လံာ်ယံးရမံယၤ 21:1 - Sgaw Karen Common Bible

¹ ကီၢ်ယူဒၤအစီၤပၤစီၤစံးဒကံယၤမၢလီၤစီၤမၤလကံယၤအဖိခွါ စီၤပၣ်ၡဃူၢ်ဒီးစီၤမၤစ့ယၤအဖိခွါပှၤလုၢ်တၢ်အခိၣ်စီၤစဖါနယၤဆူ ယအိၣ်, အိၣ်ဒီးတၢ်ဃ့ကညးဒ်လၢလာ်အံၤ, န့ၣ်လီၤ.

လံာ်ယံးရမံယၤ 21:1 Iomraidhean Croise

လံာ်စီၤပၤခံဘ့ၣ်တဘ့ၣ် 22:13

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢကယဲၢ်ကီၢ်ယူဒၤ အပှၤဂီၢ်မုၢ်အဂီၢ်ဘၣ်ဃးဒီးလံာ်အံၤအတၢ်သိၣ်တၢ်သီ တဖၣ်အဂ့ၢ်န့ၣ်တက့ၢ်. ယွၤအသးထီၣ်ဘၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တမၤတ့ၢ်တၢ်လၢလံာ်အံၤပာ် ဖျါဝဲလၢပကဘၣ်မၤဝဲတဖၣ်အဃိန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 3:15

စီၤယိၤၡံယၤအိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤယိဃၤ နၤ, စီၤယဟိယါကံၣ်, စီၤစံးဒကံယၤဒီးစီၤယဟိအါဃးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:12

စီၤဧဒါယၤလၢအမ့ၢ်စီၤယရိဃၣ်အဖိခွါ, လၢအပၢ်ဖးဒိၣ်လၢပျၢၤ တဖၣ်အကျါအိၣ်ဃုာ်ဒီးစီၤပၤၡဃူၢ်ဒီးစီၤမၤလကံယၤ, စီၤမၤစဲလၢအမ့ၢ်စီၤဧၤဒံၤအ့လးအဖိခွါ, လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤယၤကစ့ရၤ, စီၤမၡူလၣ်, စီၤမၡံးလ့မံးဒီးစီၤအံးမ့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

လံာ်စီၤနဃ့မယၤ 11:12

ပှၤခဲလၢာ်ဃိးကယၤခံဆံခံဂၤလၢဒူၣ်ထၢအံၤအပူၤမၤတၢ်လၢ ယွၤအတၢ်လုၢ်ဟံၣ်အပူၤန့ၣ်လီၤ. ဒီးစီၤဧၤဒါယၤလၢအမ့ၢ်စီၤယရိဃၣ်အဖိခွါဒီးစီၤပလၤလယၤ အလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်ဒီးစီၤအးမစံ, စီၤစကၤရယၤ, စီၤပၤၡဃူၢ်ဒီးစီၤမၤလကံယၤန့ၣ်လီၤ.

လံာ်ယံးရမံယၤ 29:25

အဝဲဆှၢလီၤတ့ၢ်လံာ်ပရၢတဘ့ၣ်လၢအကစၢ် ဒၣ်ဝဲအမံၤအပူၤ, ဆူကယဲၢ်ပှၤဂီၢ်မုၢ်လၢ ဝ့ၢ်ယရူၤ ရှလ့ၣ်အအိၣ်ဒီး ဆူစီၤမၤစ့ယၤအဖိခွါ ပှၤလုၢ်တၢ်အခိၣ် စီၤစဖါနယၤအအိၣ်, ဒီးဆူပှၤလုၢ်တၢ်အခိၣ်အဂၤ တဖၣ်ခဲလၢာ်အအိၣ်လီၤ. လၢလံာ်အံၤအပူၤန့ၣ်, စီၤၡမါယၤကွဲးတၢ်ဆူ စီၤစဖါနယၤအအိၣ်ဒီးစံးဝဲဒၣ်,

