လံာ်ယံးရမံယၤ 2:26 - Sgaw Karen Common Bible

²⁶ ယွၤစံးဝဲ, “ဒ်တၢ်ဘျၣ်တဂၤဘၣ်တၢ်မၤမဲာ်ဆှးအီၤဖဲတၢ်ဖီၣ် န့ၢ်အီၤအသိးန့ၣ်, သူဝဲကီၢ်အံၣ်စရ့လးအပှၤဂီၢ်မုၢ်ခဲလၢာ်ကဘၣ် တၢ်မၤမဲာ်ဆှးအီၤ, ဃုာ်ဒီးသုစီၤလိာ်စီၤပၤတဖၣ်, သုပဒိၣ်ပပှၢ် တဖၣ်, ဒီးသုဝံတဖၣ်န့ၣ်လီၤ.

လံာ်ယံးရမံယၤ 2:26 Iomraidhean Croise

လံာ်စီၤဧ့စြၤ 9:7

စးထီၣ်လၢပမိၢ်ပၢ်ဖံဖုလၢပျၢၤအမုၢ်နံၤတဖၣ်ဒီးတုၤလီၤခဲ ကနံၣ်အံၤန့ၣ်, ပဝဲဒၣ်, နပှၤဂီၢ်မုၢ်, မၤတ့ၢ်တၢ်ဒဲးဘးဒိၣ်ဒိၣ်မုၢ်မုၢ်န့ၣ် လီၤ. မ့ၢ်လၢပတၢ်ဒဲးဘးတဖၣ်အဃိပဝဲဒၣ်, ပစီၤပၤတဖၣ်, ဒီးပပှၤလုၢ်တၢ်အခိၣ်တဖၣ်, ပဘၣ်တၢ်ဟ့ၣ်လီၤကွံာ် တ့ၢ်ပှၤဆူပှၤတခီဘီမုၢ်ဖိအစီၤပၤတဖၣ်အစုပူၤ, ပဘၣ်တၢ်မၤသံမၤဝီတ့ၢ်ပှၤ, ဂုာ်ဆူၣ်ပျီဆူၣ်ပှၤဒီးစိာ်ထီၣ် ကွံာ်ပှၤဒ်ပှၤဘၣ်တၢ်စၢဃာ်တဖၣ်အသိးန့ၣ်လီၤ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့ဒ်ပမ့ၢ်ဒံးပဝဲခဲအံၤအသိး န့ၣ်လီၤ.

စံးထီၣ်ပတြၢၤ 97:7

ကယဲၢ်ပှၤလၢအဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ကဘၣ်တၢ်မၤမဲာ်ဆှးအီၤလီၤ. ကယဲၢ်ကစၢ်ခဲလၢာ် ကချံးခီၣ်တီၤလီၤလၢယွၤအမဲာ်ညါလီၤ.

လံာ်ယၡါယၤ 1:29

မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.

လံာ်ယၡါယၤ 44:11

ပှၤတဂၤလၢ်လၢ်လၢအဘူၣ်ထီၣ်ဘါထီၣ်အီၤန့ၣ်ကဘၣ်တၢ်မၤမဲာ်ဆှး အီၤလီၤ. ပှၤလၢအမၤထီၣ်တၢ်ဂီၤတၢ်ဖီၣ်တဖၣ်န့ၣ်မ့ၢ်ဒၣ်ပှၤကညီ တဖၣ်ဒီးတအါန့ၢ်တၢ်န့ၣ်ဘၣ်. ပျဲအဝဲသ့ၣ်ဟဲလၢတၢ်ကသမံသမိးအီၤအဂီၢ်တက့ၢ်. အဝဲသ့ၣ်ကပျံၤတၢ်ဖုးတၢ်ဒီးကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 44:9

ပှၤလၢအတ့တၢ်ဂီၤတၢ်ဖီၣ်တဖၣ်န့ၣ်တဂိာ်တသီၣ်ဘၣ်တၢ်ဘၣ်. ဒီးကစၢ်လၢအဝဲသ့ၣ်ပာ်အပှ့ၤကလံၤဒိၣ်ဒိၣ်ကလဲာ်တဖၣ်အဘျုး တအိၣ်ဘၣ်. ပှၤလၢအဘူၣ်ထီၣ်ဘါထီၣ်ကစၢ်တဖၣ်အံၤအမဲာ်ဘျီၣ် ဒီးအတၢ်သ့ၣ်ညါတအိၣ်ဘၣ်, ဒီးအဝဲသ့ၣ်ကဘၣ်တၢ်မၤမဲာ်ဆှးအီၤလီၤ.

