လံာ်ယံးရမံယၤ 2:15 - Sgaw Karen Common Bible

¹⁵ အဝဲသ့ၣ်ကညီၤတ့ၢ်လၢအလိၤဒ်ခ့ယုၢ်တဖၣ်အသိးလီၤ. အဝဲသ့ၣ်ဒုးကဲထီၣ်အကီၢ်လၢမဲးမုၢ်ခိၣ်တတီၤ, ဒီးအဝ့ၢ်တဖၣ်ဟးဂီၤကွံာ်ဒီးဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယံးရမံယၤ 2:15 Iomraidhean Croise

လံာ်စီၤယိၤဘး 4:10

ပှၤတတီတလိၤကညီၤတၢ်ဒီးကညီၤထီၣ်တၢ်ဒ်ခ့ယုၢ်တဖၣ်ကညီၤတၢ် အသိး, ဘၣ်ဆၣ်ဒီးကစၢ်ယွၤဒုးအိၣ်ဃိကလာ်ကွံာ်အဝဲသ့ၣ် ဒီးမၤကၢ်ကွံာ်အဝဲသ့ၣ်အမဲတဖၣ်လီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

လံာ်ယၡါယၤ 1:7

သုထံသုကီၢ်ဘၣ်တၢ်မၤဟးဂီၤမၤလီၤဃီအီၤ, ဒီးသုဝ့ၢ်တဖၣ်ဘၣ်တၢ်ဒွဲၣ်အူလီၤပှီၢ်အီၤန့ၣ်လီၤ. ဖဲသုကွၢ်ဒံးတၢ်န့ၣ်, ပှၤတခီဘီမုၢ်ဖိတဖၣ်ဟံး န့ၢ်ကွံာ်သုထံသုကီၢ်ဒီးမၤဟးဂီၤကွံာ် တၢ်ခဲလၢာ်န့ၣ်လီၤ.

လံာ်ယၡါယၤ 24:1

ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

လံာ်ယၡါယၤ 5:29

သုးဖိတဖၣ်ကညီၤထီၣ်ဝဲဒ်ခ့ယုၢ်တဖၣ်အသိး, လၢအမၤသံ ဆၣ်ဖိကီၢ်ဖိဒီးစိာ်ကွံာ်အီၤဆူတၢ်လီၢ်လၢပှၤဟံးန့ၢ်က့ၤအီၤ လၢအအိၣ်တသ့နီတဂၤဘၣ်န့ၣ်လီၤ.

လံာ်ယၡါယၤ 5:9

ယနၢ်ဟူတ့ၢ်ယွၤသ့တၢ်လၢာ်ကစၢ်စံးဝဲဒၣ်, “ဟံၣ်လၢအဒိၣ်ဒီးဂ့ၤဝဲခဲလၢာ်အံၤကလီၤ ဟိဒီးဟးဂီၤကွံာ်ခဲလၢာ်လီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယံးရမံယၤ 10:22

ဒိကနၣ်တက့ၢ်. တၢ်ကစီၣ်ဟဲတုၤဝဲလံ. တၢ်တၢထီၣ်တၢ်လီၤဖးဒိၣ်တမံၤမၤအသးလၢကီၢ်လၢက လံၤစိးတခီအပှၤတကလုာ်အကျါန့ၣ်လီၤ. အဝဲသ့ၣ်အသုးမုၢ်ကဒုးကဲထီၣ်ကီၢ်ယူ ဒၤအဝ့ၢ်တဖၣ်လၢမဲးမုၢ်ခိၣ်, တၢ်လီၢ်တတီၤလၢထွံၣ်ဟီၣ်ခိၣ်အိၣ်ဝဲဆိးဝဲန့ၣ်လီၤ.”

လံာ်ယံးရမံယၤ 25:30

နဲဒၣ်, စီၤယံးရမံယၤဧၢ, နကဘၣ်တဲဖျါတၢ်ကိးမံၤဒဲးလၢ ယစံးတ့ၢ်ယဲလီၤ. နဘၣ်တဲဘၣ်ပှၤဂီၢ်မုၢ်တဖၣ်အံၤလၢ, “ယွၤကထုထီၣ်အကလုၢ်လၢမူခိၣ် ဒီးအကလုၢ်ကသီၣ်ထီၣ်ဝဲ ဒ်လီသီၣ်အသိးလၢမူခိၣ် အလီၢ်ထီၣ်ထီတဖၣ်န့ၣ်လီၤ. အဝဲကထုထီၣ်အကလုၢ်ထီဒါ အပှၤဂီၢ်မုၢ်, အဝဲကကိးပသူထီၣ်ဝဲ ဒ်ပှၤတဂၤလၢ အယီၢ်စပံးသၣ်အသိးန့ၣ်လီၤ. ပှၤကိးဂၤဒဲးလၢ ဟီၣ်ခိၣ်ချၢကနၢ်ဟူအီၤ,

