လံာ်ယံးရမံယၤ 19:2 - Sgaw Karen Common Bible

² ဒီးလဲၤနုာ်ခီဖျိတြဲၤသပၢၤက့ဆူဟံၣ်နိၣ်အတြီၤပူၤတက့ၢ်. ဖဲန့ၣ်, ယကဘၣ်စံးဘၣ်တၢ်ကစီၣ်လၢယွၤကဟ့ၣ်ယၤန့ၣ်လီၤ.

လံာ်ယံးရမံယၤ 19:2 Iomraidhean Croise

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:3

ဆူးကဲၤထီၣ်တၢ်နၢမူတဖၣ်လၢဟံၣ်နိၣ်အတၢ်လူၢ်တၢ်တြီၤဒီးလုၢ် ထီၣ်ပာ်ထီၣ်ဒၣ်လဲာ်အဖိခွါတဖၣ်ဒ်တၢ်လုၢ်မ့ၣ်အူအသိးဆူတၢ်ဂီၤ တၢ်ဖီၣ်တဖၣ်အအိၣ်, မၤဒိးဝဲတၢ်သးဘၣ်အၢအတၢ်မၤတဖၣ်လၢပှၤဂီၢ်မုၢ်မၤဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤ, ဖဲပှၤအံၣ်စရ့လးဖိတဖၣ်ဟဲနုာ်တ့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:6

အဝဲလုၢ်ထီၣ်တ့ၢ်အဖိခွါတဖၣ်လၢဟံၣ်နိၣ်အတၢ်တြီၤအပူၤဒ်တၢ် လုၢ်မ့ၣ်အူတဖၣ်အသိးန့ၣ်လီၤ. အဝဲမၤတၢ်ဒ်ပှၤနာ်တၢ်ဝံတၢ်ကလၤဒီးတၢ်မၤကဒါမဲာ်ဒီးသံကွၢ် တၢ်လၢပှၤဒွးတၢ်ဟဲဝံဟဲစိာ်ဒီးပှၤအိၣ်ဒီးပှၤသံအကလၤတဖၣ် န့ၣ်လီၤ. အဝဲမၤတၢ်ဒဲးဘးဖးဒိၣ်ထီဒါယွၤဒီးထိၣ်ဂဲၤထီၣ်အတၢ်သးထီၣ် န့ၣ်လီၤ.

လံာ်စီၤနဃ့မယၤ 3:29

ဒီးစီၤအံးမ့ၢ်အဖိခွါစီၤစၤဒိးဘှီထီၣ်ဝဲလၢခံတပတီၢ် သဃဲၤဒီးအဟံၣ်ဒၣ်ဝဲန့ၣ်လီၤ. ဒီးစီၤၡကါနယၤအဖိခွါစီၤၡမါယၤလၢအမ့ၢ်ပှၤပၢၤပဲတရီလၢ မုၢ်ထီၣ်ဘှီထီၣ်ဝဲလၢခံတပတီၢ်န့ၣ်လီၤ.

လံာ်ယံးရမံယၤ 1:7

ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ယံးရမံယၤ 11:6

အန့ၣ်ဒီးယွၤစံးဘၣ်ယၤ, “လဲၤဆူကီၢ်ယူဒၤအဝ့ၢ်တဖၣ်ဒီးဝ့ၢ်ယရူၤၡလ့ၣ်အကျဲဘိ တဖၣ်အပူၤတက့ၢ်. တဲဖျါထီၣ်ယတၢ်ကစီၣ်ဖဲန့ၣ်, ဒီးတဲဘၣ်ပှၤဂီၢ်မုၢ်လၢကဒိကနၣ်တၢ်အဂ့ၢ်တဖၣ် လၢတၢ်ပာ်လီၤအီၤလၢတၢ်အၢၣ်လီၤအီလီၤအဂီၢ်, ဒီးစူၢ်အီၤန့ၣ်တက့ၢ်.