လံာ်ယံးရမံယၤ 2:36

သုမၤစှၤလီၤသုလုၢ်သုပှ့ၤခီဖျိသုဃၣ်ကွံာ်သုသးဆူပှၤကလုာ်အဂၤ တဖၣ်အကစၢ်တဖၣ်အအိၣ်အဃိန့ၣ်လီၤ. သုကသးဟးဂီၤကွံာ်လၢ ကီၢ်အဲၤကူပတူးအဃိ, ဒ်သုသးဟးဂီၤကွံာ်တ့ၢ်လၢကီၢ်အၤ ၡူၢ်အဃိအသိးန့ၣ်လီၤ.

လံာ်ယံးရမံယၤ 22:22

နပှၤခိၣ်ပှၤနၢ်တဖၣ်ကဘၣ်တၢ်အူဒံဖျိးကွံာ်အီၤ လၢကလံၤ, နသိၣ်နမှံၤတဖၣ်ကဘၣ်တၢ်မၤန့ၢ်အီၤဒီးစိာ်ကွံာ်အီၤ ဒ်တၢ်ဒုးတၢ်ယၤအကုၢ်အပှၤတဖၣ်, နဝ့ၢ်ကဘၣ်တၢ်မၤမဲာ်ဆှးအီၤဒီးကဲထီၣ် တၢ်မဲာ်ဆှးအလီၢ်, မ့ၢ်လၢကယဲၢ်တၢ်အၢတၢ်သီခဲလၢာ် လၢနမၤတ့ၢ်တဖၣ်အဃိန့ၣ်လီၤ.

လံာ်ယံးရမံယၤ 32:32

မ့ၢ်လၢတၢ်အၢတၢ်သီ ခဲလၢာ်လၢ အဘၣ်တၢ်မၤတ့ၢ်အီၤလၢ ပှၤဂီၢ်မုၢ်လၢ ကီၢ်ယူဒၤဒီးဝ့ၢ်ယရူၤရှလ့ၣ်, ဃုာ်ဒီး အဝဲသ့ၣ်အစီၤပၤတဖၣ်ဒီး အခိၣ်အနၢ်တဖၣ်, ဒီးအပှၤလုၢ်တၢ်အခိၣ်တဖၣ်ဒီး အဝံတဖၣ်အဃိန့ၣ်လီၤ.

လံာ်ယံးရမံယၤ 4:9

ယွၤစံးဝဲဒၣ်, “လၢမုၢ်နံၤအဝဲန့ၣ်, စီၤပၤတဖၣ်ဒီးပဒိၣ် ပပှၢ်တဖၣ်အတၢ်သးဒူကလီၤမၢ်ကွံာ်န့ၢ်အီၤ, ပှၤလုၢ်တၢ်အခိၣ်တဖၣ်အသးကလီၤကတုၤကွံာ်, ဒီးဝံတဖၣ် ကကမၢကမၣ်ဝဲဒၣ်လီၤ.”

လံာ်ယံးရမံယၤ 48:27

ကီၢ်မိၤအးဧၢ, သ့ၣ်နီၣ်ထီၣ်က့ၤနကတိၤဆါ ကီၢ်အံၣ်စရ့လး ပှၤဂီၢ်မုၢ်ဒ်လဲၣ်န့ၣ်တက့ၢ်. နမၤတ့ၢ်အဝဲသ့ၣ်ဒ် ပှၤလၢအဘၣ်တၢ်ဖီၣ်န့ၢ် ဃုာ်အီၤဒီးတမျိၤတမျာ်အသိးန့ၣ်လီၤ.

လံာ်ယဃ့းစက့လး 16:54

နကမဲာ်ဆှးလီၤက့ၤနသးဒၣ်နဲဒီးနတၢ်မဲာ်ဆှးန့ၣ်ကဒုးနဲၣ်ဝဲ လၢနဒီပုၢ်ဝဲၢ်မုၣ်တဖၣ်ဘီၣ်ဝဲညီဝဲဆံးအါလဲၣ်န့ၣ်လီၤ.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.