လံာ်ယံးရမံယၤ 19:4 - Sgaw Karen Common Bible

⁴ ယကမၤတၢ်အံၤမ့ၢ်လၢပှၤဂီၢ်မုၢ်လဲၤသဒၣ်ယၤဒီးမၤဘၣ်အၢဘၣ်သီ တ့ၢ်တၢ်လီၢ်အံၤခီဖျိအလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဖဲအံၤ ဆူကစၢ်အဂၤတဖၣ်အအိၣ်, ကစၢ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤမ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤ, တသ့ၣ်ညါတ့ၢ်ဝဲလၢအဂ့ၢ်နီ တမံၤဘၣ်အဃိန့ၣ်လီၤ. အဝဲသ့ၣ်မၤပှဲၤတၢ်လီၢ်အံၤဒီးပှၤလၢ အတၢ်ကမၣ်တအိၣ်တဖၣ်အသွံၣ်,

လံာ်ယံးရမံယၤ 19:4 Iomraidhean Croise

လံာ်စီၤပၤခံဘ့ၣ်တဘ့ၣ် 21:16

စီၤမနၤၡ့ၤမၤသံပှၤလၢအတၢ်ကမၣ်တအိၣ်ဘၣ်တဖၣ်အါဂၤတုၤဒၣ်လဲာ် ဝ့ၢ်ယရူၤၡလ့ၣ်အကျဲတဖၣ်, ယွၤဝဲဒီးတၢ်သွံၣ်န့ၣ်လီၤ. လၢတၢ်ဆှၢဃီၤကီၢ်ယူဒၤအပှၤဂီၢ်မုၢ်ဆူတၢ်ဘါထီၣ်တၢ်ဂီၤတၢ် ဖီၣ်အပူၤဒီးဒုးမၤအဝဲသ့ၣ်တၢ်ဒဲးဘးထီဒါယွၤ, အမဲာ်ညါန့ၣ်, အဝဲမၤအါထီၣ်တၢ်အံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

စံးထီၣ်ပတြၢၤ 106:38

ဒီးလူလီၤတၢ်သွံၣ်လၢအတၢ်ဒဲးဘးတအိၣ်ဘၣ်, ဒီးထံကီၢ်ဘၣ်တၢ်တကဆှီဘၣ်လၢပှၤမၤသံတၢ်တဖၣ်အဃိလီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယၡါယၤ 65:11

မ့မ့ၢ်သုဝဲလၢအလဲၤသဒၣ်ယၤ, ပှၤလၢအတပာ်ကဲဘၣ် ယကစၢၢ်စီဆှံစံယိၣ်, ဒီးဘူၣ်ထီၣ်ဘါထီၣ်ကးဒီးမနံး, ကစၢ်တဖၣ်လၢအဟဲစိာ်တၢ်ဘူၣ်ဂ့ၤတီၢ်ဘၣ်ဒီးတၢ်ဟဲဝံဟဲစိာ်န့ၣ်, ကမ့ၢ်တၢ်လီၤဆီလၢအဂီၢ်လီၤ.

လံာ်ယံးရမံယၤ 1:16

ယကစံၣ်ညီၣ်ယပှၤဂီၢ်မုၢ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးအဃိလီၤ. အဝဲသ့ၣ်ပာ်လီၤတဲာ်ကွံာ်ယၤ, လုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးတ့ထီၣ်တၢ်ဂီၤတဖၣ်ဒီးဘူၣ်ထီၣ်ဘါထီၣ် တ့ၢ်အီၤအဃိလီၤ.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 15:6

သုဝဲပှၤဂီၢ်မုၢ်အံၤ, သုညိကွံာ်လံယၤလံ. သုဒီယၤလၢသုချၢန့ၣ်လီၤ. လၢတၢ်န့ၣ်အဃိယယၤထီၣ်ယစုဒီးမၤလီၤသဘှံးသု, မ့ၢ်လၢတၢ်ဘှံးယသးလၢတၢ်ပၢၤဃာ်ယတၢ်သးထီၣ်အဃိန့ၣ်လီၤ.