လံာ်ယံးရမံယၤ 26:2

ယွၤစံးဘၣ်တ့ၢ်ယၤ, “ဆၢထၢၣ်လၢယွၤအတၢ်လုၢ်ဟံၣ်အဂၢၤ ပူၤဒီးတဲဖျါထီၣ် ကယဲၢ်တၢ်ခဲလၢာ်လၢ ယမၤလိာ်နၤလၢ နကစံးဘၣ် ပှၤဂီၢ်မုၢ်လၢ အဟဲလၢကီၢ်ယူဒၤအဝ့ၢ်တဖၣ်လၢ ကဘူၣ်တၢ်ဘါတၢ်ဖဲန့ၣ်တက့ၢ်. ပာ်တ့ၢ်တၢ်နီတမံၤတဂ့ၤ.

လံာ်ယံးရမံယၤ 3:12

အဝဲတဲဘၣ်တ့ၢ်ယၤလၢယကလဲၤဒီးစံးဘၣ်ကီၢ်အံၣ်စရ့လး, “ကီၢ်အံၣ်စရ့လးလၢအသးတတီဧၢ, ဟဲက့ၤကဒါက့ၤဆူ ယအိၣ်တက့ၢ်. ယသူၣ်ကညီၤသးကညီၤတၢ်သ့ဒီးယတသး ဒိၣ်ထီၣ်ယဲဘၣ်. ယတသးဒိၣ်နၤလီၤထူလီၤယိာ်ဘၣ်.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယံးရမံယၤ 7:2

အဝဲတဲဘၣ်ယၤလၢယကဆၢထၢၣ်ဖဲန့ၣ်ဒီးဘိးဘၣ်သ့ၣ်ညါ တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤအဲၣ်ဒိးစံး ဘၣ်တ့ၢ်အဝဲသ့ၣ်, န့ၣ်လီၤ.

လံာ်ယိၤနါ 3:2

“ဂဲၤထၢၣ်, လဲၤဆူဝ့ၢ်နံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးဘိးဘၣ်သ့ၣ်ညါတၢ်ကစီၣ်လၢယတဲနၤန့ၣ်တက့ၢ်.”

လံာ်မးသဲ 10:27

တၢ်လၢယတဲဘၣ်သုလၢတၢ်ခံးကျါန့ၣ်, သုကဘၣ်ကတိၤဖျါထီၣ်အီၤ လၢတၢ်ကပီၤအကျါဒီးတၢ်လၢသုနၢ်ဟူကသွံဒံန့ၣ်, သုကဘၣ်ကိးသတြီထီၣ်အီၤလၢဟံၣ်ခိၣ်အဖီခိၣ်ဒ်သိးပှၤဂၤကနၢ်ဟူ အဂီၢ်လီၤ.

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

မၤတၢ် 5:20

“လဲၤဒီးဆၢထၢၣ်လၢတၢ်လုၢ်ဟံၣ်အပူၤဒီးစံးဘၣ်တဲဘၣ် ပှၤတဖၣ်ဘၣ်ဃးတၢ်အိၣ်မူအသီအံၤအဂ့ၢ်ခဲလၢာ်တက့ၢ်.”

လံာ်စီၤယိၤၡူ 15:8

ဝံၤဒီးကီၢ်ဆၢန့ၣ်လဲၤထီၣ်ဝဲဆူ ဟံၣ်နိၣ်ကစၢၢ်ကဆူးလၢကစၢၢ်ကလံၤထံးတကပၤဖဲပှၤယဘူၣ်ဖိအဝ့ၢ်လၢအမ့ၢ်ဝဲဝ့ၢ်ယရူၤၡလ့ၣ် အိၣ်တၢ်အလီၢ်န့ၣ်လီၤ. ကီၢ်ဆၢလဲၤထီၣ်ဆူကစၢၢ်အဒီခိၣ်လၢဟံၣ်နိၣ်ကစၢၢ်ကဆူးအမုၢ် နုာ်တကပၤဖဲပှၤနီၢ်ဒိၣ်ဖိအကစၢၢ်ကဆူးအကလံၤစိး ကတၢၢ်န့ၣ်လီၤ.