လံာ်ယံးရမံယၤ 14:19 - Sgaw Karen Common Bible

¹⁹ ယွၤဧၢ, မ့ၢ်နညိကွံာ်ကီၢ်ယူဒၤလၢာ်လၢာ်ဆ့ဆ့လံဧါ. မ့ၢ်နသးဟ့ဝ့ၢ်စံယိၣ်အပှၤဂီၢ်မုၢ်လံဧါ. ဘၣ်မနုၤအဃိနမၤဘၣ်ဒိဘၣ်ထံးပှၤအၢအၢသီသီ တုၤဒၣ်လဲာ် တၢ်မၤဘျါက့ၤပှၤတသ့န့ၣ်လဲၣ်. ပကွၢ်လၢ်တၢ်ဃူတၢ်ဖိး, ဘၣ်ဆၣ်တၢ်အဂ့ၤတမၤအသးနီတမံၤဘၣ်. ပမုၢ်လၢ်တၢ်မၤဘျါက့ၤ, ဘၣ်ဆၣ်တၢ်မၤပျံၤမၤဖုးဟဲလၢအလီၢ်န့ၣ်လီၤ.

လံာ်ယံးရမံယၤ 14:19 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်စီၤယိၤဘး 30:26

တုၤယကွၢ်လၢ်တၢ်ဂ့ၤအကျဲဒီးတၢ်အၢဟဲဘၣ်ယၤဒီးတုၤယမုၢ် လၢ်တၢ်ကပီၤဒီးတၢ်ခံးန့ၢ်ယၤလီၤ.

စံးထီၣ်ပတြၢၤ 78:59

ကစၢ်ယွၤအသးထီၣ်ဝဲဖဲအထံၣ်တၢ်အံၤန့ၣ်လီၤ. လၢတၢ်န့ၣ်အဃိအဝဲပာ်တ့ၢ်ကွံာ် အပှၤဂီၢ်မုၢ်လၢာ်လၢာ်ဆ့ဆ့န့ၣ်လီၤ.

စံးထီၣ်ပတြၢၤ 89:38

ဘၣ်ဆၣ်, ခဲအံၤနသးထီၣ်ဘၣ်ပှၤလၢနဖှူအီၤ, နလဲၤသဒၣ်ဒီးညိကွံာ်လံအီၤလံ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယံးရမံယၤ 12:7

ယွၤစံးဝဲဒၣ်, “ယပာ်လီၤတဲာ်ကွံာ်ပှၤအံၣ်စရ့လးဖိ, ယညိကွံာ်ပှၤတကလုာ်လၢယဃုထၢတ့ၢ်အီၤလံ. ယဟ့ၣ်လီၤကွံာ်ပှၤဂီၢ်မုၢ်လၢယအဲၣ်အီၤဆူ အဝဲသ့ၣ်အဒုၣ်အဒါတဖၣ်အစိကမီၤအပူၤလံ. ယပှၤဂီၢ်မုၢ်လၢယဃုထၢတ့ၢ်အီၤန့ၣ်, ဃၣ်ကွံာ်အသးထီဒါယၤလံ.

လံာ်ယံးရမံယၤ 12:8

ဒ်ခ့ယုၢ်တဒုလၢသ့ၣ်ပှၢ်ပူၤအသိးန့ၣ်အဝဲသ့ၣ်ကညီၤထီၣ်ထီဒါယၤ ဒီးလၢတၢ်န့ၣ်အဃိယသးဟ့အဝဲသ့ၣ်န့ၣ်လီၤ.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 15:18

ဘၣ်မနုၤအဃိယတူၢ်ဘၣ်ဒံးဒၣ်တၢ်နးတၢ်ဖှီၣ်န့ၣ်လဲၣ်. ဘၣ်မနုၤ အဃိတဘျါက့ၤဝဲန့ၣ်လဲၣ်. မ့ၢ်နပာ်လီၤနသးလၢနကမၤ သးဟးဂီၤယၤဒ်ထံကျိဖိတဘိလၢအလီၤသံးကွံာ်ဝဲလၢတၢ်ကိၢ်ခါ အသိးန့ၣ်ဧါ.”

လံာ်ယံးရမံယၤ 30:12

ယွၤစံးဘၣ် အပှၤဂီၢ်မုၢ်, “သုပူၤလီၢ်ပူၤကျဲတဖၣ် တၢ်မၤဘျါအီၤတန့ၢ်ဘၣ်, သုတၢ်ဘၣ်ဒိဘၣ်ထံးတဖၣ် တၢ်မၤဘျါအီၤတသ့ဘၣ်.

လံာ်ယံးရမံယၤ 30:13

ပှၤကကွၢ်သုတအိၣ်နီတဂၤဘၣ်, ကသံၣ်ဖီၣ်တအိၣ်လၢ သုပူၤလီၢ်တဖၣ် အဂီၢ်ဘၣ်, သုကဘျါက့ၤအဂီၢ်တၢ်မုၢ်လၢ်တအိၣ်ဘၣ်.

