လံာ်ယံးရမံယၤ 18:18 - Sgaw Karen Common Bible

¹⁸ အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 18:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:31

ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 22:24

တုၤနုၤတစုဝံစံးဒကံယၤလဲၤဃီၤဆူစီၤမံၤကါယၤအအိၣ်, လၤဝဲအမဲာ်ဒီးသံကွၢ်ဝဲ, “ယွၤအသးဟးဖးကွံာ်ဒီးယၤဒီး စံးကတိၤတၢ်ဒီးနၤအခါခဲလဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 24:21

စီၤပၤယိၤအၣ်မၤဃုာ်သကိးတၢ်ဒီးပှၤတဖုလၢအကူၣ်တၢ်အၢထီဒါ စီၤစကၤရယၤ, ဒီးလၢစီၤပၤအတၢ်ဟ့ၣ်လီၤအကလုၢ်အဃိန့ၣ်, ပှၤဂီၢ်မုၢ်ကွံာ်စီၤ စကၤရယၤလၢလၢၢ်ဖဲယွၤအတၢ်လုၢ်ဟံၣ်အဂၢၤပူၤန့ၣ်လီၤ.

လံာ်စီၤယိၤဘး 5:13

ကစၢ်ယွၤဖီၣ်န့ၢ်ပှၤလီတၢ်ဖိလၢအဝဲသ့ၣ်အတၢ်ကူၣ်လီတၢ်အကျဲ ဒၣ်ဝဲဒီးပှၤလီတၢ်အတၢ်ကူၣ်တၢ်ကျဲၤတဖၣ်န့ၣ်မၤကတၢၢ်ကွံာ် ဝဲချ့သဒံးန့ၣ်လီၤ.

စံးထီၣ်ပတြၢၤ 21:11

အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ, ဘၣ်ဆၣ်တကဲထီၣ်လိၣ်ထီၣ်ဝဲဘၣ်.

စံးထီၣ်ပတြၢၤ 52:2

နကူၣ်ထီၣ်တၢ်မၤဟးဂီၤပှၤဂၤ, နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ, ဒီးနမ့ၢ်ပှၤမၤတၢ်လၢတၢ်သူၣ်တဘျၢ သးတဘျၢအပူၤလီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

စံးထီၣ်ပတြၢၤ 64:3

အဝဲသ့ၣ်ကျ့အပျ့ၤတဖၣ်ဒ်နးတဖၣ်အသိး, ဒီးပညိၣ်အတၢ်ကတိၤအအၢအသီတဖၣ် ဒ်ပျၢ်တဖၣ်အသိးန့ၣ်လီၤ.

တၢ်ကတိၤဒိ. 18:21

တၢ်လၢနကတိၤအီၤန့ၣ်ပၢၤဃာ်တၢ်အိၣ်မူမ့တမ့ၢ်မၤဟးဂီၤအီၤ သ့လီၤ. မၤသးဒ်န့ၣ်ဒီးနကဘၣ်တူၢ်လိာ်နတၢ်ကတိၤတဖၣ်အတၤသၣ်တဖၣ်လီၤ.

လံာ်ယၡါယၤ 32:7

ပှၤဟးဂီၤဖိတဂၤအၢဝဲသီဝဲဒီးမၤတၢ်အၢတၢ်သီတဖၣ်လီၤ. အဝဲကူၣ်ကျဲၤဝဲဒ်သိးကမၤဟးဂီၤပှၤဖှီၣ်ဖိယာ်ဖိတဖၣ် လၢတၢ်လီတၢ်ဝ့ၤတဖၣ်ဒီးကတြီဃာ်အီၤလၢ ကမၤန့ၢ်တၢ်လၢအကြၢးဒိးန့ၢ်ဝဲတဖၣ်လီၤ.

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်ယံးရမံယၤ 18:11

ခဲကနံၣ်အံၤ, တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်လၢ, ယရဲၣ်ကျဲၤတၢ်ထီဒါအဝဲသ့ၣ်ဒီးယအိၣ်ကတဲာ်ကတီၤယသးလၢ ယကစံၣ်ညီၣ်အဝဲသ့ၣ်န့ၣ်တက့ၢ်. တဲဘၣ်အဝဲသ့ၣ်လၢကဆိကတီၢ် အိၣ်မူလၢတၢ်ဒဲးဘးအပူၤ, ကလဲလိာ်အကျဲတဖၣ်ဒီးတၢ်သ့ၣ် တဖၣ်လၢအမၤဝဲန့ၣ်တက့ၢ်.

