လံာ်ယံးရမံယၤ 2:9 - Sgaw Karen Common Bible

⁹ သတးဒီးယၤ, ယွၤအံၤယကပာ်ဖျါထီၣ်ကဒီး ယကွီၢ်ထီဒါယပှၤဂီၢ်မုၢ်လီၤ. ယကပာ်တၢ်ကမၣ်ထီဒါအဝဲသ့ၣ်အစၢၤအသွဲၣ်တဖၣ်လီၤ.

လံာ်ယံးရမံယၤ 2:9 Iomraidhean Croise

စံးထီၣ်ပတြၢၤ 50:4

အဝဲကိးဖှိၣ်မူခိၣ်ဒီးဟီၣ်ခိၣ်ဒ်ပှၤအုၣ်အသးတဖၣ်အသိး လၢကကွၢ်အဝဲ ကစံၣ်ညီၣ်အပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်ယၡါယၤ 3:13

ယွၤအိၣ်ကတဲာ်ကတီၤအသးလၢကတဲဖျါထီၣ်အကွီၢ်, ဒီးအိၣ်ကတဲာ်ကတီၤအသးလၢကစံၣ်ညီၣ်အပှၤဂီၢ်မုၢ်လီၤ.

လံာ်ယၡါယၤ 43:26

မ်ပကလဲၤဆူကွီၢ်ဘျီၣ်တက့ၢ်. ဟဲစိာ်နတၢ်လိာ်ဘၢလိာ်ကွီၢ် အဂ့ၢ်တက့ၢ်. ဆှၢထီၣ်နတၢ်ဂ့ၢ်ဒ်သိးနကဘၣ်တၢ်ပာ်တီပာ်လိၤနၤအဂီၢ်တက့ၢ်.

လံာ်ယံးရမံယၤ 2:29

နတၢ်ကဒူးကဒ့ၣ်မ့ၢ်တၢ်မနုၤလဲၣ်. ဘၣ်မနုၤအဃိနပူထီၣ်တ့ၢ်တၢ် ထီဒါယၤန့ၣ်လဲၣ်.

လံာ်ယံးရမံယၤ 2:35

သုစံးသုဝဲလၢ, ယတၢ်ကမၣ်တအိၣ်ဘၣ်. သပှၢ်ကတၢၢ်ယွၤတသးဒိၣ်လၢၤယၤဘၣ်န့ၣ်လီၤ. ဘၣ်ဆၣ်ဒီးယၤ, ယွၤအံၤကစံၣ်ညီၣ်သု, မ့ၢ်လၢသုသမၢသုဝဲလၢသုမၤတ့ၢ် တၢ်ဒဲးဘးအဃိန့ၣ်လီၤ.

လံာ်ဟိၤၡ့ 12:3

အဝဲသ့ၣ်အပၢ်ဖးဒိၣ်လၢပျၢၤစီၤယၤကိာ်ဂဲၤလိာ်တၢ်ဒီးအဝဲၢ်ခွါ တဃံာ်လၢအမ့ၢ်စီၤဧ့ၡီၤဖဲအဝဲသ့ၣ်ခံဂၤလၢာ်အိၣ်ဒံးဒၣ်လၢ အမိၢ်အဒၢလီၢ်ပူၤန့ၣ်လီၤ. ဖဲစီၤယၤကိာ်ဒိၣ်ထီၣ်န့ၣ်အဝဲ ဂဲၤပျုၢ်ထီဒါကစၢ်ယွၤ,

လံာ်ဟိၤၡ့ 2:2

ယဖိသ့ၣ်ဧၢ, ဃ့ကညးတၢ်ဒီးသုမိၢ်တက့ၢ်. အဝဲတမ့ၢ်လၢၤယမါဘၣ်ဒီးယတမ့ၢ်စ့ၢ်ကီးလၢၤအဝၤဘၣ်. သနာ်က့, ဃ့ကညးတၢ်ဒီးအီၤဒ်သိးကပာ်တ့ၢ်ကွံာ်အ တၢ်ကမၣ်မုၣ်ကမၣ်ခွါန့ၣ်ဒီးအတၢ်မၤဃဲသဲမုၣ်အတၢ်တက့ၢ်.

လံာ်ဟိၤၡ့ 4:1

ယွၤအိၣ်ဒီးတၢ်လိာ်ဘၢလိာ်ကွီၢ်တမံၤလၢကဟဲစိာ်ဝဲ ထီဒါပှၤဂီၢ်မုၢ်လၢအအိၣ်ဝဲဆိးဝဲလၢကီၢ်ပူၤတဖၣ်န့ၣ်လီၤ. ကီၢ်အံၣ်စရ့လးဧၢ, ဒိကနၣ်တၢ်လၢအဝဲစံးဝဲန့ၣ်တက့ၢ်. တၢ်သူၣ်တီသးတီမ့ၢ်ဂ့ၤ, တၢ်အဲၣ်တၢ်ကွံမ့ၢ်ဂ့ၤ, တအိၣ်ဘၣ်လၢကီၢ်ပူၤ, ဒီးပှၤဂီၢ်မုၢ်တသ့ၣ်ညါပာ်ယၤဒ်အမ့ၢ်ကစၢ်ယွၤအသိးန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 20:5

ယနီၢ်ကစၢ်ဒၣ်ယဲယကထီဒါပှၤတဂၤန့ၣ်ဒီးအဒူၣ်ဖိထၢဖိခဲလၢာ်, ဒီးပှၤကိးဂၤဒဲးလၢအမၤထွဲအခံဒီးအသးတတီဘၣ်ဒီးယၤဘၣ်, ဒီးဘါထီၣ်မိလးန့ၣ်ယတပာ်အီၤဒ်ယပှၤဂီၢ်မုၢ်အသိးလၢၤဘၣ်.

လံာ်မံကၤ 6:2

သုဝဲဒၣ်ကစၢၢ်တဖၣ်, ဒီးဟီၣ်ခိၣ်အခီၣ်ထံးလၢအအိၣ်လီၤထူ လီၤယိာ်သ့ၣ်ဧၢ, ဒိကနၣ်ယွၤအကွီၢ်တက့ၢ်. ယွၤအိၣ်ဒီးအကွီၢ်တမံၤထီဒါအပှၤဂီၢ်မုၢ်လီၤ. အဝဲကပာ်ဖျါထီၣ်တၢ်ဂ့ၢ်ထီဒါအံၣ်စရ့လးတမံၤလီၤ.