လံာ်ယံးရမံယၤ 16:11

အန့ၣ်ဒီးတဲဘၣ်အဝဲသ့ၣ်လၢယွၤစံးဝဲဒၣ်, သုမိၢ်ပၢ်ဖံဖုလၢ ပျၢၤတဖၣ်ဃၣ်ကွံာ်အသးလၢယၤဒီးဘူၣ်ထီၣ်ဘါထီၣ်ဒီးမၤကစၢ်အဂၤ တဖၣ်အတၢ်လီၤ. အဝဲသ့ၣ်ပာ်လီၤတဲာ်ကွံာ်ယၤ, ဒီးတစူၢ်ဘၣ်ယတၢ်သိၣ်လိသီလိတဖၣ်ဘၣ်.

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်ယံးရမံယၤ 17:20

တဲဘၣ်အစီၤပၤတဖၣ်ဒီး, ကီၢ်ယူဒၤအပှၤဂီၢ်မုၢ်ခဲလၢာ်, ဒီးပှၤကိးဂၤဒဲး လၢအအိၣ်လၢဝ့ၢ်ယရူၤၡလ့ၣ်အပူၤလၢအနုာ်လီၤဟးထီၣ်လၢတြဲၤ တဖၣ်အံၤဒ်သိးကဒိကနၣ်တၢ်လၢယစံးန့ၣ်တက့ၢ်.

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယံးရမံယၤ 2:17

ကီၢ်အံၣ်စရ့လးဧၢ, နဒုးဘၣ်လီၤဒၣ်နဲနသးလၢတၢ်အံၤလီၤ. နလဲၤသဒၣ်တ့ၢ်ယၤ, ယွၤနကစၢ်ယွၤ, ဖဲယဆှၢနၤလၢကျဲဒီဘိအဖၢမုၢ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 2:34

သုကူသုကၤတဖၣ်ဘၣ်အၢဘၣ်သီဝဲလၢပှၤဖှီၣ်ဖိယာ်ဖိဒီးပှၤလၢ အတၢ်ကမၣ်တအိၣ်ဘၣ်တဖၣ်အသွံၣ်, ဒီးတမ့ၢ်ဘၣ်လၢတမျိၤ တမျာ်လၢအဘၢၣ်ဖျိတၢ်တဖၣ်အသွံၣ်ဘၣ်န့ၣ်လီၤ. ဘၣ်ဆၣ်ဒီး, လၢတၢ်မၤအသးခဲလၢာ်အံၤဒၣ်လဲာ်,

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်ယံးရမံယၤ 26:23

အဝဲသ့ၣ်ဟဲက့ၤ စိာ်က့ၤအီၤဆူ စီၤပၤယဟိၤယါကံၣ် အအိၣ်ဒီးအဝဲဒၣ် မၤသံကွံာ်အီၤဒီး အစိၣ်ဘၣ်တၢ်ကွံာ်လီၤအီၤဆူ ကမျၢၢ်အတၢ်သွၣ်ခိၣ် အပူၤန့ၣ်လီၤ.)

လံာ်ယံးရမံယၤ 44:3

အဂ့ၢ်ဒ်အံၤ, အဝဲသ့ၣ်အပှၤဂီၢ်မုၢ် မၤတ့ၢ်တၢ်အၢတၢ်သီ ဒီး မၤသးဒိၣ်ထီၣ်တ့ၢ်ယၤအဃိလီၤ. အဝဲသ့ၣ် လုၢ်ထီၣ် တ့ၢ်တၢ်ဆူ ကစၢ်အဂၤတဖၣ်ဒီး မၤတ့ၢ်ကစၢ်တဖၣ်လၢ အဝဲသ့ၣ်မ့ၢ်ဂ့ၤ, သုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ် ဂ့ၤတဘူၣ်ထီၣ်ဘါထီၣ်နီတဘျီနီတစုဘၣ် အတၢ်မၤန့ၣ်လီၤ.