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 26:9

ဘၣ်မနုၤအဃိ, လၢယွၤအမံၤအပူၤန့ၣ် နစံးလၢ, ယွၤအတၢ်လုၢ်ဟံၣ်အံၤ ကကဲထီၣ်ဒ် ဝ့ၢ်ၡံလိၣ်အသိးဒီး လၢဝ့ၢ်အံၤကဘၣ်တၢ်မၤဟးဂီၤကွံာ်အီၤဒီး ပှၤတအိၣ်လၢၤလၢ အပူၤနီတဂၤန့ၣ်လဲၣ်.” အန့ၣ်ဝံၤဒီး, ပှၤဂီၢ်မုၢ်ဟဲဖှိၣ်ပှဲၤကတံာ်ဝးတရံးယၤန့ၣ်လီၤ.

လံာ်ယံးရမံယၤ 33:10

ယွၤစံးဝဲဒၣ်, “ပှၤဂီၢ်မုၢ်စံးဝဲလၢ တၢ်လီၢ်အံၤ လီၤဂာ်ဒီး မဲးမုၢ်ခိၣ်တတီၤ, လၢပှၤကညီမ့ၢ်ဂ့ၤ, ဆၣ်ဖိကီၢ်ဖိတဖၣ်မ့ၢ်ဂ့ၤတအိၣ်ဆိးလၢ အပူၤဘၣ်န့ၣ်လီၤ. ဒီးအဝဲသ့ၣ်စံးတၢ်န့ၣ် ဘၣ်လီၤ. ကီၢ်ယူဒၤအဝ့ၢ်တဖၣ်ဒီး ဝ့ၢ်ယရူၤၡလ့ၣ်အကျဲတဖၣ် အပူၤအိၣ်ကလီဝဲလီၤ. ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးဖဲန့ၣ်ဘၣ်. ဘၣ်ဆၣ်ဒီး, လၢတၢ်လီၢ်တဖၣ်အံၤ အပူၤန့ၣ် နကနၢ်ဟူကဒီး,

လံာ်ယံးရမံယၤ 34:22

ယကဟ့ၣ်လီၤတၢ်ကလုၢ်ဒီး အဝဲသ့ၣ်ကဟဲက့ၤကဒါက့ၤဆူ ဝ့ၢ်အံၤလီၤ. အဝဲသ့ၣ်ကထီၣ်ဒုးအီၤ, ဒီးမၤန့ၢ်အီၤ, ဒီးဒွဲၣ် အူထီၣ်ကွံာ်အီၤန့ၣ်လီၤ. ယကဒုးကဲထီၣ်ကီၢ် ယူဒၤအဝ့ၢ်တဖၣ် လၢမဲးမုၢ်ခိၣ်တတီၤဖဲ ပှၤ တအိၣ်နီတဂၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 44:22

အအံၤတနံၤအံၤဒၣ်လဲာ်, သုထံသုကီၢ်အိၣ်လီၤ တဲာ်လၢ တၢ်ဟးဂူာ်ဟးဂီၤအပူၤ, ဒီးပှၤတအိၣ်ဆိးလၢ အပူၤနီတဂၤလၢၤဘၣ်. တၢ်န့ၣ်ကဲထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီၤ ပှၤဂီၢ်မုၢ်သူအမံၤဒ်တၢ်ဆိၣ်အၢတမံၤအသိး, မ့ၢ်လၢယွၤတူၢ်သု တၢ်မၤအအၢအသီဒီး တၢ်မၤလၢ အလီၤသးဘၣ်အၢတဖၣ် တကဲလၢၤဘၣ်အဃိန့ၣ်လီၤ.

လံာ်ယံးရမံယၤ 5:6

လၢတၢ်န့ၣ်အဃိ, ခ့ယုၢ်တဖၣ်လၢသ့ၣ်ဒိၣ်ပှၢ် ထီၣ်အပူၤကမၤသံကွံာ်အဝဲသ့ၣ်, ထွံၣ်မံၤတဖၣ်လၢမဲးမုၢ်ခိၣ်ကအ့ၣ်ဖှီအဝဲသ့ၣ်ဆူ အက့အခီ, ဒီးခ့စံၣ်ပိၣ်တဖၣ်ကဟးဝ့ၤဝီၤကစုဒုသကုၤအဝဲသ့ၣ် အဝ့ၢ်တဖၣ်အပူၤန့ၣ်လီၤ. ပှၤဂီၢ်မုၢ်တဖၣ်အံၤမ့ၢ်ဟးထီၣ်ဒီး, အဝဲသ့ၣ်ကဘၣ် တၢ်အ့ၣ်ဖှီလီၤကလဲအီၤ မ့ၢ်လၢအတၢ်ဒဲးဘးတဖၣ်အိၣ်အါအါဂီၢ်ဂီၢ် ဒီးတဘျီဝံၤတဘျီ, အဝဲသ့ၣ်ဃၣ်ကွံာ်တ့ၢ်အသးလၢကစၢ်ယွၤအအိၣ်အဃိန့ၣ်လီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယံးရမံယၤ 51:38

