လံာ်ယံးရမံယၤ 17:1 - Sgaw Karen Common Bible

¹ ယွၤစံးဝဲဒၣ်, “ကီၢ်ယူဒၤအပှၤဂီၢ်မုၢ်ဧၢ, သုတၢ်ဒဲးဘးဘၣ်တၢ်ကွဲးလီၤအီၤလၢထိၣ်ဒံးထးတဘိန့ၣ်လီၤ. ဘၣ်တၢ်စိးပျၤအီၤလၢတၢ်မျၢ်အခိၣ်စူတဘိလၢသုသးတဖၣ် အလိၤဒီးပိာ်ဒဲးကံၢ်ဒဲးဝ့ၤအီၤလၢသုတၢ်လုၢ်လီၢ် တဖၣ်အသနၢၣ်တဖၣ်အလိၤန့ၣ်လီၤ.

လံာ်ယံးရမံယၤ 17:1 Iomraidhean Croise

တၢ်ကတိၤဒိ. 3:3

ဒုးလဲၤသဒၣ်တၢ်သးတီဒီးတၢ်သူၣ်တီသးရၤလၢနအိၣ်တဂ့ၤ. စၢထီၣ်အီၤလၢနကိာ်အလိၤဒီးကွဲးအီၤလၢနသးအလိၤတက့ၢ်.

တၢ်ကတိၤဒိ. 7:3

ဟံးဃာ်ယတၢ်သိၣ်လိဒီးနၤတထံၣ်ဃီဒီးကွဲးလီၤအီၤလၢနသး အလိၤတက့ၢ်.

လံာ်ယၡါယၤ 49:16

ဝ့ၢ်ယရူၤၡလ့ၣ်ဧၢ, ယသးပ့ၤနီၣ်နၤတသ့နီတစုဘၣ်. ယကွဲးလီၤတ့ၢ်လံနမံၤလၢယစုညါသးတဖၣ်အလိၤ, နဝ့ၢ်ခိၣ်ဒူတဖၣ်အိၣ်ဝဲလၢယမဲာ်ညါတထံၣ်ဃီလီၤ.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 2:22

နမ့ၢ်သ့စီကွံာ်နသးလၢချါသိအဂ့ၤကတၢၢ်ဒၣ်လဲာ်, ယကထံၣ်ဒံးဒၣ်နတၢ်ကမၣ်အတၢ်ဘၣ်အၢဘၣ်သီန့ၣ်လီၤ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ဟိၤၡ့ 12:11

အန့ၣ်ဒၣ်လဲာ်, တၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤလၢကီၢ်ကံး လဧးအပူၤဒီးပှၤတဖၣ်လၢအဘါထီၣ်အီၤန့ၣ်ကသံဝဲဒၣ်လီၤ. ဂီၤဖံးဖါတဖၣ်ဘၣ်တၢ်လုၢ်ထီၣ်အီၤလၢကံးလကၤလးအပူၤဒီးတၢ် လုၢ်လီၢ်ဖဲန့ၣ်တဖၣ်ကကဲထီၣ်လၢၢ်အပူၣ်တဖၣ်လၢတၢ်ပျီပူၤန့ၣ်လီၤ.”

လံာ်ဟိၤၡ့ 7:2

ယကသ့ၣ်နီၣ်ထီၣ်တၢ်အၢတၢ်သီတဖၣ်အံၤလီၤန့ၣ်, အဝဲသ့ၣ်တဆိကမိၣ်ထီၣ်ဝဲနီတဘျီဘၣ်. မ့မ့ၢ်အဝဲသ့ၣ်အတၢ်ဒဲးဘးတဖၣ်အိၣ်ကဝီၤဃးအဝဲသ့ၣ်, ဒီးအိၣ်လၢယမဲာ်ညါတထံၣ်ဃီလီၤ.

လံာ်ဟိၤၡ့ 8:11

ကီၢ်အံၣ်စရ့လးအပှၤဂီၢ်မုၢ်ဘှီထီၣ်တၢ်လုၢ်လီၢ်လၢကသုးကွံာ် တၢ်ဒဲးဘးဒံးအါ, တၢ်လီၢ်တဖၣ်လၢကမၤတၢ်ဒဲးဘးအဂီၢ်ဒံး အါထီၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:25

အန့ၣ်ဝံၤဒီးပှၤလုၢ်တၢ်အခိၣ်ကဟံးန့ၢ်တၢ်သွံၣ်တနီၤဒီးဘျုး လီၤအစုမုၢ်လၢတၢ်သွံၣ်န့ၣ်အပူၤဒီးပာ်အီၤလၢတၢ်လုၢ်တၢ်နၢ မူတဖၣ်အလီၢ်အနၢၤတဖၣ်အလိၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤဝဲလၢတၢ်လုၢ် ထီၣ်တၢ်မၤဘူၣ်ဆိၣ်ကဲၤလၢမ့ၣ်အူအတၢ်လုၢ်လီၢ်အခီၣ်ထံးန့ၣ်လီၤ.

လံာ်စကၤရယၤ 7:12

ဒီးမၤကိၤအသးတဖၣ်, ကိၤဝဲဒ်လၢၢ်အသိးန့ၣ်လီၤ. မ့ၢ်လၢအဝဲသ့ၣ်တဒိကနၣ်တၢ်သိၣ်လိလၢယဟ့ၣ် လီၤခီဖျိဝံလၢပျၢၤတဖၣ်အဃိဒီးယသးထီၣ်ဒိၣ်မးလီၤ.

၂ ကရံၣ်သူး 3:3

အိၣ်ဖျါဝဲဒၣ်ဆှံဆှံလၢခရံာ်အနီၢ်ကစၢ်ဒၣ်ဝဲကွဲးလံာ်ပရၢ အဝဲအံၤဒီးဆှၢလီၤဝဲခီဖျိပှၤလီၤ. လံာ်ပရၢအံၤဘၣ်တၢ်ကွဲးအီၤတမ့ၢ်လၢကသံၣ်ထံဘၣ်. မ့မ့ၢ်လၢယွၤလၢအမူဝဲတဂၤအသး, ဒီးတမ့ၢ်လၢလၢၢ် ဘ့ၣ်ဘၣ်အလိၤဘၣ်. မ့မ့ၢ်လၢပှၤကညီအသးအလိၤတခီလီၤ.