လံာ်ယံးရမံယၤ 2:5 - Sgaw Karen Common Bible

⁵ ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

လံာ်ယံးရမံယၤ 2:5 Iomraidhean Croise

လံာ်စီၤပၤခံဘ့ၣ်တဘ့ၣ် 17:15

အဝဲသ့ၣ်ဂ့ၢ်လိာ်လၢကစူၢ်အဝဲအတၢ်မၤလိာ်တဖၣ်, အဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢယွၤမၤဝဲ ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်တပာ်လ့ၢ်ပာ်ကါဘၣ်ယွၤအတၢ်ဟ့ၣ်ပလီၢ်တဖၣ်န့ၣ်ဘၣ်. အဝဲသ့ၣ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလုၢ်အပှ့ၤတအိၣ် ဒီးအနီၢ်ကစၢ်ဒၣ်ဝဲကဲထီၣ်ပှၤတဖၣ်လၢအလုၢ်အပှ့ၤတအိၣ်ဒီးအဝဲ သ့ၣ်ပိာ်ထွဲလုၢ်လၢ်တဖၣ်လၢအအိၣ်ဒီးပှၤကလုာ်တဖၣ်လၢအအိၣ်ဝး တရံးအီၤ, ဒီးတစူၢ်ဘၣ်ယွၤအတၢ်မၤလိာ်လၢအသု တမၤဒိးအဝဲသ့ၣ်တဖၣ်တဂ့ၤ, န့ၣ်ဘၣ်.

စံးထီၣ်ပတြၢၤ 115:8

မ်ကယဲၢ်ပှၤလၢအတ့အဝဲသ့ၣ်ဒီးနာ်တၢ်လၢအပူၤန့ၣ် ကဲထီၣ်လီၤဂာ်ဒီးတၢ်ဂီၤတဖၣ်လၢ အဝဲသ့ၣ်တ့တ့ၢ်ဝဲန့ၣ်တက့ၢ်.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ယၡါယၤ 44:9

ပှၤလၢအတ့တၢ်ဂီၤတၢ်ဖီၣ်တဖၣ်န့ၣ်တဂိာ်တသီၣ်ဘၣ်တၢ်ဘၣ်. ဒီးကစၢ်လၢအဝဲသ့ၣ်ပာ်အပှ့ၤကလံၤဒိၣ်ဒိၣ်ကလဲာ်တဖၣ်အဘျုး တအိၣ်ဘၣ်. ပှၤလၢအဘူၣ်ထီၣ်ဘါထီၣ်ကစၢ်တဖၣ်အံၤအမဲာ်ဘျီၣ် ဒီးအတၢ်သ့ၣ်ညါတအိၣ်ဘၣ်, ဒီးအဝဲသ့ၣ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 46:12

သုဝဲပှၤလၢအခိၣ်ကိၤဒီးဆိကမိၣ်လၢတၢ်မၤနၢၤအံၤယံၤဒံးဝဲ တဖၣ်ဧၢ, ဒိကနၣ်ယၤတက့ၢ်.

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်ယံးရမံယၤ 12:2

နသူၣ်လီၤအဝဲသ့ၣ်, ဒီးအဝဲသ့ၣ်အဂံၢ်စဲၤလီၤအသးလီၤ. အဝဲသ့ၣ်ဒိၣ်ထီၣ်ဒီးသူထီၣ်သၣ်ထီၣ်ဝဲလီၤ. အဝဲသ့ၣ်ကတိၤဂ့ၤနၤထီဘိ, သနာ်က့, အဝဲသ့ၣ်တသူၣ်အိၣ်သးအိၣ်ဘၣ်နၤနီၢ်နီၢ်ဘၣ်.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 2:31

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ် တဲဘၣ်သုတက့ၢ်. မ့ၢ်ယလီၤဂာ်ဒီးမဲးမုၢ်ခိၣ်တတီၤလၢသုဂီၢ်, လီၤဂာ်ဒီးကီၢ်တဘ့ၣ်လၢအခံးဒီးလီၤပျံၤန့ၣ်ဧါ. ဘၣ်မနုၤအဃိ သုစံးလၢသုကမၤဖဲဒၣ်သုသး, ဒီးတဟဲက့ၤကဒါက့ၤလၢၤဘၣ် ဆူယအိၣ်နီတစုဘၣ်န့ၣ်လဲၣ်.

လံာ်ယံးရမံယၤ 2:4

သုဝဲပှၤလၢအလီၤစၢၤလီၤသွဲၣ်လၢစီၤယၤကိာ်, သုဝဲအံၣ်စရ့လးအဒူၣ်သ့ၣ်ဧၢ, ဒိကနၣ်ယွၤအတၢ်ကစီၣ်တက့ၢ်.

