လံာ်ယံးရမံယၤ 14:15 - Sgaw Karen Common Bible

¹⁵ ယၤ, ယွၤအံၤ, တဲဘၣ်နၤတၢ်လၢယကမၤဘၣ်ဝံတဖၣ်န့ၣ်လၢ ယတမၢလီၤအီၤဘၣ်, ဘၣ်ဆၣ်အဝဲသ့ၣ်မ့ၢ်ပှၤကတိၤတၢ်လၢယမံၤ အပူၤ, ဒီးစံးဝဲလၢတၢ်ဒုးတၢ်ယၤဒီးတၢ်သၣ်ဝံၤ လီၤဒိတမၤဘၣ်ဒိထံကီၢ်အံၤဘၣ်န့ၣ်လီၤ. ယကမၤသံအဝဲသ့ၣ်လၢ တၢ်ဒုးတၢ်ယၤအပူၤဒီးခီဖျိတၢ်သၣ်ဝံၤလီၤဒိန့ၣ်လီၤ.

လံာ်ယံးရမံယၤ 14:15 Iomraidhean Croise

လံာ်စီၤပၤအခီၣ်ထံးတဘ့ၣ် 22:25

စီၤမံၤကါယၤစံးဆၢဝဲ, “နကထံၣ်သ့ၣ်ညါဘၣ်ဖဲနလဲၤနုာ်ဆူ ဒၢးလၢတၢ်လီၢ်ခံတနီၤလၢနကအိၣ်ခူသူၣ်အဂီၢ်န့ၣ်လီၤ.”

လံာ်ယံးရမံယၤ 20:6

မ့မ့ၢ်နဲဒၣ်စီၤပၣ်ၡဃူၢ်ဧၢ, နၤဒီးနဒူၣ်ဖိထၢဖိခဲလၢာ်ကဘၣ် တၢ်ဖီၣ်န့ၢ်စ့ၢ်ကီးအီၤဒီးစိာ်ကွံာ်အီၤဆူကီၢ်ဘၤဘူၤလိၣ် န့ၣ်လီၤ. ဖဲန့ၣ်, နကသံဒီးနကဘၣ်တၢ်ခူၣ်လီၤကွံာ်နၤဃုာ်ဒီး နတံၤသကိးခဲလၢာ်လၢနကတိၤလီန့ၢ်အတၢ်အါမးန့ၣ်လီၤ.”

လံာ်ယံးရမံယၤ 23:30

ယထီဒါဝံတဖၣ်န့ၣ်လၢအဟံးန့ၢ်တဂၤဒီးတဂၤအတၢ် ကတိၤဒီးဘိးဘၣ်သ့ၣ်ညါဝဲဒ်အမ့ၢ်ယတၢ်ကစီၣ်အသိးန့ၣ်လီၤ.

လံာ်ယံးရမံယၤ 27:15

ယွၤအကစၢ်ဒၣ်ဝဲ စံးတ့ၢ်လၢ, သါတမၢလီၤဘၣ်အဝဲသ့ၣ်န့ၣ်ဘၣ်. ဒီးမ့ၢ်ဒၣ်အဝဲသ့ၣ်လီန့ၢ် သုလၢသါမံၤအပူၤန့ၣ်လီၤ. လၢတၢ်န့ၣ်အဃိ, အဝဲကနီၣ်ထီၣ်ဟီထီၣ်ကွံာ်သု, ဒီးတၢ်ကမၤသံသုဝဲဒီး ဝံတဖၣ်လၢ အတဲဘၣ်သုတၢ်လီတၢ်ဝ့ၤတဖၣ်အံၤလီၤ.”

