လံာ်ယံးရမံယၤ 17:10 - Sgaw Karen Common Bible

¹⁰ ယၤ, ယွၤအံၤ, ယဃုသ့ၣ်ညါပှၤကညီအတၢ်ဆိကမိၣ်တဖၣ် ဒီးမၤကွၢ်ပှၤကညီတဖၣ်အသးန့ၣ်လီၤ. ယမၤဘၣ်အဝဲသ့ၣ်တဂၤစုာ်စုာ်ဒ်အအိၣ်မူဝဲ အကျဲအသိး, ဒီးဒ်တၢ်လၢအဝဲမၤဝဲအသိးန့ၣ်လီၤ.”

လံာ်ယံးရမံယၤ 17:10 Iomraidhean Croise

လံာ်စီၤပၤအခီၣ်ထံးတဘ့ၣ် 8:39

ဒိကနၣ်လၢ်အဝဲသ့ၣ်အတၢ်ထုကဖၣ်န့ၣ်တက့ၢ်. ဒိကနၣ်လၢ်အဝဲသ့ၣ်လၢနဟံၣ်အိၣ်လၢမူခိၣ်, ပျၢ်လၢ်အဝဲသ့ၣ်အတၢ်ကမၣ်, ဒီးမၤစၢၤလၢ်အဝဲသ့ၣ်တက့ၢ်. နမ့ၢ်ပှၤထဲတဂၤဧိၤလၢအသ့ၣ်ညါပှၤကညီအသးအတၢ်ဆိကမိၣ်တဖၣ်န့ၣ် လီၤ. မၤဘၣ်ပှၤတဂၤဘၣ်တဂၤဒ်ကြၢးဝဲဘၣ်ဝဲဒီးအီၤအသိး,

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:30

ဒိကနၣ်လၢ်အဝဲသ့ၣ်အတၢ်ထုကဖၣ်တက့ၢ်. ဒိကနၣ်လၢ်အဝဲသ့ၣ်လၢနဟံၣ်အိၣ်လၢမူခိၣ်ဒီးပျၢ်လၢ်အဝဲသ့ၣ် အတၢ်ကမၣ်တက့ၢ်. နမ့ၢ်ပှၤထဲတဂၤဧိၤလၢအသ့ၣ်ညါပှၤကညီအသးအတၢ်ဆိကမိၣ်တဖၣ် န့ၣ်လီၤ. မၤဘၣ်ပှၤတဂၤဘၣ်တဂၤစုာ်စုာ်ဒ်တၢ်လၢအကြၢးဒီးအီၤအသိး,

လံာ်စီၤယိၤဘး 34:11

အဂ့ၢ်ဒ်အံၤ, ကဟ့ၣ်ကၣ်ပှၤကညီတဂၤဒ်အမၤတၢ်အသိး, ဒီးကဒုးထံၣ်န့ၢ်တၢ်လၢပှၤကညီဒ်အကျဲအကပူၤဒၣ်ဝဲတဖၣ် အသိးန့ၣ်လီၤ.

စံးထီၣ်ပတြၢၤ 44:21

နကထံၣ်တ့ၢ်လံတၢ်အံၤသပှၢ်တၢၢ်, မ့ၢ်လၢနသ့ၣ်ညါပတၢ်ဆိကမိၣ်ခူသူၣ် သ့ၣ်တဖၣ်အဃိန့ၣ်လီၤ.

စံးထီၣ်ပတြၢၤ 44:22

ဘၣ်ဆၣ်လၢနဃိပဘၣ်တၢ်မၤသံပှၤ ကိးဆၢကိးကတီၢ်ဒဲး, ဒီးပဘၣ်တၢ်ပာ်ပှၤဒ်သိလၢ အကဘၣ်တၢ်မၤသံအီၤအသိးန့ၣ်လီၤ.

စံးထီၣ်ပတြၢၤ 62:12

ဒီးအတၢ်အဲၣ်န့ၣ်ဂၢၢ်ကျၢၤဝဲဒၣ်န့ၣ်လီၤ. ယွၤဧၢ, နနီၢ်ကစၢ်ဒၣ်နဲနဟ့ၣ်ဘျုးက့ၤ ပှၤကိးဂၤဒဲးဒ်အမၤတၢ်အသိးန့ၣ်လီၤ.

စံးထီၣ်ပတြၢၤ 7:10

ကစၢ်ယွၤမ့ၢ်ကတီၤလၢအကဟုဘံၣ်ကယာ်ဘၢယၤ ဒီးမၤပူၤဖျဲးပှၤလၢအသူၣ်လိၤသးဘျၢန့ၣ်လီၤ.

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

တၢ်ကတိၤဒိ. 12:14

ခိၣ်ဖးလၢနဂီၢ်သန့ၤထီၣ်အသးလၢတၢ်လၢနကတိၤဒီးတၢ်လၢနမၤအီၤ န့ၣ်လီၤ. နကဒိးန့ၢ်ဘၣ်တၢ်လၢအကြၢးဒီးနၤန့ၣ်လီၤ.

