လံာ်ယံးရမံယၤ 14:7 - Sgaw Karen Common Bible

⁷ ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယံးရမံယၤ 14:7 Iomraidhean Croise

လံာ်စီၤဧ့စြၤ 9:15

ယွၤ, အံၣ်စရ့လးအကစၢ်ယွၤဧၢ, နတီဝဲလိၤဝဲ, ဘၣ်ဆၣ်နပျဲအိၣ်မူဒံးပှၤလီၤ. ပအၢၣ်လီၤပတၢ်ကမၣ်လၢနၤ, ပဟဲဆူနခီၣ်ထံးမဲာ်ညါန့ၣ်ပတၢ်ကြၢးဝဲဘၣ်ဝဲတအိၣ်နီတမံၤ ဘၣ်.”

စံးထီၣ်ပတြၢၤ 115:1

ထဲဒၣ်နၤတဂၤဧိၤ, ယွၤဧၢ, ထဲဒၣ်နၤတဂၤဧိၤ မ်တၢ်ဟ့ၣ်နၤလၢတၢ်လၤကပီၤ ဒီးတမ့ၢ်ဘၣ်ဆူပှၤဘၣ်. အဂ့ၢ်ဒ်အံၤ, မ့ၢ်လၢနတၢ်အဲၣ်ဂၢၢ်ကျၢၤ ဒီးနတၢ်သူၣ်တီသးလိၤအဃိန့ၣ်လီၤ.

စံးထီၣ်ပတြၢၤ 25:11

ဟံးဃာ်နတၢ်အၢၣ်လီၤ, ယွၤဧၢ, ဒီးပျၢ်လၢ်ဘၣ်ယတၢ်ဒဲးဘးတဖၣ်န့ၣ်တက့ၢ်. ယအိၣ်ဒီးတၢ်ဒဲးဘးအါမးလီၤ.

စံးထီၣ်ပတြၢၤ 79:9

တၢ်အုၣ်က့ၤခီၣ်က့ၤပှၤကစၢ်ယွၤဧၢ, မၤစၢၤပှၤ, လၢနမံၤအလၤကပီၤအဃိန့ၣ်တက့ၢ်. မၤပူၤမၤဖျဲးပှၤဒီးပျၢ်လၢ်ကွံာ်ပတၢ်ဒဲးဘး တဖၣ်န့ၣ်တက့ၢ်.

လံာ်ယၡါယၤ 48:11

တၢ်လၢယမၤအီၤန့ၣ်, ယမၤတ့ၢ်အီၤလၢယကစၢ်ဒၣ်ယဲအဃိလီၤ. ယတပျဲယမံၤအလၤကပီၤဟးဂီၤမ့ၢ်ဂ့ၤပှၤအဂၤတဂၤဂၤနီၤဟံးန့ၢ် တၢ်လၤကပီၤအဝဲန့ၣ်မ့ၢ်ဂ့ၤဘၣ်. အဝဲန့ၣ်ကြၢးမ့ၢ်ဒၣ်ယတၢ်, ထဲယၤတဂၤဧိၤအတၢ်န့ၣ်လီၤ.”

လံာ်ယၡါယၤ 59:12

ယွၤဧၢ, ပတၢ်ကမၣ်ထီဒါနၤတဖၣ်အိၣ်ဝဲအါအါဂီၢ်ဂီၢ်လီၤ. ပတၢ်ဒဲးဘးတဖၣ်အုၣ်အသးထီဒါပှၤလီၤ. တၢ်သ့ၣ်တဖၣ်အံၤခဲလၢာ်ပသ့ၣ်ညါဂ့ၤဂ့ၤဘၣ်ဘၣ်လီၤ.

