လံာ်ယံးရမံယၤ 21:2 - Sgaw Karen Common Bible

² “ဝံသးစူၤကတိၤတၢ်ဒီးယွၤလၢပဂီၢ်တက့ၢ်. အဂ့ၢ်ဒ်အံၤ, ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအဝဲအသုးမုၢ် ကဝီၤဃာ်ဝ့ၢ်လံ. ဘၣ်တဘၣ်ယွၤကမၤတၢ်လီၤလးအါမံၤ အကျါတမံၤလၢပဂီၢ်ဒီးမၢဆူၣ်စီၤနဘူၤကးန့စၢ်လၢအဂုၤ က့ၤဆူအလီၢ်ခံန့ၣ်လီၤ.”

လံာ်ယံးရမံယၤ 21:2 Iomraidhean Croise

လံာ်တၢ်ကဲထီၣ်အခီၣ်ထံး 10:10

လၢအခီၣ်ထံးန့ၣ်ဝ့ၢ်ဘၤဘူၤလိၣ်, ဝ့ၢ်အ့ရ့း, ဝ့ၢ်အးကး, ဝ့ၢ်သၢဖျၢၣ်လိာ်အိၣ်တပူၤဃီလၢကီၢ်ဘၤဘူၤလိၣ်အပူၤဒီးမ့ၢ် အဝဲအဘီအမုၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:3

ဘၣ်ဆၣ်ဒီးယွၤအကလူးတဂၤမၤလိာ်စီၤအ့ၤလံယၤ, ဝံတဂၤလၢဝ့ၢ်တံးၡဘးဒ်သိးကလဲၤသဂၢၢ်စီၤပၤအဃၤစယၤအပှၤစိာ် တၢ်ကစီၣ်တဖၣ်ဒီးသံကွၢ်အဝဲသ့ၣ်, “ဘၣ်မနုၤလၢသုကဘၣ်လဲၤဃ့တၢ်ဟ့ၣ်ကူၣ်လၢပှၤဧ့ကြိၣ်အကစၢ် ဘဧၤလးစဘူာ်န့ၣ်လဲၣ်. မ့ၢ်သုဆိကမိၣ်လၢကစၢ်တအိၣ်ဘၣ်နီတဂၤလၢကီၢ်အံၣ်စရ့လးအပူၤ အဃိန့ၣ်ဧါ.

လံာ်စီၤပၤခံဘ့ၣ်တဘ့ၣ် 17:24

ကီၢ်အၤၡူၢ်အစီၤပၤဖးဒိၣ်ကိးန့ၢ်ပှၤဂီၢ်မုၢ်လၢကီၢ်ဘၤဘူၤလိၣ်အဝ့ၢ်တဖၣ်, လၢအမ့ၢ်ဝဲကူသး, ဧးဝါ, ဃမါသးဒီးစဖါရဝံၣ်အပူၤဒီးပာ်လီၤ န့ၢ်အတၢ်အိၣ်တၢ်ဆိးအလီၢ်လၢၡၤမရံအဝ့ၢ်တဖၣ်အပူၤ, လၢပှၤအံၣ်စရ့လးဖိလၢတၢ်စိာ်မၢကဲကုၢ်ကွံာ်အီၤတဖၣ်အလီၢ်န့ၣ်လီၤ. အဝဲသ့ၣ်ဟံးန့ၢ်ဝ့ၢ်တဖၣ်အံၤဒီးအိၣ်ဝဲဆိးဝဲဖဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:21

ယွၤဆှၢလီၤအကလူးတဂၤလၢအမၤသံကွံာ်ကီၢ်အၤၡူၢ်အသုးဖိ တဖၣ်ဒီးအသုးခိၣ်သုးနၢ်တဖၣ်န့ၣ်လီၤ. လၢတၢ်န့ၣ်အဃိကီၢ်အၤၡူၢ်အစီၤပၤဖးဒိၣ်က့ၤကဒါက့ၤဆူ ကီၢ်အၤၡူၢ်လၢတၢ်မဲာ်ဆှးအပူၤန့ၣ်လီၤ. ဘၣ်မုၢ်တနံၤဖဲ အဝဲအိၣ်လၢအကစၢ်အတၢ်လုၢ်ဟံၣ်အပူၤအခါန့ၣ်, အဝဲအဖိခွါတနီၤမၤသံကွံာ်အီၤလၢအဝဲသ့ၣ်အနးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 9:28

ဒီးဃ့ကညးယွၤတက့ၢ်. အဂ့ၢ်ဒ်အံၤလီသီၣ်ဒီးသူၣ်လီၤန့ၣ်အါ လံလၢပဂီၢ်လံ. ဒီးယအၢၣ်လီၤလၢယကပျၢ်သုဒီးသုတအိၣ်တဆိးဘၣ် ဖဲအံၤလၢၤဘၣ်.”

လံာ်ယၡါယၤ 48:2

အန့ၣ်ဒၣ်လဲာ်, သုပာ်ကဖၢလၢလီၤသုသးလၢသုကစံး လၢသုမ့ၢ်ဝ့ၢ်စီဆှံအထံဖိကီၢ်ဖိတဖၣ် ဒီးလၢသုသန့ၤသုသးလၢ ကီၢ်အံၣ်စရ့လးအကစၢ်ယွၤလၢ အမံၤမ့ၢ်ဝဲသ့တၢ်လၢာ်အယွၤအဂီၢ်န့ၣ်လီၤ.