လံာ်ယံးရမံယၤ 18:19

လၢတၢ်န့ၣ်အဃိယဃ့ဘါထုကဖၣ်ဒီးစံး, “ယွၤဧၢ, ကနၣ်တၢ်လၢယစံးယဲဒီးဒိကနၣ်ယဒုၣ်ယဒါတဖၣ်စံးတၢ်လၢယဂ့ၢ် ဒ်လဲၣ်န့ၣ်တက့ၢ်.

လံာ်ယံးရမံယၤ 2:8

ပှၤလုၢ်တၢ်အခိၣ်တဖၣ်တသံကွၢ်ဘၣ်ဝဲလၢ, ကစၢ်ယွၤအိၣ်ဖဲလဲၣ်, န့ၣ်ဘၣ်. ယပှၤလုၢ်တၢ်အခိၣ်ဒၣ်ယဲတဖၣ်တသ့ၣ်ညါယၤဘၣ်. ပှၤပၢတၢ်တဖၣ်ပူထီၣ်တၢ်ထီဒါယၤလီၤ. ဝံတဖၣ်ကတိၤထီၣ်တၢ်လၢဘဧၤလးအမံၤအပူၤ ဒီးဘူၣ်ထီၣ်ဘါထီၣ်တၢ်ဂီၤတၢ်ဖှီၣ်လၢ အတဂိာ်တသီၣ်ဘၣ်တၢ်တဖၣ်န့ၣ်လီၤ.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 26:11

အန့ၣ်ဝံၤဒီး ပှၤလုၢ်တၢ်အခိၣ်တဖၣ်ဒီး ဝံတဖၣ်စံးဘၣ်ပှၤ ခိၣ်ပှၤနၢ်တဖၣ်ဒီး ပှၤဂီၢ်မုၢ်န့ၣ်, “ပှၤတဂၤအံၤကြၢးဘၣ်တၢ် စံၣ်ညီၣ်သံအီၤမ့ၢ်လၢ အဝဲကတိၤတၢ်ထီဒါ ပဝ့ၢ်အဃိန့ၣ်လီၤ. သုနၢ်ဟူအီၤလၢ သုနၢ်ဒၣ် သုဝဲန့ၣ်လီၤ.”

လံာ်ယံးရမံယၤ 37:13

ဘၣ်ဆၣ်ဒီး, ဖဲယလဲၤတုၤဆူ ဘံၣ်ယၤမံၣ်အတြဲၤန့ၣ်, သုးခိၣ်လၢအပၢသုးဖိတဖၣ်လၢ အခိးတၢ်ဖဲန့ၣ်, လၢ အမံၤမ့ၢ်စီၤယရံယၤ, လၢအမ့ၢ်စီၤၡလ့မယၤအဖိခွါဒီး စီၤဃနၤနယၤအလံၤခွါန့ၣ်, ဒုးအိၣ်ကတီၢ်ယၤဒီၤစံးဝဲဒၣ်, “နမ့ၢ်ပှၤလၢအဟးသဒၣ်ဒီး ပာ်တ့ၢ်ကွံာ်ပှၤဒီးနခီဃီၤဆူ ပှၤဘၤဘူၤလိၣ်ဖိတဖၣ်အအိၣ်လီၤ.”

လံာ်ယံးရမံယၤ 43:2

အန့ၣ်ဒီး, စီၤဟိၤၡယၤအဖိခွါ စီၤဧစၤရယၤ, ဒီး စီၤကါရ့ၤ အဖိခွါစီၤယိဃၤနၣ်, ဒီးပှၤအဂၤလၢအပာ်ထီၣ်ထီ အသးခဲလၢာ်စံးဘၣ်ယၤ, “နလီတၢ်လီၤ. ယွၤ, ပကစၢ်ယွၤ တမၢလီၤနၤလၢနကတဲဘၣ်ပှၤလၢ ပသုတလဲၤဒီး အိၣ်ဆိးလၢ ကီၢ်အဲၤကူပတူးအပူၤတဂ့ၤန့ၣ်ဘၣ်.

