လံာ်ယံးရမံယၤ 17:6 - Sgaw Karen Common Bible

⁶ အဝဲဒၣ်လီၤဂာ်ဒ်သပှိာ်တလိၣ်လၢမဲးမုၢ်ခိၣ်အပူၤအသိး, လၢအမဲထီၣ်လၢပှၢ်မုၢ်ကနၢလၢအဃ့စိၢ်ဃ့ထီအပူၤ, ဒီးလၢဟီၣ်ခိၣ်လၢအအိၣ်ဒီးအံသၣ်လၢအလိၤဖဲတၢ် အဂၤတမဲထီၣ်နီတမံၤဘၣ်န့ၣ်လီၤ. တၢ်အဂ့ၤတမၤဘၣ်အသးဒီးအီၤနီတမံၤနီတစုဘၣ်.

လံာ်ယံးရမံယၤ 17:6 Iomraidhean Croise

လံာ်စီၤပၤခံဘ့ၣ်တဘ့ၣ် 7:2

ပှၤကွၢ်ထွဲမၤစၢၤစီၤပၤစံးဘၣ်စီၤအလံၤၡါ, “ယွၤအနီၢ်ကစၢ်ဒၣ်ဝဲမ့ၢ်ဆှၢလီၤဘုဧိၤဟုဧိၤတဘျီဃီဒၣ် လဲာ်န့ၣ်, မၤအသးတသ့ဘၣ်.” စီၤအလံၤၡါစံးဆၢဝဲ, “နကထံၣ်ဘၣ်တၢ်န့ၣ်မၤအသး, ဘၣ်ဆၣ်နတအီၣ်ဘၣ်တၢ်အီၣ်န့ၣ်နီတမံၤဘၣ်.”

လံာ်စီၤယိၤဘး 20:17

အဝဲဒၣ်တအိၣ်မူတုၤအထံၣ်ဘၣ်သ့ၣ်စၤယံးအသိ အထံကျိတဖၣ်မ့တမ့ၢ် ထံကျိၤတဖၣ်လၢ အယွၤလီၤဒီး တၢ်နုၢ်ထံဒီးကနဲစီန့ၣ်ဘၣ်.

လံာ်စီၤယိၤဘး 39:6

ယဟ့ၣ်တ့ၢ်အဝဲသ့ၣ်လၢပှၢ်မုၢ်ကနၢဒီးပျဲဟီၣ်ခိၣ်ဟီပျီ တဖၣ်ကမ့ၢ်အတၢ်အိၣ်တၢ်ဆိးအလီၢ်န့ၣ်လီၤ.

စံးထီၣ်ပတြၢၤ 1:4

ပှၤတတီတလိၤတဖၣ်န့ၣ်တဒ်န့ၣ်အသိးဘၣ်. အဝဲသ့ၣ်လီၤဂာ်ဒ်ဖ့လၢကလံၤအူဒံကွံာ်ဝဲ အသိးန့ၣ်လီၤ.

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

စံးထီၣ်ပတြၢၤ 92:7

ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

လံာ်ယၡါယၤ 1:30

သုကဃ့ထီၣ်ကွံာ်ဝဲဒ်သ့ထိးဖၣ်တထံးလၢအကသံဝဲအသိး, ဒီးဒ်ဖီကရၢၢ်တခါလၢပှၤတလူထံနီတဂၤအသိးလီၤ.

လံာ်ယံးရမံယၤ 29:32

အဝဲအစၢၤအသွဲၣ်တဖၣ် တဘၣ်အိၣ်လၢသုကျါနီတဂၤဘၣ်. အဝဲတအိၣ်မူထံၣ်ဘၣ်တၢ်အဂ့ၤ တဖၣ်လၢ ယကမၤအီၤလၢ ယပှၤဂီၢ်မုၢ်အဂီၢ်ဘၣ်, မ့ၢ်လၢအဝဲတဲဘၣ် အဝဲသ့ၣ်လၢကပူ ထီၣ်တၢ်ထီဒါယၤအဃိန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 48:6

အဝဲသ့ၣ် စံးဝဲဒၣ်, ‘မၤချ့ချ့ဃ့ၢ်ကွံာ်လၢသုသးသမူအဂီၢ်တက့ၢ်. ဃ့ၢ်ဒ်မဲးမုၢ်ခိၣ်ကသ့ၣ်ယီၤမံၤတဒုအသိးန့ၣ်တက့ၢ်,’

လံာ်ယဃ့းစက့လး 47:11

ဘၣ်ဆၣ်ထံလၢအအိၣ်လၢကပျၢၤတဖၣ်အပူၤဒီးလၢနိၣ်ဖိတဖၣ် အပူၤဖဲကၢၢ်နံၤန့ၣ်တဘၣ်တၢ်မၤဘျါထီၣ်အီၤဘၣ်. အဝဲသ့ၣ် ကအိၣ်တ့ၢ်ဝဲဖဲန့ၣ်လၢဒ်တၢ်လီၢ်အဂံၢ်ထံးအသိးလၢအံသၣ်အဂီၢ် န့ၣ်လီၤ.

လံာ်စဖါနယၤ 2:9

ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.

လံာ်ပှၤစံၣ်ညီၣ်ကွီၢ် 9:45

ဒီးတၢ်ဒုးတၢ်ယၤယံာ်ဝဲဒီနံၤညါန့ၣ်လီၤ. စီၤအဘံၤမ့လ့းမၤန့ၢ်ဝ့ၢ်ၡက့ၣ် ဒီးမၤသံကွံာ်အပှၤဂီၢ်မုၢ်, မၤလီၤပှီၢ်ကွံာ်အီၤဒီးမၤဘၢတၢ်လီၢ်န့ၣ်လၢအံသၣ်လီၤ.