လံာ်ယံးရမံယၤ 21:13 - Sgaw Karen Common Bible

¹³ နဲဒၣ်, ဝ့ၢ်ယရူၤၡလ့ၣ်ဧၢ, နဆ့ၣ်နီၤနဲလၢတၢ်လီၢ်ထီၣ်ထီလၢ တၢ်လူၢ်တၢ်တြီၤအဖီခိၣ်, လီၤဂာ်ဒ်လၢၢ်တဖျၢၣ်လၢအအိၣ်ထီၣ် ထီလၢပျီတဘ့ၣ်အဖီခိၣ်အသိးန့ၣ်လီၤ. ဘၣ်ဆၣ်ဒီးယကဒုးတၢ်ထီဒါ နၤလီၤ. နစံးလၢပှၤဟဲထီၣ်ဒုးနၤမ့ၢ်ဂ့ၤ, ပှၤဟဲနုာ်ခီဖျိနတၢ်ပၢၢ် ဆၢအလီၢ်တဖၣ်မ့ၢ်ဂ့ၤ, တသ့နီတဂၤဘၣ်.

လံာ်ယံးရမံယၤ 21:13 Iomraidhean Croise

စံးထီၣ်ပတြၢၤ 125:2

ဒ်ကစၢၢ်ကလိတဖၣ်အိၣ်ဝးတရံး ယရူၤၡလ့ၣ်အသိးန့ၣ်, ယွၤအိၣ်ဝးတရံးအပှၤဂီၢ်မုၢ် တုၤအံၤဆူညါအစိၤစိၤအဃၣ်ဃၣ်လီၤ.

လံာ်တၢ်ဟးထီၣ်ကွံာ် 13:20

ပှၤအံၣ်စရ့လးဖိတဖၣ်ဟးထီၣ်လၢဝ့ၢ်စူးကိၤသးဒီးသူၣ်လီၤအဒဲ တဖၣ်ဖဲဝ့ၢ်အ့သၣ်လၢပှၢ်မုၢ်ကနၢအဃၢၤန့ၣ်လီၤ.

လံာ်တၢ်ဟးထီၣ်ကွံာ် 13:8

ဖဲဘူၣ်စးထီၣ်န့ၣ်, တဲနၢ်ပၢၢ်သုဖိခွါတဖၣ်လၢသုမၤတၢ်အံၤ န့ၣ်မ့ၢ်လၢယွၤမၤတ့ၢ်တၢ်လၢသုဂီၢ်ဖဲသုဟးထီၣ်လၢကီၢ်အဲၤ ကူပတူးအဃိန့ၣ်တက့ၢ်.

လံာ်ယၡါယၤ 22:1

အအံၤမ့ၢ်တၢ်ကစီၣ်တခါဘၣ်ဃးဒီးတၢ်ထံၣ်လၢညါခီ အကစၢၢ်ကဆူးအဂ့ၢ်န့ၣ်လီၤ. တၢ်မနုၤမၤအသးန့ၣ်လဲၣ်. ဘၣ်မနုၤအဃိပှၤလၢဝ့ၢ်ပူၤတဖၣ် မၤမူးသးခုလၢအဟံၣ်တဖၣ်အခိၣ်ဒုးအဖီခိၣ်န့ၣ်လဲၣ်.

လံာ်ယံးရမံယၤ 17:3

ဒီးလၢကစၢၢ်တဖၣ်အဒီခိၣ်ဖဲကီၢ်အတၢ်လီၤပျီအပူၤန့ၣ်လီၤ. ယကမၢသုဒုၣ်သုဒါတဖၣ်စိာ်ကွံာ်သုတၢ်ထူးတၢ်တီၤဒီးသု တၢ်လုၢ်ဒိၣ်ပှ့ၤဒိၣ်တဖၣ်, လၢတၢ်ဒဲးဘးခဲလၢာ်လၢသုမၤတ့ၢ် သကုၤသုထံသုကီၢ်အဃိန့ၣ်လီၤ.

