လံာ်ယံးရမံယၤ 20:10 - Sgaw Karen Common Bible

¹⁰ ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 20:10 Iomraidhean Croise

လံာ်စီၤပၤအခီၣ်ထံးတဘ့ၣ် 19:2

နီၢ်အံၤစ့ဘ့ၤလးဆှၢဃီၤတၢ်ကစီၣ်တမံၤဆူစီၤအ့ၤလံယၤအအိၣ် ဒီးစံးဝဲ, “ယမ့ၢ်တမၤဘၣ်တၢ်တမံၤဃီဆူနၤဒ်နမၤတ့ၢ်ဘဧၤလးအဝံတဖၣ်အသိး န့ၣ်ဘၣ်ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ်မၤ သံကွံာ်ယၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:27

တဲဘၣ်အဝဲသ့ၣ်လၢကဒၢနုာ်အီၤဆူဃိာ်ပူၤဒီးလုၢ်အီၣ်လုၢ်အီ လၢကိၣ်ဒီးထံတုၤလၢယဟဲက့ၤတုၤမုာ်မုာ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:8

စီၤအၤဃာ်စံးဆၢဝဲ, “ဝံအိၣ်ဒံးဝဲတဂၤ, လၢအမ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤ, မ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်ဘၣ်. မ့မ့ၢ်, ထီဘိမ့ၢ်ထဲတၢ်အၢတမံၤမံၤအဃိန့ၣ်လီၤ.” စီၤယဟိၡၤဖးစံးဆၢဝဲ, “နတကြၢးစံးကတိၤတၢ်ဒ်န့ၣ်ဘၣ်.”

လံာ်စီၤယိၤဘး 19:19

ကယဲၢ်ယတံၤသကိးတံၢ်နီၣ်တဖၣ်သးဘၣ်အၢယၤဒီးပှၤလၢ ယအဲၣ်အီၤဒိၣ်မးတဖၣ်ဃၣ်ကွံာ်အသးထီဒါယၤလီၤ.

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

စံးထီၣ်ပတြၢၤ 31:14

ဘၣ်ဆၣ်ယတၢ်နာ်အံၤအိၣ်လၢနပူၤ, ယွၤဧၢ, နမ့ၢ်ယကစၢ်ယွၤလီၤ.

စံးထီၣ်ပတြၢၤ 41:10

ယွၤဧၢ, သးကညီၤလၢ်ယၤဒီး ဒုးအိၣ်ဆူၣ်အိၣ်ချ့ထီၣ်က့ၤယၤ ဒ်သိးယကဟ့ၣ်ကၣ်ဘၣ်က့ၤယဒုၣ်ယဒါ တဖၣ်အဂီၢ်န့ၣ်တက့ၢ်.

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

တၢ်ကတိၤဒိ. 10:18

ပှၤတဂၤလၢအပာ်ခူသူၣ်အတၢ်သူၣ်ဟ့သးဟ့န့ၣ်မ့ၢ်ပှၤလီတၢ် တဂၤလီၤ. ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, မ့ၢ်ပှၤဟးဂီၤဖိလီၤ.

လံာ်ယၡါယၤ 29:21

ပှၤတဖၣ်လၢအကတိၤခဲၣ်သူခဲၣ်ဂီၤပှၤဂၤ, ပှၤတဖၣ်လၢအတြီတၢ်စံၣ်ညီၣ်ပှၤမၤ တၢ်ထီဒါပဒိၣ်သဲစးဒီးပှၤတဖၣ်လၢအလီတၢ် ဝ့ၤတၢ်ဒ်သိးပှၤသူၣ်လိၤသးဘျၢတဖၣ်ကဒိး န့ၢ်တၢ်စံၣ်ညီၣ်တီန့ၣ်ကစၢ်ယွၤကမၤဟးဂီၤအီၤလီၤ.

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်ယံးရမံယၤ 11:21

ပှၤဧၤနသိးဖိတဖၣ်သးအိၣ်ဝဲလၢတၢ်ကမၤသံယၤလီၤ. ဒီးအဝဲသ့ၣ်စံးဘၣ်တဲဘၣ်ယၤလၢယမ့ၢ်တဲဖျါဒံးဒၣ်ယွၤ အတၢ်ကစီၣ်န့ၣ်, အဝဲသ့ၣ်ကမၤသံယၤန့ၣ်လီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 20:3

လၢခံတဂီၤ, ဖဲစီၤပၣ်ၡဃူၢ်ပျၢ်ထူၣ်ဖျဲးယၤလၢထး သွဲတဖၣ်ဝံၤအလီၢ်ခံန့ၣ်, ယစံးဘၣ်အီၤ, “ယွၤတကိးနမံၤလၢ စီၤပၣ်ၡဃူၢ်ဘၣ်. မံၤလၢအဝဲဒၣ်ဟ့ၣ်နၤန့ၣ်မ့ၢ်ဝဲ, “မၤကိၢ်မံစဘံာ်” လၢအခီပညီမ့ၢ်ဝဲ, တၢ်လီၢ်ပျံၤလီၤဖုးလၢ တၢ်လီၢ်ကိးပူၤဒဲး န့ၣ်လီၤ.”

