လံာ်ယံးရမံယၤ 17:14 - Sgaw Karen Common Bible

¹⁴ ယွၤဧၢ, မၤဘျါယၤတက့ၢ်. ဒီးယကဘျါက့ၤလၢလၢပှဲၤပှဲၤန့ၣ်လီၤ. မၤပူၤမၤဖျဲးယၤတက့ၢ်. ဒီးယကပူၤဖျဲးလၢလၢပှဲၤပှဲၤန့ၣ်လီၤ. နမ့ၢ်ပှၤတဂၤလၢယစံးထီၣ်ပတြၢၤအီၤန့ၣ်လီၤ.

လံာ်ယံးရမံယၤ 17:14 Iomraidhean Croise

စံးထီၣ်ပတြၢၤ 106:47

ယွၤပကစၢ်ဧၢယွၤ, အုၣ်က့ၤခီၣ်က့ၤပှၤတက့ၢ်. ကိးက့ၤပှၤလၢ ပှၤကလုာ်တဖၣ်အကျါ ဒ်သိးပကစံးဘျုးစံးဖှိၣ်နၤ ဒီးစံးထီၣ်ပတြၢၤနမံၤစီဆှံန့ၣ်တက့ၢ်.

စံးထီၣ်ပတြၢၤ 109:1

ကစၢ်ယွၤလၢ ယစံးထီၣ်ပတြၢၤအီၤဧၢ, အိၣ်ဘှီၣ်ကလာ်တဂ့ၤ.

စံးထီၣ်ပတြၢၤ 119:94

ယမ့ၢ်နတၢ်လီၤ. အုၣ်က့ၤခီၣ်က့ၤယၤတက့ၢ်. အဂ့ၢ်ဒ်အံၤ, ယဃုနတၢ်မၤလိာ်တဖၣ်လီၤ.

စံးထီၣ်ပတြၢၤ 12:4

“လၢပတၢ်ကတိၤတဖၣ်အဃိ ပဒိးန့ၢ်ဘၣ်တၢ်လၢပလိၣ်ဘၣ်လီၤ. ပကစံးတၢ်လၢပသးအိၣ်စံး ဒီးပှၤတြီပှၤတသ့နီတဂၤဘၣ်လီၤ.”

စံးထီၣ်ပတြၢၤ 148:14

အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 54:1

ကစၢ်ယွၤဧၢ, အုၣ်က့ၤခီၣ်က့ၤယၤလၢနမံၤ ဒီးပာ်တီပာ်လိၤယၤလၢနဂံၢ်နဘါန့ၣ်တက့ၢ်.

စံးထီၣ်ပတြၢၤ 6:2

ယွၤဧၢ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤ, ယလီၤဘှါယဲလီၤ. ယဂံၢ်ယဘါလၢာ်ခဲလၢာ်လံ, ဟ့ၣ်ယၤတၢ်ဂံၢ်တၢ်ဘါတက့ၢ်.

စံးထီၣ်ပတြၢၤ 6:3

ယသးကိၢ်နးမးလီၤ. ယွၤဧၢ, နကခိးနဲဆံးယံာ်လၢနကမၤစၢၤယၤအဂီၢ်န့ၣ်လဲၣ်.

စံးထီၣ်ပတြၢၤ 6:4

ယွၤဧၢ, ဟဲဒီးမၤပူၤမၤဖျဲးယၤတက့ၢ်. မၤပူၤမၤဖျဲးယၤလၢတၢ်သံ လၢနတၢ်အဲၣ်ဂၢၢ်ကျၢၤအဃိန့ၣ်တက့ၢ်.

စံးထီၣ်ပတြၢၤ 60:5

ဒ်သိးပှၤလၢနအဲၣ်အီၤတဖၣ်ကပူၤဖျဲးအဂီၢ်န့ၣ်, ဟ့ၣ်တၢ်မၤနၢၤလၢနစုထွဲဒီးစံးဆၢလၢ်ပှၤတက့ၢ်.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်ယံးရမံယၤ 15:20

ယကဒုးကဲထီၣ်နၤဒ်တၢ်အဒူၣ်တိၢ်ဘီနီၢ်နီၢ်လၢအကျၢၤတခါလၢ ပှၤဂီၢ်မုၢ်အံၤအမဲာ်ညါန့ၣ်လီၤ. အဝဲသ့ၣ်ကဒုးတၢ်ထီဒါနၤ, ဘၣ်ဆၣ်ဒီးအဝဲသ့ၣ်တမၤနၢၤဘၣ်နၤဘၣ်. ယကအိၣ်ဒီးနၤလၢ တၢ်ဒီဒၣ်အိၣ်ပှိၤနၤအဂီၢ်ဒီးမၤပူၤမၤဖျဲးနၤန့ၣ်လီၤ.

