လံာ်ယံးရမံယၤ 15:15 - Sgaw Karen Common Bible

¹⁵ အန့ၣ်ဒီးယစံး, “ယွၤဧၢ, နသ့ၣ်ညါနၢ်ပၢၢ်နဲလီၤ. သ့ၣ်နီၣ်ထီၣ်ယၤဒီးမၤစၢၤယၤတက့ၢ်. ပျဲယဟ့ၣ်ကၣ်ပှၤလၢအမၤအၢမၤနးယၤတဖၣ်န့ၣ်, တက့ၢ်. ဝံသးစူၤအဝဲသ့ၣ်ကဲၣ်ဆိးတုၤလၢအဝဲသ့ၣ်မၤသံယၤကန့ၢ်န့ၣ်တဂ့ၤ. သ့ၣ်နီၣ်ထီၣ်က့ၤလၢယဘၣ်တၢ်ဒုၣ်ဒွဲၣ်ယၤမ့ၢ်လၢနဃိန့ၣ်တက့ၢ်.

လံာ်ယံးရမံယၤ 15:15 Iomraidhean Croise

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

လံာ်စီၤနဃ့မယၤ 5:19

ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

လံာ်စီၤနဃ့မယၤ 6:14

ဒီးယဘါထုကဖၣ်ယဲ, “ကစၢ်ယွၤဧၢသ့ၣ်နီၣ်ထီၣ်က့ၤတၢ်လၢစီၤ တိၤဘံယၤဒီးစီၤစၤနဘၤလးမၤတ့ၢ်ဝဲဒီးစံၣ်ညီၣ်အဝဲသ့ၣ်န့ၣ်တက့ၢ်. ဒီးသ့ၣ်နီၣ်ထီၣ်က့ၤပိာ်မုၣ်တဂၤလၢအမ့ၢ်နီၢ်နိဒယၤဒီးဝံ အဂၤတဖၣ်လၢအကျဲးစၢးမၤပျံၤယၤန့ၣ်တက့ၢ်.”

လံာ်စီၤယိၤဘး 10:7

နသ့ၣ်ညါလၢယတမ့ၢ်ဘၣ်ပှၤအိၣ်ဒီးတၢ်ကမၣ်ဒီးပှၤမၤပူၤဖျဲး ယၤလၢနစုပူၤသ့တအိၣ်နီတဂၤဘၣ်.

စံးထီၣ်ပတြၢၤ 102:24

ကစၢ်ယွၤဧၢ, တချုးလၢယသးပှၢ်ထီၣ်ဒံးဘၣ်န့ၣ် ဟံးထီၣ်ကွံာ်ယၤတဂ့ၤ. ယွၤဧၢ, နမူဝဲလီၤစိၤလီၤထီလီၤ.

စံးထီၣ်ပတြၢၤ 106:4

ယွၤဧၢ, သ့ၣ်နီၣ်ထီၣ်က့ၤယၤဖဲနဒုးနဲၣ် တၢ်ကွၢ်မဲာ်နပှၤဂီၢ်မုၢ်, ဒီးမၤစၢၤယၤဖဲ နအုၣ်က့ၤခီၣ်က့ၤအဝဲသ့ၣ်, န့ၣ်တက့ၢ်

စံးထီၣ်ပတြၢၤ 119:84

နခ့နပှၤကဘၣ်အိၣ်ခိးဒံးဆံးယံာ်လဲၣ်. နကစံၣ်ညီၣ်ပှၤမၤအၢမၤသီယၤန့ၣ် အဆၢကတီၢ်ဖဲလဲၣ်.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

စံးထီၣ်ပတြၢၤ 39:13

တချုးယသးဟးထီၣ်ကွံာ်ဒီးတအိၣ်လၢၤဘၣ်န့ၣ်, ပျဲယၤလၢယကအိၣ်ဘၣ်ဒီး တၢ်သးခုတစဲးတက့ၢ်.

စံးထီၣ်ပတြၢၤ 44:22

ဘၣ်ဆၣ်လၢနဃိပဘၣ်တၢ်မၤသံပှၤ ကိးဆၢကိးကတီၢ်ဒဲး, ဒီးပဘၣ်တၢ်ပာ်ပှၤဒ်သိလၢ အကဘၣ်တၢ်မၤသံအီၤအသိးန့ၣ်လီၤ.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်ယံးရမံယၤ 12:3

ဘၣ်ဆၣ်ဒီးယွၤဧၢ, နသ့ၣ်ညါယၤလီၤ. နထံၣ်တၢ်လၢယမၤ ဒီးယအဲၣ်နၤဒ်လဲၣ်န့ၣ်လီၤ. တွံၢ်ယံၤကွံာ်ပှၤအၢပှၤသီတဖၣ်အံၤ ဒ်သိလၢအဘၣ်တၢ်မၤသံအီၤအသိး ဒီးပၢၤဃာ်အီၤတုၤအကတီၢ် ဘၣ်ဝဲလၢတၢ်ကမၤသံအီၤအဂီၢ်န့ၣ်တက့ၢ်.

