လံာ်ယံးရမံယၤ 15:13 - Sgaw Karen Common Bible

¹³ ယွၤစံးဘၣ်ယၤ, “ယကမၢလီၤဒုၣ်ဒါလၢကစိာ်ထီၣ်ကွံာ် ယပှၤဂီၢ်မုၢ်အတၢ်ထူးတၢ်တီၤဒီးအတၢ်လုၢ်ဒိၣ်ပှ့ၤဒိၣ်တဖၣ်, ဒ်သိးယကစံၣ်ညီၣ်အဝဲသ့ၣ်လၢတၢ်ဒဲးဘးတဖၣ်လၢအဝဲသ့ၣ်မၤတ့ၢ်ဝဲ, လၢထံကီၢ်ဒီဘ့ၣ်အဃိန့ၣ်လီၤ.

လံာ်ယံးရမံယၤ 15:13 Iomraidhean Croise

စံးထီၣ်ပတြၢၤ 44:12

နဆါကွံာ်နပှၤဂီၢ်မုၢ်ဒ် တၢ်အလုၢ်အပှ့ၤတအိၣ်ဘၣ်အသိး, နတဃ့တၢ်အပှ့ၤထဲတစဲးဧိၤလၢအဂီၢ်ဘၣ်.

လံာ်ယၡါယၤ 52:3

ယွၤပၢဘၣ်တၢ်ခဲလၢာ်အကစၢ်စံးဘၣ်အပှၤဂီၢ်မုၢ်, “ဖဲသုကဲထီၣ်ကုၢ်တဖၣ်န့ၣ်, တၢ်တပှ့ၤန့ၢ်သုလၢစ့နီတဘ့ၣ်ဘၣ်. ဒ်န့ၣ်အသိး, တလိၣ်တၢ်ဟ့ၣ်တၢ်နီတမံၤလၢသုကထူၣ်ဖျဲးထီၣ် အဂီၢ်န့ၣ်ဘၣ်.

လံာ်ယၡါယၤ 52:5

ဒီးခဲအံၤလၢကီၢ်ဘၤဘူၤလိၣ်န့ၣ်တၢ်တမံၤဃီမၤတ့ၢ်အသးလီၤ. သုဘၣ်တၢ်စိာ်မၢကဲကုၢ်သုဒီးတၢ်တဟ့ၣ်တၢ်အပှ့ၤနီ တမံၤလၢသုဂီၢ်ဘၣ်. ပှၤတဖၣ်လၢအပၢသုန့ၣ်ပာ်ထီၣ်ထီ ကတိၤဒိၣ်လီၤအသးဒီးဒုးနဲၣ်အတၢ်သူၣ်က့ၣ်သးကါဘၣ်ယၤ တထံၣ်ဃီလီၤ.

လံာ်ယံးရမံယၤ 15:8

လၢသုထံသုကီၢ်အပူၤန့ၣ်, မုၣ်ကမဲတဖၣ်အိၣ်အါန့ၢ်ဒံးမဲးဧိၤ ဟီၣ်ဧိၤတဖၣ်လၢပီၣ်လဲၣ်နံၤတက့ၢ်န့ၣ်လီၤ. ယမၤသံကွံာ်သုပှၤပိာ်ခွါသးစၢ်တဖၣ်ဖဲအသးအနံၣ်အလါအ ဂ့ၤကတၢၢ်အခါဒီးဒုးကွၢ်အမိၢ်တဖၣ်လၢတၢ်နးတၢ်ဖှီၣ်န့ၣ်လီၤ. သတူၢ်ကလာ်ယတီၢ်အဝဲသ့ၣ် လၢတၢ်ကိၢ်တၢ်ဂီၤဒီးတၢ်ပျံၤတၢ်ဖုးန့ၣ်လီၤ.

လံာ်ယံးရမံယၤ 17:3

ဒီးလၢကစၢၢ်တဖၣ်အဒီခိၣ်ဖဲကီၢ်အတၢ်လီၤပျီအပူၤန့ၣ်လီၤ. ယကမၢသုဒုၣ်သုဒါတဖၣ်စိာ်ကွံာ်သုတၢ်ထူးတၢ်တီၤဒီးသု တၢ်လုၢ်ဒိၣ်ပှ့ၤဒိၣ်တဖၣ်, လၢတၢ်ဒဲးဘးခဲလၢာ်လၢသုမၤတ့ၢ် သကုၤသုထံသုကီၢ်အဃိန့ၣ်လီၤ.

လံာ်ယံးရမံယၤ 20:5

ယကပျဲစ့ၢ်ကီးအဝဲသ့ၣ်အဒုၣ်အဒါတဖၣ်လၢကဂုာ်ဆူၣ်ပျီဆူၣ် ဝ့ၢ်အံၤအတၢ်ထူးတၢ်တီၤခဲလၢာ်ဒီးဟံးန့ၢ်ကွံာ်ကယဲၢ်အတၢ် စုလီၢ်ခီၣ်ခိၣ်ဒီးအတၢ်ဖိတၢ်လံၤခဲလၢာ်တုၤဒၣ်လဲာ်လၢကီၢ်ယူဒၤ အစီၤပၤတဖၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးစိာ်ကွံာ်တၢ်ခဲလၢာ်န့ၣ် ဆူကီၢ်ဘၤဘူၤလိၣ်လီၤ.

လံာ်ယဃ့းစက့လး 38:13

ပှၤဂီၢ်မုၢ်လၢကီၢ်ၡဘၤဒီးကီၢ်ဒံဒၣ်, ဒီးပှၤကူၣ်တၢ်ကၤတၢ်တ ဖၣ်လၢကီၢ်စပၤနံအဝ့ၢ်တဖၣ်ကသံကွၢ်နၤ, မ့ၢ်နကရၢကရိထီၣ်နသုး မုၢ်ဒီးဒုးလံတၢ်လၢနကဂုာ်ဆူၣ်ပျိဆူၣ်ဒီးဂုာ်န့ၢ်တၢ်အဂီၢ်လံဧါ. မ့ၢ်နတိာ်ပာ်လၢနကမၤန့ၢ်စ့ဒီးထူ, ဆၣ်ဖိကီၢ်ဖိအဒၢဒီးတၢ် စုလီၢ်ခီၣ်ခိၣ်, ဒီးဟးထီၣ်ကွံာ်ဃုာ်ဒီးတၢ်လၢအဘၣ် တၢ်ဂုာ်ဆူၣ်ပျိဆူၣ်န့ၢ်အီၤတဖၣ်လံန့ၣ်ဧါ.”

လံာ်စဖါနယၤ 1:13

အတၢ်ဖိတၢ်လံၤဒီးအဟံၣ်အဃီသ့ၣ်တဖၣ်ကဘၣ်တၢ်ဂုာ်ဆူၣ်ပျီဆူၣ် ဒီးမၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်ဘၣ်လၢၤလၢဟံၣ်လၢအသူၣ်ထီၣ်ဝဲမ့ၢ်ဂ့ၤ, တအီဘၣ် လၢၤစပံးထံလၢစပံးမုၢ်လၢအသူၣ်လီၤဝဲသ့ၣ်တဖၣ်မ့ၢ်ဂ့ၤနီတဘျီဘၣ်.”