လံာ်ယံးရမံယၤ 14:22 - Sgaw Karen Common Bible

²² ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 14:22 Iomraidhean Croise

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 17:14

အဂ့ၢ်ဒ်အံၤ, တၢ်အံၤမ့ၢ်တၢ်လၢယွၤကီၢ်အံၣ်စရ့လးအကစၢ်ယွၤ စံးဝဲန့ၣ်လီၤ. တချုးဒံးလၢမုၢ်တနံၤလၢယၤ, ယွၤ, မၢလီၤတၢ်ဟဲစူၤဒံးဘၣ်န့ၣ်, နလီခီအပူၤကိၣ်ကမူၣ်တလၢာ်မ့ၢ်ဂ့ၤ, နကိအပူၤသိတလၢာ်မ့ၢ်ဂ့ၤန့ၣ်ဘၣ်.”

လံာ်စီၤပၤအခီၣ်ထံးတဘ့ၣ် 18:1

တယံာ်ဘၣ်ဝံၤအလီၢ်ခံ, လၢတၢ်ယီၤဃ့သၢနံၣ်တနံၣ်အပူၤန့ၣ်ယွၤ စံးဘၣ်စီၤအ့ၤလံယၤ, “လဲၤဒီးဒုးနဲၣ်နသးလၢစီၤပၤအၤဃာ်, ဒီးယကဒုးဟဲစူၤလီၤတၢ်လီၤ.”

လံာ်စီၤပၤအခီၣ်ထံးတဘ့ၣ် 8:36

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်စီၤပၤဒီးကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် ဒီးသိၣ်လိအဝဲသ့ၣ်လၢကမၤတၢ်လၢအဘၣ်န့ၣ်တက့ၢ်. အန့ၣ်ဒီးယွၤဧၢ, ဒုးစူၤလီၤတၢ်လၢနကီၢ်အံၤအဖီခိၣ်, ကီၢ်လၢနဟ့ၣ်တ့ၢ်နပှၤဂီၢ်မုၢ်ဒ်အတၢ်န့ၢ်သါအဂၢၢ်အကျၢၤအသိးန့ၣ် တက့ၢ်.

လံာ်စီၤယိၤဘး 28:26

တုၤအပာ်တၢ်မၤလိာ်လၢတၢ်ဟဲစူၤအဂီၢ်, ဒီးကျဲလၢလီဝၢ် ဒံးအဂီၢ်ဒီး,

လံာ်စီၤယိၤဘး 5:10

ကစၢ်ယွၤဒုးဟဲစူၤလီၤတၢ်လၢဟီၣ်ခိၣ်ချၢဒီးဒုးဘၣ်စီၣ်ပျီ တဖၣ်န့ၣ်လီၤ.

စံးထီၣ်ပတြၢၤ 130:5

ယခိးကွၢ်လၢ်ယွၤအတၢ်မၤစၢၤလၢ တၢ်သူၣ်ဆူၣ်သးဂဲၤ ဒီးယနာ်တၢ်လၢအကလုၢ်ကထါအပူၤန့ၣ်လီၤ.

စံးထီၣ်ပတြၢၤ 135:7

အဝဲဒၣ်န့ၣ်ဒုးဟဲထီၣ်တၢ်စူၤအတၢ်အၢၣ်လၢဟီၣ်ခိၣ်အကတၢၢ်, ဒီးတ့လီၤလီဝၢ်အဒံးလၢ ကလံၤမုၢ်အဂီၢ်, ဒီးဒုးဟဲထီၣ်ကလံၤလၢ အတၢ်ပာ်ဖှိၣ်အလီၢ်န့ၣ်လီၤ.

စံးထီၣ်ပတြၢၤ 147:8

အဝဲဒၣ်မၤဘၢမူခိၣ်လၢတၢ်အၢၣ်, ကတဲာ်ကတီၤတၢ်စူၤလၢဟီၣ်ခိၣ်အဂီၢ်, ဒီးဒုးမဲထီၣ်နီၣ်ဧိၤမံၤဧိၤလၢ ကစၢၢ်ကလိအလိၤန့ၣ်လီၤ.

စံးထီၣ်ပတြၢၤ 25:21

မ်ယတၢ်ဂ့ၤတၢ်ဝါဒီးယတၢ်သူၣ်တီသးလိၤ ပာ်မူယၤတက့ၢ်. အဂ့ၢ်ဒ်အံၤ, ယနာ်နၤလီၤ.

