လံာ်ယံးရမံယၤ 17:23 - Sgaw Karen Common Bible

²³ အဝဲသ့ၣ်အမိၢ်ပၢ်ဖံဖုလၢပျၢၤတဖၣ်တဒိကနၣ်ယၤမ့ၢ်ဂ့ၤ, တကနၣ်ဃုာ်ယၤမ့ၢ်ဂ့ၤန့ၣ်ဘၣ်. အခိၣ်တလိာ်အဝဲသ့ၣ် အခိၣ်ကိၤထီၣ်န့ၣ်လီၤ. အဝဲသ့ၣ်တအဲၣ်ဒိးစူၢ်ယၤမ့ၢ်ဂ့ၤ, မၤလိန့ၢ်တၢ်လၢယၤမ့ၢ်ဂ့ၤန့ၣ်ဘၣ်.

လံာ်ယံးရမံယၤ 17:23 Iomraidhean Croise

စံးထီၣ်ပတြၢၤ 50:17

အဂ့ၢ်ဒ်အံၤ, နသးဟ့ယတၢ်သိၣ်တၢ်သီ, ဒီးနကွံာ်တ့ၢ်ကွံာ်ယကလုၢ်ကထါလၢ နလီၢ်ခံန့ၣ်လီၤ.

တၢ်ကတိၤဒိ. 1:3

တၢ်န့ၣ်တဖၣ်သိၣ်လိသုဒ်သိးသုအိၣ်မူလၢတၢ်သူၣ်ဆးသးဆး အပူၤဒ်လဲၣ်ဒ်လဲၣ်ကသ့ဒီးတၢ်ကဘၣ်အိၣ်မူတီတီလိၤလိၤ, စံၣ်ညီၣ်တီတၢ်ဒီးတၢ်တကွၢ်မဲာ်ဘၣ်တၢ်ဒ်လဲၣ်ဒ်လဲၣ်အဂီၢ်န့ၣ် လီၤ.

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

တၢ်ကတိၤဒိ. 5:12

ဒီးသုကစံး, “ဘၣ်မနုၤအဃိပတမၤလိန့ၢ်တၢ်နီတဘျီဒီး ပတပျဲပှၤဘှီဘၣ်က့ၤပှၤနီတဂၤန့ၣ်လဲၣ်.

တၢ်ကတိၤဒိ. 8:10

ဃုထၢယတၢ်သိၣ်က့ၤသီက့ၤလၢစ့အလီၢ်, ဒီးဃုထၢတၢ်သ့ၣ်ညါနၢ်ပၢၢ်အါန့ၢ်ဒိၣ်န့ၢ်ထူစီတက့ၢ်.

လံာ်ယၡါယၤ 48:4

ယသ့ၣ်ညါတ့ၢ်လၢသုကမၤသုသးသုခိၣ်ကိၤကနံ ထဲသိးသိးဒီးထး, ဒီးတဆုးလီၤပိာ်လီၤဘၣ်အသး ဒ်တိၢ်ဘီအသိးဘၣ်န့ၣ်လီၤ.

လံာ်ယံးရမံယၤ 11:10

အဝဲသ့ၣ်က့ၤကဒါက့ၤဆူအမိၢ်ပၢ်ဖံဖုလၢပျၢၤ တဖၣ်ပှၤတဖၣ်လၢတဒိကနၣ်တၢ်လၢယစံးဘၣ်တ့ၢ်အီၤ, အတၢ်ဒဲးဘးတဖၣ်အအိၣ်န့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်လီၤ. ပှၤကီၢ်အံၣ်စရ့လးဖိဒီးပှၤကီၢ်ယူဒၤဖိခံဖုလိာ်အံၤမၤဟးဂီၤကွံာ် တၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 19:15

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “ကယဲၢ်တၢ်စံၣ်ညီၣ်လၢယစံးတ့ၢ်လၢယကမၤယဲန့ၣ်, ယကဒုးလီၤဘၣ်လၢဝ့ၢ်အံၤဒီးဝ့ၢ်ဖိဝ့ၢ်ဆၣ်လၢအအိၣ်ဘူး အိၣ်တံၢ်ခဲလၢာ်အလိၤ, မ့ၢ်လၢသုခိၣ်ကိၤဒီးတဒိကနၣ်ဘၣ်တၢ် လၢယစံးယဲအဃိန့ၣ်လီၤ.”