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 8:13

ဒ်ပှၤတဂၤပာ်ဖှိၣ်အတၢ်ကူးက့ၤအသိးန့ၣ်, ယသးအိၣ်ပာ်ဖှိၣ်က့ၤ ယပှၤဂီၢ်မုၢ်လီၤ. ဘၣ်ဆၣ်ဒီးအဝဲသ့ၣ်လီၤဂာ်ဒီးစပံးမုၢ်တမုၢ်လၢ စပံးသၣ်တအိၣ်ဘၣ်အသိး, ချၢၣ်ဒၢတထူၣ်လၢချၢၣ်ဒၢသၣ်တအိၣ် ဘၣ်အသိး, ဒီးအသၣ်တဖၣ်ဒၣ်လဲာ်ဃ့ထီကွံာ်ဝဲလံန့ၣ်လီၤ. လၢတၢ်န့ၣ်အဃိ, ယပျဲတ့ၢ်ပှၤလၢတၢ်ချၢတဖၣ်ကဟံးန့ၢ်ကွံာ် ထံကီၢ်လီၤ.

လံာ်သးသယုၢ်တၢ် 1:19

ယကိးထီၣ်တ့ၢ်ယဒီသိၣ်ဒီမှံၤတဖၣ်, ဘၣ်ဆၣ်ဒီးဂ့ၢ်လိာ်တ့ၢ်ဝဲ လၢကမၤစၢၤယၤအဂီၢ်လီၤ. ပှၤလုၢ်တၢ်အခိၣ်တဖၣ်ဒီးပှၤခိၣ်ပှၤနၢ်တဖၣ်သံဝဲလၢဝ့ၢ်အကျဲ တဖၣ်အပူၤ, ဖဲအဟးဃုတၢ်အီၣ်တၢ်အီလၢကဒုးမူဒံးအဝဲသ့ၣ်အဂီၢ်န့ၣ်လီၤ.

လံာ်သးသယုၢ်တၢ် 2:20

ယွၤဧၢ, ဘၣ်မနုၤနစံၣ်ညီၣ်ပှၤဒ်သိးအံၤလဲၣ်, ကွၢ်ဆိကမိၣ်တၢ်တက့ၢ်. ပိာ်မုၣ်တဖၣ်အီၣ်က့ၤအဖိဆံးတဖၣ်လၢအအဲၣ်ဝဲအဖံးအညၣ်အနီၢ်ခိ ကသ့ဒ်လဲၣ်. ပှၤလုၢ်တၢ်အခိၣ်တဖၣ်ဒီးဝံတဖၣ်ဘၣ်တၢ်မၤသံအီၤလၢတၢ်လုၢ်ဟံၣ် ဒၣ်ဝဲအပူၤကကြၢးဝဲဒ်လဲၣ်.

လံာ်ယဃ့းစက့လး 13:14

ယတိာ်ပာ်ယသးလၢယကမၤလီၤပှီၢ်တၢ်ဒူၣ်လၢအဝဲသ့ၣ်ဖှူဝဲလၢထူၣ် ဝါန့ၣ်, ယကမၤလီၤကလဲကွံာ်အီၤ, ဒီးယကပာ်လ့ၤကဒိတၢ်အခီၣ်ထံးအလၢၢ်တဖၣ်န့ၣ်လီၤ. တၢ်ဒူၣ်န့ၣ်ကလီၤပှီၢ်ဝဲဒီးမၤသံသုခဲလၢာ်လီၤ. အန့ၣ်ဒီး, ပှၤကိးဂၤဒဲးကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 13:15

တၢ်ဒူၣ်ဒီးပှၤတဖၣ်လၢအဖှူဘၢအီၤလၢထူၣ်ဝါန့ၣ်, ကကလၢၢ်ဘၣ်ယတၢ်သးထီၣ်အသဟီၣ်န့ၣ်လီၤ. ဝံၤဒီးယကတဲဘၣ်သုလၢတၢ်ဒူၣ်န့ၣ်တအိၣ်လၢၤဘၣ်. ဒီးဒ်န့ၣ်အသိး, ပှၤတဖၣ်လၢအဖှူဝါအီၤ,

လံာ်ယဃ့းစက့လး 13:9

ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

လံာ်ယဃ့းစက့လး 14:10

ဝံန့ၣ်ဒီးပှၤတဂၤလၢအဟဲဃ့တၢ်ဟ့ၣ်ကူၣ်ဟ့ၣ်ဖးလၢအီၤ, ခံဂၤလၢာ်ကဒိးန့ၢ်ဘၣ်တၢ်စံၣ်ညီၣ်တမံၤဃီန့ၣ်လီၤ.

