လံာ်ယံးရမံယၤ 15:8 - Sgaw Karen Common Bible

⁸ လၢသုထံသုကီၢ်အပူၤန့ၣ်, မုၣ်ကမဲတဖၣ်အိၣ်အါန့ၢ်ဒံးမဲးဧိၤ ဟီၣ်ဧိၤတဖၣ်လၢပီၣ်လဲၣ်နံၤတက့ၢ်န့ၣ်လီၤ. ယမၤသံကွံာ်သုပှၤပိာ်ခွါသးစၢ်တဖၣ်ဖဲအသးအနံၣ်အလါအ ဂ့ၤကတၢၢ်အခါဒီးဒုးကွၢ်အမိၢ်တဖၣ်လၢတၢ်နးတၢ်ဖှီၣ်န့ၣ်လီၤ. သတူၢ်ကလာ်ယတီၢ်အဝဲသ့ၣ် လၢတၢ်ကိၢ်တၢ်ဂီၤဒီးတၢ်ပျံၤတၢ်ဖုးန့ၣ်လီၤ.

လံာ်ယံးရမံယၤ 15:8 Iomraidhean Croise

လံာ်ယၡါယၤ 3:25

ပှၤပိာ်ခွါလၢဝ့ၢ်ပူၤတဖၣ်, ပိာ်ခွါလၢအဂံၢ် ဆူၣ်တဖၣ်ဒၣ်လဲာ်, ကဘၣ်တၢ်မၤသံအီၤလၢတၢ်ဒုး တၢ်ယၤအပူၤလီၤ.

လံာ်ယၡါယၤ 3:26

ဝ့ၢ်အတြဲၤတဖၣ်ကသူၣ်အုးသးအုးဒီးဟီၣ်ဝဲယၢၤဝဲ, ဒီးဝ့ၢ်အကစၢ်ဒၣ်ဝဲကလီၤဂာ်ဒ်ပိာ်မုၣ်အိၣ်ဘ့ၣ်ဆ့ တဂၤဆ့ၣ်နီၤလၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 4:1

ဖဲတၢ်ဆၢကတီၢ်အဝဲန့ၣ်ဟဲတုၤဝဲဒီး, ပိာ်မုၣ်နွံဂၤကစှီၤဃာ် ပိာ်ခွါတဂၤဒီးစံး, “ပလုၢ်အီၣ်လုၢ်အီ ပသးဒီးမၤကူမၤကၤဒၣ်ပဝဲသ့လီၤ. ဘၣ်ဆၣ်ပျဲပစံးလၢနမ့ၢ် ပဝၤဒ်သိးပသုတတူၢ်ဘၣ်တၢ်မဲာ်ဆှးလၢပဝၤတအိၣ်ဘၣ် အဃိတဂ့ၤန့ၣ်တက့ၢ်.”

လံာ်ယံးရမံယၤ 16:3

ယကတဲဘၣ်နၤတၢ်လၢအကမၤအသး ဒီးဖိသၣ်တဖၣ်လၢအအိၣ်ဖျဲၣ်ထီၣ်ဖဲအံၤ, ဒီးအဝဲသ့ၣ်အမိၢ်အပၢ်တဖၣ်န့ၣ်လီၤ.

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယံးရမံယၤ 22:7

ယဆှၢလီၤပှၤကညီတဖၣ်လၢကမၤဟးဂီၤကွံာ်အီၤန့ၣ်လီၤ. အဝဲသ့ၣ်ခဲလၢာ်ကဟဲစိာ်အကွါတဖၣ်, ကကူာ်လီၤကွံာ်အသ့ၣ်ဆှိ အ့ရ့းအထူၣ်အဃံအလၤတဖၣ်, ဒီးကွံာ်လီၤကွံာ်အီၤဆူမ့ၣ်အူ အပူၤန့ၣ်လီၤ.