လံာ်ယံးရမံယၤ 10:19

ဝ့ၢ်ယရူၤၡလ့ၣ်အပှၤဂီၢ်မုၢ်ကိးထီၣ်ဝဲ, “ပဘၣ်ဒိဘၣ်ထံးဆါနးမးလဲၣ်. ပပူၤလီၢ်တဖၣ်တဘျါဘၣ်. ဒီးပဆိကမိၣ်လၢတၢ်အံၤမ့ၢ်တၢ်တမံၤလၢပတူၢ်အီၤ ကဘၣ်သ့ကစီဒီန့ၣ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 5:25

အခိၣ်တလိာ်, သုတၢ်ဒဲးဘးတဖၣ်တြီကွံာ်ပာ်ကွံာ်တၢ်အဂ့ၤ တဖၣ်အံၤလၢသုလီၤ.

လံာ်ယံးရမံယၤ 5:6

လၢတၢ်န့ၣ်အဃိ, ခ့ယုၢ်တဖၣ်လၢသ့ၣ်ဒိၣ်ပှၢ် ထီၣ်အပူၤကမၤသံကွံာ်အဝဲသ့ၣ်, ထွံၣ်မံၤတဖၣ်လၢမဲးမုၢ်ခိၣ်ကအ့ၣ်ဖှီအဝဲသ့ၣ်ဆူ အက့အခီ, ဒီးခ့စံၣ်ပိၣ်တဖၣ်ကဟးဝ့ၤဝီၤကစုဒုသကုၤအဝဲသ့ၣ် အဝ့ၢ်တဖၣ်အပူၤန့ၣ်လီၤ. ပှၤဂီၢ်မုၢ်တဖၣ်အံၤမ့ၢ်ဟးထီၣ်ဒီး, အဝဲသ့ၣ်ကဘၣ် တၢ်အ့ၣ်ဖှီလီၤကလဲအီၤ မ့ၢ်လၢအတၢ်ဒဲးဘးတဖၣ်အိၣ်အါအါဂီၢ်ဂီၢ် ဒီးတဘျီဝံၤတဘျီ, အဝဲသ့ၣ်ဃၣ်ကွံာ်တ့ၢ်အသးလၢကစၢ်ယွၤအအိၣ်အဃိန့ၣ်လီၤ.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်ယံးရမံယၤ 8:5

မ့မ့ၢ်ဒ်န့ၣ်ဒီးယပှၤဂီၢ်မုၢ်သ့ၣ်ဧၢ, ဘၣ်မနုၤအဃိသုဃၣ်ကွံာ် သုသးလၢယၤတအိၣ်ဒီးတၢ်ဃၣ်ကဒါ က့ၤသုသးဆူယအိၣ်နီတစုဘၣ်န့ၣ်လဲၣ်. သုဟံးဃာ်ဖီၣ်ဃာ်သုတၢ် ဂီၤတၢ်ဖီၣ်တဖၣ်ဒီးသုဂ့ၢ်လိာ်လၢသုကဟဲက့ၤကဒါက့ၤဆူ ယအိၣ်န့ၣ်လီၤ.

လံာ်ယဃ့းစက့လး 20:14

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤ, တၢ်န့ၣ်ကဟဲစိာ်ဃီၤတၢ်မၤဘၣ်ဒိယမံၤအလၤကပီၤလၢပှၤကလုာ် တဖၣ်အကျါ, ပှၤတဖၣ်လၢအထံၣ်ဘၣ်တ့ၢ်ယဒုးဟးထီၣ်ကွံာ် အံၣ်စရ့လးန့ၣ်လီၤ.

လံာ်ယဃ့းစက့လး 20:22

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိ ယမံၤအလၤကပီၤလၢပှၤကလုာ်တဖၣ်အကျါ, ပှၤတဖၣ်လၢအထံၣ်တ့ၢ်ယထုးထီၣ်ကွံာ်အံၣ်စရ့လးလၢကီၢ်အဲၤကူပတူး အပူၤန့ၣ်လီၤ.

