လံာ်ယံးရမံယၤ 2:2 - Sgaw Karen Common Bible

² လၢယကတဲဖျါတၢ်ကစီၣ်လၢလာ် အံၤဆူပှၤကိးဂၤဒဲးလၢဝ့ၢ်ယရူၤၡလ့ၣ်အပူၤန့ၣ်လီၤ. “ယသ့ၣ်နီၣ်ထီၣ်က့ၤနသးတီတ့ၢ် ဒီးယၤဆံးအါဖဲနသးစၢ်ဒံးအခါ, ဒီးနအဲၣ်တ့ၢ်ယၤဒ်လဲၣ်ဖဲပဒိးတ့ဒိးဖျီပသး အဆၢကတီၢ်န့ၣ်လီၤ. နပိာ်တ့ၢ်ယခံ, လဲၤခီဖျိမဲးမုၢ်ခိၣ်လဲၤခီဖျိထံကီၢ်တဘ့ၣ်လၢ တၢ်ချံတဖှံဘၣ်အသးဘၣ်န့ၣ်လီၤ.

လံာ်ယံးရမံယၤ 2:2 Iomraidhean Croise

စံးထီၣ်ပတြၢၤ 129:1

အံၣ်စရ့လးဧၢ, တဲဘၣ်ပှၤလၢ နဘၣ်တၢ်မၤနးမၤဖှီၣ်နၤလၢနဒုၣ်နဒါတဖၣ်, စးထီၣ်လၢ နသးစၢ်လံၤလံၤဒ်လဲၣ်အဂ့ၢ်န့ၣ်တက့ၢ်.

လံာ်တၢ်ဟးထီၣ်ကွံာ် 14:31

ဖဲပှၤအံၣ်စရ့လးဖိတဖၣ်ထံၣ်ဘၣ်တၢ်စိတၢ်ကမီၤဖးဒိၣ်လၢယွၤ မၤနၢၤကွံာ်ပှၤအဲၤကူပတူးဖိတဖၣ်ဒီးပှၤဂီၢ်မုၢ်ပျံၤယွၤ ဒီးအဝဲသ့ၣ်နာ်ယွၤဒီးအခ့အပှၤစီၤမိၤၡ့န့ၣ်လီၤ.

လံာ်တၢ်ဟးထီၣ်ကွံာ် 16:8

ဒီးစီၤမိၤၡ့စံးဝဲဒၣ်, “ယွၤမ့ၢ်ပှၤလၢကဟ့ၣ်သုတၢ်ဖံးတၢ် ညၣ်လၢသုကအီၣ်လၢမုၢ်ဟါ, ဒီးကိၣ်ပှဲၤသိးသုအဲၣ်ဒိးအီၣ်လၢမုၢ်ဂီၤအကတီၢ်န့ၣ်လီၤ. အဂ့ၢ်ဒ်အံၤ, အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤန့ၣ်လီၤ. ဖဲသုကဒူးကဒ့ၣ်ထီဒါပှၤန့ၣ်, မ့ၢ်သပှၢ်ကတၢၢ်သုကဒူးကဒ့ၣ်ထီဒါယွၤန့ၣ်လီၤ.”

တၢ်ကတိၤဒိ. 1:20

ဒိကနၣ်တက့ၢ်. တၢ်ကူၣ်သ့ကိးထီၣ်ဝဲလၢကျဲမုၢ်ခိၣ်ဒီးလၢတၢ် ဆါတၢ်ပှ့ၤအလီၢ်တဖၣ်အပူၤ,

လံာ်တၢ်သးဝံၣ်တဖၣ်အတၢ်သးဝံၣ် 3:11

ဝ့ၢ်စံယိၣ်အဖိမုၣ်သ့ၣ်ဧၢ, ဟဲဒီးကွၢ်စီၤပၤၡလိၤမိၤတက့ၢ်. အဝဲအိၣ်ဒီးခိၣ်သလုးလၢအမိၢ်ဒုးကုာ်ထီၣ်အီၤလၢအခိၣ်လိၤ, ဖဲအဒိးတ့ဒိးဖျီအသးအနံၤ, အမုၢ်နံၤလၢအပှဲၤဒီးတၢ်သူၣ်ခုသးခုဒီးတၢ်သူၣ်ဖှံသးညီ န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယံးရမံယၤ 11:6

အန့ၣ်ဒီးယွၤစံးဘၣ်ယၤ, “လဲၤဆူကီၢ်ယူဒၤအဝ့ၢ်တဖၣ်ဒီးဝ့ၢ်ယရူၤၡလ့ၣ်အကျဲဘိ တဖၣ်အပူၤတက့ၢ်. တဲဖျါထီၣ်ယတၢ်ကစီၣ်ဖဲန့ၣ်, ဒီးတဲဘၣ်ပှၤဂီၢ်မုၢ်လၢကဒိကနၣ်တၢ်အဂ့ၢ်တဖၣ် လၢတၢ်ပာ်လီၤအီၤလၢတၢ်အၢၣ်လီၤအီလီၤအဂီၢ်, ဒီးစူၢ်အီၤန့ၣ်တက့ၢ်.