လံာ်ယံးရမံယၤ 5:6

လၢတၢ်န့ၣ်အဃိ, ခ့ယုၢ်တဖၣ်လၢသ့ၣ်ဒိၣ်ပှၢ် ထီၣ်အပူၤကမၤသံကွံာ်အဝဲသ့ၣ်, ထွံၣ်မံၤတဖၣ်လၢမဲးမုၢ်ခိၣ်ကအ့ၣ်ဖှီအဝဲသ့ၣ်ဆူ အက့အခီ, ဒီးခ့စံၣ်ပိၣ်တဖၣ်ကဟးဝ့ၤဝီၤကစုဒုသကုၤအဝဲသ့ၣ် အဝ့ၢ်တဖၣ်အပူၤန့ၣ်လီၤ. ပှၤဂီၢ်မုၢ်တဖၣ်အံၤမ့ၢ်ဟးထီၣ်ဒီး, အဝဲသ့ၣ်ကဘၣ် တၢ်အ့ၣ်ဖှီလီၤကလဲအီၤ မ့ၢ်လၢအတၢ်ဒဲးဘးတဖၣ်အိၣ်အါအါဂီၢ်ဂီၢ် ဒီးတဘျီဝံၤတဘျီ, အဝဲသ့ၣ်ဃၣ်ကွံာ်တ့ၢ်အသးလၢကစၢ်ယွၤအအိၣ်အဃိန့ၣ်လီၤ.

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်သးသယုၢ်တၢ် 4:13

ဘၣ်ဆၣ်ဒီး, တၢ်မၤတ့ၢ်အသး, မ့ၢ်လၢအဝံတဖၣ်မၤတ့ၢ်တၢ်ဒဲးဘး ဒီးအပှၤလုၢ်တၢ်အခိၣ်တဖၣ်အတၢ်ကမၣ်အိၣ်လၢအဒုးအိၣ်ထီၣ် တၢ်မၤသံပှၤလၢအတၢ်ကမၣ်တအိၣ်တဖၣ်အဃိန့ၣ်လီၤ.

လံာ်ယဃ့းစက့လး 20:26

ယပျဲအဝဲသ့ၣ်လၢကမၤဘၣ်အၢလီၤက့ၤအဝဲသ့ၣ်အသးဒၣ်ဝဲလၢ အတၢ်လုၢ်တၢ်ပာ်ဒၣ်ဝဲတဖၣ်, ဒီးယပျဲအဝဲသ့ၣ်ကလုၢ်ထီၣ်ပာ်ထီၣ်အဖိဝဲၢ်ကိတဖၣ်န့ၣ်လီၤ. တၢ်အံၤမ့ၢ်ဒ်သိးတၢ်ကစံၣ်ညီၣ်အဝဲသ့ၣ်အဂီၢ်ဒီးဒုးနဲၣ်အဝဲ သ့ၣ်လၢယမ့ၢ်ယွၤန့ၣ်လီၤ.

လံာ်ယဃ့းစက့လး 7:22

ဖဲယတၢ်လုၢ်ဟံၣ်လၢယပာ်လုၢ်ပာ်ဒိၣ်ပှ့ၤဒိၣ်တ့ၢ်အီၤအံၤဘၣ်တၢ် မၤတရီတပါအီၤဒီးဖဲတမျိၤတမျာ်နုာ်လီၤလၢအပူၤဒီးမၤတက ဆှီအီၤန့ၣ်, ယတနုာ်လီၤမၤတံာ်တာ်တၢ်ဘၣ်.