လံာ်ယံးရမံယၤ 37:13

ဘၣ်ဆၣ်ဒီး, ဖဲယလဲၤတုၤဆူ ဘံၣ်ယၤမံၣ်အတြဲၤန့ၣ်, သုးခိၣ်လၢအပၢသုးဖိတဖၣ်လၢ အခိးတၢ်ဖဲန့ၣ်, လၢ အမံၤမ့ၢ်စီၤယရံယၤ, လၢအမ့ၢ်စီၤၡလ့မယၤအဖိခွါဒီး စီၤဃနၤနယၤအလံၤခွါန့ၣ်, ဒုးအိၣ်ကတီၢ်ယၤဒီၤစံးဝဲဒၣ်, “နမ့ၢ်ပှၤလၢအဟးသဒၣ်ဒီး ပာ်တ့ၢ်ကွံာ်ပှၤဒီးနခီဃီၤဆူ ပှၤဘၤဘူၤလိၣ်ဖိတဖၣ်အအိၣ်လီၤ.”

လံာ်ယံးရမံယၤ 6:25

ပလဲၤဆူခိခိၣ်တကပၤမ့ၢ်ဂ့ၤ, လဲၤတၢ်လၢကျဲမုၢ်တဖၣ်အလိၤမ့ၢ် ဂ့ၤတဘူၣ်ဘၣ်. အဂ့ၢ်ဒ်အံၤပဒုၣ်ပဒါတဖၣ်အိၣ် ဒီးအစုကဝဲၤကတဲာ်ကတီၤအသး, ဒီးတၢ်မၤပျံၤမၤဖုးအိၣ်ဝးဝး ပဃၢၤအဃိန့ၣ်လီၤ.”

လံာ်ယဃ့းစက့လး 22:9

သုပှၤဂီၢ်မုၢ်အကျါတနီၤကတိၤလီတၢ်ဘၣ်ဃးဒီးပှၤအဂၤတဖၣ် အဂ့ၢ်, မ့ၢ်ဒ်သိးကမၤသံအဝဲသ့ၣ်တဖၣ်အဂီၢ်န့ၣ်လီၤ. အဝဲသ့ၣ်တနီၤအီၣ်တၢ်လုၢ်တၢ်ပာ်တဖၣ်လၢတၢ်လုၢ်ထီၣ်အီၤ ဆူတၢ်ဂီၤတၢ်ဖီၣ်တဖၣ်န့ၣ်လီၤ. အဂၤတနီၤထီဘိမၤလၢပှဲၤအတၢ်သူၣ်ကတၢသးကတၢဒၣ်ဝဲန့ၣ်လီၤ.

လံာ်ဒၤနံးယ့လး 6:4

တုၤနုၤတစု, ပှၤပၢဆှၢအံးထွဲကွၢ်ထွဲတၢ်အဂၤတဖၣ်ဒီးပဒိၣ်ဖးဒိၣ် တဖၣ်ကျဲးစၢးဝဲဒ်သိးကထံၣ်န့ၢ်တၢ်ကမၣ်လၢစီၤဒၤနံးယ့လးအတၢ်ပၢ ဆှၢဘီမုၢ်အကျိၤအကျဲအပူၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဘၣ်ဝဲဘၣ်. အဂ့ၢ်ဒ်အံၤ, စီၤဒၤနံးယ့လးန့ၣ်ဘၣ်တၢ်နာ်န့ၢ်အီၤဒီးတမၤက မၣ်တၢ်နီတမံၤမ့ၢ်ဂ့ၤ, တမၤတၢ်တတီတလိၤဘၣ်မ့ၢ်ဂ့ၤန့ၣ်ဘၣ်.

လံာ်လူၤကၣ် 20:20

လၢတၢ်န့ၣ်အဃိ, အဝဲသ့ၣ်အိၣ်ခိးကွၢ်တၢ်ဆၢကတီၢ်လၢ အကြၢးဝဲဘၣ်ဝဲလီၤ. အဝဲသ့ၣ်ဟ့ၣ်ပှၤတနီၤစ့ဒ်သိးအကပာ်မၤအသးလၢအမ့ၢ်ပှၤ အသးဘျၢ, ဒီးဆှၢလီၤအဝဲသ့ၣ်လၢအကသံကွၢ်သံဒိးယ့ၣ်ၡူး ဒီးဖီၣ်န့ၢ်အီၤလၢအတၢ်ကတိၤဒ်သိးအဝဲသ့ၣ်ဟ့ၣ်လီၤကွံာ်အီၤ ဆူရိမ့ၤအပဒိၣ်ဖးဒိၣ်အတၢ်စိတၢ်ကမီၤအပူၤကသ့ဝဲအဂီၢ် န့ၣ်လီၤ.

မၤတၢ် 24:13

ဒ်န့ၣ်အသိး, တၢ်ကမၣ်လၢအဝဲသ့ၣ်ပာ်ထီၣ်လၢယလိၤန့ၣ်, အဝဲသ့ၣ်ဟ့ၣ်တၢ်အုၣ်အသးတသ့ဘၣ်.

မၤတၢ် 5:33

တုၤကီၣ်ကးတဖုနၢ်ဟူတၢ်အံၤဒီး, အသးဒိၣ်ထီၣ်နးနးကလဲာ်တုၤဒၣ်လဲာ်အဲၣ်ဒိးမၤသံကွံာ်ပှၤတၢ် မၢဖိတဖၣ်န့ၣ်လီၤ.

မၤတၢ် 7:54

ပှၤလၢအမ့ၢ်ကီၣ်ကးဖိတဖၣ်န့ၣ်, တုၤအနၢ်ဟူဘၣ်စီၤစတ့းဖၣ်အတၢ်စံးတၢ်ကတိၤတဖၣ်န့ၣ်ဒီး, အဝဲသ့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးအ့ၣ်စဃံးအမဲထီဒါ အီၤန့ၣ်လီၤ.