လံာ်ယံးရမံယၤ 18:23 - Sgaw Karen Common Bible

²³ ဘၣ်ဆၣ်ဒီးယွၤဧၢ, နသ့ၣ်ညါအဝဲသ့ၣ်အတၢ်ကူၣ်ကျဲၤတဖၣ်လၢ ကမၤသံယၤအဂီၢ်န့ၣ်လီၤ. ပျၢ်ဖျဲးအဝဲသ့ၣ်အတၢ်အၢတၢ်သီမ့ၢ်ဂ့ၤ, ပျဲပူၤအဝဲသ့ၣ်လၢအတၢ်ဒဲးဘးမ့ၢ်ဂ့ၤန့ၣ်တဂ့ၤ. ကွံာ်လီၤကွံာ်အဝဲသ့ၣ်လၢအတၢ်ဃၣ်ကွံာ်အပူၤဒီးမၤအဝဲသ့ၣ် ဖဲနသးဒိၣ်ထီၣ်ဒံးအဖၢမုၢ်အံၤန့ၣ်တက့ၢ်.”

လံာ်ယံးရမံယၤ 18:23 Iomraidhean Croise

စံးထီၣ်ပတြၢၤ 119:126

ဆၢကတီၢ်ဘၣ်လံလၢယွၤကမၤတၢ်လီၤ. အဂ့ၢ်ဒ်အံၤ, နတၢ်သိၣ်တၢ်သီတဖၣ် ဘၣ်တၢ်ဘိးကဒါကွံာ်အီၤလံ.

စံးထီၣ်ပတြၢၤ 35:4

ပှၤလၢအဂုာ်ကျဲးစၢးမၤသံယၤန့ၣ်, မ်အဘၣ်တၢ်မၤနၢၤအီၤဒီး ဘၣ်တၢ်မၤမဲာ်ဆှးအီၤတက့ၢ်. ပှၤလၢအကူၣ်တၢ်အၢထီဒါယၤန့ၣ်, မ်အဘၣ်တၢ်ဃၣ်ကဒါက့ၤအီၤဒီး မၤကတုၤအသးန့ၣ်တက့ၢ်.

စံးထီၣ်ပတြၢၤ 56:8

နသ့ၣ်ညါယဘၣ်ကိၢ်ဘၣ်ဂီၤဆံးအါလဲၣ်, နပာ်ကီၤဃာ်ယမဲာ်ထံအတၢ်ကွဲးနီၣ်လီၤ. အိၣ်ကွဲးအသးလၢနလံာ်ပူၤတမ့ၢ်ဘၣ်ဧါ.

စံးထီၣ်ပတြၢၤ 59:5

ဂဲၤဆၢထၢၣ်, ယွၤ, သ့တၢ်လၢာ်အကစၢ်ယွၤဧၢ, ဟဲလၢတၢ်မၤစၢၤယၤအဂီၢ်တက့ၢ်. အံၣ်စရ့လးအကစၢ်ယွၤဧၢ, ဟဲကွၢ်လၢနကစၢ်ဒၣ်နဲတက့ၢ်. ဖုသံနီၣ်ထီၣ်ဒီးစံၣ်ညီၣ်ပှၤလၢ တဘူၣ်ထီၣ်ဘါထီၣ်နၤတဖၣ်, ဒုးနဲၣ်နတၢ်သးကညီၤဆူပှၤကူၣ်လီတၢ်တဖၣ် နီတစဲးတဂ့ၤ. စ့လၤ

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 2:9

ပှၤကိးဂၤဒဲးကဘၣ်တၢ်ဆီၣ်လီၤအီၤဒီးမၤမဲာ်ဆှးအီၤလီၤ. ယွၤဧၢ, ပျၢ်အတၢ်ကမၣ်တက့ၢ်.

လံာ်ယံးရမံယၤ 11:23

ယပာ်လီၤတၢ်ဆၢကတီၢ်အကတီၢ်လၢယကဟဲစိာ်တၢ်တတၢးတနါ လၢဧၤနသိးအပှၤဂီၢ်မုၢ်အဖီခိၣ်, ဒီးဖဲတၢ်ဆၢကတီၢ်န့ၣ်ဟဲတုၤ ဝဲဒီး, အဝဲသ့ၣ်တအိၣ်လီၤတဲာ်နီတဂၤဘၣ်.”

လံာ်ယံးရမံယၤ 15:15

အန့ၣ်ဒီးယစံး, “ယွၤဧၢ, နသ့ၣ်ညါနၢ်ပၢၢ်နဲလီၤ. သ့ၣ်နီၣ်ထီၣ်ယၤဒီးမၤစၢၤယၤတက့ၢ်. ပျဲယဟ့ၣ်ကၣ်ပှၤလၢအမၤအၢမၤနးယၤတဖၣ်န့ၣ်, တက့ၢ်. ဝံသးစူၤအဝဲသ့ၣ်ကဲၣ်ဆိးတုၤလၢအဝဲသ့ၣ်မၤသံယၤကန့ၢ်န့ၣ်တဂ့ၤ. သ့ၣ်နီၣ်ထီၣ်က့ၤလၢယဘၣ်တၢ်ဒုၣ်ဒွဲၣ်ယၤမ့ၢ်လၢနဃိန့ၣ်တက့ၢ်.

လံာ်ယံးရမံယၤ 17:18

ပှၤတဖၣ်လၢအမၤအၢမၤနးယၤန့ၣ်, မၤမဲာ်ဆှးအီၤတက့ၢ်. ဘၣ်ဆၣ်ဒီးယွၤဧၢ, ဒုးပူၤဒုးဖျဲးယၤတက့ၢ်. မၤပှဲၤအဝဲသ့ၣ်ဒီး တၢ်ပျံၤတၢ်ဖုး, ဘၣ်ဆၣ်ဒီးမၤပျံၤမၤဖုးယၤတဂ့ၤ. ဒုးဘၣ်အဝဲသ့ၣ်လၢတၢ်တတၢးတနါဒီးမၤလီၤကလဲကွံာ်အဝဲသ့ၣ်ဆူ အက့က့အခီခီန့ၣ်တက့ၢ်.

