လံာ်ယံးရမံယၤ 17:2 - Sgaw Karen Common Bible

² သုပှၤဂီၢ်မုၢ်ဘူၣ်ထီၣ်ဘါထီၣ်တၢ်ဖဲတၢ်လုၢ်လီၢ်တဖၣ်ဒီးတၢ်ပနီၣ်တဖၣ် လၢအဘၣ်တၢ်ပာ်လီၤအီၤလၢကစၢ်မုၣ်အၡ့ရၤအဂီၢ်, လၢသ့ၣ်ထူၣ် သံကစဲာ်ကိးထူၣ်ဒဲးအကပၤ, လၢတၢ်လူၢ်တဖၣ်အဒီခိၣ်,

လံာ်ယံးရမံယၤ 17:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 24:18

လၢတၢ်န့ၣ်အဃိပှၤဂီၢ်မုၢ်ဆိကတီၢ်ကွံာ်အတၢ်ဘူၣ်တၢ်ဘါတၢ်လၢ ယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်လုၢ်ဟံၣ်အပူၤ, ဒီးစးထီၣ်ဘူၣ်ထီၣ်ဘါထီၣ်ဝဲတၢ်ဂီၤတၢ်ဖီၣ်တဖၣ်, ဒီးကစၢ်မုၣ်အၡ့ရၤအဂီၤတဖၣ်န့ၣ်လီၤ. အဝဲသ့ၣ်အတၢ်မၤကမၣ်လၢတၢ်ဒဲးဘးတဖၣ်အံၤအဃိန့ၣ်, ဟဲစိာ်ဃီၤယွၤအတၢ်သးထီၣ်လၢကီၢ်ယူဒၤဒီးဝ့ၢ်ယရူၤရှလ့ၣ်အဖီ ခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအပၢ်စီၤဃံးစကံယၤမၤဟးဂီၤတ့ၢ်ဝဲန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ဒီးမၤကစၢ်မုၢ်အၡ့ရၤအဂီၤတဖၣ်ဒီးဘူၣ်ထီၣ်ဘါထီၣ်ဆၣ်ဧိၤဖီဧိၤ တဖၣ်န့ၣ်လီၤ.

စံးထီၣ်ပတြၢၤ 78:58

အဂ့ၢ်ဒ်အံၤ, အဝဲသ့ၣ်မၤသးထီၣ်ယွၤလၢပှၤတဘူၣ်ထီၣ်ဘါထီၣ် ယွၤအတၢ်လီၢ်ထီၣ်ထီ ယွၤအတၢ်ဘူၣ်တၢ်ဘါအလီၢ်တဖၣ်, ဒီးထိၣ်ဂဲၤအတၢ်သးဒိၣ်လၢ အတၢ်ဂီၤတၢ်ဖီၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 34:13

အခိၣ်တလိာ်, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤဟးဂီၤကွံာ်အလၢၢ်ထူၣ်စီဆှံတဖၣ်, ဒီးဒီၣ်တဲာ်ကွံာ်အဝဲသ့ၣ်အကစၢ်မုၣ်အၡ့ရၤအတၢ်ပနီၣ်တဖၣ်တက့ၢ်.

လံာ်ယၡါယၤ 1:29

မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.

လံာ်ယၡါယၤ 17:8

အဝဲသ့ၣ်တသန့ၤလၢၤအသးလၢတၢ်လုၢ်လီၢ်တဖၣ်လၢ အဘှီထီၣ်ဝဲလၢအစုဒၣ်ဝဲမ့ၢ်ဂ့ၤ, တနာ်လၢၤအစုအတၢ်ဖံးတၢ် မၤဒၣ်ဝဲလၢအမ့ၢ်တၢ်ပနီၣ်တဖၣ်ဘၣ်ဃးကစၢ်မုၣ် အၡ့ရၤဒီးတၢ်လုၢ်လီၢ်တဖၣ်လၢတၢ်လုၢ်ထီၣ်တၢ်နၢ မူလၢမ့ၣ်အူမ့ၢ်ဂ့ၤဘၣ်န့ၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 3:23

ပဘူၣ်ထီၣ်ဘါထီၣ်ပှၤတစူၢ်တနာ်ယွၤအတၢ်ဘူၣ်တၢ်ဘါလၢတၢ်လူၢ် တဖၣ်အဒီခိၣ်နာ်က့, ပတဘၣ်တၢ်မၤစၢၤတ့ၢ်ပှၤလ့ၤတက့ၤဘၣ်. တၢ်မၤစၢၤလၢကီၢ်အံၣ်စရ့လးအဂီၢ်, ဟဲဒၣ်ထဲလၢယွၤ, ပကစၢ်ယွၤအအိၣ်န့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 3:7

ကီၢ်အံၣ်စရ့လးအပှၤဂီၢ်မုၢ်သးပ့ၤနီၣ်ကွံာ်အကစၢ်ယွၤ, ဒီးမၤတၢ်ဒဲးဘးထီဒါအီၤ, ဒီးဘူၣ်ထီၣ်ဘါထီၣ်ဘဧၤလးဒီး အၡ့ရၤအတၢ်ဂီၤတၢ်ဖီၣ်တဖၣ်လီၤ.