လံာ်ယံးရမံယၤ 51:5

ယၤ, ယွၤကစၢ်ယွၤသ့တၢ်လၢာ်အံၤ, တစူးကွံာ်ညိကွံာ်ကီၢ်အံၣ်စရ့လးဒီးကီၢ်ယူဒၤဘၣ်. အဝဲသ့ၣ်မ့ၢ်မၤတ့ၢ်တၢ်ဒဲးဘးထီဒါယၤ, အံၣ်စရ့လးအတၢ်စီဆှံတဂၤ, ဒၣ်လဲာ်န့ၣ်, ယတညိကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 6:30

အဝဲသ့ၣ်ကဘၣ်တၢ်ကိးအီၤလၢတၢ်ကမူၣ်ကမှီလၢအလုၢ်အပှ့ၤတအိၣ်, မ့ၢ်လၢယၤ, ယွၤအံၤ, ယညိကွံာ်လံအဝဲသ့ၣ်အဃိလီၤ.”

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်ယံးရမံယၤ 8:15

ပမုၢ်လၢ်တ့ၢ်တၢ်လၢတၢ်ဃူတၢ်ဖိးဒီးတၢ်မၤဘျါက့ၤအဆၢကတီၢ်အဂီၢ်လီၤ. ဘၣ်ဆၣ်ဒီးအဘျုးတအိၣ်ဘၣ်. အခိၣ်တလိာ်, တၢ်မၤပျံၤမၤဖုးဟဲဝဲတခီန့ၣ်လီၤ.

လံာ်ယံးရမံယၤ 8:22

လၢကီၢ်ကံးလဧးအပူၤန့ၣ်, မ့ၢ်ကသံၣ်ကသီတအိၣ်လၢၤနီတမံၤ ဘၣ်ဧါ. မ့ၢ်ကသံၣ်သရၣ်တဖၣ်တအိၣ်ဖဲန့ၣ်နီတဂၤဘၣ်ဧါ. မ့မ့ၢ်ဒ်န့ၣ်ဒီး, ဘၣ်မနုၤအဃိယပှၤဂီၢ်မုၢ်တဘၣ် တၢ်မၤဘျါက့ၤအီၤန့ၣ်လဲၣ်.

လံာ်သးသယုၢ်တၢ် 2:13

ဝ့ၢ်ယရူၤၡလ့ၣ်, ဝ့ၢ်ယရူၤၡလ့ၣ်လၢဘၣ်တၢ်အဲၣ်အီၤဧၢ, ယစံးတၢ်မနုၤကသ့လဲၣ်. ယမၤမုာ်ထီၣ်နၤကသ့ဒ်လဲၣ်. ပှၤတတူၢ်ဘၣ်တၢ်ဒ်သိးအံၤနီတဂၤဘၣ်. နတၢ်နးတၢ်ဖှီၣ်န့ၣ်အကတၢၢ်တအိၣ်ဘၣ်ဒ်ပီၣ်လဲၣ်ဖးဒိၣ်အသိးဒီး တၢ်မုၢ်လၢ်အိၣ်ထီၣ်တသ့ဘၣ်နီတမံၤဘၣ်.

လံာ်သးသယုၢ်တၢ် 2:22

နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်သးသယုၢ်တၢ် 4:17

ပကွၢ်တ့ၢ်တၢ်တုၤပကွၢ်ဆူညါတကဲလၢၤဘၣ်လၢတၢ်မၤစၢၤလၢအတဟဲ နီတစုအဂီၢ် ဒီးပအိၣ်ခိးတၢ်မၤစၢၤကဟဲလၢပှၤတကလုာ်လၢအတအိၣ်ဒီးတၢ်နီ တမံၤလၢကဟ့ၣ်တၢ်အဂီၢ်န့ၣ်လီၤ.

လံာ်သးသယုၢ်တၢ် 5:22

မ့တမ့ၢ်ဒီးမ့ၢ်နပာ်ကွံာ်ပှၤလီၤစိၤလီၤထီလံဧါ. နတၢ်သးဒိၣ်အဆၢအဖီတအိၣ်ဘၣ်ဧါ.

လံာ်မံကၤ 1:12

ပှၤဂီၢ်မုၢ်လၢဝ့ၢ်မၤရိးအပူၤန့ၣ်ကွၢ်လၢ်တၢ်မၤမုာ်မၤခုၣ်လၢတၢ်သူၣ် တတုၤလီၤသးတတုၤလီၤအပူၤလီၤ. အဂ့ၢ်ဒ်အံၤယွၤဟဲစိာ်တၢ်ဟးဂူာ်ဟးဂီၤဘူးဒီးဝ့ၢ်ယရူၤၡလ့ၣ် လီၤ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.