လံာ်ယံးရမံယၤ 17:4 - Sgaw Karen Common Bible

⁴ သုကဘၣ်ပျဲစုပျၢ်ခီၣ်ကွံာ်ထံကီၢ်လၢယဟ့ၣ်လီၤတ့ၢ်သု, ဒီးယကမၢသုမၤသုဒုၣ်သုဒါတဖၣ်အတၢ်မၤလၢကီၢ်တဘ့ၣ်လၢသု တသ့ၣ်ညါအဂ့ၢ်နီတမံၤအပူၤ, မ့ၢ်လၢယတၢ်သးဒိၣ်ထီၣ်လီၤဂာ်ဒီးမ့ၣ်အူ, ဒီးကအီၣ်တၢ်လီၤထူလီၤယိာ်အဃိန့ၣ်လီၤ.”

လံာ်ယံးရမံယၤ 17:4 Iomraidhean Croise

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:21

အိၣ်ဝဲလၢကီၢ်ဃမါသးအလီၢ်ကဝီၤပူၤန့ၣ်လီၤ. ဖဲန့ၣ်စီၤပၤမၢပှၤဒိပှၤတီၢ်အဝဲသ့ၣ်ဒီးမၤသံကွံာ်အီၤန့ၣ် လီၤ. လၢတၢ်န့ၣ်အဃိကီၢ်ယူဒၤပှၤဂီၢ်မုၢ်ဘၣ်တၢ်စိာ်ထီၣ်ကွံာ်အီၤလၢ အထံအကီၢ်ဆူတၢ်စိာ်မၢကဲကုၢ်အပူၤန့ၣ်လီၤ.

လံာ်စီၤနဃ့မယၤ 9:28

တုၤတၢ်ဃူတၢ်ဖိးန့ၢ်ကဒါန့ၣ်, အဝဲသ့ၣ်မၤဒဲးဘးတ့ၢ်ကဒီးတၢ် ဒီးနပျဲက ဒီးအဒုၣ်အဒါမၤနၢၤအဝဲသ့ၣ်န့ၣ်လီၤ. အန့ၣ်ဒၣ်လဲာ်ဖဲအဝဲသ့ၣ်ပီၢ်ယၢ်လီၤက့ၤအသး, ဒီးဃ့တၢ်မၤစၢၤလၢနၤလၢနကမၤပူၤဖျဲးအဝဲသ့ၣ်န့ၣ်, နနၢ်ဟူအတၢ်ဃ့လၢမူခိၣ်ဒီးလၢနတၢ်သးကညီၤဖးဒိၣ်အပူၤ, နမၤပူၤဖျဲးအဝဲသ့ၣ်တဘျီဝံၤတဘျီန့ၣ်လီၤ.

လံာ်ယၡါယၤ 14:3

ယွၤကဟ့ၣ်ပှၤအံၣ်စရ့လးဖိလၢတၢ်မၤမုာ်ထီၣ်က့ၤလၢအတၢ်ဆါ ဆိးကဲးဒီးအတၢ်နးတၢ်ဖှီၣ်အပူၤဒီးလၢတၢ်မၤအဆူၣ်အကိၤလၢ တၢ်မၢဆူၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 50:11

သုဝဲခဲလၢာ်လၢအကူၣ်ထီၣ်မၤဟးဂီၤကွံာ်ပှၤတဖၣ်န့ၣ်, သုကဘၣ်တၢ်မၤဟးဂီၤကွံာ်သုလၢသုတၢ်ကူၣ်ဟးဂီၤဒၣ်ဝဲ တဖၣ်န့ၣ်လီၤ. ယွၤအကစၢ်ဒၣ်ဝဲကဒုးကဲထီၣ်တၢ်အံၤလီၤ. သုကတူၢ်ဘၣ်တၢ်ဟဲဝံနးနးကျံးကျံးန့ၣ်လီၤ.