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

လံာ်ပှၤစံၣ်တဲၤတဲလီၤတၢ် 9:3

ဘူၣ်တီၢ်တမံၤဃီတုၤအိၣ်ပှၤခဲလၢာ်, ဒီးတၢ်အံၤကမၣ်ဒၣ်ဒ်တၢ် တမံၤဂ့ၤတမံၤဂ့ၤလၢအမၤသးလၢဟီၣ်ခိၣ်ချၢအံၤန့ၣ်လီၤ. ဖဲပှၤကညီအိၣ်မူဒံးအကတီၢ်န့ၣ်, အသးပှဲၤဒီးတၢ်အၢဒီးတၢ်သူၣ် တထံသးတဆးဒီးသတူၢ်ကလာ်အဝဲသ့ၣ်သံဝဲလီၤ.

လံာ်ယၡါယၤ 59:18

အဝဲကစံၣ်ညီၣ်အဒုၣ်အဒါတဖၣ်, တုၤပှၤလၢအအိၣ်လၢထံယံၤ ကီၢ်ယံၤတဖၣ်ဒၣ်လဲာ်, ဒ်တၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်ယံးရမံယၤ 11:20

အန့ၣ်ဒီးယဃ့ဘါထုကဖၣ်တၢ်ဒီးစံး, “သ့တၢ်လၢာ်ယွၤဧၢ, နမ့ၢ်စံၣ်ညီၣ်ကွီၢ်လၢအတီဝဲလိၤဝဲတဂၤလီၤ. နမၤကွၢ်ပှၤဂီၢ်မုၢ်အတၢ်ဆိကမိၣ်ဒီးအတၢ်သူၣ်ဘၣ်ဒိသးဘၣ်ထံးတဖၣ်လီၤ. ယပာ်လီၤယကွီၢ်လၢနစုပူၤလီၤ. လၢတၢ်န့ၣ်အဃိ, ဒုးထံၣ်ဘၣ် ယၤနတၢ်မၤဘၣ်က့ၤလၢပှၤဂီၢ်မုၢ်တဖၣ်အံၤအဖီခိၣ်န့ၣ်တက့ၢ်.”

လံာ်ယံးရမံယၤ 12:13

ယပှၤဂီၢ်မုၢ်သူၣ်လီၤတ့ၢ်ဘုကၠူၣ်ဘၣ်ဆၣ်ကူး က့ၤနီၣ်ဧိၤမံၤဧိၤလီၤ. အဝဲသ့ၣ်မၤတၢ်ဆူၣ်မးဘၣ်ဆၣ်တမၤန့ၢ် တၢ်နီတမံၤဘၣ်. လၢယတၢ်သးကဲၤထီၣ်အဃိ, အဝဲသ့ၣ်အတၤသူတၤသၣ် တကဲထီၣ်လိၣ်ထီၣ်ဝဲဘၣ်.”

လံာ်ယံးရမံယၤ 20:12

ဘၣ်ဆၣ်ဒီး, သ့တၢ်လၢာ်ယွၤဧၢ, နမၤကွၢ်ပှၤကညီလၢ တၢ်စံၣ်ညီၣ်တီအပူၤလီၤ. နသ့ၣ်ညါတၢ်လၢအအိၣ်လၢအဝဲသ့ၣ် အသးဒီးအတၢ်ဆိကမိၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, ပျဲယထံၣ်ဘၣ်နဟ့ၣ်ကၣ်ယဒုၣ်ယဒါတဖၣ်, မ့ၢ်လၢယပာ်ယကွီၢ်လၢနစုပူၤလံအဃိန့ၣ်တက့ၢ်.

လံာ်ယံးရမံယၤ 21:14

ဘၣ်ဆၣ်ဒီးယကစံၣ်ညီၣ်နၤလၢတၢ်လၢနမၤတ့ၢ်အီၤတဖၣ်အဃိလီၤ. ယကဒွဲၣ်အူထီၣ်နနူၢ်ဧိၤစီၤဧိၤလၢမ့ၣ်အူ, ဒီးမ့ၣ်အူန့ၣ်ကအီၣ်ကွံာ်တၢ်ခဲလၢာ်လၢအအိၣ်ဝးတရံးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 23:2

တၢ်အံၤမ့ၢ်ယွၤ, အံၣ်စရ့လးအကစၢ်ယွၤစံးတၢ်ဘၣ်ဃးပှၤ ပၢတၢ်တဖၣ်လၢကြၢးကဟုကယာ်အပှၤဂီၢ်မုၢ်အဂ့ၢ်န့ၣ်လီၤ. “သုတကဟုကယာ်ယပှၤဂီၢ်မုၢ်ဘၣ်. သုမၤလီၤပြံလီၤပြါကွံာ် အဝဲသ့ၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ်လီၤ. ခဲအံၤယကစံၣ်ညီၣ်သုလၢတၢ်အၢတၢ်သီလၢသုမၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 32:19