လံာ်ယံးရမံယၤ 4:16

အဝဲသ့ၣ်ဟဲတ့ၢ်ဝဲလၢကဟ့ၣ်ဒုးပလီၢ်ပှၤကလုာ်တဖၣ်ဒီးကတဲဘၣ် ဝ့ၢ်ယရူၤၡလ့ၣ်လၢဒုၣ်ဒါတဖၣ်ဟဲလံဝဲလၢထံကီၢ်လၢအယံၤတဘ့ၣ် န့ၣ်လီၤ. ဒုၣ်ဒါတဖၣ်အံၤကကိးထီၣ်တၢ်ထီဒါကီၢ်ယူဒၤအဝ့ၢ်တဖၣ် န့ၣ်လီၤ.

လံာ်ယံးရမံယၤ 5:6

လၢတၢ်န့ၣ်အဃိ, ခ့ယုၢ်တဖၣ်လၢသ့ၣ်ဒိၣ်ပှၢ် ထီၣ်အပူၤကမၤသံကွံာ်အဝဲသ့ၣ်, ထွံၣ်မံၤတဖၣ်လၢမဲးမုၢ်ခိၣ်ကအ့ၣ်ဖှီအဝဲသ့ၣ်ဆူ အက့အခီ, ဒီးခ့စံၣ်ပိၣ်တဖၣ်ကဟးဝ့ၤဝီၤကစုဒုသကုၤအဝဲသ့ၣ် အဝ့ၢ်တဖၣ်အပူၤန့ၣ်လီၤ. ပှၤဂီၢ်မုၢ်တဖၣ်အံၤမ့ၢ်ဟးထီၣ်ဒီး, အဝဲသ့ၣ်ကဘၣ် တၢ်အ့ၣ်ဖှီလီၤကလဲအီၤ မ့ၢ်လၢအတၢ်ဒဲးဘးတဖၣ်အိၣ်အါအါဂီၢ်ဂီၢ် ဒီးတဘျီဝံၤတဘျီ, အဝဲသ့ၣ်ဃၣ်ကွံာ်တ့ၢ်အသးလၢကစၢ်ယွၤအအိၣ်အဃိန့ၣ်လီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်သးသယုၢ်တၢ် 5:3

ပပၢ်တဖၣ်ဘၣ်တၢ်မၤသံတ့ၢ်အီၤလၢဒုၣ်ဒါန့ၣ်လီၤ. ဒီးခဲအံၤပမိၢ်တဖၣ်မ့ၢ်မုၣ်ကမဲတဖၣ်လီၤ.

လံာ်ယဃ့းစက့လး 22:25

ပှၤခိၣ်ပှၤနၢ်တဖၣ်န့ၣ်လီၤဂာ်ဒ်ခ့ယုၢ်တဖၣ်လၢအကညီၤထီၣ်ဝဲလၢ ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအလိၤအသိးန့ၣ်လီၤ. အဝဲသ့ၣ်မၤသံပှၤဂီၢ်မုၢ်, ဟံးန့ၢ်ကွံာ်ကျိၣ်စ့ခဲလၢာ်ဒီး အတၢ်စုလီၢ်ခီၣ်ခိၣ်တဖၣ်လၢအမၤန့ၢ်ဝဲသ့, ဒီးခီဖျိအဝဲသ့ၣ် အတၢ်မၤသံမၤဝီန့ၣ်, ပိာ်မုၣ်အါဂၤအိၣ်လီၤတဲာ်ဝဲဒ်ပှၤမုၣ်ကမဲတဖၣ်အသိးန့ၣ်လီၤ.

လံာ်ဟိၤၡ့ 4:5

လၢမုၢ်နၤဒီးလၢမုၢ်ဆါန့ၣ်သုမၤကမၣ်တၢ်လၢတၢ်တပလီၢ်ပဒီ သးအပူၤ, ဒီးဝံတဖၣ်, မၤဝဲတဂ့ၤအါန့ၢ်သုဘၣ်. ယကမၤဟးဂီၤကွံာ်သုမိၢ်, ကီၢ်အံၣ်စရ့လးန့ၣ်လီၤ.

လံာ်လူၤကၣ် 21:35

အဂ့ၢ်ဒ်အံၤကဟဲတုၤအိၣ်ပှၤခဲလၢာ်လၢဟီၣ်ခိၣ်ဒီဘ့ၣ်ညါဒ်ထုအသိးလီၤ.