လံာ်ယၡါယၤ 66:24

“ဖဲအဝဲသ့ၣ်ဟးထီၣ်အဖၢမုၢ်န့ၣ်, အဝဲသ့ၣ်ကထံၣ်ဘၣ်ပှၤတဖၣ် လၢအပူထီၣ်တၢ်ထီဒါတ့ၢ်ယၤအစိၣ်န့ၣ်လီၤ. လၢၣ်တဖၣ်လၢအအီၣ်အဝဲ သ့ၣ်န့ၣ်တသံနီတစုဘၣ်, ဒီးမ့ၣ်အူလၢအအီၣ်အဝဲ သ့ၣ်န့ၣ်တၢ်တမၤလီၤပံာ်ကွံာ်အီၤနီတစုဘၣ်. တၢ်ထံၣ်ဘၣ် တၢ်တဖၣ်အံၤကမ့ၢ်တၢ်လီၤသးဘၣ်အၢလၢပှၤဟီၣ်ခိၣ်ဖိ ခဲလၢာ်အဂီၢ်န့ၣ်လီၤ.”

လံာ်ယံးရမံယၤ 12:7

ယွၤစံးဝဲဒၣ်, “ယပာ်လီၤတဲာ်ကွံာ်ပှၤအံၣ်စရ့လးဖိ, ယညိကွံာ်ပှၤတကလုာ်လၢယဃုထၢတ့ၢ်အီၤလံ. ယဟ့ၣ်လီၤကွံာ်ပှၤဂီၢ်မုၢ်လၢယအဲၣ်အီၤဆူ အဝဲသ့ၣ်အဒုၣ်အဒါတဖၣ်အစိကမီၤအပူၤလံ. ယပှၤဂီၢ်မုၢ်လၢယဃုထၢတ့ၢ်အီၤန့ၣ်, ဃၣ်ကွံာ်အသးထီဒါယၤလံ.

လံာ်ယံးရမံယၤ 15:14

ယကဒုးမၤအဝဲသ့ၣ်လၢအဒုၣ်အဒါတဖၣ်တဖၣ်အတၢ်မၤလၢ ကီၢ်တဘ့ၣ်လၢအဝဲသ့ၣ်တသ့ၣ်ညါအဂ့ၢ်နီတမံၤအပူၤ, မ့ၢ်လၢ ယတၢ်သးဒိၣ်ထီၣ်န့ၣ်လီၤဂာ်ဒီးမ့ၣ်အူဒီးကအီၣ်တၢ်လီၤစိၤ လီၤထီအဃိန့ၣ်လီၤ.”

လံာ်ယံးရမံယၤ 16:13

လၢတၢ်န့ၣ်အဃိဒီး, ယကဟီထီၣ်ကွံာ်သုလၢကီၢ်တဘ့ၣ်အံၤအပူၤ, ဆူကီၢ်တဘ့ၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတသ့ၣ်ညါ တ့ၢ်အီၤနီတစုဘၣ်န့ၣ်လီၤ. ဒီးဖဲန့ၣ်, သုကမၤကစၢ်အဂၤတဖၣ် အတၢ်လၢမုၢ်ဆါဆဲးလၢမုၢ်နၤဒီးယတဒုးနဲၣ်သုတၢ်သးကညီၤ နီတစဲးဘၣ်လီၤ.”

လံာ်ယံးရမံယၤ 18:23

ဘၣ်ဆၣ်ဒီးယွၤဧၢ, နသ့ၣ်ညါအဝဲသ့ၣ်အတၢ်ကူၣ်ကျဲၤတဖၣ်လၢ ကမၤသံယၤအဂီၢ်န့ၣ်လီၤ. ပျၢ်ဖျဲးအဝဲသ့ၣ်အတၢ်အၢတၢ်သီမ့ၢ်ဂ့ၤ, ပျဲပူၤအဝဲသ့ၣ်လၢအတၢ်ဒဲးဘးမ့ၢ်ဂ့ၤန့ၣ်တဂ့ၤ. ကွံာ်လီၤကွံာ်အဝဲသ့ၣ်လၢအတၢ်ဃၣ်ကွံာ်အပူၤဒီးမၤအဝဲသ့ၣ် ဖဲနသးဒိၣ်ထီၣ်ဒံးအဖၢမုၢ်အံၤန့ၣ်တက့ၢ်.”

လံာ်ယံးရမံယၤ 2:14

ကီၢ်အံၣ်စရ့လးတမ့ၢ်ကုၢ်တဂၤဘၣ်, ဒီးအဝဲတအိၣ်ဖျဲၣ်ထီၣ်လၢ တၢ်ကဲကုၢ်အပူၤဘၣ်. ဘၣ်မနုၤအဃိအဒုၣ်အဒါတဖၣ်လူၤဃု ဖီၣ်ဆူၣ်အီၤန့ၣ်လဲၣ်.