လံာ်ယံးရမံယၤ 3:23

ပဘူၣ်ထီၣ်ဘါထီၣ်ပှၤတစူၢ်တနာ်ယွၤအတၢ်ဘူၣ်တၢ်ဘါလၢတၢ်လူၢ် တဖၣ်အဒီခိၣ်နာ်က့, ပတဘၣ်တၢ်မၤစၢၤတ့ၢ်ပှၤလ့ၤတက့ၤဘၣ်. တၢ်မၤစၢၤလၢကီၢ်အံၣ်စရ့လးအဂီၢ်, ဟဲဒၣ်ထဲလၢယွၤ, ပကစၢ်ယွၤအအိၣ်န့ၣ်လီၤ.

လံာ်ယံးရမံယၤ 30:17

ယကဒုးအိၣ်ဆူၣ်အိၣ်ချ့ကဒီးသုလီၤ. ယကမၤဘျါက့ၤသု ပူၤလီၢ်ပူၤကျဲတဖၣ်န့ၣ်လီၤ. သုဒုၣ်သုဒါတဖၣ် မ့ၢ်စံးလၢ, ‘ဝ့ၢ်စံယိၣ်မ့ၢ်တၢ်ဘၣ်တၢၤကွံာ် အလီၢ်တပူၤ, ပှၤတကနၣ်ဃုာ်အီၤ နီတဂၤလၢၤဘၣ်’ ဒၣ်လဲာ်န့ၣ်, ယကမၤဘျါသုပူၤလီၢ်ပူၤကျဲ တဖၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:18

ယနၢ်ဟူ ကီၢ်အံၣ်စရ့လး အပှၤဂီၢ်မုၢ် စံးကတိၤတၢ်လၢ တၢ်သူၣ်အုးသးအုးအပူၤ စံးဝဲ, ‘ယွၤဧၢ, ပလီၤဂာ်ဒီး ဆၣ်ဖိကီၢ်ဖိတဒုလၢတၢ်တမၤဘှါအီၤဘၣ်, ဘၣ်ဆၣ်ဒီး နသိၣ်လိတ့ၢ်ပှၤလၢ ပကစူၢ်တၢ်န့ၣ်လီၤ. ဟဲက့ၤစိာ်ကဒါက့ၤ ပှၤတက့ၢ်. ပအိၣ်ကတဲာ် ကတီၤလံပသးလၢ ပကဟဲက့ၤကဒါက့ၤဆူ နအိၣ်လံ, ယွၤပကစၢ်ယွၤဧၢ.

လံာ်ယံးရမံယၤ 33:6

ဘၣ်ဆၣ်ဒီး, ယကမၤဘျါက့ၤဝ့ၢ်အံၤဒီး အပှၤဂီၢ် မုၢ်ဒီး ဟ့ၣ်က့ၤအဝဲသ့ၣ်တၢ်အိၣ်ဆူၣ်အိၣ်ချ့န့ၣ်လီၤ. ယကဒုးနဲၣ်အဝဲသ့ၣ်လၢ တၢ်ဃူတၢ်ဖိးဒီး တၢ်ဘံၣ် တၢ်ဘၢအါအါကလဲာ်လီၤ.

လံာ်တၢ်ဂံၢ် 12:13

လၢတၢ်န့ၣ်အဃိစီၤမိၤၡ့ကိးထီၣ်ဆူယွၤအအိၣ်, ဒီးစံးဝဲဒၣ် “အိ, ကစၢ်ယွၤဧၢ, မၤဘျါအီၤတက့ၢ်.”

လံာ်မးသဲ 14:30

ဘၣ်ဆၣ်တုၤအထံၣ်ကလံၤအူတၢ်ဆူၣ်ဆူၣ်ဒီး, အသူၣ်ပျံၤသးဖုးဝဲ, ဒီးလီၤဘျၢဝဲဘူးတ့ၢ်မးအကလီၤအုးဒီးကိးထီၣ်ဝဲ, “ကစၢ်ဧၢ, မၤစၢၤယၤတက့ၢ်.”

လံာ်မးသဲ 8:25

အပျဲၢ်အဘီၣ်တဖၣ်လဲၤဆူအအိၣ်, ကိးပၢၢ်ထီၣ်အီၤဒီးစံး, “ကစၢ်ဧၢ, မၤစၢၤပှၤတက့ၢ်. ပကသံလီၤ.”

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်သိၣ်လီၤသီလီၤတၢ် 10:21

စံးထီၣ်ပတြၢၤအီၤတက့ၢ်. အဝဲဒၣ်မ့ၢ်သုကစၢ်ယွၤ, ဒီးသုထံၣ်ဘၣ်တ့ၢ်လၢသုမဲာ်ချံတဖၣ်ဒၣ်သုဝဲ, လၢအမ့ၢ်, တၢ်တဖၣ်လၢအဒိၣ်ဒီးလီၤလးမးလၢအဝဲအမၤတ့ၢ်ဝဲလၢ သုဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.