လံာ်ယံးရမံယၤ 21:12 - Sgaw Karen Common Bible

¹² “ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ယံးရမံယၤ 21:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤယိၤဘး 29:17

ယမၤဟးဂီၤကွံာ်ပှၤအၢပှၤသီတဖၣ်အစိကမီၤဒီးအုၣ်က့ၤခီၣ် က့ၤပှၤလၢအဝဲသ့ၣ်မၤအၢမၤနးဝဲဒၣ်တဖၣ်န့ၣ်လီၤ.

စံးထီၣ်ပတြၢၤ 101:8

ယကမၤဟးဂီၤပှၤတတီတလိၤလၢ ပကီၢ်ပူၤတနံၤဘၣ်တနံၤ ဒီးဟီထီၣ်ကွံာ်ကယဲၢ်ပှၤမၤတၢ်အၢလၢ ယွၤအဝ့ၢ်ပူၤန့ၣ်လီၤ.

လံာ်တၢ်ဟးထီၣ်ကွံာ် 18:13

လၢခံတနံၤန့ၣ်စီၤမိၤၡ့မၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်လၢပှၤဂီၢ်မုၢ်အကျါဒီးအတၢ်မၤအါဝဲစးထီၣ်လၢမုၢ်ဂီၤ တုၤလီၤလၢမုၢ်နၤတစုန့ၣ်လီၤ.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယၡါယၤ 1:31

ဒ်ဘုလီၢ်လၢမ့ၣ်အူအီၣ်အီၤခီဖျိမ့ၣ်အူဖီတဖီးအသိး, ပှၤလၢအဂံၢ်ဆူၣ်ဘါဆူၣ်တဖၣ်ကဘၣ်တၢ်မၤဟးဂီၤအီၤ ခီဖျိအတၢ်မၤအအၢအသီတဖၣ်, ဒီးပှၤဆိကတီၢ်ကွံာ်တၢ်မၤ ဟးဂီၤအံၤတသ့နီတဂၤဘၣ်.

လံာ်ယၡါယၤ 7:13

ဘၣ်ဃးတၢ်အံၤန့ၣ်ဝံယၡါယၤစံးဆၢတၢ်ဒီးစံးဝဲ, “အခဲအံၤ, ဒိကနၣ်တက့ၢ်, စီၤပၤစီၤဒၤဝံးအစၢၤအသွဲၣ်သ့ၣ် ဧၢ, သုမၤလၢာ်ကွံာ်ပှၤကညီအတၢ်သးစူၤန့ၣ်အၢတ့ၢ်မးလံ. မ့ၢ်သုကမၤလၢာ်ကွံာ်ကစၢ်ယွၤအတၢ်သးစူၤစ့ၢ်ကီးဧါ.

လံာ်ယၡါယၤ 7:2

ဖဲတၢ်ကစီၣ်ဟဲတုၤဆူကီၢ်ယူဒၤအစီၤပၤအအိၣ်လၢကီၢ်စူၤရံ အသုးမုၢ်သံၣ်ဘိတဖၣ်အိၣ်တ့ၢ်လံလၢအံၣ်စရ့လးအကီၢ်ပူၤန့ၣ်, အဝဲဒီးအပှၤဂီၢ်မုၢ်တဖၣ်ပျံၤတၢ်ဒိၣ်မးတုၤဒၣ်လဲာ်အဝဲသ့ၣ် ကနိးကစုာ်ဝဲဒ်သ့ၣ်တဖၣ်ဟူးဝးလၢကလံၤအူတၢ်အဃိအသိးလီၤ.

လံာ်ယံးရမံယၤ 17:4

သုကဘၣ်ပျဲစုပျၢ်ခီၣ်ကွံာ်ထံကီၢ်လၢယဟ့ၣ်လီၤတ့ၢ်သု, ဒီးယကမၢသုမၤသုဒုၣ်သုဒါတဖၣ်အတၢ်မၤလၢကီၢ်တဘ့ၣ်လၢသု တသ့ၣ်ညါအဂ့ၢ်နီတမံၤအပူၤ, မ့ၢ်လၢယတၢ်သးဒိၣ်ထီၣ်လီၤဂာ်ဒီးမ့ၣ်အူ, ဒီးကအီၣ်တၢ်လီၤထူလီၤယိာ်အဃိန့ၣ်လီၤ.”

လံာ်ယံးရမံယၤ 21:5

ယကဒုးတၢ်ထီဒါနၤလၢယဂံၢ်ယဘါခဲလၢာ်, လၢယတၢ်သးဒိၣ် ယတၢ်သးဖျိးဒီးယတၢ်သးကဲၤထီၣ်အပူၤန့ၣ်လီၤ.

