လံာ်ယံးရမံယၤ 17:18 - Sgaw Karen Common Bible

¹⁸ ပှၤတဖၣ်လၢအမၤအၢမၤနးယၤန့ၣ်, မၤမဲာ်ဆှးအီၤတက့ၢ်. ဘၣ်ဆၣ်ဒီးယွၤဧၢ, ဒုးပူၤဒုးဖျဲးယၤတက့ၢ်. မၤပှဲၤအဝဲသ့ၣ်ဒီး တၢ်ပျံၤတၢ်ဖုး, ဘၣ်ဆၣ်ဒီးမၤပျံၤမၤဖုးယၤတဂ့ၤ. ဒုးဘၣ်အဝဲသ့ၣ်လၢတၢ်တတၢးတနါဒီးမၤလီၤကလဲကွံာ်အဝဲသ့ၣ်ဆူ အက့က့အခီခီန့ၣ်တက့ၢ်.

လံာ်ယံးရမံယၤ 17:18 Iomraidhean Croise

လံာ်စီၤယိၤဘး 16:14

အဝဲမၤဆါယၤတဘျီဝံၤတဘျီ, ဒီးထီဒါယၤဒ်ပှၤသုးဖိ တဂၤလၢအသးပျူၢ်ထီၣ်လၢတၢ်သးဒိၣ်အဃိအသိးန့ၣ်လီၤ.

စံးထီၣ်ပတြၢၤ 35:4

ပှၤလၢအဂုာ်ကျဲးစၢးမၤသံယၤန့ၣ်, မ်အဘၣ်တၢ်မၤနၢၤအီၤဒီး ဘၣ်တၢ်မၤမဲာ်ဆှးအီၤတက့ၢ်. ပှၤလၢအကူၣ်တၢ်အၢထီဒါယၤန့ၣ်, မ်အဘၣ်တၢ်ဃၣ်ကဒါက့ၤအီၤဒီး မၤကတုၤအသးန့ၣ်တက့ၢ်.

စံးထီၣ်ပတြၢၤ 35:8

ဘၣ်ဆၣ်, လၢအတပာ်သူၣ်ပာ်သးဘၣ်အပူၤ တၢ်ဟးဂီၤကတုၤအိၣ်အဝဲသ့ၣ်, ဒီးပျံၤသကွီၤလၢအပာ်ခူသူၣ်ဝဲန့ၣ်ကဖီၣ်န့ၢ်က့ၤအီၤ ဒီးကလီၤနုာ်ဆူအတၢ်ဟးဂီၤဒၣ်ဝဲအပူၤန့ၣ်လီၤ.

စံးထီၣ်ပတြၢၤ 40:14

မ်ပှၤလၢအဂုာ်ကျဲးစၢးမၤသံယၤတဖၣ် ဘၣ်တၢ်မၤနၢၤဒီးဘၣ်တၢ်မၤသဘံၣ်ဘုၣ်ကွံာ်အီၤ လၢာ်လၢာ်ဆ့ဆ့ မ်ပှၤလၢအသးခုလၢယတၢ်ဘၣ်ကိၢ်ဘၣ်ဂီၤအဃိန့ၣ်, ဘၣ်တၢ်မၤဃၣ်ကွံာ်အီၤဒီး ဘၣ်တၢ်မၤမဲာ်ဆှးအီၤန့ၣ်တက့ၢ်.

စံးထီၣ်ပတြၢၤ 70:2

ပှၤလၢအဃုယသးသမူတဖၣ်န့ၣ် မ်အဘၣ်တၢ်မၤမဲာ်ဆှးဒီး ဘၣ်တၢ်မၤကဒံကဒါအီၤန့ၣ်တက့ၢ်. ပှၤလၢအဆၢမၤဆါယၤန့ၣ် မ်အဝဲသ့ၣ်ဂုၤက့ၤဆူအလီၢ်ခံဒီး ဘၣ်တၢ်မၤဟးဂီၤအလၤကပီၤန့ၣ်တက့ၢ်.

စံးထီၣ်ပတြၢၤ 71:1

ယွၤဧၢ, ယသန့ၤယသးလၢနၤ, မ်ယသုတဘၣ်တၢ်မဲာ်ဆှးနီတစုတဂ့ၤ.

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယံးရမံယၤ 11:20

အန့ၣ်ဒီးယဃ့ဘါထုကဖၣ်တၢ်ဒီးစံး, “သ့တၢ်လၢာ်ယွၤဧၢ, နမ့ၢ်စံၣ်ညီၣ်ကွီၢ်လၢအတီဝဲလိၤဝဲတဂၤလီၤ. နမၤကွၢ်ပှၤဂီၢ်မုၢ်အတၢ်ဆိကမိၣ်ဒီးအတၢ်သူၣ်ဘၣ်ဒိသးဘၣ်ထံးတဖၣ်လီၤ. ယပာ်လီၤယကွီၢ်လၢနစုပူၤလီၤ. လၢတၢ်န့ၣ်အဃိ, ဒုးထံၣ်ဘၣ် ယၤနတၢ်မၤဘၣ်က့ၤလၢပှၤဂီၢ်မုၢ်တဖၣ်အံၤအဖီခိၣ်န့ၣ်တက့ၢ်.”