လံာ်ယံးရမံယၤ 32:33

အဂ့ၢ်ဒ်အံၤ, အဝဲသ့ၣ်ဃၣ်ဒူချၢကွံာ် အသးလၢယၤ, ဒီးယသိၣ်လိ ဒံးအဝဲသ့ၣ်ဒၣ်လဲာ်န့ၣ်, အဝဲသ့ၣ်တဒိကနၣ်ဝဲဒီး တမၤလိတၢ်ဘၣ်.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယံးရမံယၤ 6:8

ပှၤဝ့ၢ်ယရူၤရှလ့ၣ်ဖိသ့ၣ်ဧၢ, မ်တၢ်ကီတၢ်ခဲတဖၣ်အံၤကမ့ၢ်တၢ် ဟ့ၣ်ပလီၢ်တမံၤလၢသုဂီၢ်တက့ၢ်. မ့တမ့ၢ်ဘၣ်ဒီး, ယကပာ်လီၤတဲာ်ကွံာ်သုလီၤ. ယကဘိးကဒါကွံာ်သုဝ့ၢ်အံၤ ဆူမဲးမုၢ်ခိၣ်တတီၤ, တၢ်လီၢ်တတီၤဖဲပှၤတအိၣ်နီတဂၤဘၣ်န့ၣ်လီၤ.”

လံာ်ယံးရမံယၤ 7:28

နကတဲဘၣ်အဝဲသ့ၣ်လၢအဝဲသ့ၣ်အပှၤကလုာ်တစူၢ်ယၤ, ယွၤ, အဝဲသ့ၣ်အကစၢ်ယွၤမ့ၢ်ဂ့ၤ, တမၤလိန့ၢ်တၢ်လၢတၢ်စံၣ်ညီၣ်လၢအဘၣ်အီၤမ့ၢ်ဂ့ၤန့ၣ်လီၤ. တၢ်သူၣ်ထီသးရၤသံလံဝဲလံ. တၢ်တကတိၤလၢအဂ့ၢ်ဒၣ်လဲာ်လၢၤဘၣ်.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ယဃ့းစက့လး 20:16

ယမၤတ့ၢ်တၢ်ဆိၣ်န့ၣ်, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤ လိာ်တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးမၤတရီတပါမုၢ်အိၣ်ဘှံးနံၤ, ဒီးအဝဲသ့ၣ်ဘၣ်သူၣ်ဘၣ် သးလၢကဘူၣ်ထီၣ်ဘါထီၣ်အဝဲသ့ၣ်အတၢ်ဂီၤတၢ်ဖီၣ်တဖၣ်အဃိန့ၣ် လီၤ.

လံာ်ယဃ့းစက့လး 20:21

ဘၣ်ဆၣ်ပှၤတစိၤန့ၣ်ခီၣ်ဆၢစ့ၢ်ကီးယၤန့ၣ်လီၤ. အဝဲသ့ၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါတဖၣ်ဒီးတတိၢ်န့ၢ်ဖံးဃာ် ယတၢ်မၤလိာ်တဖၣ်လၢအဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤ အအိၣ်န့ၣ်ဘၣ်. အဝဲသ့ၣ်မၤတရီတပါမုၢ်အိၣ်ဘှံးနံၤန့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်စဖါနယၤ 3:7

ယဆိကမိၣ်တ့ၢ်လၢတုၤတၢ်မၤအသးဒ်န့ၣ်ဒီးယပှၤဂီၢ်မုၢ် ကပာ်ကဲယၤဒီးတူၢ်လိာ်ယတၢ်သိၣ်တၢ်ဘျၢဒ်သိးအသု တသးပ့ၤနီၣ်တၢ်မၤလိလၢယသိၣ်လိအဝဲသ့ၣ်လ့ၤတက့ၤန့ၣ်လီၤ. ဘၣ်ဆၣ်ဒီးလၢတၢ်စွံကတုၤအပူၤမၤဒံးတၢ်ဒဲးဘးဒ်လၢညါ အသိးန့ၣ်လီၤ.”

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

လံာ်ပှၤစံၣ်ညီၣ်ကွီၢ် 6:10

ယတဲဘၣ်သုလၢယမ့ၢ်ယွၤ, သုကစၢ်ယွၤဒီးသုတကြၢးဘူၣ်ထီၣ်ဘါထီၣ်ပှၤအမိၢ်ဖိတဖၣ်လၢသုအိၣ်သုဆိးလၢအကီၢ်ပူၤခဲအံၤ, အကစၢ်တဖၣ်ဘၣ်န့ၣ်လီၤ. ဘၣ်ဆၣ်ဒီးသုတဒိကနၣ်ဘၣ်ယၤဘၣ်.”