လံာ်ယံးရမံယၤ 21:5

ယကဒုးတၢ်ထီဒါနၤလၢယဂံၢ်ယဘါခဲလၢာ်, လၢယတၢ်သးဒိၣ် ယတၢ်သးဖျိးဒီးယတၢ်သးကဲၤထီၣ်အပူၤန့ၣ်လီၤ.

လံာ်ယံးရမံယၤ 49:16

နတၢ်ပာ်ကဖၢလၢနသးလီန့ၢ်နၤလီၤ. ပှၤတပျံၤဘၣ်နၤနီတဂၤ, ထဲသိးနဆိကမိၣ်လၢ အဝဲသ့ၣ်ကပျံၤဝဲန့ၣ်ဘၣ်. နအိၣ်နဆိးလၢ လ့ကဘျၣ်တဖၣ်အဖီခိၣ်အိၣ်ထီၣ်ထီဝဲလၢ ကစၢၢ်ဒီခိၣ် အလိၤန့ၣ်လီၤ. ဘၣ်ဆၣ်ဒီး, နမ့ၢ်အိၣ်မ့ၢ်ဆိးထီၣ်ထီထဲသိးဒီး လံာ်ကြီကြာ်ဒၣ်လဲာ်န့ၣ်, ယွၤကထုးလီၤကွံာ်နၤလီၤ. ယွၤကတိၤလံတၢ်လံ.”

လံာ်ယံးရမံယၤ 50:31

ကီၢ်ဘၤဘူၤလိၣ်ဧၢ, နပှဲၤဒီးတၢ်ပာ်ထီၣ်ထီနသးလီၤ. လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်ထီဒါနၤလီၤ. တၢ်ဆၢကတီၢ်ဟဲတုၤလံလၢယဂီၢ်လၢယကစံၣ်ညီၣ်နၤန့ၣ်လီၤ.

လံာ်ယံးရမံယၤ 51:25

ကီၢ်ဘၤဘူၤလိၣ်ဧၢ, နမၤနသးဒ်ကစၢၢ်တဖျၢၣ်လၢ အမၤဟးဂီၤဟီၣ်ခိၣ်ဒီဘ့ၣ်, ဘၣ်ဆၣ်ယၤ, ယွၤအံၤ, မ့ၢ်နဒုၣ်နဒါန့ၣ်လီၤ. ယကဟံးဃာ်နၤ, တလ့ၣ်လီၤနၤလၢ တၢ်လီၢ်ထီၣ်ထီဆူဟီၣ်ခိၣ်အလိၤ, ဒီးဒုးကဲထီၣ်နၤလၢဖၣ် ဆါန့ၣ်လီၤ.

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်သးသယုၢ်တၢ် 4:12

ပှၤအိၣ်လၢတၢ်လီၢ်တပူၤဂ့ၤတပူၤဂ့ၤ, ပှၤပၢတၢ်လၢတခီဘီ မုၢ်အထံကီၢ်တဖၣ်ဒၣ်လဲာ်မ့ၢ်ဂ့ၤ လၢအနာ်တ့ၢ်ဝဲလၢဒုၣ်ဒါတဖုဖုနုာ်လီၤဝ့ၢ်ယရူၤၡလ့ၣ် အတြဲၤတဖၣ်ကန့ၢ်န့ၣ်, တအိၣ်ဘၣ်.

လံာ်ယဃ့းစက့လး 13:8

လၢတၢ်န့ၣ်အဃိဒီး, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်, “သုတၢ်ကတိၤတဖၣ်န့ၣ်မ့ၢ်တၢ်လၢအတတီဘၣ်ဒီးသုတၢ်ထံၣ်လၢညါခီ သ့ၣ်တဖၣ်န့ၣ်မ့ၢ်တၢ်လီတၢ်ဝ့ၤလီၤ. ယထီဒါသုန့ၣ်လီၤ.

လံာ်ယဃ့းစက့လး 21:3

လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.

လံာ်ယဃ့းစက့လး 5:8

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်နၤလၢယမ့ၢ်နဒုၣ်နဒါလီၤ. ယကစံၣ်ညီၣ်နၤဖဲပှၤကလုာ်ခဲ လၢာ်ထံၣ်ဘၣ်ဝဲကသ့န့ၣ်လီၤ.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်နၤဃူၣ် 2:13

ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”