ပှၤဘၤဘူၤလိၣ်ဖိတဖၣ် ကကညီၤတၢ်ဒ် ခ့ယုၢ်တဖၣ်အသိး, ဒီးကိးပသူထီၣ်ဒ် ခ့ယုၢ်ဖိတဖၣ်အသိးန့ၣ်လီၤ.

လံာ်ယံးရမံယၤ 6:8

ပှၤဝ့ၢ်ယရူၤရှလ့ၣ်ဖိသ့ၣ်ဧၢ, မ်တၢ်ကီတၢ်ခဲတဖၣ်အံၤကမ့ၢ်တၢ် ဟ့ၣ်ပလီၢ်တမံၤလၢသုဂီၢ်တက့ၢ်. မ့တမ့ၢ်ဘၣ်ဒီး, ယကပာ်လီၤတဲာ်ကွံာ်သုလီၤ. ယကဘိးကဒါကွံာ်သုဝ့ၢ်အံၤ ဆူမဲးမုၢ်ခိၣ်တတီၤ, တၢ်လီၢ်တတီၤဖဲပှၤတအိၣ်နီတဂၤဘၣ်န့ၣ်လီၤ.”

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်ယဃ့းစက့လး 36:3

ကတိၤတၢ်လၢဝံအကျိာ်, အန့ၣ်ဝံၤဒီး, ဘိးဘၣ်သ့ၣ်ညါတၢ်လၢယၤယွၤပၢ ဘၣ်တၢ်ခဲလၢာ်ကစၢ်ကစံးဝဲန့ၣ်တက့ၢ်. တုၤပှၤကလုာ်အိၣ်ခိၣ်အိၣ်ဃၢၤတဖၣ်ဒုးန့ၢ်ဒီးဂုာ်ဆူၣ်ပျိဆူၣ်ကီၢ် အံၣ်စရ့လးအကစၢၢ်ကလိတဖၣ်ဒီးမ့ၢ်အဝဲသ့ၣ်ခဲလၢာ်ကတိၤတရီတပါ ကီၢ်အံၣ်စရ့လးန့ၣ်လီၤ.

လံာ်ယဃ့းစက့လး 5:14

ပှၤကိးဂၤဒဲးလၢပှၤကလုာ်တဖၣ်လၢအအိၣ်ဝးတရံးသုအကျါလၢ အလဲၤတြူာ်ဘၣ်သုန့ၣ်ကဒုၣ်ဒွဲၣ်သုဒီးပာ်ယံၤအသးဒီးသု န့ၣ်လီၤ.

လံာ်ဟိၤၡ့ 11:10

ယပှၤဂီၢ်မုၢ်ကပိာ်ထွဲယခံဖဲယကညီၤအဝဲသ့ၣ် အဒုၣ်အဒါတဖၣ်ဒ်ခ့ယုၢ်တဒုအသိးအခါန့ၣ်လီၤ. အဝဲသ့ၣ်ကဟဲဆူယအိၣ်ချ့ချ့လၢမုၢ်နုာ်တကပၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်ဧၤမိၣ် 3:12

ယွၤစံးဝဲဒၣ်, “ဒ်ပှၤကွၢ်သိဂုာ်န့ၢ်က့ၤသိဖိအခီၣ်ခံခီမ့ၢ်ဂ့ၤအနၢ်တစဲး မ့ၢ်ဂ့ၤလၢခ့ယုၢ်အထးခိၣ်အသိးန့ၣ်, အံၣ်စရ့လးအဖိတဖၣ် လၢအအိၣ်လၢကီၢ်ၡၤမရံအပူၤန့ၣ်ကဘၣ်တၢ်မၤပူၤဖျဲး အီၤထဲသိးဒၣ်လီၢ်မံခးအခီၣ်ခံခီဒီးလီၢ်ဆ့ၣ်နီၤအက့အခီဖိဧိၤလီၤ.

