လံာ်ယံးရမံယၤ 15:19 - Sgaw Karen Common Bible

¹⁹ တၢ်ဂ့ၢ်အံၤယွၤစံးဆၢက့ၤဝဲဒ်အံၤ, “နမ့ၢ်ဟဲက့ၤကဒါက့ၤဒီး, ယကဟံးန့ၢ်က့ၤနၤ, ဒီးနကကဲထီၣ်က့ၤကဒီးယခ့ယပှၤန့ၣ်လီၤ. လၢနကကတိၤတၢ်နါစိၤနါပြာ်တၢ်အလီၢ် နမ့ၢ်တဲဖျါတၢ်ကစီၣ်လၢအလုၢ်အပှ့ၤအိၣ်ဒီး, နကမ့ၢ်က့ၤကဒီးယဝံန့ၣ်လီၤ. ပှၤဂီၢ်မုၢ်ကဟဲက့ၤကဒါက့ၤဆူနအိၣ်ဒီးတလိၣ် နလဲၤဆူအဝဲသ့ၣ်အအိၣ်န့ၣ်ဘၣ်.

လံာ်ယံးရမံယၤ 15:19 Iomraidhean Croise

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်တၢ်ဟးထီၣ်ကွံာ် 4:12

ဒီးခဲကနံၣ်အံၤ, လဲၤတက့ၢ်. ယကမၤစၢၤနၤလၢနတၢ်ကတိၤ, ဒီးသိၣ်လိနၤတၢ်လၢနကဘၣ်စံးဘၣ်တဲဘၣ်တဖၣ်န့ၣ်လီၤ.”

တၢ်ကတိၤဒိ. 22:29

ဒုးနဲၣ်ယၤပှၤတဂၤလၢအမၤတၢ်မၤအဂ့ၤတမံၤန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဂ့ၤန့ၢ်ဒံးပှၤအါတက့ၢ်ဒီးကြၢး ဒီးစီၤပၤတဖၣ်အတၢ်ရ့လိာ်မုာ်လိာ်န့ၣ်လီၤ.

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ယံးရမံယၤ 35:19

အဃိဒီး, ယွၤ, ယွၤသ့တၢ်လၢာ်, အံၣ်စရ့လးအကစၢ်ယွၤ အၢၣ်လီၤအီလီၤလၢ စီၤရ့ကးအဖိခွါစီၤယိၤနဒာ်ကအိၣ်ဒီး အစၢၤအသွဲၣ်ပိာ်ခွါတဂၤထီဘိလၢကမၤယတၢ်မၤအဂီၢ်န့ၣ်လီၤ.”

လံာ်ယံးရမံယၤ 4:1

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်ဧၢ, သုမ့ၢ်ဟဲက့ၤကဒါက့ၤဒီး, ဟဲက့ၤကဒါက့ၤဆူယအိၣ်တက့ၢ်. သုမ့ၢ်သးတီဒီး ယၤဒီးသုးကွံာ်တၢ်ဂီၤတၢ်ဖီၣ်တဖၣ်လၢယသးဟ့အီၤဒီး,

လံာ်ယံးရမံယၤ 6:29

ဖၣ်ကွာ်အမ့ၣ်အူအီၣ်တၢ်ဆူၣ်ဆူၣ်, ဘၣ်ဆၣ်ဒီးတိၢ်ထးဒီးစ့အ အ့ၣ်တဖၣ်တပှံၢ်ထီၣ်ဒီးယွၤလီၤဘၣ်. ယပှၤဂီၢ်မုၢ်အံၤနပှံၢ်အီၤထဲလဲၣ်နာ်က့အဘျုးတအိၣ်လၢၤဘၣ်. အဂ့ၢ်ဒ်အံၤ, ပှၤလၢအအၢအသီတဖၣ်တၢ်တဟံးထီၣ်ကွံာ် အီၤဘၣ်အဃိလီၤ.

လံာ်သးသယုၢ်တၢ် 1:11

အပှၤဂီၢ်မုၢ်ကအုကစွါဖဲအဟးဃုန့ၢ်တၢ်တမံၤမံၤလၢကအီၣ်ဝဲ အဂီၢ် ဒီးဟ့ၣ်လဲလိာ်အတၢ်ထူးတၢ်တီၤတဖၣ်လၢတၢ်အီၣ် အဂီၢ်ဒ်သိးကအိၣ်မူဘၣ်ဒံးဝဲအဂီၢ်လီၤ. ဝ့ၢ်ယရူၤၡလ့ၣ်ကိးထီၣ် ဝဲ, “ကွၢ်ဃီၤယၤ, ယွၤဧၢ, ထံၣ်ယၤလၢယတၢ်ကိၢ်တၢ်ဂီၤအပူၤတက့ၢ်.”