လံာ်ယဃ့းစက့လး 20:9

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိယမံၤအလၤကပီၤ, မ့ၢ်လၢ, လၢပှၤဂီၢ်မုၢ်လၢအဝဲသ့ၣ်အိၣ်ဝဲဆိးဝဲအကျါ, အမဲာ်ညါန့ၣ်ယဘိးဘၣ်သ့ၣ်ညါတ့ၢ်အံၣ်စရ့လးလၢ, ယကဒုးဟးထီၣ်အဝဲသ့ၣ်လၢကီၢ်အဲၤကူပတူးအပူၤအဃိန့ၣ်လီၤ.

လံာ်ဟိၤၡ့ 5:5

ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီသးန့ၣ်ကိးသတြီ ထီၣ်ထီဒါက့ၤအဝဲသ့ၣ်တဖၣ်န့ၣ်လီၤ. အဝဲသ့ၣ်, အတၢ်ဒဲးဘးတဖၣ်မၤဘၣ်တိၢ်ဘၣ်ထံးအခီၣ်ဒီးဒုးလီၤဃံၤ အဝဲသ့ၣ်ဒီးကီၢ်ယူဒၤအပှၤဂီၢ်မုၢ်တဖၣ်စ့ၢ်ကီးလီၤဃံၤဃုာ်ဒီး အဝဲသ့ၣ်န့ၣ်လီၤ.

လံာ်ဟိၤၡ့ 7:10

ကီၢ်အံၣ်စရ့လးအပှၤဂီၢ်မုၢ်အတၢ်ပာ်ကဖၢလၢသးန့ၣ်ကိးသတြီ ထီၣ်ထီဒါက့ၤအဝဲသ့ၣ်လီၤ. လၢတၢ်မၤအသးခဲလၢာ်တဖၣ်အဃိဒၣ် လဲာ်န့ၣ်, အဝဲသ့ၣ်တဟဲက့ၤကဒါက့ၤဆူယၤ, ယွၤ, အဝဲသ့ၣ်အကစၢ်ယွၤအအိၣ်န့ၣ်ဘၣ်.

လံာ်ဧၤမိၣ် 7:2

လၢယတၢ်ထံၣ်လၢညါခီအပူၤယထံၣ်တ့ၢ်ဒွဲၣ်တဖၣ်အီၣ်လၢာ်ကွံာ်ကယဲၢ် တၢ်အသံကစဲာ်ကိးမံၤဒဲးလၢကီၢ်ပူၤန့ၣ်လီၤ. တုၤနုၤတစုယစံး, တၢ်စိတၢ်ကမီၤခဲလၢာ်အယွၤဧၢ, ပျၢ်နပှၤဂီၢ်မုၢ်အတၢ်ကမၣ်တက့ၢ်. အဝဲသ့ၣ်မူဒံးဝဲကသ့ဒ်လဲၣ်. အဝဲသ့ၣ်မ့ၢ်ပှၤအဆံးဒီးအဂံၢ်စၢ်ဘါစၢ်ဒိၣ်မးလီၤ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

အ့းဖ့းစူး 1:12

လၢတၢ်န့ၣ်အဃိ, ပဝဲလၢအမ့ၢ်ပှၤအဆိကတၢၢ်လၢ အမုၢ်လၢ်တၢ်လၢခရံာ်အပူၤတဖၣ်န့ၣ်, မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

လံာ်သိၣ်လီၤသီလီၤတၢ် 32:27

ဘၣ်ဆၣ်ယတပျဲဘၣ်အဝဲသ့ၣ်အဒုၣ်အဒါတဖၣ်ကကတိၤဒိၣ်ကတိၤသွါလီၤ အသးလၢအဝဲသ့ၣ်မၤနၢၤကွံာ်ယပှၤဂီၢ်မုၢ်အဃိ, ဖဲတၢ်န့ၣ်မ့ၢ်ဒၣ်ယကစၢ်ဒၣ်ယဲလၢအမၤလီၤကလဲကွံာ်အဝဲသ့ၣ်တခီလီၤ, အဃိန့ၣ်ဘၣ်.

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”