လံာ်ယံးရမံယၤ 19:2

ဒီးလဲၤနုာ်ခီဖျိတြဲၤသပၢၤက့ဆူဟံၣ်နိၣ်အတြီၤပူၤတက့ၢ်. ဖဲန့ၣ်, ယကဘၣ်စံးဘၣ်တၢ်ကစီၣ်လၢယွၤကဟ့ၣ်ယၤန့ၣ်လီၤ.

လံာ်ယံးရမံယၤ 2:1

ယွၤစံးဘၣ်တဲဘၣ်ယၤ,

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယံးရမံယၤ 3:4

ဒီးခဲအံၤနစံးဘၣ်ယၤ, ‘နမ့ၢ်ယပၢ်ဒီးနအဲၣ်တ့ၢ်ယၤလၢယမ့ၢ်ဖိ သၣ်တဂၤလံၤလံၤန့ၣ်လီၤ.

လံာ်ယံးရမံယၤ 7:2

အဝဲတဲဘၣ်ယၤလၢယကဆၢထၢၣ်ဖဲန့ၣ်ဒီးဘိးဘၣ်သ့ၣ်ညါ တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤအဲၣ်ဒိးစံး ဘၣ်တ့ၢ်အဝဲသ့ၣ်, န့ၣ်လီၤ.

လံာ်ယဃ့းစက့လး 16:22

ဖဲနအိၣ်မူတၢ်အိၣ်မူလီၤသးဘၣ်အၢဒ်ပှၤဃဲသဲမုၣ်တဂၤ အသိးအကတီၢ်န့ၣ်, နတသ့ၣ်နီၣ်ထီၣ်က့ၤနဖိသၣ်အမုၢ်နံၤတဖၣ်နီတဘျီ, ဖဲနအိၣ်ဘ့ၣ်ဆ့ဒီးတလ့ၣ်ကံးကူးနသးလၢနသွံၣ်ဒၣ်နဲအပူၤ အကတီၢ်န့ၣ်ဘၣ်.”

လံာ်ယဃ့းစက့လး 16:60

ဘၣ်ဆၣ်ဒီးယကပာ်ကဲဒီးဟံးဃာ်တၢ်အၢၣ်လီၤအီလီၤလၢယမၤဒီးနၤ ဖဲနသးစၢ်အခါန့ၣ်ဒီးယကမၤတၢ်အၢၣ်လီၤအီလီၤတမံၤဒီးနၤလၢ ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ.

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 23:19

အဝဲကဲထီၣ်ပှၤဃဲသဲမုၣ်တဂၤနးန့ၢ်ဒံးအလီၢ်, မၤဒံးဒၣ်တၢ်ဒ်အမၤတ့ၢ်ဝဲအသိးဖဲအမ့ၢ်ဒံးဖိသၣ်မုၣ်တဂၤအခါ, ဖဲအဝဲမ့ၢ်တ့ၢ်ပှၤဃဲသဲမုၣ်တဂၤလၢကီၢ်အဲၤကူပတူးအပူၤန့ၣ်လီၤ.

လံာ်ယဃ့းစက့လး 23:8

အဝဲမၤထွဲဒံးတၢ်လၢအစးထီၣ်မၤတ့ၢ်ဝဲဒ်ပှၤဃဲသဲမုၣ်တဂၤ အသိးလၢကီၢ်အဲၤကူပတူးအပူၤ, ဖဲအဝဲအတၢ်မ့ၢ်ပှၤမုၣ်ကနီၤလီၤမၢ်ကွံာ်ဝဲဒၣ်န့ၣ်လီၤ. စးထီၣ်လၢအဝဲမ့ၢ်ပိာ်မုၣ်ဖိသၣ်တဂၤလံၤလံၤန့ၣ်, ပိာ်ခွါတဖၣ်မံဃုာ်ဒီးအီၤဒီးပာ်အီၤဒ်ပှၤဃဲသဲမုၣ်တဂၤ အသိးန့ၣ်လီၤ.

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

လံာ်ဟိၤၡ့ 2:17

ယတပျဲအဝဲကိးထီၣ်ကဒီးဘဧၤလးအမံၤနီတဘျီလၢၤဘၣ်.