လံာ်ယံးရမံယၤ 15:10

ယမ့ၢ်ပှၤတဂၤလၢအသးဘၣ်ဖှီၣ်လီၤ. ဘၣ်မနုၤအဃိယမိၢ် ဆံးစၢ်ထီၣ်ယၤလၢဟီၣ်ခိၣ်ချၢအံၤန့ၣ်လဲၣ်. ယဘၣ်အ့ၣ်လိာ် ယသးဒီးဂ့ၢ်လိာ်တၢ်ဒီးပှၤကိးဂၤဒဲးလၢကီၢ်အံၤအပူၤန့ၣ်လီၤ. ယတဟ့ၣ်လိၢ်လီၤစ့မ့ၢ်ဂ့ၤ, ဃ့လိၢ်စ့မ့ၢ်ဂ့ၤနီတမံၤဘၣ်. အန့ၣ်ဒၣ်လဲာ်, ပှၤကိးဂၤဒဲးဆိၣ်အၢယၤန့ၣ်လီၤ.

လံာ်ယံးရမံယၤ 15:20

ယကဒုးကဲထီၣ်နၤဒ်တၢ်အဒူၣ်တိၢ်ဘီနီၢ်နီၢ်လၢအကျၢၤတခါလၢ ပှၤဂီၢ်မုၢ်အံၤအမဲာ်ညါန့ၣ်လီၤ. အဝဲသ့ၣ်ကဒုးတၢ်ထီဒါနၤ, ဘၣ်ဆၣ်ဒီးအဝဲသ့ၣ်တမၤနၢၤဘၣ်နၤဘၣ်. ယကအိၣ်ဒီးနၤလၢ တၢ်ဒီဒၣ်အိၣ်ပှိၤနၤအဂီၢ်ဒီးမၤပူၤမၤဖျဲးနၤန့ၣ်လီၤ.

လံာ်ယံးရမံယၤ 17:16

ဘၣ်ဆၣ်ဒီးယွၤဧၢ, ယတမၢန့ၢ်ဆီၣ်ခံဘၣ်နၤလၢနကဟဲစိာ်တၢ် တတၢးတနါလၢအဝဲသ့ၣ်အဖီခိၣ်နီတစုန့ၣ်ဘၣ်. ယတဆၢလၢတၢ်ကီတၢ်ခဲအဆၢကတီၢ်ကတုၤအိၣ်အ ဝဲသ့ၣ်န့ၣ်ဘၣ်. ယွၤဧၢ, နသ့ၣ်ညါတၢ်အံၤ, နသ့ၣ်ညါတၢ်လၢယစံး တ့ၢ်ယဲန့ၣ်လီၤ.

လံာ်ယံးရမံယၤ 18:23

ဘၣ်ဆၣ်ဒီးယွၤဧၢ, နသ့ၣ်ညါအဝဲသ့ၣ်အတၢ်ကူၣ်ကျဲၤတဖၣ်လၢ ကမၤသံယၤအဂီၢ်န့ၣ်လီၤ. ပျၢ်ဖျဲးအဝဲသ့ၣ်အတၢ်အၢတၢ်သီမ့ၢ်ဂ့ၤ, ပျဲပူၤအဝဲသ့ၣ်လၢအတၢ်ဒဲးဘးမ့ၢ်ဂ့ၤန့ၣ်တဂ့ၤ. ကွံာ်လီၤကွံာ်အဝဲသ့ၣ်လၢအတၢ်ဃၣ်ကွံာ်အပူၤဒီးမၤအဝဲသ့ၣ် ဖဲနသးဒိၣ်ထီၣ်ဒံးအဖၢမုၢ်အံၤန့ၣ်တက့ၢ်.”

လံာ်ယံးရမံယၤ 20:11

ဘၣ်ဆၣ်ဒီးနဲဒၣ်ယွၤဧၢ, နအိၣ်လၢယအိၣ်တခီ, ဂံၢ်ဆူၣ်ဘါဆူၣ် ဒီးစိဒိၣ်ကမီၤထီ, ဒီးပှၤလၢအမၤအၢမၤနးယၤတဖၣ်ကဃၣ်ကွံာ် ဝဲန့ၣ်လီၤ. အဝဲသ့ၣ်ကဘၣ်တၢ်မၤမဲာ်ဆှးအီၤလီၤထူလီၤယိာ်, မ့ၢ်လၢအဝဲသ့ၣ်မၤန့ၢ်မၤနၢၤတၢ်တသ့ဘၣ်အဃိန့ၣ်လီၤ.

