လံာ်ယံးရမံယၤ 18:21 - Sgaw Karen Common Bible

²¹ ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယံးရမံယၤ 18:21 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

စံးထီၣ်ပတြၢၤ 63:10

အဝဲသ့ၣ်ကဘၣ်တၢ်မၤသံအီၤလၢတၢ်ဒုးအပူၤ, ဒီးထွံၣ်မံၤတဖၣ်ကအီၣ်ကွံာ်အီၤလီၤ.

စံးထီၣ်ပတြၢၤ 63:11

ဘၣ်ဆၣ်စီၤပၤန့ၣ် ကသးခုလၢကစၢ်ယွၤအပူၤလီၤ. ကယဲၢ်ပှၤလၢအဆိၣ်တၢ်ဒီးအီၤလၢကစၢ်ယွၤအမံၤန့ၣ် ကစံးထီၣ်ပတြၢၤယွၤလီၤ. မ့မ့ၢ်ပှၤလၢအကတိၤတၢ်ကဘျံးကဘျၣ် အထးခိၣ်ကဘၣ်တၢ်ဆွံတံာ်အီၤလီၤ.

လံာ်တၢ်ဟးထီၣ်ကွံာ် 22:24

ဒီးယကသးဒိၣ်ထီၣ်ဒီးမၤသံကွံာ်သုလၢတၢ်ဒုးတၢ်ယၤန့ၣ်လီၤ. သုမါတဖၣ်ကကဲထီၣ်မုၣ်ကမဲ, ဒီးသုဖိတဖၣ်ကကဲထီၣ်ပှၤလၢအပၢ် တအိၣ်န့ၣ်လီၤ.

လံာ်ယၡါယၤ 13:18

ကမၤသံပှၤပိာ်ခွါသးစၢ်တဖၣ်လၢအချံၣ်ဧိၤပျၢ်ဧိၤလီၤ. တဒုးနဲၣ်တၢ်သးကညီၤလၢဖိဆံးဖိတဖၣ်ဒီးအတၢ်သးကညီၤ တအိၣ်ဘၣ်လၢဖိသၣ်တဖၣ်အဂီၢ်ဘၣ်.

လံာ်ယၡါယၤ 9:16

ပှၤလၢအဆှၢပှၤသ့ၣ်တဖၣ်အံၤဆှၢကမၣ်တ့ၢ်အဝဲသ့ၣ်ဒီး မၤကဒံကဒါအဝဲသ့ၣ်လၢာ်လၢာ်ဆ့ဆ့လီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယံးရမံယၤ 12:3

ဘၣ်ဆၣ်ဒီးယွၤဧၢ, နသ့ၣ်ညါယၤလီၤ. နထံၣ်တၢ်လၢယမၤ ဒီးယအဲၣ်နၤဒ်လဲၣ်န့ၣ်လီၤ. တွံၢ်ယံၤကွံာ်ပှၤအၢပှၤသီတဖၣ်အံၤ ဒ်သိလၢအဘၣ်တၢ်မၤသံအီၤအသိး ဒီးပၢၤဃာ်အီၤတုၤအကတီၢ် ဘၣ်ဝဲလၢတၢ်ကမၤသံအီၤအဂီၢ်န့ၣ်တက့ၢ်.

လံာ်ယံးရမံယၤ 14:16

ဒ်န့ၣ်အသိးပှၤဂီၢ်မုၢ်လၢအဝဲသ့ၣ်စံးဘၣ်တ့ၢ်အီၤတၢ်သ့ၣ်တဖၣ်အံၤ စ့ၢ်ကီးကဘၣ်တၢ်မၤသံအီၤလၢကျဲတဘိဃီန့ၣ်လီၤ. အဝဲသ့ၣ် အစိၣ်တဖၣ်ကဘၣ်တၢ်ကွံာ်အီၤလၢဝ့ၢ်ယရူၤၡလ့ၣ်အကျဲဘိတဖၣ် အပူၤ, ဒီးပှၤကခူၣ်လီၤအဝဲသ့ၣ်တအိၣ်နီတဂၤဘၣ်န့ၣ်လီၤ. တၢ်အံၤကမၤအသးဒီးအဝဲသ့ၣ်ခဲလၢာ်, ဃုာ်ဒီးအမါတဖၣ်, အဖိခွါတဖၣ်, ဒီးအဖိမုၣ်တဖၣ်န့ၣ်လီၤ. ယကမၢအဝဲသ့ၣ်ဟ့ၣ်တၢ်အပှ့ၤလၢအဝဲသ့ၣ်အတၢ်အၢတၢ်သီအဃိလီၤ.”