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယံးရမံယၤ 10:12

ယွၤတ့လီၤဟီၣ်ခိၣ်လၢအစိကမီၤဒၣ်ဝဲ, ဒီးလၢအတၢ်ကူၣ်သ့န့ၣ် တ့လီၤပာ်လီၤဟီၣ်ခိၣ်ဒီးသလၣ်လီၤမူခိၣ်အလီၢ်တဖၣ်လီၤ.

လံာ်ယံးရမံယၤ 10:13

တုၤအဝဲဟ့ၣ်လီၤအကလုၢ်ဒီးထံတဖၣ်လၢမူကပိာ်လိၤအဖီခိၣ် သီၣ်ထီၣ်ရုၢ်ရုၢ်န့ၣ်လီၤ. အဝဲဟဲစိာ်တၢ်အၢၣ်တဖၣ်လၢဟီၣ်ခိၣ်အကတၢၢ်လီၤ. အဝဲတ့လီဝၢ်ဒံးဃုာ်ဒီးတၢ်စူၤဒီးဆှၢထီၣ်ကလံၤ လၢအတၢ်ပာ်ဖှိၣ်အလီၢ်လီၤ.

လံာ်ယံးရမံယၤ 10:15

အဝဲသ့ၣ်အလုၢ်အပှ့ၤတအိၣ်ဘၣ်ဒီးကြၢးဘၣ် တၢ်သးဘၣ်အၢအီၤလီၤ. ဖဲကစၢ်ဟဲလၢကသဂၢၢ်လိာ်အသးဒီးအဝဲသ့ၣ်န့ၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ယံးရမံယၤ 10:3

ပှၤဂီၢ်မုၢ်တဖၣ်အံၤအတၢ်ဘူၣ်တၢ်ဘါန့ၣ်အလုၢ်အပှ့ၤတအိၣ်ဘၣ်. သ့ၣ်တထူၣ်ဘၣ်တၢ်ကူာ်လီၤအီၤလၢသ့ၣ်ပှၢ်အပူၤ, ဒီးသ့ၣ်န့ၣ်ဘၣ်တၢ်စိးပျၤအီၤလၢပှၤစိးပျၤသ့ၣ် အတၢ်ပီးတၢ်လီတဖၣ်,

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယံးရမံယၤ 5:12

ယွၤအပှၤဂီၢ်မုၢ်သမၢကွံာ်အီၤဒီးစံးဝဲ, “ပတအဲၣ်ဒိးမၤဘၣ် ဃးပသးဒီးအီၤလၢတၢ်နီတမံၤဘၣ်. တမ့ၢ်ပကအိၣ်ဒီးတၢ်ကီတၢ်ခဲအဆၢကတီၢ်ဘၣ်. တမ့ၢ်ပက အိၣ်ဒီးတၢ်ဒုးတၢ်ယၤဒီးတၢ်သၣ်ဝံၤလီၤဒိအကတီၢ်န့ၣ်ဘၣ်.”

လံာ်ယံးရမံယၤ 5:24

ယဆှၢလီၤန့ၢ်သုတၢ်စူၤထံလၢတၢ်သူၣ် လီၤတၢ်ဒီးတၢ်မဲထီၣ်သၣ်ထီၣ်အကတီၢ်အဂီၢ်, ဒီးဟ့ၣ်သုတၢ်ကူး က့ၤတၢ်အကတီၢ်တနံၣ်ဘၣ်တနံၣ်ဒၣ်လဲာ်န့ၣ်, သုတဆိကမိၣ်လၢသုကယူးယီၣ်ယၤန့ၣ်ဘၣ်.

လံာ်ယံးရမံယၤ 51:16

ဖဲအဝဲထုထီၣ်အကလုၢ်န့ၣ်, ထံတဖၣ်လၢ မူကပိာ်လိၤ အဖီခိၣ်သီၣ်ထီၣ်ဝဲရုၢ်ရုၢ်လီၤ. အဝဲဟဲစိာ်တၢ်အၢၣ်တဖၣ်လၢ ဟီၣ်ခိၣ်အကတၢၢ်လီၤ. အဝဲဒုးအိၣ်ထီၣ်လီၤဝၢ်ဒံးလၢ တၢ်စူၤအပူၤ ဒီးဆှၢထီၣ်ကလံၤလၢ အတၢ်ပာ်ဖှိၣ်အလီၢ်န့ၣ်လီၤ.