လံာ်ယဃ့းစက့လး 2:7

တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်ယဃ့းစက့လး 44:23

ပှၤလုၢ်တၢ်အခိၣ်တဖၣ်ကဘၣ်သိၣ်လိယပှၤဂီၢ်မုၢ်လၢတၢ်လီၤဆီ လၢတၢ်စီဆှံဒီးတၢ်လၢအတစီဆှံဘၣ်အဘၢၣ်စၢၤဒီးတၢ်လၢ အကဆှီဒ်တၢ်ဘူၣ်တၢ်ဘါအလုၢ်အလၢ်အသိးဒီးတၢ်လၢ တကဆှီဘၣ်အဘၢၣ်စၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:10

ဒီးသုကဘၣ်နီၤဖးတၢ်စီဆှံဒီးတၢ်တစီဆှံတဖၣ်, ဒီးတၢ်ကဆှီဒီးတၢ်တကဆှီတဖၣ်အဆၢဒ်တၢ်ဘူၣ် တၢ်ဘါအလုၢ်အလၢ်အိၣ်ဝဲအသိးစ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:57

ဒီးတၢ်သိၣ်တၢ်သီတဖၣ်အံၤမ့ၢ်တၢ်နီၤဖးပဲာ်ဖးတၢ်တကဆှီဒီးတၢ်ကဆှီန့ၣ်လီၤ.

လံာ်ယိၤနါ 3:2

“ဂဲၤထၢၣ်, လဲၤဆူဝ့ၢ်နံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးဘိးဘၣ်သ့ၣ်ညါတၢ်ကစီၣ်လၢယတဲနၤန့ၣ်တက့ၢ်.”

လံာ်စကၤရယၤ 3:7

သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်လူၤကၣ် 10:16

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤလၢ်လၢ်လၢအဒိကနၣ်သုတၢ်ကတိၤန့ၣ်, မ့ၢ်အဒိကနၣ်ယတၢ်ကတိၤလီၤ. ပှၤတဂၤလၢ်လၢ်လၢအညိကွံာ်သုန့ၣ်, မ့ၢ်အညိကွံာ်ယၤ, ဒီးပှၤတဂၤလၢ်လၢ်လၢအညိကွံာ်ယၤန့ၣ်မ့ၢ်အညိကွံာ်ပှၤလၢ အမၢလီၤယၤတဂၤန့ၣ်လီၤ.”

လံာ်လူၤကၣ် 12:12

အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

ကလၤတံ 1:10

တၢ်အဝဲအံၤ, မ့ၢ်အသီၣ်မၤအသးဒ်သိးယဂုာ်ကျဲးစၢးမၤန့ၢ် ပှၤကညီအတၢ်ဘၣ်သူၣ်ဘၣ်သးဧါ. တမ့ၢ်လ့ၤတက့ၤဘၣ်. တၢ်လၢယအဲၣ်ဒိးန့ၣ်, မ့ၢ်ကစၢ်ယွၤအတၢ်ဘၣ်သူၣ်ဘၣ်သး န့ၣ်လီၤ. မ့ၢ်ယဂုာ်ကျဲးစၢးဒိးန့ၢ်ပှၤကညီအတၢ်ဘၣ်သူၣ်ဘၣ် သးယၤဧါ. ယမ့ၢ်မၤဒံးဒၣ်ဒ်န့ၣ်ဒီး, ယတမ့ၢ်ခရံာ်အခ့အပှၤ တဂၤဘၣ်.

ကလၤတံ 2:5

ဘၣ်ဆၣ်ဒီး, ဒ်သိးတၢ်မ့ၢ်တၢ်တီဘၣ်ဃးတၢ်သးခုကစီၣ်ကအိၣ် ကဆိးဒီးသုအဂီၢ်န့ၣ်, ပတအၢၣ်လီၤပိာ်ထွဲအဝဲသ့ၣ်ထဲတစိၢ်ဖိဒၣ် လဲာ်ဘၣ်လီၤ.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,