လံာ်ယံးရမံယၤ 2:21 - Sgaw Karen Common Bible

²¹ ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်ယံးရမံယၤ 2:21 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 32:28

ဒီးပှၤတဂၤန့ၣ်စံးဘၣ်အီၤ, “နမံၤတမ့ၢ်လၢၤဘၣ်စီၤယၤကိာ် ဘၣ်. နဂဲၤပျုၢ်ပြၢလိာ်တ့ၢ်နသးဒီးကစၢ်ယွၤဒီးပှၤကညီ, ဒီးနမၤနၢၤလံတၢ်လံ. အဃိဒီးနမံၤကမ့ၢ်စီၤအံၣ်စရ့လးလီၤ.”

စံးထီၣ်ပတြၢၤ 105:6

အခ့အပှၤစီၤအၤဘြၤဟၣ်အချံအသၣ်, ပှၤလၢအဃုထၢတ့ၢ်ဝဲ စီၤယၤကိာ်အဖိအလံၤသ့ၣ်ဧၢ,

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

စံးထီၣ်ပတြၢၤ 80:9

နမၤပျီတၢ်လီၢ်လၢအဂီၢ်, ဒီးစဲၤလီၤဝဲအဂံၢ်, ဒီးမၤပှဲၤထံဧိၤကီၢ်ဧိၤလီၤ.

လံာ်တၢ်ဟးထီၣ်ကွံာ် 15:17

ယွၤဧၢ, နဟဲစိာ်နုာ်အီၤဒီးသူၣ်လီၤအီၤလၢနကစၢၢ်ဒီခိၣ်, တၢ်လီၢ်ဖဲနၤ, ယွၤဃုထၢတ့ၢ်အီၤလၢနဟံၣ်အဂီၢ်, ယွၤအတၢ်လုၢ်ဟံၣ်လၢနနီၢ်ကစၢ်ဒၣ်နဲနသူၣ်ထီၣ် အီၤလီၤ.

လံာ်ယၡါယၤ 1:21

ဝ့ၢ်လၢတဘျီအကလုၢ်တီဝဲန့ၣ်, အိၣ်မူမၤဝဲဒ်ဃဲသဲမုၣ်တဂၤ အသိးလီၤ. တဘျီန့ၣ်, ပှဲၤဝဲဒီးပှၤတီပှၤလိၤတဖၣ်, ဘၣ်ဆၣ်ခဲအံၤအိၣ်တီၢ်ဒၣ်ထဲပှၤ မၤသံတၢ်တဖၣ်လီၤ.

လံာ်ယၡါယၤ 27:2

တၢ်လၢမုၢ်တနံၤန့ၣ်, ယွၤကစံးတၢ်ဘၣ်ဃးအစပံးထံလီၢ်လၢ အမုာ်,

လံာ်ယၡါယၤ 41:8

မ့မ့ၢ်နဲဒၣ်, ယကုၢ်ယပှၤအံၣ်စရ့လးဧၢ, နမ့ၢ်ပှၤဂီၢ်မုၢ်လၢယဃုထၢတ့ၢ်အီၤ, ပှၤဟဲလီၤစၢၤလီၤသွဲၣ်လၢယတံၤသကိးစီၤအၤဘြၤဟၣ်န့ၣ်လီၤ.

လံာ်ယၡါယၤ 5:4

မ့ၢ်တၢ်လၢယဂ့ၤမၤဒီးယတမၤဘၣ်န့ၣ်အိၣ်တမံၤမံၤဧါ. မ့မ့ၢ်ဒ်န့ၣ်ဒီး, စပံးလီၢ်အံၤဟ့ၣ်ထီၣ်စပံးသၣ်လၢအဆံၣ်ဒီး တမ့ၢ်ဘၣ်စပံးသၣ်လၢအဂ့ၤဒ်ယမုၢ်လၢ်အသိးန့ၣ်, မ့ၢ်အဘၣ်မနုၤလဲၣ်.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 11:16

တဘျီန့ၣ်ယကိးအဝဲသ့ၣ်လၢသ့ၣ်စၤယံးတထံးလၢအလၣ်အါ, လၢအပှဲၤဒီးအသၣ်အဃံအလၤတဖၣ်န့ၣ်လီၤ. မ့မ့ၢ်ခဲကနံၣ်အံၤ, ယကဒွဲၣ်အူအလၣ်တဖၣ်လၢမ့ၣ်အူဒီးမၤကၢ်ကွံာ်အဒ့တဖၣ် ခီဖျိတၢ်သီၣ်ထီၣ်တမံၤဒ်လီသီၣ်အသိးန့ၣ်လီၤ.

