လံာ်ယံးရမံယၤ 19:1 - Sgaw Karen Common Bible

¹ ယွၤစံးဘၣ်ယၤလၢယကလဲၤတၢ်ဒီးပှ့ၤသပၢၤဟီၣ်ခိၣ်တဖျၢၣ်လီၤ. အဝဲစံးဘၣ်စ့ၢ်ကီးယၤလၢယကလဲၤကိးဃုာ်ပှၤဂီၢ်မုၢ်အသူၣ်က့ သးပှၢ်တနီၤဒီးပှၤလုၢ်တၢ်အခိၣ်လၢအသးပှၢ်တနီၤ,

လံာ်ယံးရမံယၤ 19:1 Iomraidhean Croise

လံာ်စီၤပၤခံဘ့ၣ်တဘ့ၣ် 19:2

အဝဲမၢလီၤပှၤကွၢ်ထွဲနူၢ်ဧိၤစီၤဧိၤအခိၣ်စီၤအ့ၤလယါကံၣ်, ကွီၢ်ဘျီၣ်အပှၤကွဲးလံာ်ဒိၣ်စီၤၡ့ၤဘနၤဒီးပှၤလုၢ်တၢ်အခိၣ် အဒိၣ်တဖၣ်ဒ်သိးကလဲၤဆူစီၤအၤမိးအဖိခွါဝံယၡါယၤအအိၣ်န့ၣ် လီၤ. အဝဲသ့ၣ်စ့ၢ်ကီးကူသိးဝဲထၢၣ်တၢ်ကံးညာ်န့ၣ်လီၤ.

လံာ်ယၡါယၤ 30:14

သုကလီၤကလဲဝဲဒ်သပၢၤဟီၣ်ခိၣ်အသိး, ကၢ်လီၤကလဲဝဲတုၤ ဒၣ်လဲာ်သပၢၤက့အဒိၣ်လၢပကထၢထီၣ်သွဲၣ်လးကိၢ်မ့ၢ်ဂ့ၤ, ပကဒၢၣ်ထီၣ်ထံလၢထံဒၢဖးဒိၣ် အပူၤမ့ၢ်ဂ့ၤအဂီၢ်တအိၣ်လၢၤဘၣ်န့ၣ်လီၤ.”

လံာ်ယံးရမံယၤ 13:1

ယွၤတဲဘၣ်တ့ၢ်ယၤလၢယကလဲၤဒီးပှ့ၤဖျီၣ်ခံလုၣ်အဖုၣ်တနီၤ လၢယဂီၢ်ဒၣ်ယဲဒီးကူထီၣ်အီၤ, ဘၣ်ဆၣ်ဒီးတဲဘၣ်ယၤလၢယသု တမၤဘၣ်စီၣ်အီၤလၢထံတဂ့ၤန့ၣ်လီၤ.

လံာ်ယံးရမံယၤ 26:17

တၢ်အံၤဝံၤအလီၢ်ခံ ပှၤသးပှၢ်တနီၤ ဆၢထၢၣ်ဒီး စံးဘၣ်ပှၤဂီၢ်မုၢ်လၢ အပာ်ဖှိၣ်ထီၣ်အသးန့ၣ်,

လံာ်ယံးရမံယၤ 32:14

“ယွၤသ့တၢ်လၢာ်, အံၣ်စရ့လးအကစၢ်ယွၤ, ဟ့ၣ်လီၤ အကလုၢ်လၢ နကဟံးန့ၢ်လံာ်အုၣ်သးတဖၣ်အံၤ, လၢ အမ့ၢ်တၢ်ပှ့ၤတၢ်အလံာ်အုၣ်အသးလၢ အအိၣ်ဒီၤ တၢ် စဲပနီၣ်ဒီးလံာ်လၢ တၢ်စဲပနီၣ်တအိၣ်ဘၣ်, ခံဘ့ၣ်လိာ်ဒီး ဒၢနုာ်အီၤလၢ သပၢၤဟီၣ်ခိၣ် စ့ၤကိာ်အပူၤ, ဒ်သိးအဝဲ သ့ၣ်ကဘၣ်တၢ်ကတီၤဃာ်အီၤလၢ နံၣ်ကဟဲအါနံၣ် အပူၤအဂီၢ်န့ၣ်လီၤ.

