လံာ်ယံးရမံယၤ 18:22 - Sgaw Karen Common Bible

²² ဆှၢလီၤပှၤမၤတၢထီၣ်တၢလီၤတၢ်တဖုလၢကဂုာ်ဆူၣ်ပျီဆူၣ် အဟံၣ်အဃီတဖၣ်လၢတၢ်ကဟ့ၣ်ပလီၢ်ဆိအပူၤတက့ၢ်. မ်အဝဲသ့ၣ် ဟီၣ်ကိးပသူထီၣ်လၢတၢ်ပျံၤတၢ်ဖုးအပူၤန့ၣ်တက့ၢ်. အဝဲသ့ၣ်ခူၣ်တ့ၢ် တၢ်ပူၤတပူၤလၢယကလီၤတဲာ်နုာ်အဂီၢ်ဒီးပာ်လီၤတ့ၢ်ထုတဖၣ် လၢကဖီၣ်န့ၢ်ယၤအဂီၢ်လီၤ.

လံာ်ယံးရမံယၤ 18:22 Iomraidhean Croise

စံးထီၣ်ပတြၢၤ 119:85

ပှၤပာ်ထီၣ်ထီအသးတဖၣ် ခူၣ်လီၤတၢ်ပူၤလၢယဂီၢ်လီၤ. အဝဲသ့ၣ်မ့ၢ်ပှၤလၢတဒိကနၣ် ယွၤအတၢ်သိၣ်တၢ်သီဘၣ်န့ၣ်လီၤ.

စံးထီၣ်ပတြၢၤ 140:5

ပှၤလၢအပာ်ထီၣ်ထီအသးတဖၣ် ပာ်လီၤပျံၤသကွီၤခူသူၣ်လၢယဂီၢ်, ဒီးဒါလီၤပှာ်ဧိၤစၤဧိၤလၢကျဲလိၤ, အဝဲသ့ၣ်ဆဲထီၣ်ထုလၢယဂီၢ်လီၤ. စ့လၤ

စံးထီၣ်ပတြၢၤ 140:6

ယစံးဘၣ်ယွၤ, “နမ့ၢ်ယကစၢ်ယွၤလီၤ. ယွၤဧၢ,” ကနၣ်ယဃ့ကညးတၢ်အသီၣ်န့ၣ်တက့ၢ်.

စံးထီၣ်ပတြၢၤ 142:4

တုၤယကွၢ်တၢ်လၢယကပိာ်ကပၤန့ၣ်ဒီး ယတထံၣ်န့ၢ်ဘၣ်ပှၤလၢကမၤစၢၤယၤနီတဂၤဘၣ်. ပှၤမၤပူၤဖျဲးယၤတအိၣ်ဘၣ်. ပှၤကွၢ်ထွဲယၤတအိၣ်ဘၣ်.

စံးထီၣ်ပတြၢၤ 38:12

ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်, ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ. အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.

လံာ်ယၡါယၤ 10:30

ပှၤအိၣ်လၢသဝီကးလံၣ်သ့ၣ်ဧၢ, ကိးထီၣ်တက့ၢ်. ပှၤအိၣ်လၢသဝီလ့ၡ့ၣ်သ့ၣ်ဧၢ, ဒိကနၣ်တၢ်တက့ၢ်. ဝ့ၢ်ဧၤနသိးအပှၤဂီၢ်မုၢ်သ့ၣ်ဧၢ, စံးဆၢတၢ်တက့ၢ်.

လံာ်ယံးရမံယၤ 18:20

တၢ်အဂ့ၤန့ၣ်ကြၢးတၢ်ဟ့ၣ်ဆၢက့ၤလၢတၢ်အၢန့ၣ်ဧါ. အန့ၣ်ဒၣ်လဲာ်အ ဝဲသ့ၣ်ခူၣ်တ့ၢ်တၢ်ပူၤတပူၤလၢယကလီၤတဲာ်နုာ်အဂီၢ်လီၤ. သ့ၣ်နီၣ်ထီၣ်က့ၤလၢယဟဲဆူနအိၣ်ဒီးကတိၤတၢ်လၢ အဝဲသ့ၣ်အခၢၣ်စးဒ်လဲၣ်, ဒ်သိးဒီးနသုတမၤအဝဲ သ့ၣ်လၢတၢ်သူၣ်ဒိၣ်သးဖျိးအပူၤတဂ့ၤအဂီၢ်န့ၣ်တက့ၢ်.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 20:16

မ်အဝဲဒၣ်ကလီၤဂာ်ဒီးဝ့ၢ်တဖၣ် လၢယွၤမၤဟးဂီၤတ့ၢ်အီၤတအိၣ်ဒီးတၢ်သးကညီၤဘၣ်န့ၣ်တက့ၢ်. မ်အဝဲဒၣ်ကနၢ်ဟူဘၣ်တၢ်ဆူးတၢ်ဆါအတၢ်ကိးပသူထီၣ်လၢ ဂီၤထၢၣ်သၢအကတီၢ်ဒီးတၢ်ဒုးတၢ်ယၤအတၢ်မၤဖုး မၤပျီၢ်လၢမုၢ်ထူၣ်အကတီၢ်န့ၣ်တက့ၢ်.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 5:26

ပှၤအၢပှၤသီတဖၣ်အိၣ်ဆိးဝဲလၢယပှၤဂီၢ်မုၢ်အကျါလီၤ. အဝဲသ့ၣ်အိၣ်ခိးခူသူၣ်တၢ်ဒ်ပှၤတဖၣ်လၢအသလၣ် လီၤအပှာ်ဧိၤစၤဧိၤလၢအကဖီၣ်န့ၢ်ထိၣ်တဖၣ်အဂီၢ်အသိး, ဘၣ်ဆၣ်ဒီးအဝဲသ့ၣ်ပာ်လီၤအထုတဖၣ်လၢကဖီၣ်န့ၢ်ပှၤကညီတဖၣ် အဂီၢ်တခီန့ၣ်လီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်စဖါနယၤ 1:16

မုၢ်တနံၤလၢအပှဲၤဒီးတၢ်ဒုးတၢ်ယၤအကွဲၤတဖၣ်အသီၣ်ဒီးတၢ်ဒုး တၢ်ယၤအတၢ်ကိးပသူလၢပှၤသုးဖိတဖၣ်ဖဲအလဲၤထီၣ်ဒုးဝ့ၢ်အိၣ်ဒီး အခိၣ်ဒူဒီးအတၢးထီၣ်ထီတဖၣ်န့ၣ်လီၤ.

လံာ်မးသဲ 22:15

ပှၤဖၤရံၤၡဲတဖၣ်ဟးထီၣ်, ဒီးလဲၤကူၣ်ထီၣ်ဖးလီၤသကိးဝဲလၢ အကဘၣ်ဖီၣ်ယ့ၣ်ၡူးလၢအတၢ်ကတိၤဒၣ်ဝဲလၢကျဲဒ်လဲၣ်အဂ့ၢ်လီၤ.