လံာ်ယံးရမံယၤ 17:16 - Sgaw Karen Common Bible

¹⁶ ဘၣ်ဆၣ်ဒီးယွၤဧၢ, ယတမၢန့ၢ်ဆီၣ်ခံဘၣ်နၤလၢနကဟဲစိာ်တၢ် တတၢးတနါလၢအဝဲသ့ၣ်အဖီခိၣ်နီတစုန့ၣ်ဘၣ်. ယတဆၢလၢတၢ်ကီတၢ်ခဲအဆၢကတီၢ်ကတုၤအိၣ်အ ဝဲသ့ၣ်န့ၣ်ဘၣ်. ယွၤဧၢ, နသ့ၣ်ညါတၢ်အံၤ, နသ့ၣ်ညါတၢ်လၢယစံး တ့ၢ်ယဲန့ၣ်လီၤ.

လံာ်ယံးရမံယၤ 17:16 Iomraidhean Croise

လံာ်ယံးရမံယၤ 12:3

ဘၣ်ဆၣ်ဒီးယွၤဧၢ, နသ့ၣ်ညါယၤလီၤ. နထံၣ်တၢ်လၢယမၤ ဒီးယအဲၣ်နၤဒ်လဲၣ်န့ၣ်လီၤ. တွံၢ်ယံၤကွံာ်ပှၤအၢပှၤသီတဖၣ်အံၤ ဒ်သိလၢအဘၣ်တၢ်မၤသံအီၤအသိး ဒီးပၢၤဃာ်အီၤတုၤအကတီၢ် ဘၣ်ဝဲလၢတၢ်ကမၤသံအီၤအဂီၢ်န့ၣ်တက့ၢ်.

လံာ်ယံးရမံယၤ 13:17

သုမ့ၢ်တဒိကနၣ်တၢ်ဘၣ်ဒီး, ယကဟီၣ်ခူသူၣ်လၢသုတၢ်ပာ်ထီၣ်ထီသုသး အဃိလီၤ. ယကဟီၣ်ကယၢၤနးနးကလဲာ်ဒီးယမဲာ်ထံကယွၤလီၤဝဲ မ့ၢ်လၢယွၤအပှၤဂီၢ်မုၢ်ဘၣ်တၢ်စိာ်မၢကဲကုၢ်အီၤအဃိန့ၣ်လီၤ.

လံာ်ယံးရမံယၤ 15:15

အန့ၣ်ဒီးယစံး, “ယွၤဧၢ, နသ့ၣ်ညါနၢ်ပၢၢ်နဲလီၤ. သ့ၣ်နီၣ်ထီၣ်ယၤဒီးမၤစၢၤယၤတက့ၢ်. ပျဲယဟ့ၣ်ကၣ်ပှၤလၢအမၤအၢမၤနးယၤတဖၣ်န့ၣ်, တက့ၢ်. ဝံသးစူၤအဝဲသ့ၣ်ကဲၣ်ဆိးတုၤလၢအဝဲသ့ၣ်မၤသံယၤကန့ၢ်န့ၣ်တဂ့ၤ. သ့ၣ်နီၣ်ထီၣ်က့ၤလၢယဘၣ်တၢ်ဒုၣ်ဒွဲၣ်ယၤမ့ၢ်လၢနဃိန့ၣ်တက့ၢ်.

လံာ်ယံးရမံယၤ 18:20

တၢ်အဂ့ၤန့ၣ်ကြၢးတၢ်ဟ့ၣ်ဆၢက့ၤလၢတၢ်အၢန့ၣ်ဧါ. အန့ၣ်ဒၣ်လဲာ်အ ဝဲသ့ၣ်ခူၣ်တ့ၢ်တၢ်ပူၤတပူၤလၢယကလီၤတဲာ်နုာ်အဂီၢ်လီၤ. သ့ၣ်နီၣ်ထီၣ်က့ၤလၢယဟဲဆူနအိၣ်ဒီးကတိၤတၢ်လၢ အဝဲသ့ၣ်အခၢၣ်စးဒ်လဲၣ်, ဒ်သိးဒီးနသုတမၤအဝဲ သ့ၣ်လၢတၢ်သူၣ်ဒိၣ်သးဖျိးအပူၤတဂ့ၤအဂီၢ်န့ၣ်တက့ၢ်.

လံာ်ယံးရမံယၤ 20:7

ယွၤဧၢ, နလံၣ်န့ၢ်လီန့ၢ်ယၤ ဒီးယဘၣ်တၢ်လံၣ်န့ၢ်လီန့ၢ်ယၤလံ. နဂံၢ်ဆူၣ်ဘါဆူၣ်န့ၢ်ယၤတက့ၢ် ဒီးနမၤနၢၤကွံာ်ယၤလီၤ. ပှၤခဲလၢာ်နံၤဘၣ်ဖၣ်လဲယၤ ဒီးဒုၣ်ဒွဲၣ်ပယွဲယၤကိးမုၢ်နံၤမုၢ်နၤဒဲးန့ၣ်လီၤ.

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်ဧၤမိၣ် 5:10

သုဝဲသ့ၣ်အံၤ, သုသးဟ့ကယဲၢ်ပှၤလၢအတၤတၢ်တတီတလိၤဒီးကတိၤ တၢ်မ့ၢ်တၢ်တီလၢကွီၢ်ဘျီၣ်ပူၤန့ၣ်လီၤ.

မၤတၢ် 20:20

သုသ့ၣ်ညါလၢ, ဖဲယစံၣ်တဲၤတဲလီၤန့ၢ်သုတၢ်ဒီးသိၣ်လိသီလိသုလၢ ကမျၢၢ်အကျါမ့ၢ်ဂ့ၤ, လၢသုဟံၣ်သုဃီပူၤမ့ၢ်ဂ့ၤ, တၢ်တမံၤလၢ်လၢ်လၢအကကဲထီၣ်တၢ်မၤစၢၤလၢသုဂီၢ်န့ၣ်, ယတပာ်ခူသူၣ်ယဲနီတမံၤဘၣ်န့ၣ်လီၤ.

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

ယၤကိာ် 1:19

ယဒီပုၢ်ဝဲၢ်သးဘိသ့ၣ်ဧၢ, သ့ၣ်နီၣ်ထီၣ်က့ၤတၢ်အံၤတက့ၢ်. ပှၤကိးဂၤဒဲးကဘၣ်ချ့လၢတၢ်နၢ်ဟူတၢ်, ဒီးဃၢဝဲလၢတၢ်ကတိၤဒီးတၢ်သးဒိၣ်ထီၣ်န့ၣ်လီၤ.

ယၤကိာ် 3:1

ယဒီပုၢ်ဝဲၢ်သ့ၣ်ဧၢ, သုဝဲအါဂၤသုတကြၢးကဲထီၣ်သရၣ်တဖၣ် ဘၣ်. ဒ်သုသ့ၣ်ညါအသိး, ပဝဲသရၣ်တဖၣ်တၢ်ကစံၣ်ညီၣ်ပှၤဃံးဒိၣ်န့ၢ်ဒံးပှၤဂၤတဖၣ် တက့ၢ်လီၤ.