လံာ်ယံးရမံယၤ 20:3 - Sgaw Karen Common Bible

³ လၢခံတဂီၤ, ဖဲစီၤပၣ်ၡဃူၢ်ပျၢ်ထူၣ်ဖျဲးယၤလၢထး သွဲတဖၣ်ဝံၤအလီၢ်ခံန့ၣ်, ယစံးဘၣ်အီၤ, “ယွၤတကိးနမံၤလၢ စီၤပၣ်ၡဃူၢ်ဘၣ်. မံၤလၢအဝဲဒၣ်ဟ့ၣ်နၤန့ၣ်မ့ၢ်ဝဲ, “မၤကိၢ်မံစဘံာ်” လၢအခီပညီမ့ၢ်ဝဲ, တၢ်လီၢ်ပျံၤလီၤဖုးလၢ တၢ်လီၢ်ကိးပူၤဒဲး န့ၣ်လီၤ.”

လံာ်ယံးရမံယၤ 20:3 Iomraidhean Croise

လံာ်တၢ်ကဲထီၣ်အခီၣ်ထံး 17:15

ကစၢ်ယွၤစံးဘၣ်စီၤအၤဘြၤဟၣ်, “နတဘၣ်ကိးလၢၤနမါလၢနီၢ်စၤ ရဲလၢၤဘၣ်. စးထီၣ်ခဲအံၤဒီးဆူညါန့ၣ်အမံၤကမ့ၢ်ဝဲနီၢ်စၤရါလီၤ.

လံာ်တၢ်ကဲထီၣ်အခီၣ်ထံး 17:5

နမံၤတမ့ၢ်စီၤအၤဘြၣ်လၢၤဘၣ်. မ့မ့ၢ်နမံၤကမ့ၢ်စီၤအၤဘြၤဟၣ် န့ၣ်လီၤ. အဂ့ၢ်ဒ်အံၤ, ယဒုးကဲထီၣ်နၤလၢပှၤအါကလုာ်အတၢ်လီၤစၢၤလီၤ သွဲၣ်အပၢ်ဖးဒိၣ်လၢပျၢၤအဃိလီၤ.

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

လံာ်ယၡါယၤ 8:3

လၢခံတယံာ်ဘၣ်ဒီးယမါဒၢထီၣ်ဝဲလီၤ. ဖဲပဖိခွါအိၣ်ဖျဲၣ်ထီၣ်ဝဲန့ၣ်, ယွၤစံးဘၣ်ယၤ, “ယုၢ်န့ၢ်အမံၤလၢ, မဟၢ်ၡလးဃၤၡဘး, တက့ၢ်.

လံာ်ယံးရမံယၤ 19:2

ဒီးလဲၤနုာ်ခီဖျိတြဲၤသပၢၤက့ဆူဟံၣ်နိၣ်အတြီၤပူၤတက့ၢ်. ဖဲန့ၣ်, ယကဘၣ်စံးဘၣ်တၢ်ကစီၣ်လၢယွၤကဟ့ၣ်ယၤန့ၣ်လီၤ.

လံာ်ယံးရမံယၤ 19:6

လၢတၢ်န့ၣ်အဃိဒီး, တၢ်အကတီၢ်ကဟဲဝဲလၢ, တၢ်လီၢ်အံၤ တဘၣ်တၢ်ကိးအီၤလၢတိဖ့းမ့ၢ်ဂ့ၤ, ဟံၣ်နိၣ်အတြဲၤမ့ၢ်ဂ့ၤနီ တစုလၢၤဘၣ်. အခိၣ်တလိာ်, ကဘၣ်တၢ်သ့ၣ်ညါအီၤဒ်တၢ်မၤသံ တၢ်အတြီၤန့ၣ်လီၤ.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 29:29

စီၤစဖါနယၤဖးန့ၢ် ယၤလံာ်ပရၢန့ၣ်လီၤ, အန့ၣ်ဝံၤဒီး ယွၤစံးဘၣ်ယၤလၢ,

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယံးရမံယၤ 6:25

ပလဲၤဆူခိခိၣ်တကပၤမ့ၢ်ဂ့ၤ, လဲၤတၢ်လၢကျဲမုၢ်တဖၣ်အလိၤမ့ၢ် ဂ့ၤတဘူၣ်ဘၣ်. အဂ့ၢ်ဒ်အံၤပဒုၣ်ပဒါတဖၣ်အိၣ် ဒီးအစုကဝဲၤကတဲာ်ကတီၤအသး, ဒီးတၢ်မၤပျံၤမၤဖုးအိၣ်ဝးဝး ပဃၢၤအဃိန့ၣ်လီၤ.”

လံာ်ယံးရမံယၤ 7:32

လၢတၢ်န့ၣ်အဃိ, တၢ်ဆၢကတီၢ်ကဟဲဝဲလၢတၢ်လီၢ်န့ၣ်တၢ်တကိးလၢၤအီၤလၢတိဖ့းမ့ၢ်ဂ့ၤ, ဟံၣ်နိၣ်အတြီၤမ့ၢ်ဂ့ၤလၢၤဘၣ်. မ့မ့ၢ်, တၢ်ကကိးအီၤတၢ်မၤသံ တၢ်အတြီၤန့ၣ်လီၤ. အဝဲသ့ၣ်ကခူၣ်လီၤပှၤဂီၢ်မုၢ်ဖဲန့ၣ်, မ့ၢ်လၢတၢ်လီၢ်အဂၤလၢတၢ်ကခူၣ်လီၤအဝဲသ့ၣ်တအိၣ်ဘၣ်အဃိလီၤ.

လံာ်သးသယုၢ်တၢ် 2:22

နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်ယဃ့းစက့လး 13:9

ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

မၤတၢ် 16:30

အန့ၣ်ဝံၤ အဝဲဒၣ်ဆှၢထီၣ်အဝဲသ့ၣ်ဆူခိဒီးသံကွၢ်အီၤ, “တၢ်ဒိၣ်သ့ၣ်ဧၢ, ဒ်သိးယကဘၣ်တၢ်အုၣ်က့ၤခီၣ်က့ၤယၤ အဂီၢ်န့ၣ်, ယကဘၣ်မၤမနုၤလဲၣ်.”