လံာ်ယံးရမံယၤ 8:19

ဒိကနၣ်တက့ၢ်. ယနၢ်ဟူယပှၤဂီၢ်မုၢ်ကိးပသူထီၣ်လၢထံကီၢ် ဒီဘ့ၣ်ညါလီၤ. “မ့ၢ်ယွၤတအိၣ်လၢၤလၢဝ့ၢ်စံယိၣ်ဘၣ်ဧါ မ့ၢ်ဝ့ၢ်စံယိၣ်အစီၤပၤတအိၣ်လၢၤဖဲန့ၣ်ဘၣ်ဧါ.” ယွၤ, အဝဲသ့ၣ်အစီၤပၤ, စံးဆၢတၢ်ဒီးစံးဝဲ, “ဘၣ်မနုၤအဃိသုမၤသးဒိၣ်ထီၣ်ယၤခီ ဖျိသုဘူၣ်ထီၣ်ဘါထီၣ်သုတၢ်ဂီၤတၢ်ဖီၣ် ဒီးသကူးလီၤသုသးလၢသုပှၤတခီဘီမုၢ်ဖိအကစၢ်တဖၣ်လၢအဘျုး တအိၣ်ဘၣ်အမဲာ်ညါန့ၣ်လဲၣ်.”

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ယိၤနါ 2:8

ပှၤလၢအဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဂိာ်တသီၣ်ဘၣ်တဖၣ်န့ၣ်ညိကွံာ်အတၢ်သးတီဒီးနၤလီၤ.

လံာ်မးသဲ 15:8

‘ကစၢ်ယွၤစံးဝဲဒၣ်, ပှၤတကလုာ်အံၤ ယူးယီၣ်ယၤလၢအထးခိၣ် ဘၣ်ဆၣ်အသးန့ၣ်ယံၤမးဒီးယၤလီၤ.

မၤတၢ် 14:15

“ဘၣ်မနုၤအဃိသုမၤတၢ်အံၤလဲၣ်. ပမ့ၢ်ဒၣ်ပှၤကညီဒ်သုဝဲအသိးလီၤ. ပဟဲပဝဲဖဲအံၤဒ်သိးပကဘိးဘၣ်သ့ၣ်ညါသုလၢတၢ်သးခုအကစီၣ်, ဒ်သိးသုကဃၣ်ကွံာ်သုသးလၢတၢ်တဂိာ်တသီၣ်တဖၣ်အံၤ, ဒီးဃၣ်ဃီၤသုသးဆူကစၢ်လၢအမူဝဲတဂၤန့ၣ်အအိၣ်, ကစၢ်လၢ အတ့လီၤမူခိၣ်, ဟီၣ်ခိၣ်, ပီၣ်လဲၣ်ပီၣ်တြီၤ, ဒီးတၢ်အိၣ်လၢအပူၤခဲလၢာ်ခဲဆ့န့ၣ်လီၤ.

ရိမ့ၤ 1:21

အဝဲသ့ၣ် သ့ၣ်ညါကစၢ်ယွၤ, ဘၣ်ဆၣ်အဝဲသ့ၣ်တဟ့ၣ်အီၤတၢ်လၤကပီၤဒ်ကစၢ်ယွၤအသိးဘၣ်ဒီး တစံးထီၣ်ပတြၢၤအီၤစ့ၢ်ကီးဘၣ်န့ၣ်လီၤ. မ့မ့ၢ်, အတၢ်ဆိကမိၣ်တဖၣ်ကဲထီၣ်တၢ်လၢအခီပညီတအိၣ် လၢာ်လၢာ်ဆ့ဆ့ဒီးအဝဲသ့ၣ်ဆိကမိၣ်တၢ်တဘၣ်ဘၣ်ဒီး အသးန့ၣ်ခံးလီၤဝဲလီၤ.

လံာ်သိၣ်လီၤသီလီၤတၢ် 32:21

အဝဲသ့ၣ်မၤသးဒိၣ်ထီၣ်ယၤဒီးအတၢ်ဂီၤတၢ်ဖီၣ်တဖၣ်လၢအဘှီဝဲ, မၤသးက့ၣ်ယၤလၢကစၢ်ဒ်န့ၣ်အသိးတဖၣ်, ကစၢ်တဖၣ်လၢတမ့ၢ်ဘၣ်ကစၢ်အမ့ၢ်အတီတဖၣ်ဘၣ်န့ၣ်လီၤ. လၢတၢ်န့ၣ်အဃိ, ယကသူပှၤဒ်န့ၣ်အသိးတကလုာ်လၢကမၤသးဒိၣ်ထီၣ် အဝဲသ့ၣ်, ယကဒုးသးက့ၣ်အဝဲသ့ၣ်လၢပှၤကလုာ်လၢအမ့ၢ်ပှၤဟးဂီၤဖိတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:21

ပိာ်ထွဲကစၢ်အကဘျံးကဘျၣ်တဖၣ်အခံတဂ့ၤ. အဝဲသ့ၣ်မၤစၢၤသုမ့ၢ်ဂ့ၤ, အုၣ်က့ၤခီၣ်က့ၤသုမ့ၢ်ဂ့ၤတသ့ဘၣ်. အဂ့ၢ်ဒ်အံၤ, အဝဲသ့ၣ်တမ့ၢ်တၢ်နီၢ်နီၢ်ဘၣ်.