နမၤတၢ်ကူၣ်သ့အတၢ်ရဲၣ်တၢ်ကျဲၤတဖၣ်ဒီး မၤတၢ်လၢ အလီၤဘီလီၤမုၢ်တဖၣ်န့ၣ်လီၤ. နထံၣ်တၢ်ခဲလၢာ်လၢ ပှၤဂီၢ်မုၢ်မၤဝဲ, ဒီးနဟ့ၣ်ဘျုးအဝဲသ့ၣ်ဒ် အမၤတၢ်တဖၣ် အသိးန့ၣ်လီၤ.

လံာ်ယဃ့းစက့လး 11:5

ယွၤအသးလီၤဘၣ်လၢယလိၤ, ဒီးယွၤတဲဘၣ်ယၤလၢယကဟ့ၣ်လီၤ တၢ်ကစီၣ်အံၤဆူပှၤဂီၢ်မုၢ်န့ၣ်လီၤ. “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, တၢ်လၢသုစံးကတိၤဒီးသုကူၣ်ကျဲၤအီၤန့ၣ်, ယသ့ၣ်ညါယဲလီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်မံကၤ 7:13

မ့မ့ၢ်ဟီၣ်ခိၣ်အလီၢ်အိၣ်လီၤတဲာ်တဖၣ်န့ၣ်ကကဲထီၣ်ပှၢ်မုၢ်ကနၢ လၢပှၤအိၣ်ဝဲဆိးဝဲလၢအပူၤတဖၣ်အတၢ်အၢတၢ်သီအဃိလီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 6:4

တုၤနုၤတစုသုတၢ်ဟ့ၣ်သးကညီၤတၢ်ကစုဒုအံၤတဖျါဘၣ်လၢပှၤ ကညီအမဲာ်ညါဘၣ်ဒီးသုပၢ်လၢအထံၣ်သုတၢ်မၤကစုဒုန့ၣ်, ကဟ့ၣ်သုတၢ်အဘူးအလဲလီၤ.

လံာ်ယိၤဟၣ် 2:25

ဒီးအလီၢ်တအိၣ်လၢပှၤတဂၤဂ့ၤတဂၤဂ့ၤကစံးဘၣ်တဲဘၣ် အီၤလၢပှၤကညီအဂ့ၢ်န့ၣ်ဘၣ်. အဂ့ၢ်ဒ်အံၤ, အနီၢ်ကစၢ်ဒၣ်ဝဲသ့ၣ်ညါတၢ်လၢအအိၣ်လၢ ပှၤကညီအသးကံၢ်ပူၤန့ၣ်လီၤ.

မၤတၢ် 1:24

အန့ၣ်ဝံၤအဝဲသ့ၣ်ဃ့ဘါထုကဖၣ်တၢ်ဒီးစံးဝဲ, “ကစၢ်ဧၢ, ပှၤကိးဂၤဒဲးအသးအတၢ်ဆိကမိၣ်န့ၣ်နသ့ၣ်ညါနဲလီၤ. သတးဒီး, ဒုးနဲၣ်ပဝဲဒၣ်တဖၣ်အံၤလၢပှၤခံဂၤအံၤအကျါနဃုထၢတ့ၢ်နဲ ဖဲလဲၣ်တဂၤ

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.

ရိမ့ၤ 8:27

ဒီးကစၢ်ယွၤလၢအထံၣ်တုာ်ကွၢ်ဖျါပှၤကညီအသးကံၢ်ပူၤ န့ၣ်, သ့ၣ်ညါယွၤအသးအတၢ်ဆိကမိၣ်မ့ၢ်တၢ်မနုၤလဲၣ် န့ၣ်လီၤ. အဂ့ၢ်ဒ်အံၤ, ကစၢ်ယွၤအသးဃ့သကွံၢ်ကညးတၢ်ဒီး ကစၢ်ယွၤလၢအပှၤဂီၢ်မုၢ်တဖၣ်အဂီၢ်, ဒီးဒ်အတၢ်ဘၣ် အသးအသိးန့ၣ်လီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.

လံာ်လီၣ်ဖျါ 22:12

ယ့ၣ်ၡူးစံးဝဲဒၣ်, “ဒိကနၣ်တက့ၢ်. လၢတစိၢ်ဖိအတီၢ်ပူၤ ယကဟဲယဲလီၤ. ယကဟဲစိာ်ဃုာ်ဒီးယခိၣ်ဖးတဖၣ်ဒ်သိးယကဟ့ၣ် ပှၤတဂၤဘၣ်တဂၤ, ဒ်အဝဲဒၣ်မၤတ့ၢ်လံတၢ်အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”