လံာ်ယံးရမံယၤ 15:11 - Sgaw Karen Common Bible

¹¹ ယွၤဧၢ, ယမ့ၢ်တမၤတ့ၢ်နတၢ်မၤဂ့ၤဂ့ၤဘၣ်ဘၣ်, ယမ့ၢ်တဃ့ သကွံာ်ကညးတ့ၢ်နၤလၢယဒုၣ်ယဒါတဖၣ်အခၢၣ်စးဖဲအဝဲသ့ၣ် အိၣ်လၢတၢ်ကီတၢ်ခဲဒီးတၢ်ဘၣ်ကိၢ်ဘၣ်ဂီၤအကတီၢ်ဘၣ်န့ၣ်ဘၣ်ဒီး, မ်အဝဲသ့ၣ်အတၢ်ဆိၣ်အၢခဲလၢာ်ကလၢထီၣ်ပှဲၤထီၣ်ဒၣ်ဝဲတက့ၢ်.

လံာ်ယံးရမံယၤ 15:11 Iomraidhean Croise

စံးထီၣ်ပတြၢၤ 106:46

အဝဲထိးဘၣ်ပှၤမၤနးမၤဖှီၣ် အဝဲသ့ၣ်တဖၣ်အသး ဒ်သိးကသးကညီၤက့ၤအဝဲသ့ၣ်န့ၣ်လီၤ.

စံးထီၣ်ပတြၢၤ 138:3

မုၢ်တနံၤလၢယကိးထီၣ်နၤန့ၣ်နစံးဆၢယၤ, ဒီးနဒုးဆူၣ်ထီၣ်ယဂံၢ်ယဘါလၢ ယသးကံၢ်ပူၤလီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယံးရမံယၤ 21:2

“ဝံသးစူၤကတိၤတၢ်ဒီးယွၤလၢပဂီၢ်တက့ၢ်. အဂ့ၢ်ဒ်အံၤ, ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအဝဲအသုးမုၢ် ကဝီၤဃာ်ဝ့ၢ်လံ. ဘၣ်တဘၣ်ယွၤကမၤတၢ်လီၤလးအါမံၤ အကျါတမံၤလၢပဂီၢ်ဒီးမၢဆူၣ်စီၤနဘူၤကးန့စၢ်လၢအဂုၤ က့ၤဆူအလီၢ်ခံန့ၣ်လီၤ.”

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 38:14

လၢတၢ်မၤအသးအဂၤတဘျီန့ၣ်, စီၤပၤစံးဒကံယၤ မၢပှၤလဲၤကိးယၤလၢ ယကလဲၤဆူ အအိၣ်ဖဲကျဲစၢၤ လဲၤနုာ်ဆူ ယွၤအတၢ်လုၢ်ဟံၣ်အပူၤသၢပူၤတပူၤ, ဒီးအဝဲဒၣ်စံးဝဲ, “ယကသံကွၢ်နၤတၢ်သံကွၢ် တမံၤလီၤ. ဒီးယအဲၣ်ဒိးလၢနကတဲဘၣ်ယၤ တၢ်မ့ၢ်တၢ်တီလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 42:2

ဒီးစံးဘၣ်ယၤ, “ဝံသးစူၤမၤတၢ်လၢ ပမၢနၤန့ၣ်တက့ၢ်. ဃ့ထုကဖၣ်တၢ်လၢ ပဂီၢ်ဆူယွၤပကစၢ်အအိၣ်တက့ၢ်. ဃ့ထုကဖၣ်တၢ်လၢ ပဝဲလၢ အအိၣ်လီၤတဲာ်ခဲလၢာ်အဂီၢ်တက့ၢ်. တဘျီန့ၣ် ပအိၣ်အါဂၤလီၤ. ဒ်နထံၣ်နဲသ့အသိး, ခဲအံၤပအိၣ်လီၤတဲာ်ဒၣ်ထဲစှၤဂၤလီၤ.