လံာ်ယံးရမံယၤ 20:12

ဘၣ်ဆၣ်ဒီး, သ့တၢ်လၢာ်ယွၤဧၢ, နမၤကွၢ်ပှၤကညီလၢ တၢ်စံၣ်ညီၣ်တီအပူၤလီၤ. နသ့ၣ်ညါတၢ်လၢအအိၣ်လၢအဝဲသ့ၣ် အသးဒီးအတၢ်ဆိကမိၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, ပျဲယထံၣ်ဘၣ်နဟ့ၣ်ကၣ်ယဒုၣ်ယဒါတဖၣ်, မ့ၢ်လၢယပာ်ယကွီၢ်လၢနစုပူၤလံအဃိန့ၣ်တက့ၢ်.

လံာ်ယံးရမံယၤ 20:8

ဖဲယကတိၤတၢ်တဘျီဂ့ၤတဘျီဂ့ၤန့ၣ်, ယဘၣ်ကိးထီၣ်ဒီးကိးသတြီထီၣ်, “တၢ်မၤဆူၣ်မၤစိးဒီးတၢ်မၤလီၤပှီၢ်ဟးဂီၤ” န့ၣ်လီၤ. ယွၤဧၢ, ယဘၣ်တၢ်ကတိၤဒုၣ်ဒွဲၣ်စံးအၢယၤဒီး တၢ်တပာ်ကဲဘၣ်ယၤထီဘိတထံၣ်ဃီ မ့ၢ်လၢယစံးကတိၤနတၢ်ကစီၣ်အဃိန့ၣ်လီၤ.

လံာ်သးသယုၢ်တၢ် 3:64

စံၣ်ညီၣ်အဝဲသ့ၣ်လၢတၢ်လၢအမၤတ့ၢ်ဝဲတဖၣ်အဃိတက့ၢ်, ယွၤဧၢ,

လံာ်သးသယုၢ်တၢ် 3:66

လူၤဃုဖီၣ်န့ၢ်အီၤဒီးတြူာ်ကွံာ်အီၤလၢဟီၣ်ခိၣ်အဖီခိၣ် တက့ၢ်.”

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မးသဲ 19:29

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

လံာ်လူၤကၣ် 21:17

ပှၤကသူၣ်ဟ့သးဟ့သုကိးဂၤဒဲးလၢယမံၤအဃိလီၤ.

ရိမ့ၤ 12:19

ယတံၤသကိးသးဘိသ့ၣ်ဧၢ, တဘၣ်မၤကၣ်တၢ်တဂ့ၤ, မ့မ့ၢ်ပျဲကစၢ်ယွၤအတၢ်သးထီၣ်ကမၤဒၣ်ဝဲတက့ၢ်. အဂ့ၢ်ဒ် လဲၣ်န့ၣ်, တၢ်ကွဲးအသးစီဆှံစံးဝဲ, “ယကမၤကၣ်က့ၤတၢ်, ယကမၤဆၢက့ၤတၢ်, ကစၢ်စံးဝဲဒၣ်လီၤ.”

ရိမ့ၤ 8:35

မ့ၢ်မတၤမၤလီၤဖးပှၤဒီးခရံာ်အတၢ်အဲၣ်တၢ်ကွံကသ့ တဂၤန့ၣ်လဲၣ်. မ့ၢ်တၢ်ကီတၢ်ခဲမၤကသ့ဧါ, မ့တမ့ၢ်တၢ်ကိၢ် တၢ်ဂီၤ, တၢ်မၤအၢမၤနးပှၤ, တၢ်သၣ်ဝံၤလီၤဒိ, တၢ်အိၣ်ဘ့ၣ်ဆ့, တၢ်လီၤပျံၤလီၤဖုး, တၢ်သံ, မၤကသ့ဧါ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.

၂ တံၤမသ့း 4:14

ပှၤပိာ်တိၢ်ပိာ်ထးစီၤအလ့းစၣ်ဒြူးတဂၤမၤအၢယၤဒိၣ်မးလီၤ. ကစၢ်ကဟ့ၣ်ကၣ်အီၤဒ်အမၤတ့ၢ်တၢ်အသိးန့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”

လံာ်ပှၤစံၣ်ညီၣ်ကွီၢ် 16:28

တုၤနုၤတစု, စီၤၡံၣ်ၡိၣ်ဘါထုကဖၣ်, “တၢ်ဒိၣ်ကစၢ်ဧၢ, သ့ၣ်နီၣ်ထီၣ်က့ၤလၢ်ယၤတက့ၢ်. ကစၢ်ယွၤဧၢ, ဟ့ၣ်ယၤတၢ်ဂံၢ်တၢ်ဘါထဲအအံၤတစု ဒ်သိးယကဟ့ၣ်ကၣ်ပှၤဖလ့ၡသးဖိတဖၣ်လၢယမဲာ်ချံခံဖျၢၣ်အဂီၢ်န့ၣ်တက့ၢ်.”