လံာ်ယံးရမံယၤ 2:37 - Sgaw Karen Common Bible

³⁷ သုကဃၣ်ကွံာ်သုသးလၢကီၢ်အဲၤကူပတူး, သုကဆုးလီၤသုခိၣ် လၢတၢ်မဲာ်ဆှးအပူၤန့ၣ်လီၤ. ယၤ, ယွၤအံၤယညိ ကွံာ်တ့ၢ်ပှၤတဖၣ်လၢသုနာ်န့ၢ်အီၤ, ဒီးသုတမၤန့ၢ်ဘၣ်တၢ်နီ တမံၤလၢအဝဲသ့ၣ်အအိၣ်ဘၣ်.”

လံာ်ယံးရမံယၤ 2:37 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:12

မၤသးဒ်န့ၣ်ဒီးစီၤဒၤဝံးစံးဝဲ, “မ့မ့ၢ်ဒ်န့ၣ်အဃိဒီး, တၢ်ဆၢကတီၢ်လၢအအိၣ်ဒံးဝဲလၢတနံၤအံၤန့ၣ်အိၣ်ဖဲအံၤတက့ၢ်. ဒီးခဲမုၢ်ဆ့ၣ်တနံၤန့ၣ်ယကဆှၢကဒါက့ၤနၤလီၤ. လၢတၢ်န့ၣ်အဃိစီၤအူၤရံယၤအိၣ်ဝဲလၢဝ့ၢ်ယရူၤၡလ့ၣ်အပူၤလၢ မုၢ်တနံၤန့ၣ်ဒီးလၢခံတနံၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:19

အဝဲဖှံလီၤဖၣ်ဆါတဖၣ်လၢအခိၣ်လိၤ, ဖှီယာ်အဆ့ကၤဖးထီ ဒီးမၤဘၢအမဲာ်သၣ်လၢအစုတဖၣ်ဒီးဟးထီၣ်ကွံာ်လၢတၢ်ဟီၣ်တၢ်ယၢၤ အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:12

ကစၢ်ယွၤ, အကစၢ်ဒၣ်ဝဲ, မ့ၢ်ပခိၣ်ပနၢ်ဒီးအဝဲအပှၤလုၢ်တၢ်အခိၣ် တဖၣ်အိၣ်ဖဲအံၤ, ဒီးအကွဲၤတဖၣ်, ကတဲာ်ကတီၤအသးလၢကအူ ထီၣ်ဝဲဒီးကိးဃီၤပှၤဆူတၢ်ဒုးထီဒါသုန့ၣ်လီၤ. အံၣ်စရ့လးအပှၤဂီၢ်မုၢ်သ့ၣ်ဧၢ, ဒုးတၢ်ထီဒါယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤတဂ့ၤ. သုမၤနၢၤတၢ်တသ့ဘၣ်.”

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 28:18

တၢ်အၢၣ်လီၤအီလီၤလၢသုမၤဒီးတၢ်သံကဘၣ်တၢ်မၤဟးဂီၤ ကွံာ်, ဒီးသုတၢ်သးလီၤပလိာ်ဒီးပှၤသံတဖၣ်အကီၢ်ကဘၣ် တၢ်တြူာ်ကွံာ်အီၤလီၤ. ဖဲတၢ်တတၢးတနါဟဲခီဂာ်တၢ်ဒီး, သုကဘၣ်တၢ်မၤနၢၤမၤဃၣ်သုလီၤ.

လံာ်ယံးရမံယၤ 14:3

ပှၤထူးပှၤတီၤတဖၣ်မၢလီၤအကုၢ်အပှၤတဖၣ် လၢကလဲၤဃုမၤန့ၢ်ထံအဂီၢ်လီၤ. အဝဲသ့ၣ်လဲၤဆူထံပူၤတဖၣ်, ဘၣ်ဆၣ်တထံၣ်န့ၢ်ထံနီတစဲးဘၣ်. အဝဲသ့ၣ်ဟဲက့ၤကဒါက့ၤဒီးအသပၢၤထံတဖၣ်လၢအအိၣ်ကလီန့ၣ်လီၤ. လၢတၢ်သးဟးဂီၤဒီးသးကဒံကဒါအပူၤ, အဝဲသ့ၣ်မၤဘၢအမဲာ်သၣ်တဖၣ်န့ၣ်လီၤ.

