လံာ်ယံးရမံယၤ 20:2 - Sgaw Karen Common Bible

² အဝဲဟ့ၣ်လီၤအကလုၢ်လၢပှၤကဒိယၤတီၢ်ယၤဒီးစၢဃာ်ယၤလၢ ထးသွဲတဖၣ်ဘူးဒီးဘံၣ်ယၤမံၣ်အတြဲၤထီတတီၤလၢယွၤ အတၢ်လုၢ်ဟံၣ်အပူၤန့ၣ်လီၤ.

လံာ်ယံးရမံယၤ 20:2 Iomraidhean Croise

လံာ်စီၤပၤအခီၣ်ထံးတဘ့ၣ် 13:4

တုၤစီၤပၤယၤရၤဘၣ်နၢ်ဟူတၢ်အံၤန့ၣ်, ယူာ်ဃီၤအစုဆူအီၤဒီး ဟ့ၣ်လီၤအကလုၢ်, “ဖီၣ်ပှၤတဂၤန့ၣ်တက့ၢ်.” တစုဃီၤဖဲန့ၣ်စီၤပၤအစုဘၣ်ကလံၤအဃိအဝဲထုးကဒါက့ၤအီၤ တန့ၢ်လၢၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:27

တဲဘၣ်အဝဲသ့ၣ်လၢကဒၢနုာ်အီၤဆူဃိာ်ပူၤဒီးလုၢ်အီၣ်လုၢ်အီ လၢကိၣ်ဒီးထံတုၤလၢယဟဲက့ၤတုၤမုာ်မုာ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:10

တၢ်အံၤမ့ၢ်တၢ်လၢအဒုးသးထီၣ်ဘၣ်စီၤအၤစါလၢဝံဃနၤနံ ဒိၣ်ဒိၣ်မုၢ်မုၢ်အဃိ, အဝဲမၢပှၤတ့ၢ်နုာ်အီၤဆူဃိာ်ပူၤန့ၣ် လီၤ. တၢ်န့ၣ်မ့ၢ်တၢ်ဆၢကတီၢ်တကတီၢ်ဃီဖဲစီၤအၤစါစးထီၣ်မၤအၢမၤ နးပှၤဂီၢ်မုၢ်တနီၤနီၤအၢအၢသီသီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:23

အန့ၣ်ဒီးဝံစံးဒကံယၤလဲၤဃီၤဆူစီၤမံၤကါယၤအအိၣ်, ဒဲဝဲအမဲာ်, ဒီးသံကွၢ်ဝဲ, “ယွၤအသးဟးဖးဒီးယၤဒီးကတိၤတၢ်ဒီးနၤ, စးထီၣ်အခါဖဲလဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 24:21

စီၤပၤယိၤအၣ်မၤဃုာ်သကိးတၢ်ဒီးပှၤတဖုလၢအကူၣ်တၢ်အၢထီဒါ စီၤစကၤရယၤ, ဒီးလၢစီၤပၤအတၢ်ဟ့ၣ်လီၤအကလုၢ်အဃိန့ၣ်, ပှၤဂီၢ်မုၢ်ကွံာ်စီၤ စကၤရယၤလၢလၢၢ်ဖဲယွၤအတၢ်လုၢ်ဟံၣ်အဂၢၤပူၤန့ၣ်လီၤ.

လံာ်စီၤယိၤဘး 13:27

နကျီၤဃာ်ယခီၣ်လၢသိးဧိၤကျိၤဧိၤအပူၤဒီးနကွၢ်ယခီၣ်ခါလၢ ယကါထီၣ်ကိးခါဒဲးဒီးနဃုသ့ၣ်ညါယခီၣ်လီၢ်တဖၣ်ဒၣ်လဲာ်န့ၣ် လီၤ.

လံာ်စီၤယိၤဘး 33:11

ကျီၤဃာ်ယခီၣ်လၢသိးပူၤဒီးကွၢ်ဟုၣ်ကယဲၢ်တၢ်လၢ ယမၤအီၤန့ၣ်လီၤ.

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်ယံးရမံယၤ 26:10

ဖဲကီၢ်ယူဒၤအခိၣ်အနၢ်တဖၣ် နၢ်ဟူတၢ်လၢအမၤတ့ၢ် အသးအံၤန့ၣ်, အဝဲသ့ၣ်ဟးထီၣ်ချ့ချ့လၢ စီၤပၤအနူၢ်ပူၤ ဟဲဝဲဆူယွၤအတၢ်လုၢ်ဟံၣ် ဒီးဟံးန့ၢ်တၢ်အလီၢ်တဖၣ် ဖဲယွၤအတၢ်လုၢ်ဟံၣ်အတြဲၤအသီန့ၣ်လီၤ.

လံာ်ယံးရမံယၤ 26:8

ဒီးဖဲယကတိၤတၢ်လၢယွၤမၤလိာ်တ့ၢ်ယၤတဖၣ် ဝံၤတဘျီဃီန့ၣ်, အဝဲသ့ၣ်ဖီၣ်စှီၤတံၢ်ဃာ်ယၤဒီး ကိးထီၣ်ဝဲ, “နကြၢးဘၣ်တၢ်မၤသံနၤလၢ တၢ်အံၤအဃိန့ၣ်လီၤ.