လံာ်ယံးရမံယၤ 15:7

လၢဝ့ၢ်ကိးဝ့ၢ်ဒဲးလၢကီၢ်အံၤအပူၤန့ၣ်, ယကွံာ်လီၤသုဆူကလံၤကျါဒ်ဘုလီၢ်အသိးန့ၣ်လီၤ. ယပှၤဂီၢ်မုၢ်ဧၢ, ယမၤဟးဂီၤကွံာ်သု, န့ၣ်လီၤ. ယမၤသံသုဖိတဖၣ် မ့ၢ်လၢသုတဆိကတီၢ်သုတၢ်အၢတၢ်သီအကျဲတဖၣ်အဃိန့ၣ်လီၤ.

လံာ်ယံးရမံယၤ 15:8

လၢသုထံသုကီၢ်အပူၤန့ၣ်, မုၣ်ကမဲတဖၣ်အိၣ်အါန့ၢ်ဒံးမဲးဧိၤ ဟီၣ်ဧိၤတဖၣ်လၢပီၣ်လဲၣ်နံၤတက့ၢ်န့ၣ်လီၤ. ယမၤသံကွံာ်သုပှၤပိာ်ခွါသးစၢ်တဖၣ်ဖဲအသးအနံၣ်အလါအ ဂ့ၤကတၢၢ်အခါဒီးဒုးကွၢ်အမိၢ်တဖၣ်လၢတၢ်နးတၢ်ဖှီၣ်န့ၣ်လီၤ. သတူၢ်ကလာ်ယတီၢ်အဝဲသ့ၣ် လၢတၢ်ကိၢ်တၢ်ဂီၤဒီးတၢ်ပျံၤတၢ်ဖုးန့ၣ်လီၤ.

လံာ်ယံးရမံယၤ 50:30

လၢတၢ်န့ၣ်အဃိ, အပှၤပိာ်ခွါသးစၢ်တဖၣ်ကဘၣ်တၢ်မၤသံအီၤ လၢဝ့ၢ်အကျဲဘိတဖၣ်အပူၤ, ဒီးသုးဖိခဲလၢာ်ကဘၣ်တၢ်မၤဟးဂီၤအီၤလၢ မုၢ်နံၤအဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 9:21

တၢ်သံဟဲဝဲခီဖျိပပဲတြီဖိတဖၣ် ဒီးဟဲနုာ်လီၤလၢပနူၢ်ဧိၤစီၤဧိၤတဖၣ်အပူၤန့ၣ်လီၤ. ဒီၣ်တဲာ်ကွံာ်လံဖိသၣ်တဖၣ်လၢကျဲဘိတဖၣ်အပူၤ ဒီးပိာ်ခွါသးစၢ်တဖၣ်လၢတၢ်ဆါတၢ်ပှ့ၤ အလီၢ်တဖၣ်လံ.

လံာ်သးသယုၢ်တၢ် 1:15

ယွၤနံၤဘၣ်ဖၣ်လဲတ့ၢ်ကယဲၢ်ယသုးမုၢ်သံၣ်ဘိလၢအဆူၣ်ကတၢၢ်တဖၣ် လီၤ. ဆှၢလီၤတ့ၢ်ဝဲသုးမုၢ်တဖုဒ်သိးကမၤဟးဂီၤယပှၤသးစၢ်တဖၣ်န့ၣ် လီၤ. မၤဟးဂီၤတ့ၢ်ကီၢ်ယူဒၤအကဟုကညီၢ်ဒ်စပံးသၣ်တဖၣ်အိၣ်လၢနီၣ် စံၢ်စပံးသၣ်အကျိးပူၤအသိးန့ၣ်လီၤ.