လံာ်ယံးရမံယၤ 14:4

မ့ၢ်လၢတၢ်တစူၤဘၣ် ဒီးဟီၣ်ခိၣ်ဃ့ထီကွံာ်အဃိ, ပှၤထူစံာ်ဖိတဖၣ်အသးလီၤစၢ်လီၤဘဲဝဲ ဒီးမၤဘၢအမဲာ်သၣ်တဖၣ်န့ၣ်လီၤ.

လံာ်ယံးရမံယၤ 17:5

ယွၤစံးဝဲဒၣ်, “ယကစံၣ်ညီၣ်ဃၣ်ပှၤလၢ အဃၣ်ကွံာ်အသးလၢယၤ ဒီးပာ်အတၢ်နာ်လၢပှၤကညီအပူၤ, လၢပှၤကညီလၢအသံသ့အတၢ်ဂံၢ်တၢ်ဘါ အပူၤန့ၣ်လီၤ.

လံာ်ယံးရမံယၤ 2:36

သုမၤစှၤလီၤသုလုၢ်သုပှ့ၤခီဖျိသုဃၣ်ကွံာ်သုသးဆူပှၤကလုာ်အဂၤ တဖၣ်အကစၢ်တဖၣ်အအိၣ်အဃိန့ၣ်လီၤ. သုကသးဟးဂီၤကွံာ်လၢ ကီၢ်အဲၤကူပတူးအဃိ, ဒ်သုသးဟးဂီၤကွံာ်တ့ၢ်လၢကီၢ်အၤ ၡူၢ်အဃိအသိးန့ၣ်လီၤ.

လံာ်ယံးရမံယၤ 22:20

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, လဲၤဆူကီၢ်လဘၤနိၣ်ဒီး ကိးသတြီထီၣ်, လဲၤဆူကီၢ်ဘၤၡၣ်ဒီးကိးထီၣ်တက့ၢ်. ကိးပသူထီၣ်လၢကီၢ်မိၤအးအကစၢၢ်တဖၣ်တက့ၢ်. အဂ့ၢ်ဒ်အံၤ, နသိၣ်နမှံၤခဲလၢာ်ဘၣ်တၢ်မၤနၢၤမၤဃၣ်ကွံာ်အီၤလံ.

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ယံးရမံယၤ 32:5

စီၤစံးဒကံယၤကဘၣ်တၢ်စိာ်ကွံာ်အီၤဆူ ကီၢ်ဘၤဘူၤလိၣ်, ဒီးအဝဲဒၣ်ကအိၣ်ဖဲန့ၣ် တုၤလီၤလၢယမၤတၢ်ဒီးအီၤတမံၤ မံၤတစုန့ၣ်လီၤ. အဝဲဒၣ်မ့ၢ်ဒုးပှၤဘၤဘူၤလိၣ်ဖိတဖၣ် ဒၣ်လဲာ်, အဝဲတမၤန့ၢ်မၤနၢၤတၢ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 4:17

ပကွၢ်တ့ၢ်တၢ်တုၤပကွၢ်ဆူညါတကဲလၢၤဘၣ်လၢတၢ်မၤစၢၤလၢအတဟဲ နီတစုအဂီၢ် ဒီးပအိၣ်ခိးတၢ်မၤစၢၤကဟဲလၢပှၤတကလုာ်လၢအတအိၣ်ဒီးတၢ်နီ တမံၤလၢကဟ့ၣ်တၢ်အဂီၢ်န့ၣ်လီၤ.

လံာ်တၢ်ဂံၢ် 14:41

ဘၣ်ဆၣ်ဒီးစီၤမိၤၡ့စံးဝဲဒၣ်, “မ့မ့ၢ်ဒ်န့ၣ်ဒီးခဲအံၤဘၣ်မနုၤသု တစူၢ်ယွၤန့ၣ်လဲၣ်. သုတမၤနၢၤတၢ်ဘၣ်.