လံာ်ယဃ့းစက့လး 8:11

ကီၢ်အံၣ်စရ့လးအခိၣ်အနၢ်အဂၤနွံဆံအိၣ်ဝဲဖဲန့ၣ်, အိၣ်ဃုာ်ဒီးစီၤၡၤဖၣ်အဖိခွါစီၤယၤစါနယၤလီၤ. တဂၤစုာ်စုာ်ဟံးဃာ်တၢ်နၢမူအသပၢၤမ့ၣ်အူ, ဒီးတၢ်နၢမူအမ့ၣ်အူလုၣ်ခုၣ်ထီၣ်ဝဲန့ၣ်လီၤ.

လံာ်ဒၤနံးယ့လး 11:31

အပှၤသုးဖိတနီၤကမၤဘၣ်အၢတၢ်လုၢ်ဟံၣ်ဒီးတၢ်ဘူၣ်တၢ်ဘါအလုၢ်အလၢ်လီၤ. ကဆိကတီၢ်ကွံာ်တၢ်လုၢ်တၢ်ပာ်ကိးနံၤဒဲး ဒီးပာ်ထီၣ်တၢ်လီၤပျံၤလီၤဖုးလၢအလီၤသး ဘၣ်အၢဒိၣ်ဒိၣ်ကလဲာ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်လူၤကၣ် 11:50

လၢတၢ်န့ၣ်အဃိ, ပှၤတစိၤအံၤကဘၣ်တၢ်စံၣ်ညီၣ်အီၤလၢတၢ်မၤသံဝံခဲလၢာ် စးထီၣ်လၢတၢ်တ့လီၤသီဟီၣ်ခိၣ်လံၤလံၤ,

လံာ်သိၣ်လီၤသီလီၤတၢ် 13:13

ပှၤတဂိာ်တသီၣ်တၢ်တနီၤအိၣ်လၢသုပှၤကလုာ်အကျါလၢအဆှၢကမၣ်တ့ၢ် ပှၤဂီၢ်မုၢ်လၢအဝ့ၢ်ဒၣ်ဝဲဒ်သိးကဘါထီၣ်ကစၢ်တဖၣ်လၢသုတဘါထီၣ် တ့ၢ်အီၤလၢညါနီတစုဘၣ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 28:20

သုမ့ၢ်မၤတၢ်အၢဒီးစူးကွံာ်ညိကွံာ်ယွၤန့ၣ်, အဝဲကဒုးလီၤဘၣ်တၢ်တတၢးတနါ, တၢ်သဘံၣ်ဘုၣ်လၢသုလိၤဒီးတၢ် ကိၢ်တၢ်ဂီၤလၢတၢ်တမံၤလၢ်လၢ်လၢသုမၤအီၤအပူၤလီၤ.

လံာ်သိၣ်လီၤသီလီၤတၢ် 28:36

ယွၤကစိာ်ယံၤကွံာ်သုဒီးသုစီၤပၤဆူထံကီၢ်အဂၤတဘ့ၣ်, ဖဲသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတအိၣ်ဆိး တ့ၢ်ဘၣ်လၢအပူၤကွံာ်နီတဘျီဘၣ်န့ၣ်လီၤ. ဖဲန့ၣ်သုကမၤကစၢ်တဖၣ်လၢတၢ်ဘှီအီၤလၢသ့ၣ်ဒီးလၢၢ်အတၢ်န့ၣ် လီၤ.

လံာ်သိၣ်လီၤသီလီၤတၢ် 28:64

ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”

လံာ်ပှၤစံၣ်ညီၣ်ကွီၢ် 5:8

ဒီးဖဲပှၤအံၣ်စရ့လးဖိဃုထၢကစၢ်အသီတဖၣ်န့ၣ်, တၢ်ဒုးတၢ်ယၤအိၣ်ထီၣ်လၢကီၢ်န့ၣ်အပူၤလီၤ. လၢအံၣ်စရ့လးပိာ်ခွါလွံၢ်ကလးအကျါမ့ၢ်ပှၤစိာ်ကတီၤမ့ၢ်ဂ့ၤ, ဘီမ့ၢ်ဂ့ၤတဂၤဂၤန့ၣ်ဧါ.