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.

လံာ်သးသယုၢ်တၢ် 4:1

ပထူလၢအကတြ့ၣ်ကတြိၣ်တဖၣ်ထီၣ်အ့ၣ်ဝဲ, ယွၤအတၢ်လုၢ်ဟံၣ်အလၢၢ် တဖၣ်လီၤပြံလီၤပြါလၢကျဲတဖၣ်အဖီခိၣ်လီၤ.

လံာ်မးသဲ 21:33

ယ့ၣ်ၡူးစံးဝဲ, “ကနၣ်ကဒီးတၢ်ကတိၤဒိအဂၤတခါတက့ၢ်. တၢ်စံးဝဲတဘျီ, စပံးလီၢ်ကစၢ်အိၣ်တဂၤလၢအသူၣ်လီၤစပံးလီၢ်တလီၢ်, ဝံၤကရၢဃာ်အီၤဝးတရံး, ဒီးခူၣ်န့ၢ်တၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဒီးဘှီထီၣ်ဒဲအခီၣ်ဖးထီတဖျၢၣ်လၢပှၤကခိးစပံးလီၢ်အဂီၢ်လီၤ. တုၤနုၤတစု, ဒိးလဲလီၤဝဲလၢပှၤဒိးလဲစပံးလီၢ်တဖၣ်အစုပူၤ, ဒီးဟးထီၣ်လၢအဟံၣ်ဒီးလဲၤတၢ်လီၤ.

လံာ်မၢ်ကူး 12:1

အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.

လံာ်လူၤကၣ် 20:9

တုၤနုၤတစုယ့ၣ်ၡူးစံးဘၣ်တဲဘၣ်ပှၤဂီၢ်မုၢ်တဖၣ်လၢတၢ် ကတိၤဒိတထံၣ်အံၤလီၤ. “ပှၤတဂၤသူၣ်လီၤစပံးလီၢ်တလီၢ်, ဒိးလဲလီၤဝဲဆူပှၤမၤဟီၣ်ခိၣ်တဖၣ်, ဝံၤဒီးဟးထီၣ်လၢအဟံၣ်ဖးယံာ်လီၤ.

လံာ်ယိၤဟၣ် 15:1

ယဲဒၣ်အံၤယမ့ၢ်စပံးမုၢ်နီၢ်နီၢ်, ဒီးယပၢ်မ့ၢ်ပှၤပၢၤစပံးမုၢ် အလီၢ်လီၤ.

လံာ်သိၣ်လီၤသီလီၤတၢ် 32:32

အဝဲသ့ၣ်အဒုၣ်အဒါတဖၣ်လၢအလီၤရၢၢ်လီၤစၢၢ်ဝဲဒ် ဝ့ၢ်စဒိၣ်ဒီးဝ့ၢ်ဂမိရၤအသိးန့ၣ်, လီၤဂာ်ဒီးစပံးမုၢ်တဖၣ်လၢအသၣ်ထီၣ်စပံးသၣ်လၢအခၣ်ဝဲဒီးအိၣ် ဒီးအစုၣ်အပျၢ်,

လံာ်သိၣ်လီၤသီလီၤတၢ် 4:37

မ့ၢ်လၢအအဲၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဃိ, အဝဲဃုထၢသုဒီးခီဖျိလၢအဝဲအစိကမီၤဖးဒိၣ်န့ၣ်အဝဲအနီၢ် ကစၢ်ဒၣ်ဝဲထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

လံာ်စီၤယိၤၡူ 24:31

ဒီးပှၤအံၣ်စရ့လးဖိမၤယွၤအတၢ်လၢစီၤယိၤၡူအမုၢ်နံၤခဲလၢာ်, ဒီးလၢပှၤသူၣ်က့သးပှၢ်လၢအအိၣ်မူပျံကွံာ်စီၤယိၤၡူ ဒီးသ့ၣ်ညါတၢ်ခဲလၢာ်လၢယွၤမၤတ့ၢ်တၢ်လၢပှၤအံၣ်စရ့လးဖိအဂီၢ်တဖၣ်အမုၢ်နံၤခဲလၢာ်န့ၣ်လီၤ.