လံာ်ယံးရမံယၤ 2:28 - Sgaw Karen Common Bible

²⁸ ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ယံးရမံယၤ 2:28 Iomraidhean Croise

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယၡါယၤ 46:2

တၢ်ဂီၤတဖၣ်အုၣ်က့ၤခီၣ်က့ၤလီၤအသးတသ့ဘၣ်. အဝဲသ့ၣ်ဘၣ်တၢ်ဖီၣ်န့ၢ်အီၤဒီးစိာ်ကွံာ်အီၤလီၤ. အဝဲအံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ.

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ယၡါယၤ 57:13

ဖဲသုကိးထီၣ်လၢတၢ်မၤစၢၤအဂီၢ်န့ၣ်, ပျဲကွၢ်သုတၢ်ဂီၤတၢ် ဖီၣ်တဖၣ်အုၣ်က့ၤခီၣ်က့ၤသုတက့ၢ်. ကလံၤအူတၢ်တဘီဖိဒၣ်လဲာ်ကစိာ်ကွံာ်အဝဲသ့ၣ်ခဲလၢာ်လီၤ. မ့မ့ၢ်, ပှၤတဖၣ်လၢအပာ်အတၢ်နာ်လၢယပူၤန့ၣ်, ကအိၣ်ကဆိးဝဲလၢထံကီၢ်အပူၤဒီးကဘူၣ်ထီၣ်ဘါထီၣ် ယၤလၢယတၢ်လုၢ်ဟံၣ်အပူၤလီၤ.”

လံာ်ယံးရမံယၤ 1:16

ယကစံၣ်ညီၣ်ယပှၤဂီၢ်မုၢ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးအဃိလီၤ. အဝဲသ့ၣ်ပာ်လီၤတဲာ်ကွံာ်ယၤ, လုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးတ့ထီၣ်တၢ်ဂီၤတဖၣ်ဒီးဘူၣ်ထီၣ်ဘါထီၣ် တ့ၢ်အီၤအဃိလီၤ.

လံာ်ယံးရမံယၤ 11:12

အန့ၣ်ဒီး, ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ကလဲၤဆူ ကစၢ်တဖၣ်လၢအဝဲသ့ၣ်လုၢ်ထီၣ်ပာ်ထီၣ်တၢ်လုၢ်တၢ်ပာ် တဖၣ်ဆူအအိၣ်, ဒီးကကိးထီၣ်အဝဲသ့ၣ်လၢတၢ်မၤစၢၤ အဂီၢ်လီၤ. ဘၣ်ဆၣ်ဖဲတၢ်မၤဟးဂီၤအံၤဟဲတုၤဝဲန့ၣ်, ကစၢ်တဖၣ်အံၤမၤပူၤမၤဖျဲးအဝဲသ့ၣ်တသ့ဘၣ်လီၤ.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 30:7

တၢ်လီၤပျံၤလီၤဖုးအမုၢ်တနံၤဟဲဝဲလံ. မုၢ်နံၤအဂၤတၢ်ထိၣ်သတြီဒီး အီၤတသ့ဘၣ်. မ့ၢ်တၢ်ဆၢကတီၢ်အကိၢ်အဂီၤလၢ ယပှၤဂီၢ်မုၢ်အဂီၢ်လီၤ. ဘၣ်ဆၣ် အဝဲသ့ၣ်ကအိၣ်မူလီၤတဲာ်ဒံးဝဲလီၤ.”

လံာ်ယံးရမံယၤ 37:19

နဝံတဖၣ်လၢ အတဲဘၣ်တ့ၢ်နၤလၢ ကီၢ်ဘၤဘူၤလိၣ်အစီၤပၤ တဟဲထီၣ်ဒုးနၤမ့ၢ်ဂ့ၤ, နထံနကီၢ်မ့ၢ်ဂ့ၤန့ၣ်, တၢ်မၤတ့ၢ်အသးဒီး အဝဲသ့ၣ်ဒ်လဲၣ်.

လံာ်ဟိၤၡ့ 10:1

ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ.

လံာ်ဃဘးကူာ် 2:18

တၢ်ဂီၤတၢ်ဖီၣ်တခါန့ၣ်အဘျုးအိၣ်မနုၤတမံၤလဲၣ်. တၢ်န့ၣ်မ့ၢ်ဒၣ်တၢ်လၢပှၤကညီစိးပျၤတ့ၢ်ဝဲဒီးတ တဲသုလၢတၢ်နီတမံၤဘၣ်. မ့မ့ၢ်ထဲတၢ်လီတၢ်ဝ့ၤလီၤ. ကစၢ်တဂၤလၢအကတိၤတၢ်ဒၣ်လဲာ်တသ့ဘၣ်န့ၣ်, ကမၤတၢ်ဂ့ၤလၢပှၤစိးပျၤအီၤကသန့ၤအသးဒီးအီၤလၢမနုၤတမံၤလဲၣ်.

လံာ်ဃဘးကူာ် 2:19

ပှၤလၢအစံးဘၣ်သ့ၣ်တကူာ်, “ဖုးသံနီၣ်ထီၣ်တက့ၢ်,” မ့တမ့ၢ်လၢၢ်တလိၣ်, “ဂဲၤထၢၣ်တက့ၢ်,” န့ၣ်, ကဘၣ်တၢ်စံၣ်ညီၣ်ဃါမနၤလီၤ. တၢ်ဂီၤတၢ်ဖီၣ်တခါလီၣ်ဖျါ န့ၢ်သုတၢ်တမံၤမံၤကသ့ဧါ. ကဘၣ်တၢ်ပီၤအီၤလၢစ့ဒီးထူ, ဘၣ်ဆၣ်တၢ်မူတအိၣ်ဘၣ်လၢအပူၤဘၣ်.

လံာ်သိၣ်လီၤသီလီၤတၢ် 32:37

အန့ၣ်ဒီး, ယွၤကသံကွၢ်အပှၤဂီၢ်မုၢ်, “ကစၢ်တဖၣ်လၢအဒိၣ်ဝဲမုၢ်ဝဲလၢသုနာ်န့ၢ်တ့ၢ်အီၤန့ၣ်အိၣ်ဖဲ လဲၣ်.

လံာ်ပှၤစံၣ်ညီၣ်ကွီၢ် 10:14

လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”