လံာ်ယံးရမံယၤ 16:16 - Sgaw Karen Common Bible

¹⁶ ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်ယံးရမံယၤ 16:16 Iomraidhean Croise

လံာ်တၢ်ကဲထီၣ်အခီၣ်ထံး 10:9

အဝဲမ့ၢ်ပှၤခးတၢ်ဖိဖးဒိၣ်တဂၤလၢယွၤအတၢ်မၤစၢၤအဃိ န့ၣ်လီၤ. မၤသးဒ်န့ၣ်ဒီးပှၤဂီၢ်မုၢ်စံးဝဲဒၣ်လၢ, “မ်ယွၤ ဒုးကဲထီၣ်နၤပှၤခိးခးတၢ်ဖိဖးဒိၣ်တဂၤဒ်စီၤနံးမရိးအသိး တက့ၢ်.” န့ၣ်လီၤ.

လံာ်ယၡါယၤ 2:21

ဖဲယွၤဟဲဝဲလၢကမၤဟူးဟီၣ်ခိၣ်အဂီၢ်န့ၣ်, ပှၤဂီၢ်မုၢ်ကအိၣ်ခူသူၣ်လၢ တၢ်ပူၤတဖၣ်ဒီးလၢၢ်ကအိပူၤတဖၣ်လၢလၢၢ်ကစၢၢ်တဖၣ် အလိၤလၢတၢ်ကျဲးစၢးဃ့ၢ်ပူၤဖျဲးကွံာ်လၢယွၤအတၢ်သး ဒိၣ်ထီၣ်ဒီးအိၣ်ခူသူၣ်ဝဲလၢအဝဲအစိကမီၤဒီးအလၤကပီၤလီၤ.

လံာ်ယၡါယၤ 7:19

အဝဲသ့ၣ်ကဟဲလီၤဖှိၣ်ဒီးမၤပှဲၤကစၢၢ်ခိၣ်ကစၢၢ်လာ်ကစၢၢ်ကဆူး တဖၣ်, လၢၢ်ကအိလ့ကဆူးတဖၣ်အပူၤ, ဒီးအဝဲသ့ၣ်ကကးဘၢတၤဆှုၣ်တပှီာ် တဖၣ်ဒီးတၢ်အီၣ်ဆၣ်အလီၢ်ခဲလၢာ်လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 4:29

ဖဲပှၤဒိးကသ့ၣ်တဖၣ်ဒီးပှၤခးချံၣ်ဖိတဖၣ်အတၢ်ကလုၢ်သီၣ်ထီၣ်န့ၣ်, ပှၤကိးဂၤဒဲးကထွးထီၣ်ဃ့ၢ်ကွံာ်ဝဲလီၤ. တနီၤကဃ့ၢ်ဆူသ့ၣ်ပှၢ်ပူၤ, ဒီးအဂၤတနီၤကလဲၤထီၣ်ဆူလၢၢ်လ့တဖၣ်အကျါလီၤ. ဝ့ၢ်ကိးဝ့ၢ်ဒဲးကအိၣ်တ့ၢ်လီၤဖျဲၣ်လီၤဟိ, ဒီးပှၤတအိၣ်ကဒီးလၢၤလၢအပူၤနီတဂၤဘၣ် နီတစုလၢၤဘၣ်လီၤ.

လံာ်ယံးရမံယၤ 49:5

ယကဒုးလီၤဘၣ်တၢ်ပျံၤတၢ်ဖုးလၢ အဟဲလၢတၢ်လီၢ်ကိးကပၤဒဲးန့ၣ်လၢသုလိၤလီၤ. သုကဃ့ၢ်ကွံာ်ခဲလၢာ်လီၤ. ပှၤတဂၤဘၣ်တဂၤ ကဃ့ၢ်လၢ အသးသမူအဂီၢ်ဒီးပှၤကထၢဖှိၣ်ပာ်ဖှိၣ်က့ၤ ကဒီးသုးမုၢ်သံၣ်ဘိတဖၣ်တအိၣ်နီတဂၤလၢၤဘၣ်.

လံာ်ယံးရမံယၤ 6:9

ယွၤသ့တၢ်လၢာ်စံးဘၣ်ယၤ, “ကီၢ်အံၣ်စရ့လးကဘၣ်တၢ်ဘ့ၣ်ကွံာ် အီးကွံာ်အီၤစီဖ့ကလ့ၤဒ်စပံးလီၢ်တလီၢ်လၢစပံးသၣ်ကိးဖျၢၣ်ဒဲး ဘၣ်တၢ်ဒ့ကွံာ်ဒဲးကွံာ်အီၤအသိးန့ၣ်လီၤ. အဃိဒီး, ဖဲတၢ်ဆၢကတီၢ်အိၣ်ဒံးအဖၢမုၢ်ဒီး ဖဲနမၤသ့န့ၣ်နကဘၣ်မၤပူၤဖျဲးပှၤကိးဂၤဒဲးလီၤ.”