လံာ်ယံးရမံယၤ 44:16

“ပဂ့ၢ်လိာ်လၢ ပကဒိကနၣ်တၢ်လၢ နစံးဘၣ်တဲဘၣ် တ့ၢ်ပှၤလၢ ယွၤအမံၤအပူၤန့ၣ်လီၤ.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ယံးရမံယၤ 8:8

သုစံးလၢသုကူၣ်တၢ်သ့ဒီးလၢသုသ့ၣ်ညါ ယတၢ်စူၢ်တၢ်နာ်အတၢ်သိၣ်တၢ်သီတဖၣ်သ့ဒ်လဲၣ်. ကွၢ်ကွၢ်, တၢ်စူၢ်တၢ်နာ်အတၢ်သိၣ်တၢ်သီတဖၣ်ဘၣ်တၢ် လဲလိာ်ကွံာ်အီၤလၢပှၤကွဲးလံာ်လၢအတတီတလိၤတဖၣ်န့ၣ်လီၤ.

လံာ်သးသယုၢ်တၢ် 3:62

အဝဲသ့ၣ်စံးကတိၤတၢ်လၢယဂ့ၢ်သ့တနံၤကျၢၤဒီးမၤထီၣ်အတၢ်ကူၣ် တၢ်တိာ်တဖၣ်လီၤ.

လံာ်ယဃ့းစက့လး 7:26

တၢ်တတၢးတနါတမံၤကပိာ်ထွဲထီၣ်အဂၤတမံၤအခံ, ဒီးတၢ်သးအုးအကစီၣ်ကတုၤအိၣ်သုတထံၣ်ဃီလီၤ. သုကဃ့ကညးဝံတဖၣ်လၢကလီၣ်ဖျါန့ၢ်သုတၢ်လၢအဝဲသ့ၣ်ထံၣ် ဆိဝဲလီၤ. ပှၤလုၢ်တၢ်အခိၣ်တဖၣ်ကသိၣ်လိပှၤဂီၢ်မုၢ်အဂီၢ် တၢ်တအိၣ်ဒီးအီၤနီတမံၤဘၣ်, ဒီးပှၤသးပှၢ်တဖၣ်တမ့ၢ်ကအိၣ်ဒီးတၢ်ဟ့ၣ်ကူၣ်လၢကဟ့ၣ်ဝဲနီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 10:11

ဒီးသုကဘၣ်သိၣ်လိသီလိပှၤအံၣ်စရ့လးဖိလၢကယဲၢ်တၢ်သိၣ်တၢ် သီလၢယဟ့ၣ်လီၤသုခီဖျိစီၤမိၤၡ့န့ၣ်လီၤ.”

လံာ်မံကၤ 3:6

“ဝံသ့ၣ်ဧၢ, သုမုၢ်နံၤဘူးကကတၢၢ်လီၤ. သုမုၢ်လီၤနုာ်လံ. အဂ့ၢ်ဒ်အံၤ, သုဆှၢကမၣ်ယပှၤဂီၢ်မုၢ်အဃိဝံအတၢ်ထံၣ် လၢညါခီတဖၣ်တအိၣ်လၢၤဘၣ်ဒီးသုဘၣ်. သုဖးဆိပာ်တၢ်တသ့လၢၤနီတမံၤဘၣ်”.

လံာ်မံကၤ 3:7

ပှၤလၢအဖးဆိပာ်တၢ်လၢခါဆူညါအဂီၢ်တဖၣ်န့ၣ်ကဘၣ် တၢ်မၤမဲာ်ဆှးအီၤလၢအတၢ်လီၤတူၢ်လီၤကာ်အဃိလီၤ. အဂ့ၢ်ဒ်အံၤ, ကစၢ်ယွၤတစံးဆၢဘၣ်အဝဲသ့ၣ်အဃိဒီးအဝဲသ့ၣ်ခဲလၢာ်ကဘၣ် တၢ်မၤမဲာ်ဆှးအီၤလီၤ.

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်လူၤကၣ် 11:45

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီအကျါတဂၤစံးဘၣ်အီၤ, “သရၣ်ဧၢ, ဖဲနကတိၤတၢ်ကတိၤတထံၣ်အံၤန့ၣ်, မ့ၢ်နကတိၤဒုၣ်ဒွဲၣ်, ကတိၤတရီတပါပှၤစ့ၢ်ကီးန့ၣ်လီၤ.”

လံာ်ယိၤဟၣ် 9:40

ပှၤဖၤရံၤၡဲတနီၤလၢအအိၣ်ဒီးအီၤဖဲန့ၣ်, နၢ်ဟူအဝဲစံးတၢ်ဒ်အံၤဒီး သံကွၢ်အီၤ, “နအဲၣ်ဒိးစံးလၢပဝဲဒၣ်တဖၣ်အံၤပမဲာ်ဘျီၣ်စ့ၢ်ကီး န့ၣ်ဧါ.”