လံာ်သးသယုၢ်တၢ် 5:3

ပပၢ်တဖၣ်ဘၣ်တၢ်မၤသံတ့ၢ်အီၤလၢဒုၣ်ဒါန့ၣ်လီၤ. ဒီးခဲအံၤပမိၢ်တဖၣ်မ့ၢ်မုၣ်ကမဲတဖၣ်လီၤ.

လံာ်ယဃ့းစက့လး 16:38

ယကစံၣ်ညီၣ်ဃၣ်နၤလၢတၢ်မၤကမၣ်မုၣ်ကမၣ်ခွါဒီးတၢ်မၤသံတၢ် အဃိ, ဒီးလၢယတၢ်သးဒိၣ်ဒီးသးကဲၤထီၣ်အပူၤန့ၣ်, ယကစံၣ်ညီၣ်နၤလၢတၢ်သံန့ၣ်လီၤ.

လံာ်ယဃ့းစက့လး 22:25

ပှၤခိၣ်ပှၤနၢ်တဖၣ်န့ၣ်လီၤဂာ်ဒ်ခ့ယုၢ်တဖၣ်လၢအကညီၤထီၣ်ဝဲလၢ ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအလိၤအသိးန့ၣ်လီၤ. အဝဲသ့ၣ်မၤသံပှၤဂီၢ်မုၢ်, ဟံးန့ၢ်ကွံာ်ကျိၣ်စ့ခဲလၢာ်ဒီး အတၢ်စုလီၢ်ခီၣ်ခိၣ်တဖၣ်လၢအမၤန့ၢ်ဝဲသ့, ဒီးခီဖျိအဝဲသ့ၣ် အတၢ်မၤသံမၤဝီန့ၣ်, ပိာ်မုၣ်အါဂၤအိၣ်လီၤတဲာ်ဝဲဒ်ပှၤမုၣ်ကမဲတဖၣ်အသိးန့ၣ်လီၤ.

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်သိၣ်လီၤသီလီၤတၢ် 32:25

တၢ်ဒုးတၢ်ယၤကဟဲစိာ်တၢ်သံလၢကျဲတဖၣ်အပူၤ, တၢ်လီၤပျံၤလီၤဖုးတဖၣ်ကမၤဒၢၣ်တၢ်လၢဟံၣ်တဖၣ်အပူၤလီၤ. ပိာ်ခွါသးစၢ်တဖၣ်ဒီးပိာ်မုၣ်သးစၢ်တဖၣ်ကသံဝဲ ဒီးဖိသၣ်ဆံးတဖၣ်မ့ၢ်ဂ့ၤ, ပှၤသးပှၢ်တဖၣ်မ့ၢ်ဂ့ၤဒၣ်လဲာ်, တၢ်တပာ်မူတ့ၢ်လၢၤအီၤဘၣ်.

၂ တံၤမသ့း 4:14

ပှၤပိာ်တိၢ်ပိာ်ထးစီၤအလ့းစၣ်ဒြူးတဂၤမၤအၢယၤဒိၣ်မးလီၤ. ကစၢ်ကဟ့ၣ်ကၣ်အီၤဒ်အမၤတ့ၢ်တၢ်အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:33

စီၤၡမူၤအ့လးစံးဝဲ, “ဒ်နနးမၤဘၣ်တ့ၢ်မိၢ်အါအါဂီၢ်ဂီၢ် ဒ်သိးအဖိသုတအိၣ်တဂ့ၤအသိးန့ၣ်ခဲအံၤနမိၢ်ကကဲထီၣ် ပှၤလၢအဖိတအိၣ်ဘၣ်တဂၤန့ၣ်လီၤ.” ဒီးအဝဲကျီတဲာ်ကွံာ်စီၤအၤကးတကူာ်တကူာ်လၢတၢ်လုၢ်လီၢ်အိၣ်လၢ ဝ့ၢ်ကံးလကၤလးအမဲာ်ညါန့ၣ်လီၤ.