ယရူၤၡလ့ၣ်အပှၤဂီၢ်မုၢ် အဖီခိၣ်အသိးန့ၣ်, သုမ့ၢ်လဲၤဆူ ကီၢ်အဲၤကူပတူးဒီး ယတၢ်သးကဲၤ ထီၣ်ကဘၣ်တၢ်လူလီၤဂၢ်လီၤအီၤလၢ သုဖီခိၣ်န့ၣ်လီၤ. ပှၤကွၢ်သုဒီး သုကလီၤပျံၤလီၤဖုးဒိၣ်မးလီၤ. ပှၤဂီၢ်မုၢ်ကမၤ သုကလိာ်ကလာ်ဒီး သုမံၤန့ၣ် ဒ်တၢ်ဘၣ်ဆိၣ်အၢတမံၤ အသိးန့ၣ်လီၤ. သုတထံၣ်ဘၣ်က့ၤကဒီးတၢ်လီၢ်အံၤ နီတစုလၢၤဘၣ်.’ ”

လံာ်ယံးရမံယၤ 44:14

ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီးဟဲဆူကီၢ် အဲၤကူပတူးလၢ ကအိၣ်ကဆိးဝဲအဂီၢ်တဖၣ်, တထူၣ်ဖျဲး ဘၣ်မ့ၢ်ဂ့ၤ, တအိၣ်မူလီၤတဲာ်ဘၣ်မ့ၢ်ဂ့ၤ, နီတဂၤဘၣ်. အဝဲသ့ၣ်တက့ၤကဒါက့ၤဘၣ် ဆူကီၢ်ယူဒၤ, ဖဲအဝဲသ့ၣ်သးအိၣ် အိၣ်ဆိးကဒီၤဘၣ်ဝဲန့ၣ်, နီတဂၤဘၣ်. မ့တမ့ၢ်ဘၣ်လၢ ပှၤဃ့ၢ်ပူၤဖျဲးအသးစှၤဂၤဘၣ်ဒီး, ပှၤတက့ၤကဒါက့ၤဘၣ် နီတဂၤဘၣ်.”

လံာ်သးသယုၢ်တၢ် 4:9

ပှၤလၢအသံတ့ၢ်လၢတၢ်ဒုးတၢ်ယၤအပူၤတဖၣ်ဂ့ၤဒိၣ်န့ၢ်ဒံးပှၤ အသံတ့ၢ်လၢခံတဖၣ်, လၢအသၣ်ဝံၤလီၤဒိကယီကယီဆူတၢ်သံန့ၣ်လီၤ. အဂ့ၢ်ဒ်အံၤ, တၢ်အီၣ်တအိၣ်ဘၣ်လၢကဒုးမူအီၤအဂီၢ်ဘၣ်.

လံာ်လူၤကၣ် 23:28

ယ့ၣ်ၡူးဃၣ်ဃီၤအသးဆူအဝဲသ့ၣ်အအိၣ်ဒီးစံးဝဲ, “ယရူၤၡလ့ၣ်အဖိမုၣ်သ့ၣ်ဧၢ, ဟီၣ်လၢယဃိတဂ့ၤ. မ့မ့ၢ်ဟီၣ်လၢသုဃိဒၣ်သုဝဲဒီးလၢသုဖိသုလံၤတဖၣ် အဃိန့ၣ်တက့ၢ်.