လံာ်သးသယုၢ်တၢ် 4:2

ဝ့ၢ်စံယိၣ်အပှၤသးစၢ်ပိာ်ခွါတဖၣ်မ့ၢ်တ့ၢ်တၢ်လုၢ်ဒိၣ်ပှ့ၤဒိၣ် ဒ်ထူအသိးလၢပဂီၢ်, မ့မ့ၢ်ခဲအံၤအဝဲသ့ၣ်ဘၣ်တၢ်မၤအီၤဒ်သပၢၤဟီၣ်ခိၣ်ပတီၢ်မုၢ် တဖၣ်အသိးလီၤ.

လံာ်ယဃ့းစက့လး 4:1

ကစၢ်ယွၤစံးဝဲဒၣ်, “ပှၤကညီလၢအသံသ့ဧၢ, ဟံးန့ၢ်ဒၢးခီတဖျၢၣ်, ပာ်လီၤအီၤလၢနမဲာ်ညါဒီးတိၤလီၤတၢ်လၢအလိၤလၢကပာ် ဖျါအီၤဒ်ဝ့ၢ်ယရူၤၡလ့ၣ်အဒိအသိးန့ၣ်တက့ၢ်.

လံာ်ယဃ့းစက့လး 5:1

ယွၤစံးဝဲဒၣ်, ပှၤကညီလၢအသံသ့ဧၢ, ဟံးန့ၢ်ဒီလၢအအ့ၣ်တဘ့ၣ် ဒီးသူအီၤလၢနကလူၤနခၣ်ဆူၣ်ဒီးနခိၣ်သူခဲလၢာ်အဂီၢ်တက့ၢ်. ဝံၤဒီး, စီၤနခိၣ်သူလၢစီၤပီၢ်အပူၤဒီးနီၤဖးအီၤသၢပူတက့ၢ်.

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

လံာ်တၢ်ဂံၢ် 11:16

ယွၤစံးဘၣ်စီၤမိၤၡ့, “ကိးဖှိၣ်ပှၤအဂၤနွံဆံလၢအဘၣ်တၢ် ယူးယီၣ်ပာ်ကဲအီၤဒီးဘၣ်တၢ်သ့ၣ်ညါအီၤဒ်ပှၤဂီၢ်မုၢ်အခိၣ်အနၢ် တဖၣ်, ဟဲကိးအီၤဆူယွၤအိၣ်ဝဲဆိးဝဲအဒဲစီဆှံဒီးတဲဘၣ်အဝဲသ့ၣ် လၢကဆၢထၢၣ်ဖဲန့ၣ်လၢနကပၤတက့ၢ်.

လံာ်မးသဲ 26:3

အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

မၤတၢ် 21:11

အဝဲဒၣ်ဟဲဆူပအိၣ်, ဟံးထီၣ်စီၤပီလူးအယီၢ်တကိး, စၢလီၤက့ၤအစုအခီၣ်ဒၣ်ဝဲလၢယီၢ်တကိးအဝဲန့ၣ်ဒီးစံးဝဲ, “သးစီဆှံစံးဝဲဒၣ်, ယီၢ်တကိးအဝဲအံၤအကစၢ်န့ၣ်ပှၤယူဒၤဖိဖဲ ဝ့ၢ်ယရူၤၡလ့ၣ်တဖၣ်ကစၢဃာ်အီၤဒ်သိးအံၤ, ဒီးအဝဲသ့ၣ်ကဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤလီၤ.

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.