လံာ်ယံးရမံယၤ 17:4

သုကဘၣ်ပျဲစုပျၢ်ခီၣ်ကွံာ်ထံကီၢ်လၢယဟ့ၣ်လီၤတ့ၢ်သု, ဒီးယကမၢသုမၤသုဒုၣ်သုဒါတဖၣ်အတၢ်မၤလၢကီၢ်တဘ့ၣ်လၢသု တသ့ၣ်ညါအဂ့ၢ်နီတမံၤအပူၤ, မ့ၢ်လၢယတၢ်သးဒိၣ်ထီၣ်လီၤဂာ်ဒီးမ့ၣ်အူ, ဒီးကအီၣ်တၢ်လီၤထူလီၤယိာ်အဃိန့ၣ်လီၤ.”

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 26:11

အန့ၣ်ဝံၤဒီး ပှၤလုၢ်တၢ်အခိၣ်တဖၣ်ဒီး ဝံတဖၣ်စံးဘၣ်ပှၤ ခိၣ်ပှၤနၢ်တဖၣ်ဒီး ပှၤဂီၢ်မုၢ်န့ၣ်, “ပှၤတဂၤအံၤကြၢးဘၣ်တၢ် စံၣ်ညီၣ်သံအီၤမ့ၢ်လၢ အဝဲကတိၤတၢ်ထီဒါ ပဝ့ၢ်အဃိန့ၣ်လီၤ. သုနၢ်ဟူအီၤလၢ သုနၢ်ဒၣ် သုဝဲန့ၣ်လီၤ.”

လံာ်ယံးရမံယၤ 26:8

ဒီးဖဲယကတိၤတၢ်လၢယွၤမၤလိာ်တ့ၢ်ယၤတဖၣ် ဝံၤတဘျီဃီန့ၣ်, အဝဲသ့ၣ်ဖီၣ်စှီၤတံၢ်ဃာ်ယၤဒီး ကိးထီၣ်ဝဲ, “နကြၢးဘၣ်တၢ်မၤသံနၤလၢ တၢ်အံၤအဃိန့ၣ်လီၤ.

လံာ်ယံးရမံယၤ 37:15

အဝဲသ့ၣ်အသးဒိၣ်ထီၣ်ယၤ နးနးကလဲာ်ဒီး မၢပှၤတီၢ်ယၤ ဒီး ဒုးဃာ်ယၤလၢ ကွီၢ်ဘျီၣ်အပှၤကွဲးလံာ်စီၤယိၤနၤသၣ်အ ဟံၣ်, ဟံၣ်လၢအဘၣ်တၢ်ဒုးကဲထီၣ်အီၤလၢ ဃိာ်တဖျၢၣ်န့ၣ်လီၤ.

လံာ်ယံးရမံယၤ 38:4

အန့ၣ်ဒီး, ပဒိၣ်ပပှၢ်တဖၣ် လဲၤဆူစီၤပၤအအိၣ်ဒီး စံးဝဲ, “ပှၤတဂၤအံၤ ကြၢးဘၣ်တၢ်မၤသံအီၤလီၤ. မ့ၢ်လၢအဝဲဒၣ် ကတိၤတၢ်ဒ်သိးအံၤအဃိန့ၣ်, အဝဲမၤလီၤမၢ်ကွံာ် ပှၤသုးဖိလၢအအိၣ်လၢ ဝ့ၢ်ပူၤတဖၣ် အတၢ်သးဒူန့ၣ်လီၤ. ဒီးအဝဲမၤတၢ်တမံၤအံၤဆူ ပှၤအဂၤခဲလၢာ်လၢ အအိၣ်လီၤ တဲာ်လၢ ဝ့ၢ်အံၤအပူၤန့ၣ်လီၤ. အဝဲတကျဲးစၢးမၤစၢၤပှၤဂီၢ်မုၢ် ဘၣ်. အဝဲအဲၣ်ဒိးမၤဘၣ်ဒိဘၣ်ထံး ထဲအဝဲသ့ၣ်တခီန့ၣ်လီၤ.”

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 6:21

လၢတၢ်န့ၣ်အဃိ, ယကပျဲပှၤဂီၢ်မုၢ်တဖၣ်အံၤအခီၣ်ဘၣ်တိၢ်ဒီး လီၤဃံၤဝဲန့ၣ်လီၤ. ပၢ်တဖၣ်ဒီးဖိတဖၣ်ကသံဝဲ, ဒီးဒ်န့ၣ်အသိး, တံၤသကိးတဖၣ်ဒီးပှၤအိၣ်ဘူးအိၣ် တံၢ်လိာ်သးတဖၣ်ကမ့ၢ်တၢ်တမံၤဃီလီၤ.”

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 3:60

နသ့ၣ်ညါလၢယဒုၣ်ယဒါတဖၣ်သးဟ့ယၤဒ်လဲၣ်ဒီးကူၣ်ထီၣ်တၢ်ထီဒါ ယၤဒ်လဲၣ်န့ၣ်လီၤ.

လံာ်သးသယုၢ်တၢ် 3:61

နနၢ်ဟူတ့ၢ်အတၢ်ကတိၤတရီတပါယၤ, ယွၤဧၢ, နသ့ၣ်ညါကယဲၢ်အတၢ်ကူၣ်တၢ်ကျဲၤတဖၣ်လီၤ.

လံာ်လူၤကၣ် 21:22

အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.