လံာ်ယံးရမံယၤ 17:22 - Sgaw Karen Common Bible

²² ဒီးလၢမုၢ်အိၣ်ဘှံးနံၤန့ၣ်အဝဲသ့ၣ်တဘၣ်စိာ်ထီၣ်ကွံာ်တၢ်တမံၤမံၤ လၢအဟံၣ်တဖၣ်အပူၤဘၣ်. အဝဲသ့ၣ်တဘၣ်မၤတၢ်နီတမံၤလၢ မုၢ်အိၣ်ဘှံးနံၤဘၣ်. အဝဲသ့ၣ်ကဘၣ်ပာ်အီၤဒ်မုၢ်နံၤစီဆှံ တနံၤအသိးဒ်ယမၤလိာ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်လီၤ.

လံာ်ယံးရမံယၤ 17:22 Iomraidhean Croise

လံာ်စီၤနဃ့မယၤ 13:15

လၢအကတီၢ်ဖဲန့ၣ်ယထံၣ်တ့ၢ်ပှၤကီၢ်ယူဒၤဖိယီၢ်စပံးသၣ်လၢမုၢ် အိၣ်ဘှံးအနံၤန့ၣ်လီၤ. ပှၤအဂၤတနီၤပဒၢးထီၣ်ဘုဧိၤဟုဧိၤ, စပံးထံ, စပံးသၣ်, ချၢၣ်ဒၢသၣ်ဒီးတၢ်အဂၤတဖၣ်ဆူကသ့ၣ်ယီၤအလိၤ, ဒီးလဲၤစိာ်ဝဲဆူဝ့ၢ်ယရူၤရှလ့ၣ်န့ၣ်လီၤ. ယဟ့ၣ်ပလီၢ်အဝဲသ့ၣ်လၢအသုတဆါတၢ်နီတမံၤလၢမုၢ်အိၣ်ဘှံးအနံၤ တဂ့ၤန့ၣ်လီၤ.

လံာ်တၢ်ဟးထီၣ်ကွံာ် 23:12

တနွံန့ၣ်မၤတၢ်ဃုသီတက့ၢ်. မ့မ့ၢ်လၢနွံသီတသီန့ၣ်မၤတၢ် နီတမံၤတဂ့ၤ. အန့ၣ်ဒီး, သုကုၢ်သုပှၤ, ဒီးပှၤတခီဘီမုၢ်ဖိလၢအမၤတၢ်လၢသု ဂီၢ်, ဒီးသုဆၣ်ဖိကီၢ်ဖိတဖၣ်ဒၣ်လဲာ်ကအိၣ်ဘှံးဘၣ်ဝဲလီၤ.

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယံးရမံယၤ 17:24

တဲဘၣ်ပှၤဂီၢ်မုၢ်တဖၣ်အံၤလၢအဝဲသ့ၣ်ကဘၣ်စူၢ်ယတၢ်မၤလိာ် တဖၣ်ခဲလၢာ်တက့ၢ်. လၢမုၢ်အိၣ်ဘှံးအနံၤန့ၣ်, အဝဲသ့ၣ်တဘၣ်ဟဲစိာ်နုာ်တၢ်ဝံတၢ်ယိးခီဖျိဝ့ၢ်အံၤအတြဲၤတဖၣ်န့ၣ်ဘၣ်. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်အိၣ်ဘှံးနံၤဒ်မုၢ်နံၤစီဆှံတနံၤအသိးဒီး တဘၣ်မၤတၢ်မၤနီတမံၤဘၣ်န့ၣ်လီၤ.

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 22:8

သုတယူးယီၣ်ပာ်ကဲဘၣ်တၢ်လီၢ်စီဆှံတဖၣ်ဘၣ်. ဒီးသုတတိၢ်န့ၢ်ဖံးဃာ်မုၢ်အိၣ်ဘှံးအနံၤဘၣ်.

လံာ်တၢ်ဘူၣ်ထီၣ်ဘါထီၣ် 19:3

ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:3

သုအိၣ်ဒီးမုၢ်နံၤဃုနံၤလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢနွံနံၤတနံၤန့ၣ်မ့ၢ်မုၢ် အိၣ်ဘှံးအနံၤတနံၤလၢသုကဘၣ်အိၣ်ဘှံးန့ၣ်လီၤ. သုတဘၣ်မၤတၢ်လၢမုၢ်နံၤအဝဲန့ၣ်ဘၣ်. မ့မ့ၢ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. မုၢ်အိၣ်ဘှံးနံၤန့ၣ်ဘၣ်ဃးဒီးယွၤဖဲသုအိၣ်တပူၤလၢ်လၢ်န့ၣ်လီၤ.

လံာ်စကၤရယၤ 1:4

လီၤဂာ်ဒီးသုမိၢ်ပၢ်ဖံဖုလၢပျၢၤတဖၣ်တဂ့ၤ, ယံာ်တ့ၢ်လံန့ၣ်ဝံ တဖၣ်ဟ့ၣ်လီၤတ့ၢ်အဝဲသ့ၣ်လၢယတၢ်ကစီၣ်, တဲဘၣ်အဝဲသ့ၣ်လၢအသုတအိၣ်မူတၢ်အၢတၢ်သီဒီးတၢ်ဒဲးဘးအတၢ် အိၣ်မူလၢၤတဂ့ၤန့ၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ယၤမ့ၢ်ဂ့ၤတစူၢ်ယၤမ့ၢ်ဂ့ၤန့ၣ်ဘၣ်.

လံာ်လူၤကၣ် 23:56

အန့ၣ်ဝံၤအလီၢ်ခံ, အဝဲသ့ၣ်က့ၤက့ၤဆူဟံၣ်ဒီးအိၣ်ကတဲာ်ကတီၤပာ်တၢ်နၢမူဒီးမူရၣ် လၢအကဖှူအစိၣ်အဂီၢ်န့ၣ်လီၤ. ဖဲမုၢ်အိၣ်ဘှံးနံၤန့ၣ်, အဝဲသ့ၣ်အိၣ်ဘှံးဝဲဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်လူၤကၣ် 6:5

ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “ပှၤကညီဖိခွါအံၤမ့ၢ်ဝဲပှၤယူဒၤဖိအမုၢ်အိၣ်ဘှံးနံၤအကစၢ်လီၤ.”

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.