လံာ်ယဃ့းစက့လး 14:9

ဝံတဂၤမ့ၢ်ဘၣ်တၢ်လီန့ၢ်အီၤလၢကဟ့ၣ်တၢ်စံးဆၢတမံၤလၢအတတီ ဘၣ်န့ၣ်ဒီး, တၢ်န့ၣ်မ့ၢ်တၢ်လၢယၤ, ယွၤ, လီန့ၢ်အီၤအဃိန့ၣ်လီၤ. ယကသုးကွံာ်အီၤလၢကီၢ်အံၣ်စရ့လးအပှၤဂီၢ်မုၢ်အကျါန့ၣ်လီၤ.

လံာ်ယဃ့းစက့လး 33:6

ပှၤခိးကွၢ်တၢ်မ့ၢ်ထံၣ်ဘၣ်ဒုၣ်ဒါဟဲဝဲနာ်သက့မ့ၢ်တအူထီၣ်ကွဲၤဘၣ်ဒီး ဒုၣ်ဒါကဟဲဒီးမၤသံကွံာ်ပှၤတၢ်ဒဲးဘးဖိတဖၣ်န့ၣ်, ဘၣ်ဆၣ်ယကပာ်မူ ပာ်ဒါပှၤခိးကွၢ်တၢ်ဖိလၢအဝဲသ့ၣ်အတၢ်သံအဃိန့ၣ်လီၤ.

လံာ်ဧၤမိၣ် 7:17

မၤသးဒ်န့ၣ်ဒီးစီၤအမၤစယါဧၢ, ယွၤစံးဘၣ်နၤ, နမါကကဲထီၣ်ဃဲသဲမုၣ်လၢဝ့ၢ်ပူၤ, နဖိတဖၣ် ကသံလၢတၢ်ဒုးအပူၤလီၤ. နထံနကီၢ်ကဘၣ်တၢ်နီၤဖးကွံာ်အီၤဒီး ကဘၣ်တၢ်ဟ့ၣ်လီၤကွံာ်အီၤဆူပှၤဂၤန့ၣ်လီၤ. ဒီးနဲဒၣ်, နကစၢ်ဒၣ်နဲနကသံလၢကီၢ်တကဆှီဘၣ်တဘ့ၣ်အပူၤန့ၣ်လီၤ. ဒီးကီၢ်အံၣ်စရ့လးအပှၤဂီၢ်မုၢ်ကဘၣ်တၢ်စိာ်ထီၣ်ကွံာ်အီၤလၢ အကီၢ်ဒၣ်ဝဲအပူၤဆူတၢ်စိာ်မၢကဲကုၢ်အပူၤသပှၢ်တၢၢ်န့ၣ်လီၤ.

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်သိၣ်လီၤသီလီၤတၢ် 18:20

မ့မ့ၢ်, ဝံတဂၤဂၤကတိၤတၢ်ကစီၣ်တမံၤလၢယမံၤအပူၤမ့ၢ်ဘူၣ် ဝဲ, ဖဲယတမၤလိာ်တ့ၢ်အီၤလၢကမၤဝဲဒ်န့ၣ်ဘၣ်ဒီး, အဝဲကဘၣ်သံ လၢတၢ်န့ၣ်အဃိ, ဒီးဒ်န့ၣ်အသိးဝံတဂၤဂၤလၢအကတိၤတၢ်လၢကစၢ် အဂၤတဖၣ်အမံၤအပူၤန့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.