လံာ်ယံးရမံယၤ 15:11

ယွၤဧၢ, ယမ့ၢ်တမၤတ့ၢ်နတၢ်မၤဂ့ၤဂ့ၤဘၣ်ဘၣ်, ယမ့ၢ်တဃ့ သကွံာ်ကညးတ့ၢ်နၤလၢယဒုၣ်ယဒါတဖၣ်အခၢၣ်စးဖဲအဝဲသ့ၣ် အိၣ်လၢတၢ်ကီတၢ်ခဲဒီးတၢ်ဘၣ်ကိၢ်ဘၣ်ဂီၤအကတီၢ်ဘၣ်န့ၣ်ဘၣ်ဒီး, မ်အဝဲသ့ၣ်အတၢ်ဆိၣ်အၢခဲလၢာ်ကလၢထီၣ်ပှဲၤထီၣ်ဒၣ်ဝဲတက့ၢ်.

လံာ်ယံးရမံယၤ 21:3

အန့ၣ်ဒီးယွၤကတိၤတၢ်ဒီးယၤဒီးမၢယတဲဘၣ်ပှၤလၢအဘၣ်တၢ် မၢလီၤအီၤဆူယအိၣ်တဖၣ်လၢ,

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယံးရမံယၤ 34:1

ယွၤကတိၤတ့ၢ်တၢ်ဒီးယၤ, ဖဲကီၢ်ဘၤဘူၤလိၣ် အစီၤပၤနဘူၤကးန့စၢ်ဒီး အသုးမုၢ်, လၢအဘၣ် တၢ်မၤစၢၤအီၤလၢ ထံကီၢ်တဖၣ်ဒီး ပှၤကလုာ်ခဲ လၢာ်လၢ အဝဲပၢဘၣ်ဝဲ အသုးဖိတဖၣ်, လဲၤထီၣ် ဒုးဝ့ၢ်ယရူၤၡလ့ၣ်ဒီး အဝ့ၢ်အိၣ်ဘူးအိၣ်တံၢ်တဖၣ် အခါန့ၣ်လီၤ.

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 37:7

ယကစံးဘၣ်စီၤစံးဒကံယၤဒ်အံၤ, “ကီၢ်အဲၤကူပတူး အသုးမုၢ်ဟဲထီၣ်လံလၢ ကမၤစၢၤနၤအဂီၢ်လံ, ဘၣ်ဆၣ်ဒီး ကက့ၤကဒါက့ၤ ဆူအကီၢ်ဒၣ်ဝဲလီၤ.

လံာ်ယဃ့းစက့လး 7:26

တၢ်တတၢးတနါတမံၤကပိာ်ထွဲထီၣ်အဂၤတမံၤအခံ, ဒီးတၢ်သးအုးအကစီၣ်ကတုၤအိၣ်သုတထံၣ်ဃီလီၤ. သုကဃ့ကညးဝံတဖၣ်လၢကလီၣ်ဖျါန့ၢ်သုတၢ်လၢအဝဲသ့ၣ်ထံၣ် ဆိဝဲလီၤ. ပှၤလုၢ်တၢ်အခိၣ်တဖၣ်ကသိၣ်လိပှၤဂီၢ်မုၢ်အဂီၢ် တၢ်တအိၣ်ဒီးအီၤနီတမံၤဘၣ်, ဒီးပှၤသးပှၢ်တဖၣ်တမ့ၢ်ကအိၣ်ဒီးတၢ်ဟ့ၣ်ကူၣ်လၢကဟ့ၣ်ဝဲနီတမံၤဘၣ်.

လံာ်ပှၤစံၣ်ညီၣ်ကွီၢ် 20:27

ကစၢ်ယွၤအတၢ်အၢၣ်လီၤအီၤလီၤအတလါအိၣ်ဖဲဘ့ၤသ့လး လၢမုၢ်နံၤတဖၣ်န့ၣ်အပူၤဒီးစီၤအၤဟရိၣ်အလံၤ, စီၤအလၤဧစၢ်အဖိခွါစီၤဖံနဃၤကဲခိၣ်ကဲနၢ်ကွၢ်ထွဲအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:22

အဝဲသ့ၣ်သံကွၢ်ယွၤ, “မ့ၢ်ပှၤအဂၤအိၣ်တဂၤဂၤဒံးဧါ.” ယွၤစံးဆၢဝဲဒၣ်, “စီၤစီလူးအိၣ်ဖဲန့ၣ်ဒီးအိၣ်ခူသူၣ်လၢ တၢ်ဖိတၢ်လံၤအကျါလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:15

စီၤၡမူၤအ့လးစံးဘၣ်စီၤစီလူး, “ဘၣ်မနုၤနမၤတံာ်တာ်ယၤလဲၣ်. ဘၣ်မနုၤနမၢယဟဲက့ၤလဲၣ်.” စီၤစီလူးစံးဆၢဝဲဒၣ်, “ယအိၣ်လၢတၢ်ကီတၢ်ခဲဖးဒိၣ်အပူၤလီၤ. ပှၤဖလ့ၡသးဖိတဖၣ်ဒုးတၢ်ဒီးယၤလီၤ. ဒီးကစၢ်ယွၤတကနၣ်ဃုာ်ယၤဘၣ်. အဝဲတစံးဆၢယၤခီဖျိ ဝံမ့ၢ်ဂ့ၤ, တၢ်မံမီၢ်မ့ၢ်ဂ့ၤနီတစဲးလၢၤဘၣ်. လၢတၢ်န့ၣ်အဃိ ယကိးနၤလၢနကတဲဘၣ်ယၤ, လၢကဘၣ်မၤမနုၤလဲၣ်အဂ့ၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.