လံာ်ဟိၤၡ့ 2:7

အဝဲကဃ့ၢ်လူၤပိာ်ပှၤလၢအအဲၣ်ဝဲသ့ၣ်တဖၣ်အခံ, ဘၣ်ဆၣ်တချုးန့ၢ်ဝဲဘၣ်. ကဃုအဝဲသ့ၣ်တဖၣ်, ဘၣ်ဆၣ်တထံၣ်န့ၢ်ဘၣ်ဝဲဘၣ်. အန့ၣ်ဒီးအဝဲကစံးဝဲ, ယကက့ၤကဒါက့ၤဆူယဝၤအခီၣ်ထံးတဂၤအအိၣ်လီၤ. အဂ့ၢ်ဒ်အံၤ, အကတီၢ်ဖဲန့ၣ်ဂ့ၤန့ၢ်ဒံးအကတီၢ်ခဲအံၤလၢယဂီၢ်န့ၣ်လီၤ.

လံာ်ယိၤအ့လး 2:23

စံယိၣ်အပှၤဂီၢ်မုၢ်ဧၢ, သူၣ်ခုသးခုတက့ၢ်. သူၣ်ဖှံသးညီလၢယွၤ, သုကစၢ်ယွၤမၤတ့ၢ်တၢ်လၢသုဂီၢ်အဃိန့ၣ်တက့ၢ်. အဂ့ၢ်ဒ်အံၤ, အဝဲဒၣ်ဟ့ၣ်လီၤသုလၢတၢ်စူၤအထံလၢအကြၢးဝဲဘၣ်ဝဲ ဒီးဒုးစူၤလီၤန့ၢ်သုတၢ်စူၤထံအါအါကလဲာ်, တၢ်စူၤထံလၢအဆိဒီးလၢခံ, ဒ်လၢညါအသိးန့ၣ်လီၤ.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်မံကၤ 5:6

အဝဲသ့ၣ်ကမၤနၢၤကွံာ်ကီၢ်အၤၡူၢ် လၢအမ့ၢ်စီၤနံးမရိးအကီၢ်ခီဖျိတၢ်စုကဝဲၤအဂံၢ်အဘါ ဒီးကမၤပူၤဖျဲးပှၤလၢပှၤအၤၡူၢ်ဖိတဖၣ်အစုပူၤဖဲ အဟဲနုာ်ဒုးပကီၢ်အခါန့ၣ်လီၤ.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

လံာ်သိၣ်လီၤသီလီၤတၢ် 28:12

အဝဲကဒုးစူၤလီၤတၢ်လၢအဆၢကတီၢ်ဒၣ်ဝဲအပူၤ, လၢအတၢ်ပာ်ဖှိၣ်အဟံၣ်အထူးအတီၤလၢအအိၣ်ဝဲလၢမူကပိာ်လိၤန့ၣ်, ဒီးဆိၣ်ဂ့ၤသုတၢ်မၤခဲလၢာ်တုၤဒၣ်လဲာ်, သုကဒုးလိၢ်ဘၣ်တၢ်ဆူပှၤအါကလုာ်, ဘၣ်ဆၣ်သုလိၢ်န့ၢ်တၢ်လၢအဝဲ သ့ၣ်တကလုာ်ဂ့ၤတကလုာ်ဂ့ၤအအိၣ်, အလီၢ်တအိၣ်ဘၣ်န့ၣ်လီၤ.

လံာ်သိၣ်လီၤသီလီၤတၢ် 32:21

အဝဲသ့ၣ်မၤသးဒိၣ်ထီၣ်ယၤဒီးအတၢ်ဂီၤတၢ်ဖီၣ်တဖၣ်လၢအဘှီဝဲ, မၤသးက့ၣ်ယၤလၢကစၢ်ဒ်န့ၣ်အသိးတဖၣ်, ကစၢ်တဖၣ်လၢတမ့ၢ်ဘၣ်ကစၢ်အမ့ၢ်အတီတဖၣ်ဘၣ်န့ၣ်လီၤ. လၢတၢ်န့ၣ်အဃိ, ယကသူပှၤဒ်န့ၣ်အသိးတကလုာ်လၢကမၤသးဒိၣ်ထီၣ် အဝဲသ့ၣ်, ယကဒုးသးက့ၣ်အဝဲသ့ၣ်လၢပှၤကလုာ်လၢအမ့ၢ်ပှၤဟးဂီၤဖိတဖၣ်န့ၣ်လီၤ.