လံာ်ဟိၤၡ့ 2:7

အဝဲကဃ့ၢ်လူၤပိာ်ပှၤလၢအအဲၣ်ဝဲသ့ၣ်တဖၣ်အခံ, ဘၣ်ဆၣ်တချုးန့ၢ်ဝဲဘၣ်. ကဃုအဝဲသ့ၣ်တဖၣ်, ဘၣ်ဆၣ်တထံၣ်န့ၢ်ဘၣ်ဝဲဘၣ်. အန့ၣ်ဒီးအဝဲကစံးဝဲ, ယကက့ၤကဒါက့ၤဆူယဝၤအခီၣ်ထံးတဂၤအအိၣ်လီၤ. အဂ့ၢ်ဒ်အံၤ, အကတီၢ်ဖဲန့ၣ်ဂ့ၤန့ၢ်ဒံးအကတီၢ်ခဲအံၤလၢယဂီၢ်န့ၣ်လီၤ.

လံာ်ဟိၤၡ့ 8:1

ယွၤစံးဝဲဒၣ် အူထီၣ်ကွဲၤလၢတၢ်မၤဖုးမၤပျီၢ်အဂီၢ်တက့ၢ်. ဒုၣ်ဒါတဖၣ်နုာ်လီၤချ့သဒံးဆူယကီၢ်ပူၤဒ် လံာ်ကြီကြာ်တဖၣ်ယူၤလီၤဝဲလၢကဖီၣ်န့ၢ်တၢ်အဂီၢ်အသိးန့ၣ်လီၤ. ယပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်ဒီးပူထီၣ်ထီဒါယတၢ်သိၣ်လိန့ၣ်လီၤ.

လံာ်ဟိၤၡ့ 9:10

ယွၤစံးဝဲဒၣ်, ဖဲယထံၣ်ကီၢ်အံၣ်စရ့လးအဆိကတၢၢ်အခါန့ၣ် လီၤဂာ်ဒ်တၢ်ထံၣ်န့ၢ်စပံးသၣ်တဖၣ်မဲထီၣ်လၢပှၢ် မုၢ်ကနၢအပူၤအသိးန့ၣ်လီၤ. ဖဲယထံၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဆိကတၢၢ် အခါန့ၣ်, လီၤဂာ်ဒ်တၢ်ထံၣ်ဘၣ်သ့ၣ်ချၢၣ်ဒၢသၣ်အမံဆိလၢအဆၢကတီၢ်ဘၣ်ဝဲ အခါန့ၣ်လီၤ. ဘၣ်ဆၣ်တုၤအဝဲသ့ၣ်ဟဲဆူကစၢၢ်ဘဧၤလးပဧိၤန့ၣ်စး ထီၣ်ဘါထီၣ်သီဘဧၤလး, ဒီးတယံာ်ဘၣ်န့ၣ်မၤအသးလီၤသးဘၣ်အၢဒ် ယွၤတဖၣ်လၢအဝဲသ့ၣ်အဲၣ်ဝဲအသိးန့ၣ်လီၤ.

လံာ်ယိၤနါ 1:2

“လဲၤဆူဝ့ၢ်နံၤနဝ့လၢအမ့ၢ်ဝ့ၢ်ဖးဒိၣ်တဖျၢၣ်န့ၣ်ခဲအံၤ, ဒီးကတိၤတၢ်ထီဒါအီၤတက့ၢ်. အတၢ်အၢတၢ်သီန့ၣ်ထီၣ်ဘးလံလၢယမဲာ်ညါလံန့ၣ်လီၤ.”

လံာ်မးသဲ 11:15

ပှၤအိၣ်ဒီးအနၢ်လၢအနၢ်ဟူတၢ်မ်အဒိကနၣ်တၢ်တက့ၢ်.

လံာ်လူၤကၣ် 12:13

ပှၤလၢကမျၢၢ်အကျါတဂၤစံးဘၣ်အီၤ, “သရၣ်ဧၢ, တဲဘၣ်ယဒီပုၢ်ဝဲၢ်ခွါလၢအကနီၤဖးန့ၢ်ယၤ တၢ်စုလီၢ်ခီၣ်ခိၣ်လၢပပၢ်ပာ်တ့ၢ်န့ၢ်ပှၤန့ၣ်တက့ၢ်.”

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

လံာ်လီၣ်ဖျါ 2:4

ဘၣ်ဆၣ်ဒီး, ယပာ်တၢ်ကမၣ်လၢနလိၤတမံၤဒ်အံၤလီၤ. ခဲကနံၣ်အံၤနတအဲၣ်ယၤထဲသိးနအဲၣ်ယၤလၢညါန့ၣ်ဘၣ်.