လံာ်ယံးရမံယၤ 12:3

ဘၣ်ဆၣ်ဒီးယွၤဧၢ, နသ့ၣ်ညါယၤလီၤ. နထံၣ်တၢ်လၢယမၤ ဒီးယအဲၣ်နၤဒ်လဲၣ်န့ၣ်လီၤ. တွံၢ်ယံၤကွံာ်ပှၤအၢပှၤသီတဖၣ်အံၤ ဒ်သိလၢအဘၣ်တၢ်မၤသံအီၤအသိး ဒီးပၢၤဃာ်အီၤတုၤအကတီၢ် ဘၣ်ဝဲလၢတၢ်ကမၤသံအီၤအဂီၢ်န့ၣ်တက့ၢ်.

လံာ်ယံးရမံယၤ 14:17

ယွၤမၤလိာ်တ့ၢ်ယၤလၢယကတဲဘၣ်ပှၤဂီၢ်မုၢ်ဘၣ်ဃးယတၢ်သူၣ်အုး သးအုးအဂ့ၢ်ဒီးစံး, “မ်မဲာ်ထံတဖၣ်ယွၤလီၤလၢယမဲာ်ချံတဖၣ်အပူၤလၢမုၢ်ဆါဆဲးလၢမုၢ်နၤ, ဒီးမ်ယသုတဆိကတီၢ်တၢ်ဟီၣ်တၢ်ယၢၤနီတစုတဂ့ၤ. အဂ့ၢ်ဒ်အံၤ, ယပှၤဂီၢ်မုၢ်တဖၣ်ဘၣ်ဒိဘၣ်ထံးနးနးကလဲာ်ဒီး တၢ်မၤဘၣ်ဒိဆါအီၤအၢအၢသီသီန့ၣ်လီၤ.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်ယံးရမံယၤ 17:16

ဘၣ်ဆၣ်ဒီးယွၤဧၢ, ယတမၢန့ၢ်ဆီၣ်ခံဘၣ်နၤလၢနကဟဲစိာ်တၢ် တတၢးတနါလၢအဝဲသ့ၣ်အဖီခိၣ်နီတစုန့ၣ်ဘၣ်. ယတဆၢလၢတၢ်ကီတၢ်ခဲအဆၢကတီၢ်ကတုၤအိၣ်အ ဝဲသ့ၣ်န့ၣ်ဘၣ်. ယွၤဧၢ, နသ့ၣ်ညါတၢ်အံၤ, နသ့ၣ်ညါတၢ်လၢယစံး တ့ၢ်ယဲန့ၣ်လီၤ.

လံာ်ယံးရမံယၤ 17:19

ယွၤစံးဘၣ်ယၤ, “စီၤယံးရမံယၤဧၢ, လဲၤဒီးဘိးဘၣ်တဲဖျါယတၢ်ကစီၣ်ဖဲပှၤဂီၢ်မုၢ်အတြဲၤ ဖးဒိၣ်လၢကီၢ်ယူဒၤအစီၤပၤတဖၣ်နုာ်လီၤအီၤဒီးဟးထီၣ်လၢဝ့ၢ်ပူၤ န့ၣ်တက့ၢ်. ဝံၤဒီးလဲၤဆူဝ့ၢ်ယရူၤၡလ့ၣ်အတြဲၤအဂၤတဖၣ်ခဲလၢာ်တက့ၢ်.

လံာ်ယံးရမံယၤ 20:11

ဘၣ်ဆၣ်ဒီးနဲဒၣ်ယွၤဧၢ, နအိၣ်လၢယအိၣ်တခီ, ဂံၢ်ဆူၣ်ဘါဆူၣ် ဒီးစိဒိၣ်ကမီၤထီ, ဒီးပှၤလၢအမၤအၢမၤနးယၤတဖၣ်ကဃၣ်ကွံာ် ဝဲန့ၣ်လီၤ. အဝဲသ့ၣ်ကဘၣ်တၢ်မၤမဲာ်ဆှးအီၤလီၤထူလီၤယိာ်, မ့ၢ်လၢအဝဲသ့ၣ်မၤန့ၢ်မၤနၢၤတၢ်တသ့ဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 33:11

ယွၤဧၢ, မၤစၢၤအဝဲသ့ၣ်အဒူၣ်လၢကဒိၣ်ထီၣ်ဆူၣ်ထီၣ်တက့ၢ်. ဘၣ်သူၣ်ဘၣ်သးဒီးတၢ်လၢအဝဲသ့ၣ်မၤဝဲန့ၣ်တက့ၢ်. ဆီၣ်တံၢ်လီၤသဘှံးကွံာ်အဝဲသ့ၣ်အဒုၣ်အဒါတဖၣ်ခဲလၢာ်တက့ၢ်. ပျဲအဝဲသ့ၣ်ဆၢထၢၣ်ကဒါက့ၤလၢၤနီတစုတဂ့ၤ.”

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.