လံာ်ယံးရမံယၤ 17:3 - Sgaw Karen Common Bible

³ ဒီးလၢကစၢၢ်တဖၣ်အဒီခိၣ်ဖဲကီၢ်အတၢ်လီၤပျီအပူၤန့ၣ်လီၤ. ယကမၢသုဒုၣ်သုဒါတဖၣ်စိာ်ကွံာ်သုတၢ်ထူးတၢ်တီၤဒီးသု တၢ်လုၢ်ဒိၣ်ပှ့ၤဒိၣ်တဖၣ်, လၢတၢ်ဒဲးဘးခဲလၢာ်လၢသုမၤတ့ၢ် သကုၤသုထံသုကီၢ်အဃိန့ၣ်လီၤ.

လံာ်ယံးရမံယၤ 17:3 Iomraidhean Croise

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

စံးထီၣ်ပတြၢၤ 78:58

အဂ့ၢ်ဒ်အံၤ, အဝဲသ့ၣ်မၤသးထီၣ်ယွၤလၢပှၤတဘူၣ်ထီၣ်ဘါထီၣ် ယွၤအတၢ်လီၢ်ထီၣ်ထီ ယွၤအတၢ်ဘူၣ်တၢ်ဘါအလီၢ်တဖၣ်, ဒီးထိၣ်ဂဲၤအတၢ်သးဒိၣ်လၢ အတၢ်ဂီၤတၢ်ဖီၣ်တဖၣ်န့ၣ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 15:13

ယွၤစံးဘၣ်ယၤ, “ယကမၢလီၤဒုၣ်ဒါလၢကစိာ်ထီၣ်ကွံာ် ယပှၤဂီၢ်မုၢ်အတၢ်ထူးတၢ်တီၤဒီးအတၢ်လုၢ်ဒိၣ်ပှ့ၤဒိၣ်တဖၣ်, ဒ်သိးယကစံၣ်ညီၣ်အဝဲသ့ၣ်လၢတၢ်ဒဲးဘးတဖၣ်လၢအဝဲသ့ၣ်မၤတ့ၢ်ဝဲ, လၢထံကီၢ်ဒီဘ့ၣ်အဃိန့ၣ်လီၤ.

လံာ်ယံးရမံယၤ 20:5

ယကပျဲစ့ၢ်ကီးအဝဲသ့ၣ်အဒုၣ်အဒါတဖၣ်လၢကဂုာ်ဆူၣ်ပျီဆူၣ် ဝ့ၢ်အံၤအတၢ်ထူးတၢ်တီၤခဲလၢာ်ဒီးဟံးန့ၢ်ကွံာ်ကယဲၢ်အတၢ် စုလီၢ်ခီၣ်ခိၣ်ဒီးအတၢ်ဖိတၢ်လံၤခဲလၢာ်တုၤဒၣ်လဲာ်လၢကီၢ်ယူဒၤ အစီၤပၤတဖၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးစိာ်ကွံာ်တၢ်ခဲလၢာ်န့ၣ် ဆူကီၢ်ဘၤဘူၤလိၣ်လီၤ.

လံာ်ယံးရမံယၤ 21:13

နဲဒၣ်, ဝ့ၢ်ယရူၤၡလ့ၣ်ဧၢ, နဆ့ၣ်နီၤနဲလၢတၢ်လီၢ်ထီၣ်ထီလၢ တၢ်လူၢ်တၢ်တြီၤအဖီခိၣ်, လီၤဂာ်ဒ်လၢၢ်တဖျၢၣ်လၢအအိၣ်ထီၣ် ထီလၢပျီတဘ့ၣ်အဖီခိၣ်အသိးန့ၣ်လီၤ. ဘၣ်ဆၣ်ဒီးယကဒုးတၢ်ထီဒါ နၤလီၤ. နစံးလၢပှၤဟဲထီၣ်ဒုးနၤမ့ၢ်ဂ့ၤ, ပှၤဟဲနုာ်ခီဖျိနတၢ်ပၢၢ် ဆၢအလီၢ်တဖၣ်မ့ၢ်ဂ့ၤ, တသ့နီတဂၤဘၣ်.

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်ယဃ့းစက့လး 16:39

ယကပာ်နၤလၢအဝဲသ့ၣ်အတၢ်စိတၢ်ကမီၤအဖီလာ်, ဒီးအဝဲသ့ၣ်ကမၤလီၤပှီၢ်ကွံာ်တၢ်လီၢ်တဖၣ်ဖဲနမၤပှၤဃဲသဲမုၣ် အတၢ်မၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. အဝဲသ့ၣ်ကစိာ်ကွံာ်နကူနသိးတဖၣ်ဒီးတၢ်မျၢ်ပလဲတဖၣ်ဒီးကပာ် လီၤတဲာ်နၤအိၣ်ဘ့ၣ်ဆ့လၢာ်လၢာ်ဆ့ဆ့န့ၣ်လီၤ.

လံာ်ယဃ့းစက့လး 23:46

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ဟဲစိာ်ပှၤဂီၢ်မုၢ်တဖုလၢအတၢထီၣ်တၢလီၤဒ်သိးကမၤပျံၤမၤ ဖုးအဝဲသ့ၣ်ဒီးဂုာ်န့ၢ်ဆူၣ်အဝဲသ့ၣ်န့ၣ်တက့ၢ်.

လံာ်ယဃ့းစက့လး 6:3

တဲဘၣ်ကီၢ်အံၣ်စရ့လးအကစၢၢ်ကလိတဖၣ်လၢကနၢ်ဟူယွၤအကလုၢ်, ကနၢ်ဟူတၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်တဲဘၣ်ကစၢၢ်ကလိတဖၣ်, တၢ်လူၢ်တဖၣ်, တၢ်တြိတဖၣ်, ဒီးတၢ်တြီၤတဖၣ်န့ၣ်တက့ၢ်. ယကမၢလီၤနးတဘ့ၣ်လၢကမၤဟးဂီၤ တၢ်လီၢ်တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:30

ယကမၤဟးဂီၤကွံာ်သုတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤ, ယကကူၢ်လီၤကွံာ်သုတၢ်လုၢ်နၢမူအလီၢ်တဖၣ်ဒီးကွံာ်လီၤသုစိၣ် တဖၣ်လၢတၢ်ဂီၤတၢ်ဖီၣ်တဖၣ်အလိၤန့ၣ်လီၤ. ဒီးယကသးဘၣ်အၢသုလီၤ.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.

လံာ်စဖါနယၤ 1:13

အတၢ်ဖိတၢ်လံၤဒီးအဟံၣ်အဃီသ့ၣ်တဖၣ်ကဘၣ်တၢ်ဂုာ်ဆူၣ်ပျီဆူၣ် ဒီးမၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်ဘၣ်လၢၤလၢဟံၣ်လၢအသူၣ်ထီၣ်ဝဲမ့ၢ်ဂ့ၤ, တအီဘၣ် လၢၤစပံးထံလၢစပံးမုၢ်လၢအသူၣ်လီၤဝဲသ့ၣ်တဖၣ်မ့ၢ်ဂ့ၤနီတဘျီဘၣ်.”