လံာ်ယံးရမံယၤ 29:26

“ယွၤဒုးကဲထီၣ်တ့ၢ်နၤလၢ ပှၤလုၢ်တၢ်ခိၣ်တဂၤလၢစီၤယဟိယဒါအလီၢ်, ဒီးအခဲအံၤ နမ့ၢ်ပှၤအခိၣ်အဒိၣ်ကတၢၢ်လၢ ယွၤအတၢ်လုၢ်ဟံၣ်အပူၤန့ၣ်လီၤ. တၢ်အံၤမ့ၢ် နမူနဒါလၢ နကဘၣ်ကွၢ်ဃုာ်လၢ, ကယဲၢ်ပှၤအပျုၢ်တဂၤလၢ်လၢ်လၢ အပာ်မၤအသးဒ်အမ့ၢ်ဝံတဂၤအသိးန့ၣ်, ကဘၣ်တၢ်စၢဃာ်အီၤလၢ ထးသွဲတဖၣ်အိၣ်ဒီးထးကိာ်ကျီၤလၢ အကိာ်လိၤန့ၣ်လီၤ.

လံာ်ယံးရမံယၤ 36:26

အန့ၣ်ဝံၤဒီး, စီၤပၤခါလီၤအကလုၢ်ဆူ စီၤပၤဖိခွါစီၤယရၤဃမအ့လး, ဃုာ်ဒီးစီၤဧၤစရံၤအ့လးအဖိခွါစီၤစရါယၤ ဒီၤစီၤဧၤဘံးဒ့လးအဖိခွါ စီၤၡလ့မယၤဒ်သိး ယကဖီၣ်ယၤဒီး အပှၤကွဲးလံာ်စီၤဘၤရူးန့ၣ်လီၤ. ဘၣ်ဆၣ်ယွၤပာ်ခူသူၣ်ပှၤန့ၣ်လီၤ.

လံာ်ယံးရမံယၤ 37:13

ဘၣ်ဆၣ်ဒီး, ဖဲယလဲၤတုၤဆူ ဘံၣ်ယၤမံၣ်အတြဲၤန့ၣ်, သုးခိၣ်လၢအပၢသုးဖိတဖၣ်လၢ အခိးတၢ်ဖဲန့ၣ်, လၢ အမံၤမ့ၢ်စီၤယရံယၤ, လၢအမ့ၢ်စီၤၡလ့မယၤအဖိခွါဒီး စီၤဃနၤနယၤအလံၤခွါန့ၣ်, ဒုးအိၣ်ကတီၢ်ယၤဒီၤစံးဝဲဒၣ်, “နမ့ၢ်ပှၤလၢအဟးသဒၣ်ဒီး ပာ်တ့ၢ်ကွံာ်ပှၤဒီးနခီဃီၤဆူ ပှၤဘၤဘူၤလိၣ်ဖိတဖၣ်အအိၣ်လီၤ.”

လံာ်ယံးရမံယၤ 37:21

လၢတၢ်န့ၣ်အဃိ, စီၤပၤစံးဒကံယၤဟ့ၣ်လီၤအကလုၢ်လၢ ယကဘၣ်တၢ်ဒုးဃာ်ယၤဖဲနူၢ်အဂၢၢ်ပူၤန့ၣ်လီၤ. ယအိၣ်ယဲဖဲန့ၣ်, ဒီးတၢ်ဟ့ၣ်အီၣ်ယၤလၢကိၣ်, တနံၤတလိၣ်လၢ အဟဲဝဲ လၢပှၤကုၢ်ကိၣ်အလီၢ်ကိးနံၤဒဲးတုၤကိၣ်ခဲလၢာ်လၢ ဝ့ၢ်ပူၤလၢာ်ကွံာ်တစုန့ၣ်လီၤ.

လံာ်စကၤရယၤ 14:10

လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.

လံာ်မးသဲ 21:35

ပှၤဒိးလဲစပံးလီၢ်တဖၣ် ဟံးဃာ်အဝဲအခ့အပှၤတဖၣ်, ဒီးတီၢ်ဝဲတဂၤ, မၤသံဝဲတဂၤ, ဒီးကွံာ်ဝဲလၢလၢၢ်တဂၤလီၤ.

မၤတၢ် 4:3

သတးဒီးအဝဲသ့ၣ်ဖီၣ်ပှၤတၢ်မၢဖိခံဂၤန့ၣ်, ဒီးဒၢနုာ်ဃာ်အီၤလၢဃိာ်ပူၤတုၤလၢမုၢ်ဆ့ၣ်ထီၣ်တနံၤ, မ့ၢ်လၢမုၢ်ကလီၤနုာ်တ့ၢ်ဝဲအဃိလီၤ.

မၤတၢ် 5:18

အဝဲသ့ၣ်ဖီၣ်ဝဲပှၤတၢ်မၢဖိတဖၣ်န့ၣ်ဒီးဒၢနုာ်အဝဲသ့ၣ်လၢကမျၢၢ် အဃိာ်ပူၤန့ၣ်လီၤ.

မၤတၢ် 5:40

အဝဲသ့ၣ်ကိးနုာ်ကဒါက့ၤပှၤတၢ်မၢဖိတဖၣ်န့ၣ်ဝံၤ, ဟ့ၣ်လီၤအကလုၢ်လၢတၢ်ကဖျ့အဝဲသ့ၣ်, ဒီးမၤလိာ်ပှၤတၢ်မၢဖိတဖၣ်ဒ်သိးအသုတစံးကတိၤတၢ်လၢယ့ၣ်ၡူး အမံၤနီတစုလၢၤတဂ့ၤန့ၣ်လီၤ. အန့ၣ်ဝံၤဒီးပျၢ်ထူၣ်ဖျဲးကွံာ် အဝဲသ့ၣ်န့ၣ်လီၤ.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.