လံာ်ဧၤမိၣ် 3:4

တၢ်လၢကဖီၣ်မၤသံအီၣ်ဝဲမ့ၢ်တအိၣ်ဘၣ်ဒီးခ့ယုၢ် ကကညီၤထီၣ်လၢသ့ၣ်ပှၢ်ကျါစ့ၢ်ကီးဧါ. ခ့ယုၢ်ဖိမ့ၢ်တဖီၣ်န့ၢ်ဘၣ်တၢ်ဘၣ်ဒီးကမၤသီၣ်ထီၣ်တၢ်လၢအတဝၢ ပူၤစ့ၢ်ကီးဧါ.

လံာ်ဧၤမိၣ် 3:8

ဖဲခ့ယုၢ်ကညီၤထီၣ်န့ၣ်မတၤတပျံၤဘၣ်တၢ်တဂၤလဲၣ်. ဖဲတၢ်စိတၢ်ကမီၤခဲလၢာ်အကစၢ်ယွၤကတိၤတၢ်ဒီးမ့ၢ်မတၤတလီၣ် ဖျါထီၣ်ဘၣ်အတၢ်ကစီၣ်ဘၣ်ဒီးအိၣ်ဝဲကသ့တဂၤလဲၣ်.

လံာ်နၤဃူၣ် 2:11

ဝ့ၢ်လၢအလီၤဂာ်ဒီးခ့ယုၢ်တဖၣ်အတဝၢပူၤ, တၢ်လီၢ်ဖဲခ့ယုၢ်ဖိတဖၣ်အီၣ်တၢ်, ဖဲခ့ယုၢ်ဖါဒီးခ့ယုၢ်မိၢ်လဲၤဝဲဒီးအဖိတဖၣ်လၢကအိၣ်ပူၤဖျဲးဝဲ အဂီၢ်န့ၣ်, ခဲကနံၣ်အံၤအိၣ်ဖဲလဲၣ်.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်စဖါနယၤ 2:5

သုဝဲပှၤဖလ့ၡသးဖိ, ပှၤအိၣ်ဝဲဆိးဝဲလၢပီၣ်လဲၣ်နံၤသ့ၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. ယွၤဟ့ၣ်လီၤတ့ၢ်တၢ်စံၣ်ညီၣ်လၢသုဖီခိၣ်လီၤ. အဝဲဒၣ်ကမၤဟးဂီၤကွံာ်သုဒီးပှၤလၢသုကျါတအိၣ်တီၢ်ဘၣ်နီတဂၤဘၣ်.

လံာ်စဖါနယၤ 3:6

ယွၤစံးဝဲဒၣ်, “ယတြူာ်ပျီကွံာ်လံပှၤကလုာ်ခဲလၢာ်, ယမၤဟးဂီၤကွံာ်လံအဝ့ၢ်တဖၣ်ဒီးယပာ်တီၢ်အဝ့ၢ်ခိၣ်ဒူဒီး အတၢးထီၣ်ထီတဖၣ်လၢတၢ်ဟးဂူာ်ဟးဂီၤအပူၤန့ၣ်လီၤ. ဝ့ၢ်တဖၣ်အိၣ်တ့ၢ်သယုၢ်ဝဲ, ကျဲတဖၣ်လီၤဟိဝဲဒီးပှၤ တအိၣ်တီၢ်နီတဂၤဘၣ်.

လံာ်စကၤရယၤ 11:3

ပှၤပၢတၢ်တဖၣ်ဟီၣ်ပသူထီၣ်လၢတၢ်သးအုးအပူၤလီၤ. အဂ့ၢ်ဒ်အံၤ, အဝဲသ့ၣ်အလၤကပီၤလီၤမၢ်ကွံာ်လံ. ဒိကနၣ်ခ့ယုၢ်တဖၣ်အတၢ်ကညီၤထီၣ်န့ၣ်တက့ၢ်. အဂ့ၢ်ဒ်အံၤ, အဝဲသ့ၣ်အိၣ်ဆိးအလီၢ်လၢအအိၣ်ဝဲဖဲထံကျိ ယၣ်ဒ့ၣ်အသရ့ၤန့ၣ်ဘၣ်တၢ်မၤဟးဂီၤအီၤလံ.

လံာ်ပှၤစံၣ်ညီၣ်ကွီၢ် 14:5

မၤသးဒ်န့ၣ်ဒီး, စီၤၡံၣ်ၡိၣ်လဲၤလီၤဆူဝ့ၢ်တံးမနးဃုာ်ဒီးအပၢ်ဒီးအမိၢ်လီၤ. ဖဲအဝဲသ့ၣ်လဲၤခီဖျိစပံးလီၢ်န့ၣ်အဝဲနၢ်ဟူခ့ယုၢ်ဖိတဒုကညီၤထီၣ်အကလုၢ်လီၤ.