လံာ်ယံးရမံယၤ 2:18 - Sgaw Karen Common Bible

¹⁸ တၢ်လဲၤဆူကီၢ်အဲၤကူပတူးဒ်သိးတၢ်ကအီထံလၢထံကျိနံၤလါန့ၣ်, နဆိကမိၣ်လၢနကမၤန့ၢ်တၢ်မနုၤတမံၤလဲၣ်. တၢ်လဲၤဆူကီၢ်အၤၡူၢ် ဒ်သိးတၢ်ကအီထံလၢထံကျိဖရၤသးန့ၣ်, နဆိကမိၣ်လၢနကမၤန့ၢ် တၢ်မနုၤတမံၤလဲၣ်.

လံာ်ယံးရမံယၤ 2:18 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 28:16

စီၤပၤအၤဃးမၢကီၢ်အၤၡူၢ်အစီၤပၤဖးဒိၣ်, စီၤတံးကလးပလ့စ့ၢ်ဆှၢလီၤန့ၢ်အီၤတၢ်မၤစၢၤ,

လံာ်ယၡါယၤ 23:3

သုဆှၢလီၤပှၤခီဂာ်ပီၣ်လဲၣ်လၢကပှ့ၤဒီးဆါဘုဧိၤဟုဧိၤလၢ အမဲထီၣ်သၣ်ထီၣ်လၢကီၢ်အဲၤကူပတူးဒီးပနံာ်တၢ်ကၤတၢ် ဒီးပှၤကလုာ်တဖၣ်အဂီၢ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 7:20

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ယွၤကဒိးလဲပှၤတံာ်ခိၣ် သူတဂၤလၢထံကျိဖရၤသးဝၢ်ဘးခီတခီ, လၢအမ့ၢ်ဝဲကီၢ်အၤၡူၢ် အစီၤပၤ, ဒီးအဝဲကလူၤကွံာ်သုခၣ်ဆူၣ်, ဒီးသုခိၣ်သူလၢ သုခိၣ်တဖၣ်အလိၤ, ဒီးသုဆူၣ်လၢသုနီၢ်ခိတဖၣ်အလိၤလီၤ.

လံာ်ယံးရမံယၤ 2:36

သုမၤစှၤလီၤသုလုၢ်သုပှ့ၤခီဖျိသုဃၣ်ကွံာ်သုသးဆူပှၤကလုာ်အဂၤ တဖၣ်အကစၢ်တဖၣ်အအိၣ်အဃိန့ၣ်လီၤ. သုကသးဟးဂီၤကွံာ်လၢ ကီၢ်အဲၤကူပတူးအဃိ, ဒ်သုသးဟးဂီၤကွံာ်တ့ၢ်လၢကီၢ်အၤ ၡူၢ်အဃိအသိးန့ၣ်လီၤ.

လံာ်ယံးရမံယၤ 31:22

သုကမၤယံာ်မၤနီၢ်သုသးဆံးယံာ်လဲၣ်, ပှၤဂီၢ်မုၢ်လၢ အတၢ်နာ်တအိၣ်ဘၣ်သ့ၣ်ဧၢ, ယတ့လီၤတ့ၢ်တၢ်အသီဒီး လီၤဆီတမံၤ, လီၤဆီဝဲဒ်သိးသိး ပိာ်မုၣ်တဂၤဒီ ဒၣ်အိၣ် ပှိၤပိာ်ခွါတဂၤန့ၣ်လီၤ.

လံာ်သးသယုၢ်တၢ် 4:17

ပကွၢ်တ့ၢ်တၢ်တုၤပကွၢ်ဆူညါတကဲလၢၤဘၣ်လၢတၢ်မၤစၢၤလၢအတဟဲ နီတစုအဂီၢ် ဒီးပအိၣ်ခိးတၢ်မၤစၢၤကဟဲလၢပှၤတကလုာ်လၢအတအိၣ်ဒီးတၢ်နီ တမံၤလၢကဟ့ၣ်တၢ်အဂီၢ်န့ၣ်လီၤ.

လံာ်သးသယုၢ်တၢ် 5:6

လၢပကန့ၢ်ဘၣ်တၢ်အီၣ်လၢဝဲလၢပကမူအဂီၢ်န့ၣ် ပလဲၤတ့ၢ်ဒီးဃ့အီၣ်တၢ်လၢ ကီၢ်အဲၤကူပတူးဒီးကီၢ်အၤၡူၢ်လီၤ.

လံာ်ယဃ့းစက့လး 16:28

မ့ၢ်လၢပှၤဂၤတဖၣ်တမၤသးမံဒံးနၤဘၣ်အဃိ, နဃ့ၢ်လူၤပိာ်ထွဲ ပှၤအၤၡူၢ်ဖိတဖၣ်အခံန့ၣ်လီၤ. နမ့ၢ်တ့ၢ်အဝဲသ့ၣ်အပှၤဃဲသဲ မုၣ်, ဘၣ်ဆၣ်ဒီးအဝဲသ့ၣ်စ့ၢ်ကီးတမၤသးမံဒံးနၤဘၣ်.

လံာ်ယဃ့းစက့လး 17:15

ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.

လံာ်ယဃ့းစက့လး 23:30

နမ့ၢ်ပှၤဃဲသဲမုၣ်တဂၤလၢပှၤကလုာ်တဖၣ်အဂီၢ်ဒီးမၤဘၣ်အၢနသး ဒီးအဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ်လီၤ.

လံာ်ဟိၤၡ့ 5:13

ဖဲကီၢ်အံၣ်စရ့လးထံၣ်ဝဲလၢအဘၣ်ဆူးဘၣ်ဆါ ဒ်လဲၣ်ဒီးကီၢ်ယူဒၤထံၣ်အတၢ်ပူၤလီၢ်ပူၤကျဲဒၣ်ဝဲတဖၣ်န့ၣ် ဒီးကီၢ်အံၣ်စရ့လးလဲၤဝဲဒၣ်ဆူကီၢ်အၤၡူၢ်အအိၣ်လၢကဃ့ တၢ်မၤစၢၤလၢစီၤပၤဖးဒိၣ်အအိၣ်, ဘၣ်ဆၣ်အဝဲဒၣ်ဒုးအိၣ်ဆူၣ်အိၣ်ချ့ထီၣ်အဝဲသ့ၣ်မ့ၢ်ဂ့ၤ, မၤဘျါအဝဲသ့ၣ်အပူၤလီၢ်ပူၤကျဲတဖၣ်မ့ၢ်ဂ့ၤတန့ၢ်ဘၣ်.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).