လံာ်ယံးရမံယၤ 23:19

အဝဲအတၢ်သးဒိၣ်မ့ၢ်ကလံၤမုၢ်, ကလံၤသဝံးလၢအအူတၢ်ဆူၣ်ဆူၣ် လၢပှၤအၢပှၤသီတဖၣ်အခိၣ်အဖီခိၣ်,

လံာ်ယံးရမံယၤ 23:2

တၢ်အံၤမ့ၢ်ယွၤ, အံၣ်စရ့လးအကစၢ်ယွၤစံးတၢ်ဘၣ်ဃးပှၤ ပၢတၢ်တဖၣ်လၢကြၢးကဟုကယာ်အပှၤဂီၢ်မုၢ်အဂ့ၢ်န့ၣ်လီၤ. “သုတကဟုကယာ်ယပှၤဂီၢ်မုၢ်ဘၣ်. သုမၤလီၤပြံလီၤပြါကွံာ် အဝဲသ့ၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ်လီၤ. ခဲအံၤယကစံၣ်ညီၣ်သုလၢတၢ်အၢတၢ်သီလၢသုမၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 44:22

အအံၤတနံၤအံၤဒၣ်လဲာ်, သုထံသုကီၢ်အိၣ်လီၤ တဲာ်လၢ တၢ်ဟးဂူာ်ဟးဂီၤအပူၤ, ဒီးပှၤတအိၣ်ဆိးလၢ အပူၤနီတဂၤလၢၤဘၣ်. တၢ်န့ၣ်ကဲထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီၤ ပှၤဂီၢ်မုၢ်သူအမံၤဒ်တၢ်ဆိၣ်အၢတမံၤအသိး, မ့ၢ်လၢယွၤတူၢ်သု တၢ်မၤအအၢအသီဒီး တၢ်မၤလၢ အလီၤသးဘၣ်အၢတဖၣ် တကဲလၢၤဘၣ်အဃိန့ၣ်လီၤ.

လံာ်ယံးရမံယၤ 5:14

ယွၤ, သ့တၢ်လၢာ်ကစၢ်ယွၤစံးဘၣ်တ့ၢ်ယၤ, “စီၤယံးရမံယၤဧၢ, မ့ၢ်လၢပှၤသ့ၣ်တဖၣ်အံၤစံးတ့ၢ်တၢ်ဒ်သိးအံၤအဃိ, ယတၢ်ကတိၤတဖၣ်လၢနကိာ်ပူၤန့ၣ်, ယကဒုးကဲထီၣ်အီၤဒ်မ့ၣ်အူအသိးန့ၣ်လီၤ. ပှၤဂီၢ်မုၢ်အံၤကမၤအသးဒ်သ့ၣ်မုၣ်အသိးဒီးမ့ၣ်အူကအီၣ်ကွံာ် အဝဲသ့ၣ်န့ၣ်လီၤ.”

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်ယံးရမံယၤ 7:5

လဲလိာ်ကျဲလၢသုအိၣ်မူအီၤဒီးဆိကတီၢ်မၤတၢ်တဖၣ်လၢသု မၤအီၤန့ၣ်တက့ၢ်. လၢသုတၢ်မၤဘၣ်ပှၤတဂၤဒီးတဂၤအပူၤန့ၣ် မၤအီၤတီတီတက့ၢ်.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်စဖါနယၤ 3:5

ဘၣ်ဆၣ်ယွၤအိၣ်ဒံးဝဲလၢဝ့ၢ်ပူၤ, မၤတၢ်လၢအဘၣ်ဒီးတၢ်လၢအကမၣ်န့ၣ်တမၤဝဲနီတစုဘၣ်. အဝဲဟဲစိာ်တၢ်တီတၢ်လိၤဆူအပှၤဂီၢ်မုၢ်အအိၣ်ကိးမုၢ်ဂီၤဒဲး ဒီးတလီၤတဲာ်တူာ်ဘၣ်. အန့ၣ်ဒၣ်လဲာ်ပှၤတတီတလိၤမၤဒံးတၢ် ကမၣ်ဒီးအမဲာ်တဆှးဘၣ်ဝဲဘၣ်.

လံာ်လူၤကၣ် 1:69

အဝဲဒၣ်ဒုးအိၣ်ထီၣ်တၢ်အုၣ်က့ၤခီၣ်က့ၤကစၢ် အဂံၢ်ဆူၣ်ဘါဆူၣ်တဂၤလၢပဂီၢ်, လၢအမ့ၢ် အခ့အပှၤစီၤဒၤဝံးအစၢၤအသွဲၣ်တဂၤလီၤ.

ရိမ့ၤ 13:4

အဂ့ၢ်ဒ်လဲၣ်န့ၣ်, အဝဲမ့ၢ်ကစၢ်ယွၤအခ့အပှၤလၢအမၤတၢ်လၢ သုတၢ်ဂ့ၤအဂီၢ်န့ၣ်လီၤ. ဘၣ်ဆၣ်ဒီး, သုမ့ၢ်မၤတၢ်အၢတၢ်သီဒီး ပျံၤအီၤတက့ၢ်. အဂ့ၢ်ဒ်အံၤအတၢ်စိတၢ်ကမီၤလၢကစံၣ်ညီၣ် တၢ်န့ၣ်မ့ၢ်တၢ်နီၢ်နီၢ်လီၤ. အဝဲဒၣ်မ့ၢ်ကစၢ်ကစၢ်ယွၤအခ့အပှၤ ဒီးဒုးလီၤဘၣ်ယွၤအတၢ်သးထီၣ်လၢပှၤလၢအမၤတၢ်အၢတၢ်သီ တဖၣ်အလိၤလီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.