လံာ်သးသယုၢ်တၢ် 4:18

ဒုၣ်ဒါန့ၣ်ခိးကွၢ်ပှၤဒီးပလဲၤတၢ်လၢကျဲတဖၣ် အပူၤဒၣ်လဲာ်တသ့ဘၣ်. ပမုၢ်နံၤတဖၣ်လၢာ်ကွံာ်ဝဲ, တၢ်အကတၢၢ်ဟဲတုၤလံ.

လံာ်သးသယုၢ်တၢ် 4:19

အဝဲသ့ၣ်လူၤဖီၣ်တ့ၢ်ပှၤချ့န့ၢ်ဒံးလံာ်ကြီကြာ်တဖၣ်ယူၤသဖှိ လီၤဝဲလၢမူခိၣ်န့ၣ်လီၤ. အဝဲသ့ၣ်လူၤဃုတ့ၢ်ပခီၣ်လီၢ်လၢ တၢ်လူၢ်တဖၣ်အဒီခိၣ်, မၤန့ၢ်ပှၤသတူၢ်ကလာ် လၢပှၢ်မုၢ်ကနၢအပူၤန့ၣ်လီၤ.

လံာ်ဟိၤၡ့ 10:10

ယကဒုးတၢ်ဒီးပှၤဂီၢ်မုၢ်လၢအမၤတၢ်ဒဲးဘးအံၤဒီးစံၣ်ညီၣ်အဝဲ သ့ၣ်လီၤ. ပှၤကလုာ်တဖၣ်ကပာ်ဖှိၣ်ထီၣ်သကိးအသးထီဒါအဝဲသ့ၣ်, ဒီးအဝဲသ့ၣ်ကဘၣ်တၢ်စံၣ်ညီၣ်အီၤလၢအတၢ်ဒဲးဘးအဃိန့ၣ်လီၤ.

လံာ်ဧၤမိၣ် 4:2

ဒ်တၢ်စိတၢ်ကမီၤခဲလၢာ်အယွၤမ့ၢ်တၢ်စီတၢ်ဆှံအသိးန့ၣ်, အဝဲအၢၣ်လီၤတ့ၢ်ဝဲလၢ, မုၢ်နံၤတဖၣ်ကဟဲဝဲလၢသုကဘၣ်တၢ်ထုးသု လၢထးကွးတဖၣ်, ဒီးသုဝဲကိးဂၤဒဲးသုကလီၤဂာ်ဒီးညၣ်အိၣ် လၢတခွဲကနၣ်အလိၤန့ၣ်လီၤ.

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်စဖါနယၤ 1:12

အကတီၢ်ဖဲန့ၣ်ယကစိာ်မ့ၣ်အူဒၢတဖျၢၣ်ဒီးကဃုတၢ်လၢဝ့ၢ် ယရူၤၡလ့ၣ်အပူၤလီၤ. ယကစံၣ်ညီၣ်ပှၤလၢအသးမံလီၤဒၣ်အသးဒီးနာ်န့ၢ်လီၤအသးလၢ အစံးလီၤအသးလၢ ‘တၢ်အဂ့ၤမ့ၢ်ဂ့ၤ, တၢ်အအၢမ့ၢ်ဂ့ၤယွၤတမၤဘၣ်ပှၤဘၣ်’ သ့ၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:11

ကွၢ်တက့ၢ်, ယပၢ်ဧၢ, ကွၢ်ဃီၤနဆ့ကၤဖးထီအက့တက့လၢယဖီၣ်ဃး အီၤအံၤတက့ၢ်. ယမၤသံနၤသ့လီၤ. ဘၣ်ဆၣ်ဒီး, အခိၣ်တလိာ်န့ၣ်, ယကူးတဲာ်ထဲတၢ်အံၤဧိၤလီၤ. တၢ်အံၤဒုးနၢ်ပၢၢ်လီၤတံၢ်နၤလၢယတအိၣ်ဒၣ်လဲာ်ဒီးတၢ်ဆိကမိၣ် လၢတၢ်ပူထီၣ်ထီဒါနၤမ့ၢ်ဂ့ၤမၤဆါနၤမ့ၢ်ဂ့ၤဘၣ်. နလူၤဖီၣ်န့ၢ်ယၤလၢနကမၤသံယၤအဂီၢ်ဖဲယတမၤကမၣ်ဘၣ်နၤနီတမံၤ ဘၣ်ဒၣ်လဲာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:20

တဘၣ်ပျဲယဘၣ်တၢ်မၤသံယၤလၢပှၤတခီဘီမုၢ်ဖိအဟီၣ်ခိၣ်လိၤ, ယံၤဒီးယွၤန့ၣ်တဂ့ၤ. ဘၣ်မနုၤလၢကီၢ်အံၣ်စရ့လးအစီၤပၤဟဲဒ်သိး ကမၤသံတၢ်အကျံတဘ့ၣ်ဒ်ယၤအသိးအံၤန့ၣ်လဲၣ်. ဘၣ်မနုၤလၢအဝဲဘၣ်လူၤခးယၤဒ်ထိၣ်မံၤအသိးန့ၣ်လဲၣ်.”