လံာ်ယံးရမံယၤ 29:29

စီၤစဖါနယၤဖးန့ၢ် ယၤလံာ်ပရၢန့ၣ်လီၤ, အန့ၣ်ဝံၤဒီး ယွၤစံးဘၣ်ယၤလၢ,

လံာ်ယံးရမံယၤ 35:4

ဒီးဟဲက့ၤကိးအဝဲသ့ၣ်ဆူ ယွၤအတၢ်လုၢ်ဟံၣ်အပူၤန့ၣ်လီၤ. ယကိးဃီၤအဝဲသ့ၣ်ဆူစီၤယံးကဒးလယၤ အဖိခွါဝံဃၤနၣ် အပျဲၢ်အဘီၣ်တဖၣ်အဒၢးပူၤလီၤ. ဒၢးအဝဲအံၤအိၣ်လၢ စီၤၡၤလူၣ်အဖိခွါ, ပှၤပၢၤတြဲၤအခိၣ်စီၤမၤစ့ယၤအ ဒၢးအဖီခိၣ်ဒီး အိၣ်ဘူးဒီး ပဒိၣ်ဖးဒိၣ်အဂၤတဖၣ် အဒၢးန့ၣ်လီၤ.

လံာ်ယံးရမံယၤ 37:1

ကီၢ်ဘၤဘူၤလိၣ်အစီၤပၤ နဘူးကးန့စ့ၢ်ပာ်ထီၣ်စီၤစံးဒကံယၤ လၢအမ့ၢ်စီၤယိၤၡံယၤအဖိခွါဒ် ကီၢ်ယူဒၤအစီၤပၤ အသိးလၢ စီၤယဟိၤယါခံၣ်အလီၢ်န့ၣ်လီၤ.

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 37:7

ယကစံးဘၣ်စီၤစံးဒကံယၤဒ်အံၤ, “ကီၢ်အဲၤကူပတူး အသုးမုၢ်ဟဲထီၣ်လံလၢ ကမၤစၢၤနၤအဂီၢ်လံ, ဘၣ်ဆၣ်ဒီး ကက့ၤကဒါက့ၤ ဆူအကီၢ်ဒၣ်ဝဲလီၤ.

လံာ်ယံးရမံယၤ 38:1

စီၤမးတၣ်အဖိခွါ စီၤၡဖၤတယၤ, စီၤပၣ်ၡဃူၢ်အဖိခွါ စီၤကဒါလယၤ, စီၤၡလ့မယၤ အဖိခွါ စီၤယူကၤလး, ဒီး စီၤမၤလကံယၤအဖိခွါ စီၤပၣ်ၡဃူၢ် နၢ်ဟူတၢ်လၢ ယတဲဘၣ်ပှၤဂီၢ်မုၢ်ဒ်အံၤ,

လံာ်ယံးရမံယၤ 38:14

လၢတၢ်မၤအသးအဂၤတဘျီန့ၣ်, စီၤပၤစံးဒကံယၤ မၢပှၤလဲၤကိးယၤလၢ ယကလဲၤဆူ အအိၣ်ဖဲကျဲစၢၤ လဲၤနုာ်ဆူ ယွၤအတၢ်လုၢ်ဟံၣ်အပူၤသၢပူၤတပူၤ, ဒီးအဝဲဒၣ်စံးဝဲ, “ယကသံကွၢ်နၤတၢ်သံကွၢ် တမံၤလီၤ. ဒီးယအဲၣ်ဒိးလၢနကတဲဘၣ်ယၤ တၢ်မ့ၢ်တၢ်တီလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 52:24

အါန့ၢ်အန့ၣ်, စီၤနဘူစၢ်ရဒၣ်လၢ အမ့ၢ်သုးခိၣ် ဖးဒိၣ်, စိာ်မၢကဲကုၢ် ကွံာ်ပှၤလုၢ်တၢ်အခိၣ်အဒိၣ် ကတၢၢ်စီၤစရါယၤ, ဒီးပှၤလုၢ်တၢ်အခိၣ် ခံဂၤတဂၤလၢ အမ့ၢ်စီၤစဖါနယၤ, ဒီးယွၤအတၢ်လုၢ်ဟံၣ်အပဒိၣ် ပပှၢ်လၢအကါဒိၣ်အဂၤသၢဂၤန့ၣ်လီၤ.