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ယံးရမံယၤ 22:28

ယစံးယဲ, “မ့ၢ်စီၤပၤယဟိၤယါခံၣ်ကဲထီၣ်ဒ်သပၢၤသ့ၣ်ဖး တဖျၢၣ်အသိးလၢအဘၣ်တၢ်စူးကွံာ်အီၤဒီးပှၤတသးလီအီၤ နီတဂၤဘၣ်န့ၣ်ဧါ. လၢတၢ်န့ၣ်အဃိ, မ့ၢ်အဝဲဒီးအဖိတဖၣ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အလီၢ်, တၢ်လီၢ်လၢအဝဲသ့ၣ်တသ့ၣ်ညါဝဲလၢအဂ့ၢ်နီတမံၤန့ၣ်ဧါ.”

လံာ်ယံးရမံယၤ 5:19

ဖဲအဝဲသ့ၣ်သံကွၢ်ဝဲ, ဘၣ်မနုၤအဃိယမၤတၢ်သ့ၣ်တဖၣ်အံၤခဲလၢာ် လဲၣ်န့ၣ်, စီၤယံးရမံယၤဧၢ, တဲဘၣ်အဝဲသ့ၣ်လၢ, ဒ်အဝဲသ့ၣ်ဃၣ်ကွံာ်အသးလၢယၤဒီးမၤ တ့ၢ်ပှၤတခီဘီမုၢ်အကစၢ်တဖၣ်အတၢ်မၤလၢအထံအကီၢ်ဒၣ်ဝဲ အပူၤအသိးန့ၣ်, အဝဲသ့ၣ်ကမၤပှၤလၢအတသ့ၣ်ညါဝဲတဖၣ် အတၢ်မၤလၢထံကီၢ်တဘ့ၣ်လၢအတမ့ၢ်အဝဲသ့ၣ်အတၢ်ဒၣ်ဝဲ အပူၤန့ၣ်လီၤ.”

လံာ်ယံးရမံယၤ 5:29

ဘၣ်ဆၣ်ဒီး, ယၤယွၤအံၤယကစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိလီၤ. ယကဟ့ၣ်ကၣ်တၢ်လၢပှၤတကလုာ်အံၤ အဖီခိၣ်လီၤ.

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်သးသယုၢ်တၢ် 1:12

ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်သးသယုၢ်တၢ် 5:2

ပတၢ်စုလီၢ်ခီၣ်ခိၣ်န့ၣ်အိၣ်လၢပှၤတခီဘီမုၢ်ဖိတဖၣ် အစုပူၤလီၤ. ပှၤတခီဘီမုၢ်ဖိတဖၣ်အိၣ်ဆိးဝဲလၢ ပဟံၣ်တဖၣ်အပူၤလီၤ.

လံာ်ယဃ့းစက့လး 21:31

သုကကလၢၢ်ဘၣ်ယတၢ်သးထီၣ်, ဖဲယလူလီၤအီၤလၢသုလိၤဒ်မ့ၣ်အူကဲၤတခါအသိးန့ၣ်လီၤ. ဒီးယကဟ့ၣ်လီၤကွံာ်သုဆူပှၤအၢပှၤသီအရၢၢ်အစၢၢ်တဖၣ်လၢ အမ့ၢ်ပှၤလၢအသ့လီၤတံၢ်လီၤဆဲးလၢတၢ်မၤဟးဂီၤအပူၤ အစုပူၤန့ၣ်လီၤ.

လံာ်ယဃ့းစက့လး 7:24

ယကဒုးဟဲနုာ်ပှၤကလုာ်လၢအအၢကတၢၢ်တဖၣ်ဖဲအံၤဒီးပျဲ အဝဲသ့ၣ်မၤန့ၢ်ကွံာ်သုဟံၣ်သုဃီတဖၣ်န့ၣ်လီၤ. ဖဲယပျဲပှၤကလုာ်တဖၣ်မၤတကဆှီတၢ်လီၢ်တဖၣ်လၢသုဘူၣ်ထီၣ်ဘါထီၣ် တၢ်န့ၣ်, သုပှၤတဖၣ်လၢအဂံၢ်ဆူၣ်ဘါဆူၣ်ကတၢၢ်န့ၣ်အတၢ် နာ်န့ၢ်လီၤသးကလီၤမၢ်ကွံာ်ဝဲန့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.